تجربة مع كريمة معالجة للبقع الداكنة البنية venus

[آمِيْرَتُه]

السلام عليكم ورحمة الله تعالى و بركاته

​

​

كي راكم الشيرات راكم gاع راgدين
هيا شوية نشاط
المهم جبت كريمة ' venus 'Anti_Taches تعالج البقع الداكنة البنية خاصة هذيك
لتجي مور الحمل

لحد الآن عجبتني تقدروا ديروها صباح و في المساء على بشرة نظيفة

ملاحظة : هذي مجرد تجربة كي ماتنجحلكش متحصلوش فيا هههه
سعره مابين 50 ألف إلى 60 ألف ​

 

[ضآحكة مستبشرة]

شكرا لك اختي على الموضوع المفيد
يعطيك الصحة

 

[❤️كلي أمل❤️]

يعطيك الصحة اختي
أنا مانحبش نخلط في وجهي بصح راح ننصح بيها لبنات لي يحتاجوها ههههه
مشكوووورة حبيبتي

 

[زهرة اللمة]

السلام عليكم
يعطيك الصحة
ماما من الناس لي تعاني من هذي البقع و جربت اكثر من كريمة و ماكان والو
ان شاء الله رايحة نقولها و نخبرك
بارك الله فيك

 

[آمِيْرَتُه]

شكرا على المرور حبيبتي

 

[{مُدَلَّلَتُهُ}]

السلام عليكم

يعطيك الصحة أمينة نجربها ان شا الله لبقع حب الشباب ان شا الله تنفع برك

يسلمو​

 

[السلطانة]

وعليكم السلام
نجربها ان شاءالله كي نعود بالحمل مرة أخرى
يعطيك الصحة منمن

 

[Soumia hadj mohammed]

وعليك السلام ورحمة الله وبركاته
راني سي با صا
مليح كي نجحتلك
رب يسعدك ويحفظلك زوجك وأولادك
بارك الله فيك على المشاركة

 

[آمِيْرَتُه]

شكرا على المرور
انا عطيت الحمل كمثال برك مرات تجي لي تاش في الوجه ممكن حب الشباب يخلي لي تاش كي يروح و لا كاش حبة وغيرها
تقدر حتى العزبة تجربها عادي

 

[Soumia hadj mohammed]

سلام عليكم وهرن
باغي نسقسيك اسكو تغسلي وجهك بالصابون قبل ما ديريه
ولوكان نديره ونخرج برا فالصباح ومع شمس ، نورمالمو خطر ،نتي جربتيه صباح وتعرضت للشمس ؟ نلقاه عند كوسميتيك ولا فاغماسي؟