ورود للتزيين ادخلي ياطفلة

[السلطانة]

السلام عليكم ورحمة الله وبركاته

واش راكم حبيباتي ؟

مازالكم مع البحر والتحواس

ان شاءالله الجميع بألف خير

جبتلكم فكرة للتزيين حلوة تصلح لشحال من حاجة
مثلا: تزيني بيها غرفتك او الصالون والكولوار أو الخزانة
او جهاز عرسك
تقدري تنوعي فيها وتتحصلي على شحال من حاجة

يعني تصلح للعازبة والمتزوجة والمختشوبة

تخدمي بواسطة الطراشن أو مناديل الورق ورود وتثبتيها على كارتون وتزينيها بالشكل لي تحبي
وتلصقي بالمسدس

ساهلة ماهلة

أو تخليهم وردات وتعمري بيهم سلة تزيني بيها كيما هك

الفيديو من هنا :للي حابة تخدم وتبدل لوك دارها
ماعليها غير تدخل الفيديو

To view this content we will need your consent to set third party cookies.
For more detailed information, see our cookies page.

قبول ملفات تعريف الإرتباط للطرف الثالث

ولي تدخل تسلخ لايك وترد
مكنلاه تحشموني بالجماجيم برك معندي مندير بيهم هههه
الصح في الردود والتفاعل
هيا دمتمن بخير حبيباتي




​

 

[❤️كلي أمل❤️]

السلام عليكم
فكرة رائعة ولله اختي ام ياسمين
عندي افكار اخرى راح نجيبهملكم ان شاء الله ادعولي نبدل تليفون برك هههههههه

 

[Only me]

بارك الله فيك والله فكرة جديدة وهايلة

 

[آمِيْرَتُه]

اهلا شوشو
شفت داك النهار الفيديو وطبقت الفكرة زينت بيها القسم نتاعي جا شباب بزاف
حتى انت ابدعتي في الفكرة يعطيك الصحة

 

[ضآحكة مستبشرة]

السلام عليكم
شكرا لك حبيبتي يعطيك الصحة خرجة حاجة بالطبع
إن شاء الله نجربوها

 

[ريحـان]

ما شاء الله الورود جميلة
جدا و فكرة التزين رائعة

 

[zohor kfz]

kont choftha man 9bal w 3ajboni ... sahlin w f elnadra chabiiiiiin
ya3tiki assa7aaaaaaaaa

 

[{مُدَلَّلَتُهُ}]

السلام عليكم

و الله الفكرة هايلة عجبتني بزاف خممت نزين بيها جهازي و زيد فكرتني أميرته بورشتي المهجورة ان شا الله حتى هي نزينها هاد العام ♥ و سأستعين بهاد الفكرة

يسلموو ربي يخليك حنونتي​

 

[طموحة]

السلام عليك
واو فكرةهايلة و ساهلة
شكرا على الافادة
ان شاء الله نسييها​

 

[LINA LOLO]

الله يبارك فكرة هاااايلة عجبتني بزاااف
الله يخليك حنونة يعطيك الصحة

 

[cosette]

السلام عليكم

يعطيك العافية اختي