حياتنا بسيطة و حياتهم معقدة

[الأزرق الملكي]

السلام عليكم ورحمة الله

ونحن في فصل الأفراح حبيت ندير مقارنة بين البنت و الشاب كيفاه يكونوا قبل عرسهم لكن هذا لا ينطبق على الجميع ...

البنت كما تتخطب تصبغ شعرها صفر تبدل لابيس تعها وتعادي كامل صحابتها ومنين يلقاوها يسقسوها واش أحولكم تقولهم الحمد لله أنا وخاتيبي

وتلعب باليد لي فيها الخاتشم من أجل الردع وفي قلبها موتو بالغيرة يابايرات و تزيد تسيوبريمي كامل الذكورة لعندها في الفيسبوك خاطر موسم

الإصطياد إنتهي وعندما تتعقد تحط تصويرة تاع بروفيلها زوج خواتم و يدين حاكمين في بعضاهم وتسمي نفسها زوجي كل حياتي وتبقى

تبارتاجي أدعية و صور ثقف نفسك و طبخ أم وليد وتزيد تحوس على الرجيم و وتدخل إلى صفحات الفيتناس باه تولي رشيقة وتدهن روحا

بجميع أنواع البومطات كاشما تولي بيضا و يتنحى الحب والبقع السوداء لي فيها وبلا ماننساو الشورة هذيك هي راس الفايدة تشري عشر قنادر

بكل الألوان و عشرين صباط وبلا لقرابش لوخرين حتى تعمر البيت بحوايجها تقول رايحة للهند وعندما يقترب العرس تكري لاغوب بلونش

وتكتب وجهتي إلى بيت زوجي وبعدها تختفي ثم تعود بعد شهر من العسل ليصبح بعدها بصل تدخل إلى قروب عجوزتي و سلافاتي ما داور فيا

وتبدا تمنشر وتكتب حسب الله ونعم الوكيل فيهم الله لا تربح عجوزتي وتزيد تحرش زوجها وتبدى تعمر فيه باه يكره عايلتوا خوتاتو و أمو نهار

كامل وهي تشكي هذيك تخزر فيا و هذيك مخلاتنيش نسيق يفوت الوقت بهذه الصرعات وبعد عامين تجيب الأولاد تسمي روحها أم إيمان وام

لقمان و أم بالعويدات وتحط تصويرة طفل صغير وبعدها تذهب ملامح الرشاقة إلى الأبد لتصبح شكل هندسي مخروط المعالم ويبدى راجلها يكره ويحوس يبدل

بينما الشاب يخطب في سرية واحد ما يسمع به غير عايلتو حتى يوم الفاتحة يعرض صحابو يجو يباركو ويفرحو معاه ويزيد

يتصورو مع الباتيسري والحاجة لملحية أن مكانش الغيرة والحسد وكما يعقد يبدى لعريس يوجد في روحوا يشري مستلزمات الغرفة والتلفاز

و الأجهزة الكهرومنزلية وبعدها يحكم فندق باه يعدي أيام العسل تاعو وزيد يشوف صالة تاع العرس باه يكريها وكي يقرب العرس يضرب فيها كوستيم

و قبل بأسبوع يبدى يعرض في الأقارب و الجيران و كما يبقى يوم واحد يروح لحمام هو و صحابو يضربوها بتوحيسة يغسلوا عظامهم

ويجو من ذاك غذوا يفرح بيوم زواجوا وبعدما يعدي أيام الورد في البحر هو وزوجته يرجع يكمل حياته بشكل عادي همه الوحيد هو

الجري وراء لقمة عيش إلى أن يأتيه الأولاد وتولي مسؤوليته كبيرة .

واش رايكم كاين منها حياتنا بسيطة و حياتهم معقدة ؟؟؟.

