صريح / صريحة جـــــــــــــداً على اللمة الجزائرية - العدد الثالث عشر -

[ضآحكة مستبشرة]

السلام عليكم و رحمة الله تعالـــــى و بركاته


كيف أحــــوآلكــــم لبَـآس ؟؟
ان شاء الله ربي يدوم عليكم الصحة والعافية



مرحبــــآ بيكم يآ اعضاء اللمة الكرام في العدد الثالث العاشر من صريح / صريحة جـــــــــــــداً على اللمة

في الاعداد السَــآبقة تعرفنا على ارائـكم و وجهات النظر ديالكم في اكثر من موضوع


موضوعــــــي هذا هو : صريح {صريحـة } جـــداً و هي فكرة مستوحاة من برنامج صريح جدا على قناة النهار

و هو برنامج يسألوا فيه الناس في الشارع حول موضوع معين

حبيت نقبس الفكرة و نعتمدها هنا في المنتدى قصـد التفاعل و التعرف على اراء و وجهات نظر الاعضــاء حول مواضيع مختلفة


فكرة الموضوع :



و في كل يوميــــن رح نحط سؤال واحد موجه للشباب و الآخر للبنـــات​

و على كل عضوة و عضوة الاجابة على الاسئلة كل واحد كيفاش يحب بطابع فكاهي و لا سيريو هههه ولآ نقاشي دبروا روسـكم​

و التعرف على رأي الشاب و الشآبة باش نعرفوا العقليات الجزائرية في شحال من موضوع



و سؤآل العدد الثالث العاشر موجه لكلا الفئتين و هو :​

وآش رايكم في الشواطئ الجزائرية من كل النواحي خاصة التبرج و السياحة ؟؟​

( قالولي معظم المواضيع تحكي على الزواج نقوللكم بلي المواضيع مقتبسة من الحصة الأصلية ماشي انا لي نخيرها )​

​

الموضوع رح ندير فيه بزاف مواضيع نشوف رايكم فيها و علبالي رح يكون فيه قصف تام من كلا الطرفين​

ياو غير بشوية متقطعوش في بعضاكم بزاف ندي ذنوبكـــــــــم​

في أمـــــــــــــــان الله​

اتمنى ان ينال الموضوع اعجابكم​

​

ملآحظة :​

ممنوع الدردشة رجآءا المواضيع للنقاش ماشي للدردشة​

لازم تحتارموا القوانين ولا الموضوع يغلق​

​

 

[زهرة اللمة]

السلام عليكم
ان شاء الله احوالكم بخير
بالنسبة ليا انا مابقات حشمة في الشواطئ تاعنا الا من رحم ربي
انا وحدة من الناس مارجعتش نقدر نروح مع لافامي
و بالنسبة للسياحة وين تروح تلقى الوسخ و ماكان لا تنظيم و لا هم يحزنون
بصح هذا مايعنيش ماكانش بلايص تلقى فيهم الحشمة و الراحة
و نحكيلك العام لي فات روحنا و شفنا وحد المشاهد
من هذااك النهار بابا قالنا انسوا البحر

 

[ضآحكة مستبشرة]

السلام عليكم
ان شاء الله احوالكم بخير
بالنسبة ليا انا مابقات حشمة في الشواطئ تاعنا الا من رحم ربي
انا وحدة من الناس مارجعتش نقدر نروح مع لافامي
و بالنسبة للسياحة وين تروح تلقى الوسخ و ماكان لا تنظيم و لا هم يحزنون
بصح هذا مايعنيش ماكانش بلايص تلقى فيهم الحشمة و الراحة
و نحكيلك العام لي فات روحنا و شفنا وحد المشاهد
من هذااك النهار بابا قالنا انسوا البحر

