مرحبا بيكم حنوناتي كاملين خاصة النحيفات
نحن المغبونات خخخخ الي حاجة ما تجي علينا
المهم وحد النهار كنت ندور في الفيس بوك صبت وصفة طبيعية و كانوا عندي الصوالح في الدار قلت و الله نجربها
مولات الوصفة قالت بلي زادت 6 كغ في شهر جربتها و زدت 2 كغ في 10 ايام "يعني قيس ما كملت الوصفة"
و كي شفتها نفعتني عاودت خدمت وحدآ أخرى اليوم و جبتهالكم باش نتوما ثاني تستفادو منها
نحتاجو في الوصفة
علبة مربى التين
كاس جنجلان محمص
كاس زبيب
حلوة الترك
مغرف كبيرة حلبة
نخلطوا المكونات تاعنا في كسرونة و نحطوها على النار حتى تبدا دير في الفقااعات
و مبعد نديروها في علبة و إلى الثلااجة
حنوناتي الوصفة هاذي تاكلوا منها مغرف كبيرة مور القهوة و مغرف كبيرة مور الفطور و مور العشا
تقدروا تزيدو مكسرات لا بغيتوا ولاا chocolat المهم أي حاجة طبيعية تعرفوها تسمن تقدروا تزيدوها
و طعمها بنين بنة الحلبة ما تبااااااااااااانش خلاص خاطر مغرف برك وين يبان طعمها
ان شا الله تجربوها و تستفادوا
نلتقي في موضوع آخر
سلآموو ♥ دعواتكم حنوناتي
ملاحظة : نعتذر من المشرفات تع الركن ما نعرف لا الموضوع هاذا هو القسم المناسب له ولا لا
المرفقات
آخر تعديل بواسطة المشرف:
