حابا نروح لكوكب الزهرة.. شكون يجي معايا

[دعاء الجنات]

السلام عليكم

في هاذي اللحظة الساعة 1 و 41 د.. بصح كاين عباد ماراهومش يرقدو ولا يخلونا نرقدو.. هاذو سكرانين على ما اظن.. وحنا في العمارات تاع حومتنا زعما كانو محافظين بزاف بصح جا وحد الجيل تاع لي فوايو "الله يستر"

علاه يقولك الإنسان أغبى المخلوقات... ايه وأغبى من الحيوانات .. والله كي تشوف جان طول وعرض يشرب ومن بعد يسكر ويبدا يتمهبل ولي جان لوخربن يتمهبلو بيه ويظحكو عليه وهو مش فايق.. هنا تعرف علاش الانسان أحقر المخلوقات

لأنو ربي اعطاه كنز من كنوز الله وهو العقل بصح يروح يشرب -حاشاكوم- ويعطل العقل تاعو وكأنو حاب يقول : راني حاب نولي شويا حيواااان.. يااو الحيوان حاشاه راه خير منك ، على الأقل هو راهو عايش بالفطرة تاعو واحمد ربي لأن الحيوانات ماعندهاش عقل لوكان ياحسرااااا ملي تيراونا من الكرة الأرضية.... على خاطر ماتقبلش بهاذ الذل لي رانا نشوفو فيه. علا هاذا قررت نروح لكوكب الزهرة بااالاك تما مانلقاش هاذ المخلوقات المتعفنة علا خاطر مين تمشي راح ترمي لي فيريس تاعها ونخاف تقيسني...

ايه... واكتاه حرم ربي الخمر ؟ أكثر من 14 قرن بصح لالا.. هاذ المخلوقات حابين يكون "أسفل السافلين" هذا اختيارهم بصح يروحو يبعدونا.. ماشي مايخلوناش نرقدو بالهبال تاعهوم..

ربي يهدينا... هكذا وتقولو وعلاه هاذي السخانة والحمان!​

 

[شيماء05]

موضوع رائع
ويستحق النقاش لي العودة
إن شاء الله​

 

[Malika Tlm]

السلام عليكم
يا اختي انا نروح معاك صح بلاك نرتاحوا من عباد كيما هادو
وكان تشوفي في حومتنا تحسبي راكي مع بقر كي الناس تروح ترقد هوما يهبلوا الله يستر وربي يهديهم
الغنا التصفاق والعياط وووووووووو والله نقول سبحان الله هاذوا حيوانات
ويلا فات سكران مسكين يديروا بيه حلقة وهو ربي يهديه رايح فيها وهوما دايرينوا سينيما
عباد يا لطيف منهم
ربي يهديهم ويبعد بلاهم علينا يارب
ايا نهار تقرري تروحي علمني
تحياتي اختي

 

[يزيد 05]

جيل فاسد والاسباب كثيره وليسوا وحدهم الملامين
الله يهديهم

 

[aljentel]

اينما تذهبي شتجدي من تلك النوعيه الكثير
لكن في التطنيش سلوى ...

 

[فيتامين سي]

 

[فيتامين سي]

انا نحكيلك كنا ساكنين في حي نقي كالم بزاف حتى كان كي يجي عندنا كاش واحد يقوللنا كفاش راكم عايشين سكات الاحترام
كنا في هذيك الطريق نص من تلمسان و نص من القبايل و زوج من بشار تقدري تقولي باينين حنا في حنا طريق نقية احباب في الشدة تلقيهم و في الايام العادية كل واحد في داره قاعد في حدو
كتب ربي و رحلنا لبلاصة بعيدة الفوضى الكلام الساقط .رمضان كل يوم نص ساعة قبل المغرب جارنا يسب الدين و يسب القران و واحد الكلام يوجع القلب رجعنا 24 ساعة قران المشكلة في غلفتنا نسمعهوهم تقول معانا
و ياذن المغرب كي نتلمو يبدا الكلام و يزيد بسيف عليك تجهدي القران بزااف باش منتفركتوش
قيس الوحدة الزوج الثلاتة تاع الليل ينوض يسب
الدخان كي يكونو يدخنو برا ال ........ يلي في بالي و بالك الدار تتغم حتى خفت نرجعو مدمنين بسبتهم رجعنا نديرو قران عند الباب باش نفركتوهم من جهتنا برك بلاك يحشمو و هكداك و والو لي ميخافش ربي خافو
الامان مكانش الاحترام مكانش
في بلاصة صغيرة وين نسكن كاين اكثر من 10 مقاهي و هذا يبينلك انحطاط القوم لي عايشة معاهم و هي وحدة تكفي و تزيد و يضبو فيهم
غض البصر والو تفوتي يبحلقو فيك لا احترام لا تربية
كنت قبل كي نطلع في الtram ولا اي bus الرجال في جهة النسا في جهة ولا طلعتي لقيتي كل راجل في جهة ينوضولك ولا تحكي معاهم تقوليله حبيت نقعد هنا انا وين ساكنين لا مييغوش على الانحطاط لي فيهم و يزيدو
و يزيد يشوفو فينا بنضرة بلي حنا متكبرين اما حنى فقط مقدرناش نتعايشو معاهم ولا نحملوهم فات عام و والو كل يوم نزيدو نكرهو يقعدو الشباب المبهدل عند باب الدار و كي تجي داخلة ميبعدوش بلا احترام لحرمة الدار
مرة طالعة مع ختي و هما عند باب الدار حتى خرج بابا نوضهم قاللهم هذي دار و في الاول جاو ينطقو من بعد راحو كل يوم نوضو بعدوني يا سيدي
عقلية ماشي تاع بشر لا غيرة على اهلهم ولا احترام اهل الناس و الجمعة وفت الصلاة يديرلك الغنا برا و الدخان
قد ما نكرهم متتصوريش
دايما نحس روحي غريبة بينهم
و غير تبتسمي يداصروك يخص دايما مشنفة و مطلعة حواجبك اذا قالوك
لا يحترمو شيخ ولا طفل
عقلهم خشين مليار تحسي عندهم البصل معفن ماشي عقل
و امهاتهم كل وحدة تقولك ولدي مليح و الاباء معندهم وجود الدياثة فيهم دايرة ضل قد ما نحكيلكم قليل
ربي يخرجنا منا بالرحمة

 

[يزيد 05]

انا نحكيلك كنا ساكنين في حي نقي كالم بزاف حتى كان كي يجي عندنا كاش واحد يقوللنا كفاش راكم عايشين سكات الاحترام
كنا في هذيك الطريق نص من تلمسان و نص من القبايل و زوج من بشار تقدري تقولي باينين حنا في حنا طريق نقية احباب في الشدة تلقيهم و في الايام العادية كل واحد في داره قاعد في حدو
كتب ربي و رحلنا لبلاصة بعيدة الفوضى الكلام الساقط .رمضان كل يوم نص ساعة قبل المغرب جارنا يسب الدين و يسب القران و واحد الكلام يوجع القلب رجعنا 24 ساعة قران المشكلة في غلفتنا نسمعهوهم تقول معانا
و ياذن المغرب كي نتلمو يبدا الكلام و يزيد بسيف عليك تجهدي القران بزااف باش منتفركتوش
قيس الوحدة الزوج الثلاتة تاع الليل ينوض يسب
الدخان كي يكونو يدخنو برا ال ........ يلي في بالي و بالك الدار تتغم حتى خفت نرجعو مدمنين بسبتهم رجعنا نديرو قران عند الباب باش نفركتوهم من جهتنا برك بلاك يحشمو و هكداك و والو لي ميخافش ربي خافو
الامان مكانش الاحترام مكانش
في بلاصة صغيرة وين نسكن كاين اكثر من 10 مقاهي و هذا يبينلك انحطاط القوم لي عايشة معاهم و هي وحدة تكفي و تزيد و يضبو فيهم
غض البصر والو تفوتي يبحلقو فيك لا احترام لا تربية
كنت قبل كي نطلع في الtram ولا اي bus الرجال في جهة النسا في جهة ولا طلعتي لقيتي كل راجل في جهة ينوضولك ولا تحكي معاهم تقوليله حبيت نقعد هنا انا وين ساكنين لا مييغوش على الانحطاط لي فيهم و يزيدو
و يزيد يشوفو فينا بنضرة بلي حنا متكبرين اما حنى فقط مقدرناش نتعايشو معاهم ولا نحملوهم فات عام و والو كل يوم نزيدو نكرهو يقعدو الشباب المبهدل عند باب الدار و كي تجي داخلة ميبعدوش بلا احترام لحرمة الدار
مرة طالعة مع ختي و هما عند باب الدار حتى خرج بابا نوضهم قاللهم هذي دار و في الاول جاو ينطقو من بعد راحو كل يوم نوضو بعدوني يا سيدي
عقلية ماشي تاع بشر لا غيرة على اهلهم ولا احترام اهل الناس و الجمعة وفت الصلاة يديرلك الغنا برا و الدخان
قد ما نكرهم متتصوريش
دايما نحس روحي غريبة بينهم
و غير تبتسمي يداصروك يخص دايما مشنفة و مطلعة حواجبك اذا قالوك
لا يحترمو شيخ ولا طفل
عقلهم خشين مليار تحسي عندهم البصل معفن ماشي عقل
و امهاتهم كل وحدة تقولك ولدي مليح و الاباء معندهم وجود الدياثة فيهم دايرة ضل قد ما نحكيلكم قليل
ربي يخرجنا منا بالرحمة