​

 

[لؤلؤة قسنطينة]

السلام عليكم
ههههه انتقاما لبنات جنسي ماكنتش رايحة نعتمد الموضوع غير نضحك
هادا يعتبر إعلان للحرب ولا واش ، يعني صراحة راني مرأة ونستعرف بلي هاد الشي كاين ههههه كاين بنات مراض صح
وبالاك تلقى الراجل عندو اللامبالاة أكتر من المرأة ماش كيما المرأة تدقق في كلشي وتتعقد من كلشي يعني نستعرف بلي صح
بصح المشكل علاه هاد الشي كامل لازم نديرو تحليل راهي مشكلة عويصة هههه، المرأة مسكينة معاشرة المرأة والنساء
واعرات، ماش كيما الراجل معاشر الرجال والرجال خاطيهم التوقاب وخاطيهم التمنشير وخاطيهم السحور هههه عايش هاني
المرأة مسكينة كن تتزوج وتدي شورة شوي قش برك يضحكو عليها سواء من عايلتها وسواء من عايلة الراجل يقولك ماتحقش
لوكان تدي قش بزاف يقولك ملهوفة ولا مدللة ولا لاعبتها، تتزوج يحسدوها مسكينة نهار الحنة تاعها تعس روحها من السحور
كي العسكري في الحدود ههههه واش دير ما يطلقوهاش اذا تخطبت يحسدوها ويخرجو فيها الهدرات واذا ماتزوجتش يقولو بايرة
مسكينة راهي تحارب ترقد بهدرة وتنوض بهدرة، والراجل ينوض بعقلو يروح يشرب قهوة يدير قارو يقعد يحكم الحيط يحب يتزوج
يحب يقعد سيليباتار حياتو كاملة واحد مايسالو عايش لابال في هاد المخلوق ماش كي حالتنا معذبون فوق الارض
المهم بعيدا على المزاح نتكلمو بجدية يعني صراحة يمكن الشي لي قلتو الفوق عندو معنى خاطر المرأة معرضة للانتقاد اكثر من الرجل
يعني هذا أمر مفروغ منو، وعلى هادي تلقاها تتعقد من أي حاجة تديرها في حياتها، ومن جانب آخر كاين بنات مراض صح
لازم تكون عندك ثقة بالنفس وتعيشي بواش ترضاي ماش بواش يرضي الناس، كيما الطبيعة هادي تاع لي تجي تتزوج تصبغ شعرها صفر
واش هاد الطبيعة مع احترامي للجميع، والفوخ والزوخ وهاد العُقد كامل خلقها المجتمع كيما كنت نقول، يمكن صح المرأة تلقى
الضغط عليها أكثر من الرجل من هاد الناحية ولكن هذا مايعنيش بلي غير المرأة لي فيها عيوب، كاين المليح والحاير في كل بلاصة
كاين رجال افضع بالاك المرأة كي تتخطب تبدا تحشم على روحها وتحب تستقيم لكن بالمقابل كاين رجال حتى وهو متزوج مايترباش
يعني تبقى هادي من شخص لشخص، والزواج صح حاجة مليحة وحلم كل شاب وشابة في هاد الدنيا ولكنه ليس دائما مصدر للسعادة
كل واحد واش كتبلو ربي في دنيتو كاين لي تزوجت وعاشت تعيسة وكاين لي ماتزوجتش وعاشت سعيدة، يعني الخاتم والفوخ والزوخ
ماعندو حتى معنى هاديك بكري كي كانت لي تتزوج معناها راهي كاملة من كلشي خاطر ماتجي ترضى عليها عجوزتها وتقبل تديها لولدها
بالسيف أما دركا راهم يتزوجو بالعشرة، 10 بنات في الدار تلقاهم كامل مخطوبات ويديها الراجل برضاية ولا بدون رضاية أهلو
وكاين حاجة تاني نأكد عليها ربما لاحظتها في موضوعك وهو أنو المرأة اليوم عادت يهمها الناس تشوف فرحتها ماش تعيشها هي
مثلا وحدة تخطبت هزي الخاتم واشبعي منو بينك وبين نفسك علاه تنعتي للناس وعلاه تغيري اسمك على الفايس وعلاه وعلاه؟؟؟
يعني في وقتنا الناس ولات عايشة لغيرها ماش لنفسها، المهم لي عندو مثل هاد العقد ربي يهديه ماكانش قد البساطة في حياة الانسان
وماكانش قد لي كي يرزقو ربي بحاجة يزيد يتواضع ويحمد ربي عليها، وفي النهاية المرأة صح معقدة كتر من الراجل بشووووووي ههههه
تحياتي