و عليكم السلام
الحمد لله لباس السوال عليك حبيبتي ؟؟
و الله عندك الحق مبقاتش حشمة و مستحيل تقدري تروحي مع الدار للبحر
حنا من 2011 مزدناش شفنا البحر مع بابا قالنا كبرتو يدي غير خويا معاه
و من ناحية التنظيم حدث ولا حرج
ربي يهديهم ياكلو في الدراهم لي في وقت باش يحسنو بيهم الاوضاع قاعدين يبذرو فيهم الفوق والتحت
شكرا على المرور العطر حنونتي
نورتي ^^​

 

[Malika Tlm]

السلام عليكم
واش راكي حبوبتي والعايلة
البحر وما اروع البحر مي فالصيف نتوحشووووو
اه يا ختي وين راها الحشمة وين ماتت وكلاها بوبي ههههه
والمصيبة يلا زعما جيتي تنهي المنكر تقوليلها حرام عليك تقولك نتي حابسة مساكن والله العظيم يغيضوني ربي يهدينا ويهديهم
والكارتة الكبري انو راهم يقولو يوم7اوت كاين يوم للعوم وبدون ملابس في شاطئ بدون دكر اسموا لي شافوا راهم عارفين وين وهدا لي خلاني انفجر غضبا
بالله عليكم هذي هي امة محمد صلي الله عليه وسلم هدي من جهة التبرج
.اما من ناحية التنظيم منيش نروح باش نعرف ولكن حسب مايحكيولي لي راحوا كاين تحسن نوعا ما الا المشكل انهم يغليو الاسعالر علي المصطافين
الله يهديهم
ربي يجيبلنا ساعة خير يارب يارب
مشكورة حبيبتي

 

[ضآحكة مستبشرة]

السلام عليكم
واش راكي حبوبتي والعايلة
البحر وما اروع البحر مي فالصيف نتوحشووووو
اه يا ختي وين راها الحشمة وين ماتت وكلاها بوبي ههههه
والمصيبة يلا زعما جيتي تنهي المنكر تقوليلها حرام عليك تقولك نتي حابسة مساكن والله العظيم يغيضوني ربي يهدينا ويهديهم
والكارتة الكبري انو راهم يقولو يوم7اوت كاين يوم للعوم وبدون ملابس في شاطئ بدون دكر اسموا لي شافوا راهم عارفين وين وهدا لي خلاني انفجر غضبا
بالله عليكم هذي هي امة محمد صلي الله عليه وسلم هدي من جهة التبرج
.اما من ناحية التنظيم منيش نروح باش نعرف ولكن حسب مايحكيولي لي راحوا كاين تحسن نوعا ما الا المشكل انهم يغليو الاسعالر علي المصطافين
الله يهديهم
ربي يجيبلنا ساعة خير يارب يارب
مشكورة حبيبتي

و عليكم السلام
الحمد لله لباس يسال عليك الخير

ههههه ياك راه غير حذاك اضربي دورة في الليل كي يروحوا هذوك الاشكال

بون والله يا ختيتو غير وآش قلتي صح مبقاتش حشمة و زيد كي تحكي معاهم ولا تنصحيهم يردوك أنتي الغالطة خاطرش هوما راهم مقتانعين بهذا الشي لي يديرو فيه
حرمو علينا البحر ربي يهديهم بسبابهم ولات عيب كبير تذكر حتى كلمة البحر
و سمعت بيها تاع 7 ماي حسبي الله ونعم الوكيل في بجاية من مهرجان العجب تاع الالوان لي داروه العام لي فات ولي صرا فيه غير .... حبو يزيدو يعومو ..... تبا وقح لي دار هاذي الفكرة
بصح حنا نقولو اللهم أعز الإسلام و المسلمين
و من ناحية السياحة مام انا مرانيش نروح ههههه شبعوهم غير خلايع قرعة ما ب 10 ميل خلات هههههه تقوشي شواطئ هاواي

شكرا لك على المرور الطيب حبيبتي
نورتي​

 

[ميشا دلوعة اللمة]