بلاصه كيما هذي كون راكم رحلتو منها تتهناو
واش من معيشه راكم حاملينها مع هكذا بشر ربي يعينكم

 

[فيتامين سي]

بلاصه كيما هذي كون راكم رحلتو منها تتهناو
واش من معيشه راكم حاملينها مع هكذا بشر ربي يعينكم

الظروف الله غالب ماشي بيدينا
باش نبيعو يخص نشرو درناها وقت فات للبيع باش نرجعو على الاقل من جهة وين كنا بصح مجابتلناش
درك رانا نبنو فيها و مغمضين عينينا نخاف غير على خاوتي من الناس لي متخافش ربي
هنا هنا مزالنا برانيين الحمد لله قاعدين في حدنا غير يقيلونا و شويا احترام برك
بابا دايما يقول لوكان عندي منبقاش دقيقة هنا و نزيد نخرج من وهران كومبلي
جهة البحر دايما تلقاها ضايعة و هنا كثر
تلقا واحد مليح في 100 لا وين يبان المليح
يبيعو الممنوعات عند الباب باش نشكو نحصلو معاهم و الدرك غير حدانا و والو تقدر تقول هما في هما
تمشي متر قهوة نص متر فهوة صباح و عشيا فيهم
و تلقاهم قاعدين في كل جهة
عقلهم جاي هكدا متفدرش تشرحلهم ولا تحكي معاهم مجايينش ناس لي تقول جار تأمنو على دارك في غيابك ولا جار تلقاه في الشدة والو ..البقعة السوداء
اللهم امين
اذا ربي كتب و خرجنا منا علاش لا كل يوم نزيد نكرها و دارنا من 10 سنين غير سكنا من عام برك و شفتا العجب

 

[prince-f]

السلام عليكم

في هاذي اللحظة الساعة 1 و 41 د.. بصح كاين عباد ماراهومش يرقدو ولا يخلونا نرقدو.. هاذو سكرانين على ما اظن.. وحنا في العمارات تاع حومتنا زعما كانو محافظين بزاف بصح جا وحد الجيل تاع لي فوايو "الله يستر"

علاه يقولك الإنسان أغبى المخلوقات... ايه وأغبى من الحيوانات .. والله كي تشوف جان طول وعرض يشرب ومن بعد يسكر ويبدا يتمهبل ولي جان لوخربن يتمهبلو بيه ويظحكو عليه وهو مش فايق.. هنا تعرف علاش الانسان أحقر المخلوقات

لأنو ربي اعطاه كنز من كنوز الله وهو العقل بصح يروح يشرب -حاشاكوم- ويعطل العقل تاعو وكأنو حاب يقول : راني حاب نولي شويا حيواااان.. يااو الحيوان حاشاه راه خير منك ، على الأقل هو راهو عايش بالفطرة تاعو واحمد ربي لأن الحيوانات ماعندهاش عقل لوكان ياحسرااااا ملي تيراونا من الكرة الأرضية.... على خاطر ماتقبلش بهاذ الذل لي رانا نشوفو فيه. علا هاذا قررت نروح لكوكب الزهرة بااالاك تما مانلقاش هاذ المخلوقات المتعفنة علا خاطر مين تمشي راح ترمي لي فيريس تاعها ونخاف تقيسني...

ايه... واكتاه حرم ربي الخمر ؟ أكثر من 14 قرن بصح لالا.. هاذ المخلوقات حابين يكون "أسفل السافلين" هذا اختيارهم بصح يروحو يبعدونا.. ماشي مايخلوناش نرقدو بالهبال تاعهوم..

ربي يهدينا... هكذا وتقولو وعلاه هاذي السخانة والحمان!​

صادقه سخانه و زادها غبار من افعال وش اسمهم هادو .. اغبياء .. ظاهره منتشره ولي يعمل هكا كامل تلقاااااااااوه فقير .. بالعقل ...
وشي راجع لاهل عمارات تماك عدكم دام يخافو او راضيين ب هاد شي وميتكلموش رااااااااااكم ملاح مالا ماش يعملوولكم ف حوايج اخري
وربي يهديهم ويهدينا معاهم