​

 

[الأزرق الملكي]

السلام عليكم
ههههه انتقاما لبنات جنسي ماكنتش رايحة نعتمد الموضوع غير نضحك
هادا يعتبر إعلان للحرب ولا واش ، يعني صراحة راني مرأة ونستعرف بلي هاد الشي كاين ههههه كاين بنات مراض صح
وبالاك تلقى الراجل عندو اللامبالاة أكتر من المرأة ماش كيما المرأة تدقق في كلشي وتتعقد من كلشي يعني نستعرف بلي صح
بصح المشكل علاه هاد الشي كامل لازم نديرو تحليل راهي مشكلة عويصة هههه، المرأة مسكينة معاشرة المرأة والنساء
واعرات، ماش كيما الراجل معاشر الرجال والرجال خاطيهم التوقاب وخاطيهم التمنشير وخاطيهم السحور هههه عايش هاني
المرأة مسكينة كن تتزوج وتدي شورة شوي قش برك يضحكو عليها سواء من عايلتها وسواء من عايلة الراجل يقولك ماتحقش
لوكان تدي قش بزاف يقولك ملهوفة ولا مدللة ولا لاعبتها، تتزوج يحسدوها مسكينة نهار الحنة تاعها تعس روحها من السحور
كي العسكري في الحدود ههههه واش دير ما يطلقوهاش اذا تخطبت يحسدوها ويخرجو فيها الهدرات واذا ماتزوجتش يقولو بايرة
مسكينة راهي تحارب ترقد بهدرة وتنوض بهدرة، والراجل ينوض بعقلو يروح يشرب قهوة يدير قارو يقعد يحكم الحيط يحب يتزوج
يحب يقعد سيليباتار حياتو كاملة واحد مايسالو عايش لابال في هاد المخلوق ماش كي حالتنا معذبون فوق الارض
المهم بعيدا على المزاح نتكلمو بجدية يعني صراحة يمكن الشي لي قلتو الفوق عندو معنى خاطر المرأة معرضة للانتقاد اكثر من الرجل
يعني هذا أمر مفروغ منو، وعلى هادي تلقاها تتعقد من أي حاجة تديرها في حياتها، ومن جانب آخر كاين بنات مراض صح
لازم تكون عندك ثقة بالنفس وتعيشي بواش ترضاي ماش بواش يرضي الناس، كيما الطبيعة هادي تاع لي تجي تتزوج تصبغ شعرها صفر
واش هاد الطبيعة مع احترامي للجميع، والفوخ والزوخ وهاد العُقد كامل خلقها المجتمع كيما كنت نقول، يمكن صح المرأة تلقى
الضغط عليها أكثر من الرجل من هاد الناحية ولكن هذا مايعنيش بلي غير المرأة لي فيها عيوب، كاين المليح والحاير في كل بلاصة
كاين رجال افضع بالاك المرأة كي تتخطب تبدا تحشم على روحها وتحب تستقيم لكن بالمقابل كاين رجال حتى وهو متزوج مايترباش
يعني تبقى هادي من شخص لشخص، والزواج صح حاجة مليحة وحلم كل شاب وشابة في هاد الدنيا ولكنه ليس دائما مصدر للسعادة
كل واحد واش كتبلو ربي في دنيتو كاين لي تزوجت وعاشت تعيسة وكاين لي ماتزوجتش وعاشت سعيدة، يعني الخاتم والفوخ والزوخ
ماعندو حتى معنى هاديك بكري كي كانت لي تتزوج معناها راهي كاملة من كلشي خاطر ماتجي ترضى عليها عجوزتها وتقبل تديها لولدها
بالسيف أما دركا راهم يتزوجو بالعشرة، 10 بنات في الدار تلقاهم كامل مخطوبات ويديها الراجل برضاية ولا بدون رضاية أهلو
وكاين حاجة تاني نأكد عليها ربما لاحظتها في موضوعك وهو أنو المرأة اليوم عادت يهمها الناس تشوف فرحتها ماش تعيشها هي
مثلا وحدة تخطبت هزي الخاتم واشبعي منو بينك وبين نفسك علاه تنعتي للناس وعلاه تغيري اسمك على الفايس وعلاه وعلاه؟؟؟
يعني في وقتنا الناس ولات عايشة لغيرها ماش لنفسها، المهم لي عندو مثل هاد العقد ربي يهديه ماكانش قد البساطة في حياة الانسان
وماكانش قد لي كي يرزقو ربي بحاجة يزيد يتواضع ويحمد ربي عليها، وفي النهاية المرأة صح معقدة كتر من الراجل بشووووووي ههههه
تحياتي