الجزائر تفتقر الى سياحة ...أما فيما يخص التبرج والعري هذا يعود إلى العائلات الجزائرية ....والحقيقة هناك شواطئ محترمة

 

[lahcine]

وآش رايكم في الشواطئ الجزائرية من كل النواحي خاصة التبرج و السياحة ؟؟
كوارث أنا وحدي ونحشم نفوت من ثم
عري فاضح بزعم التحظر
هذي 80% من الشواطئ اذا كنا متفائلين
ربي يصبر الي يسكنو عند البحر (نحكي على الرجال وليس الي فيهم ديووثة)

 

[السلطانة]

وعليكم السلام ورحمة الله وبركاته
الشواطئ الجزايرية خاصتها النظافة
وخاصها الشعب يكون واعي لأنو الشعب بعد لي يوسخ
ياكل ويطيش ماكلتو وحوايجو نلقاو البوبال طافية فوق الما
وفي الرمل ميقدرش يجمعها في صاشي نو يطيشها في كل مكان
ثانيا اللباس غير المحترم والاشخاص لي ماش محترمين لي يديرو تصرفات غير محترمة ويعكرو جو التحويسة
مع ذلك كاين شواطئ محترمة وربي يهدي من خلق
تقبلي مروري

 

[aljentel]

سيبقى البحر جميلا والتسدح والتبطح على شواطئه اكثر جمالا
ولن يضر البحر حوسة الطائشين لانه دائما الباقيات الصالحات

 

[آمِيْرَتُه]

السلام عليك
اهلا ان شاء الله تكوني بخير
منكذبش عليك البحر نروحله في سبتمبر كي ناس تشور لديارهم وشامي شامي وبغدادي بغدادي وكون نروح مثلا في اوت و لا جويلية منبحرش وين نسكن
نروح لاي بلاصة قريبة كيما تموشنت ومستغانيم باسكو وين نسكن خطرة تلاقينا بجارنا وهذا الجار مقادراته ولينا نشوفو ناس تعوم كيما قال الشيخ شمس الدين بالقطعتين التبهدايل والكشفة
مبقا بحر مبقا صيف مبقات عطلة بهدلو بينا وكنت حاسبة غير عندنا هاك مي العام لي فات بحرت في الشرق نفس الحكاية لعايشينها جاين من هاك وهاك ودايرين رايهم الله يهدي ماخلق
وعلى الوسخ كارثة مكان لا سياحة لا جد السياحة ياكلو ويقيسو هذو قشور دلاع هذو لي كوش حاشاك كوارث بالجملة

 

[يزيد 05]

كشما خلاو شواطئ خمجوهم كامل الناس لي ماعندها لا غيره لا حشمه
ولي حاب يدي عايلتو تحوس كاين اماكن اخرى ماشي شرط الشواطئ

 

[Only me]

السلام

 

[Only me]

السلام عليكم حبيبتي
ان شاء الله تكوني بخير
بالنسبة لموضوع الشواطئ الجزائرية انا نقول انو الشاطئ شاطئ في الجزائر والا في بلد آخر لكن اللي يصنع الفرق هم رواد الشاطئ ادا كانو ناس محترمين الشاطئ يكون محترم والعكس.
ولعل الميكل يكمن في الثقافة السياحية لدى المواطنين واللي نشوفها انا مكاني خلاص،، الشاطئ مهوش مكان للتعري والانحطاط الاخلاق هو مكان للاستجمام والترويح عن النفس ،، للتأمل والراحة النفسية ، وماننساوش فوائد مياه البحر للصحة لكن ربي عمرو ماقال الشي هدا لي راه صاري،، الراجل اصبح يتباهى بمرتو في الشط والا ببنتو ،، حرقو رواحم وحرمونا من نعمة البحر والله ولينا مانروحوش غير على جال التبهدايل هتدوك.