​

وعليكم السلام

كي استعرفتي بلي كاين منها سما عندي حق خاطر تعرفوا العقلية تاع بعضاكم وماشي قصدي لبنات بكل فيهم وعليهم

بصح الأغلبية راهي مريضة يالفوخان شوفوني اني تزوجت باه تغزل في صحاباتها كاينين حتى ماهمش مخطوبين

وتلقايهم حاطين الخاتم السحري في يدهم باه واحد مايقول أي متخطبتش

أنا نشوف لواحد كي يشهر بحاجة يجيب العين لروحو برك لهذا السترة مليحة كم حنا الرجالة أحم أحم

بصح مااشي كامل كاين رجالة عقليتهم كما النسا من ناحية الفوخان قريب يجيب الشاب خالد يغنيلو في العرس

ويدي لعروسة في الكاليش و البارود هذا بكل باه يسمعو الناس ويقولو ذار عرس مليح عليها راحت البراكة

أما الحسد و الغيرة عند المراة لاحدود له عليها كثر السحر حتى ولاو يسرقو رجالة مزوجين باه

يطلقو نساهم ويزوجو بهم لهذا يقال أن المرأة عدوة المرأة

وبطبيعة الحال اوافق الفتاة كما تجبد روحها لما تتزوج خاطر انتقلت من حياة الطيش إلى حياة المسؤولية

حتى الشاب يجبد روحو من الحياة الطائشة التي كان يعيشها ويهتم بدارو و مرتوا

يعني العقلية لازم تتبدل و العبد كل مايكبر كل ماتنقص علاقته مع الأصدقاء

وهذا شيء بديهي خاطر لمزوج ماشي كما العازب

حقيقة الواقع أن مجتمعنا ذكوري إذا أخطأت الفتاة تقام الدنيا و لاتقعد و إذا أخطأ الشاب عادي

وهذا ماجعل حياة حواء أكثر تعقيدا من ادم

المهم حطيت الموضوع للترفيه برك زيدو تقولو راه يحارب فينا

تسلمي ​

 

[شهيناز بنت بلادها]

ههههههههه نتا ولؤلؤة قلتوا كلش كفيتو ووفيتوا
والله يظحكوني هاد اافئة من نساء
يتخطبوا يولوا يصورو في اليد لي فيها الخاتم وتصبغ شعرها صفر وتولي ماتعرف حتى واحد تحسها مريضة نفسياً
علاه دي شي كامل! مخلوعين كي رح تتزوجوا!
تحير
على كل حال
بارك الله فيك على طرح الموضوع صح يستحق النقاش

 

[الأزرق الملكي]

ههههههههه نتا ولؤلؤة قلتوا كلش كفيتو ووفيتوا
والله يظحكوني هاد اافئة من نساء
يتخطبوا يولوا يصورو في اليد لي فيها الخاتم وتصبغ شعرها صفر وتولي ماتعرف حتى واحد تحسها مريضة نفسياً
علاه دي شي كامل! مخلوعين كي رح تتزوجوا!
تحير
على كل حال
بارك الله فيك على طرح الموضوع صح يستحق النقاش

السلام عليكم

هذو هما المخلوعين كي يشتاقو حاجة ويكسبوها تبانلهم كبيرة ولازمك يفوخو بها قدام الناس

وهو مكاين والو الفايدة في الزوخ أمام العازبات

حب المظاهر جعل مثل هؤلاء الأصناف من الناس يمشون وراء التراهات كي يظهروا أنهم عايشين

وهذا ناتج عن الجهل العميق و الحرمان

عبر التاريخ الزواج هو الزواج لم يتغير فيه شيء و الناس قديما لا ترى أنه شيء عظيم يستحق التفاخر

لانه سهل المنال حتى الفتى و الفتاة المراهقان يتزوجوا عادي

تسلمي ​

 

["viola"]

السلام عليكم ​

خخخخ اولا عجبتني الفوطو تاع كازوها و هيجي هههه هرمنا من اجل هذه اللحظة التاريخية
اما واش قلت فالموضوع هههههه نقدروا نقولوا صح خخخ بدءا من ليماش و تبدل لابيس حتان ام بلعويدات هههههه
سيرتو المرحلة تاع توكل ربي على ام راجلها و خواتاتو خخخ اما قضية التوجاد و الشري و الجهاز هذي من بكري قالك زواج ليلة تدبارو عام و تنطبق عليكم نتم ثان
مهم اذا لهيت راني نديرلكم كونطر اطاك تبانلك بسيطة برك خخخ
مرسي عليك وصف دقيق و كلاش لا يرحم :p
صحيت ^^​

 

[Salah eddin]

السلام عليكم
و الله يا خويا الازرق راك جايبها في الصواب
هههههههههههه
اسيدي هوما حية قاع ... الزهاج يا سيدي .....مش الجهاز راني عارف وش راني نقول
ههه
التبديلات ... الحفافة ... الماكياج .. يا ودي حية و خلاص
و حنا الحمد لله الي جات تعقّب ...و هي فرات
عرضة للجيران و السلام عليكم
....
هههه
بارك الله فيك خويا على الموضوع
ههه​

 

[Princesse Diyor]

السلام عليكم
ههههههههههه و الله صح كاين منها مي مش كامل لبنات
تتاكد برك ان كل حاجة تديرها هاد الفئة وراها سبب
الفتاة بصفة عامة معرضة للانتقاد من الجتمع اكثر من الرجل
اعلنت يقولوا تفوخ و تزوخ
خبت يقولوا مش مليحة و نيتها مش صافية
يعني لازم الطفلة تبين حوايج و تخبي اخرين باش تتاقلم مع هدرة الناس
و انا معاك في انو كاين بنات يبالغوا هاذوك كا سبيسيال تقدر تقول مشتاقين ...
هاذوهوما لبنات مي الاولاد حتى هوما مش ملائكة فوق الارض
كل واحد عندوا سلبيات و ايجابيات
و كل واحد و عقليتو و بلا مننساو المجتمع انتاعنا اللي يتفنن في الانتقاد و حاجة متعجبوا
المهم يعطيك الصحة اخي
بارك الله فيك

 

[الأزرق الملكي]

السلام عليكم
خخخخ اولا عجبتني الفوطو تاع كازوها و هيجي هههه هرمنا من اجل هذه اللحظة التاريخية
اما واش قلت فالموضوع هههههه نقدروا نقولوا صح خخخ بدءا من ليماش و تبدل لابيس حتان ام بلعويدات هههههه
سيرتو المرحلة تاع توكل ربي على ام راجلها و خواتاتو خخخ اما قضية التوجاد و الشري و الجهاز هذي من بكري قالك زواج ليلة تدبارو عام و تنطبق عليكم نتم ثان
مهم اذا لهيت راني نديرلكم كونطر اطاك تبانلك بسيطة برك خخخ
مرسي عليك وصف دقيق و كلاش لا يرحم :p
صحيت ^^​