 

[Princess nour]

مابقات حشمة في هادو الشواطىء الناس مولتش تحشم والله وليت نكره مين نروح للبحر و نشوف هادي مناظر مع العايلة و نقولكم حل شباب بزاف رانا نديروه حنا عايلتنا نروح للبحر بكري على 6 نتاع صباح منلقو حتى واحد والله العظيم تحسي روحك غاية و كي تجي 10 و الناس تبدا تجي احنا نشور حنا دايمن نديرو هاك ههه و هادي نتاع 7 ماي والله غير خلعت كي قريتها

 

[Princess nour]

تحياتي

 

[{هِشام}]

~

وعليكم السلام ورحمة الله

موضوع جميل وسؤال في محلّه

مع العائلة نعقل في صغري رحنا، مرة برك ولا مرتين، وخويا الكبير كان متكفّل يدبّر الشاطئ، رحنا بلايص محترمين.

أما كي كبرت ضروك، نروح مع صحابي والحمد لله كامل ملتزمين، نروحوا لمستغانم، شاطئ الشعايبية عنده 3 دخلات، الوسطانية جاية حفرة يروحوا لها غير "السلفية" كيما يسموهم

رحت لها كذا مرة، والحمد لله نقية، ومكانش مناظر تخدش الحياء .. السنة رجعت ثما ثاني، طلينا من الفوق قبل ما ندخلوا، لقينا بلي احتلوها الكاسيات العاريات، كمّلنا للدخلة الثالثة

ومن حسن حظنا والحمد لله، كي جبدنا على جيهة لقينا بلاص فارغ كبير، واللي جاو حذانا شباب ملتزم ثاني، وفات النهار شباب وعاش الجميع في سعادة وهناء ههههه

~

وفي الخرجات، أحسن مكان شفته جيجل، الما نقي، الشط نقي والناس محترمين.

ونصيحتي، دايما، اجبد على الغاشي إذا لقيت البلاص، تبقى مهنّي في بالك.

~

أنا ما نسكنش حذا البحر لذا سؤالي للناس اللي ساكنة قريبة منه، ولا اللي يدوروا للشواطئ بزاف، دلونا على شواطئ محترمة حسب معرفتكم.

​

 

[MAROUA HAIBER]

سلام أسووومة بصراحة عجبني موضوعك بززاف بسك في حياتنا لازم تكون نقاشات باش نتوصلوا لحلول و نتوعاو شويا
بصفة عامة بلادنا كاملة مش صالحة مش غير الشواطئ يعني في كل المجالات في التعليم في السياحة في الاقتصاد فكلش و كن جات غير الشواطئ مشكل في بلادنا ساهل الحل يجي من السلطات بوضع قوانين محددة
ولكن المشاكل الأخرى هي اللي أثرت على السياحة وبالتالي راه كلش مخلط وخلي البير بغطاه ههه

 

[زاد الرحيل]

رحت البحر لقيته قلة حياء و قلة ادب و ديوثة للرجل و سخط رب العالمين ،هربت و رحت لجيجل عائلية و محترمة و الكل بالحجاب ما ماشاء الله

 

[prince of love]

وآش رايكم في الشواطئ الجزائرية من كل النواحي خاصة التبرج و السياحة ؟؟
للأسف الجزائر لا تملك شيئا اسمه السياحة
- التبرج : حدث ولا حرج لدرجة الواحد رجع ما يروحش مع لافامي و رجعنا نهربو نعومو في ليروشي و للأسف الحالة من السىء الى الأسوء .. فيقو يا آبـاء ويا أمهآت و يـآ إخوة و الظاهرة هادي من الجنسين في 2
- السياحة : الشىء لي يغيضني انو الجزائر تزخر بمناطق سياحية ولا أروع لكن لا يوجد استثمار فيها ولا حياة لمن تنادي لبلاصة لي تروح ليها تصيب اول الحاجة الباركينغ و الحقرة و السرقة و لا احترام لا والو ..