وعليكم السلام

واه صورة تاريخية دارونا السوسبانس المهم الفايدة في الهنا كما تقولون نتوما ههههه تستعرفوا بلي حياة البنات معقدة على الذكورة

حنا حشيشة طالبة معيشة كلشي ماشي بصح الجنس اللطيف ألاطيف باه تتزوج لازمك دير إشهار و حملة للزوخ و تزويق و

التوسويس حتى بعد سنوات تنجب الدون بلعويدات باه تعرف بلي الزواج مسؤولية ماشي خاتم و لقب كما كانت تحسب

صح الزواج من بكري تدبارو عام بصح درك الزواج تدبارو عوام الراجل باه يلم تكاليف العرس يضيع نص حياتوا ماشي كما

بكري يقفل العشرين يتزوج خاطر كلش باطل وزيد المرا بكري شورة تاعها كابة فيها زوج قنادر دورك المرا تدي معاها حانوت

المهم إذا حبيت تكلاشي الجنس الخشن راني معاك خاطر أنا نوقف مع الحق بدون تميز

صحيتي ​

 

[الأزرق الملكي]

السلام عليكم
و الله يا خويا الازرق راك جايبها في الصواب
هههههههههههه
اسيدي هوما حية قاع ... الزهاج يا سيدي .....مش الجهاز راني عارف وش راني نقول
ههه
التبديلات ... الحفافة ... الماكياج .. يا ودي حية و خلاص
و حنا الحمد لله الي جات تعقّب ...و هي فرات
عرضة للجيران و السلام عليكم
....
هههه
بارك الله فيك خويا على الموضوع
ههه​

وعليكم السلام

راني كلاشيت شوي برك خاطر يغيضوني زيد نقيسلهم في ليسونتيمون ويكرهوني

جيل تاع درك يحيروك تكون في دارها تريح في لرض تغمس بيديها و تاكل منين تروح لدار راجلها تولي تاكل بالموس و الفرشيطة

ومبعد تقول لراجلها حاب داري وحدي وهي كانت ترقد في الحمام عند باباها هههههههه زيد قبل العرس تلون روحها بالماكياج و

الترميم و الكوافير حتى تولي تشبه جيسيكا ألبا وبعد الزواج تبان حقيقة جمالها المصطنع عليها يغشو في الرجالة باه يصيدوهم

لهذا ننصح الشباب كي تحب تشوف زين الطفلة أديها للبحر و غطسها لتم تظهر مستوى جمالها إذا لقيتها باشعة غرقها هههههه

تسلم​

 

[الأزرق الملكي]

السلام عليكم
ههههههههههه و الله صح كاين منها مي مش كامل لبنات
تتاكد برك ان كل حاجة تديرها هاد الفئة وراها سبب
الفتاة بصفة عامة معرضة للانتقاد من الجتمع اكثر من الرجل
اعلنت يقولوا تفوخ و تزوخ
خبت يقولوا مش مليحة و نيتها مش صافية
يعني لازم الطفلة تبين حوايج و تخبي اخرين باش تتاقلم مع هدرة الناس
و انا معاك في انو كاين بنات يبالغوا هاذوك كا سبيسيال تقدر تقول مشتاقين ...
هاذوهوما لبنات مي الاولاد حتى هوما مش ملائكة فوق الارض
كل واحد عندوا سلبيات و ايجابيات
و كل واحد و عقليتو و بلا مننساو المجتمع انتاعنا اللي يتفنن في الانتقاد و حاجة متعجبوا
المهم يعطيك الصحة اخي
بارك الله فيك

وعليكم السلام

اكيد ماشي لبنات بكل كل وحدة و عقليتها

بصح كي عادت البنت تتعرض للإنتقاد تبتعد عن الشبهات ماشي تولي تزوخ على الناس خاطر هذا الطريقة تجلب الحسد و الغيرة

فمشكلتها في الأساس هو حب المظاهر و التفاخر ومن ذاك تروح وين العازبات و تبدى تنشر مغامراتها غاجلي جابلي سلسلة ذهب

غاجلي و أنا رايحين فاكونس للترك و ووو عليها حياتها ولات معقدة يعني عايشة للناس لهذا ما كانش كما البنت البسيطة كما تتزوج

تروح لدار راجلها واحد ماتسمع بيه راضية وحاكمة قدرها .. المفيد وصلنا للوقت الكثير من الناس تشوف في الزواج حاجة عظيمة

او ربما إنجاز وهذا كله بسبب الحرمان الذي يعيشه المجتمع لهذا الأعراس ولات مهرجانات بينما في الغرب الزواج عندهم كما

شربة مي يرحو للكنيسة يلبسوا الخاتم و يكتبو على بعضاهم و مبعد يديرو حفلة صغيرة وتربح يجيك لهنا .

تسلمي ​

 

[Princesse Diyor]

وعليكم السلام

اكيد ماشي لبنات بكل كل وحدة و عقليتها

بصح كي عادت البنت تتعرض للإنتقاد تبتعد عن الشبهات ماشي تولي تزوخ على الناس خاطر هذا الطريقة تجلب الحسد و الغيرة

فمشكلتها في الأساس هو حب المظاهر و التفاخر ومن ذاك تروح وين العازبات و تبدى تنشر مغامراتها غاجلي جابلي سلسلة ذهب

غاجلي و أنا رايحين فاكونس للترك و ووو عليها حياتها ولات معقدة يعني عايشة للناس لهذا ما كانش كما البنت البسيطة كما تتزوج

تروح لدار راجلها واحد ماتسمع بيه راضية وحاكمة قدرها .. المفيد وصلنا للوقت الكثير من الناس تشوف في الزواج حاجة عظيمة

او ربما إنجاز وهذا كله بسبب الحرمان الذي يعيشه المجتمع لهذا الأعراس ولات مهرجانات بينما في الغرب الزواج عندهم كما

شربة مي يرحو للكنيسة يلبسوا الخاتم و يكتبو على بعضاهم و مبعد يديرو حفلة صغيرة وتربح يجيك لهنا .

تسلمي ​

وي عندك الحق
مي من الاخر هاذوهوما لبنات:p
(جابلي ربي قلبك معمر منا هههههههههههه)

 

[زاد الرحيل]

و عليكم السلام و رحمة الله و بركاته

ضحكني أخي موضوعك بزاف ، لانو واقعي و صحيح 100٪ ، و الرجال قوامون على النساء في كل شيء ، فإنتظر حرب شرسة منهن .

 

[Malika Tlm]

السلام عليكم
واش نقولك جبتها فالصواب ههههههههه
مشكور اخي

 

[الأزرق الملكي]

وي عندك الحق
مي من الاخر هاذوهوما لبنات:p
(جابلي ربي قلبك معمر منا هههههههههههه)

سلّمتم إذن لأرض الواقع ههههه

لا ماشي قضية قلبي معمر علاه واش دارولوا بل هو تنوير للرأي العام

تسلمي​

 

[الأزرق الملكي]

و عليكم السلام و رحمة الله و بركاته

ضحكني أخي موضوعك بزاف ، لانو واقعي و صحيح 100٪ ، و الرجال قوامون على النساء في كل شيء ، فإنتظر حرب شرسة منهن .

السلام عليكم

هذه هي الدبلوماسية مع الجنس اللطيف لازم أنتقدهم بطريقة فكاهية باه يتقبلوا الواقع هههه

صدقتي الرجال قوامون على النساء لأن العقول تختلف لهذا لا تستوي نظرتنا إلى الحياة وبالأخص إلى الزواج

المهم لا خوف من الحروب إذا أرادوا أن يخوضوها معي لكن إذا استعملت أسلحة الدمار الشامل لا يلوموا إلا أنفسهم

تسلمي​

 

[الأزرق الملكي]

السلام عليكم
واش نقولك جبتها فالصواب ههههههههه
مشكور اخي

وعليكم السلام

جبتها في الصواب ههههه

هذه اعترافات من بني جلدتكم

يعني حياة الرجل بسيطة و المراة حياتها معقدة

تسلمي​