|[فًيً بًيًتًنًاً عًرًوًسً]| مع عرْوُسَـةُ اَلْلَمـةُ شهيناز بنت بلادها

[ضآحكة مستبشرة]

السلام عليكم ورحمة الله تعالى وبركاته



اهلاا بكن عسولات في منتدى اللمة




تجـهيـز الـعـرائـس

لـتـعمـيـق أواصـر المحـبـة و التـعــارف بيـنـنـا وبينـكـن عـزيـزاتـي ..

نفتتح كـل أسبـوع .. استضـافـة لمتمـيـزة مـن متمـيـزات ..


اللمة الجزائرية

في برنامجنا الاسبوعي


|[فًيً بًيًتًنًاً عًرًوًسً]| مع عرْوُسَـةُ اَلْلَمـةُ




لـتـعمـيـق أواصـر المحـبـة و التـعــارف بيـنـنـا وبينـكـن عـزيـزاتـي ..

نفتتح كـل أسبـوع .. استضـافـة لمتمـيـزة مـن متمـيـزات ..

اللمة الجزائرية


في برنامجنا الاسبوعي


|[فًيً بًيًتًنًاً عًرًوًسً]| مع عرْوُسَـةُ اَلْلَمـةُ

أهـلا و سـهـلا بكـن أحبتـي

تطـل اليـوم عـلى مشـارف -[ منتدى تجـهيـز الـعرائـس]-

عضوة من عضوات اللمة شهيناز بنت بلادها هي عضوة غامضة نوعا ما قليلة النشاط في المنتدى
لكنها فتاة طيبة و رائعة سنتعرف عليها عن قرب في هذه الجلسة الرائعة ^^


متشوقون جدا للتعرف أكثر على أختنا الحبيبه اللتي ستزورنا هذا الأسبوع ..

:..:.. لنـرحـب جميـعـاً بضيفاتنـا لـهـذا الأسبـوع ..:..

@شهيناز بنت بلادها


قـوانيـن المشـاركـة


:: احتـرام الضيـفة و المُشـاركـات بالمـوضـوع ..

:: الابتعـاد عـن الاسئـلـة المحـرجـة و للضيـفه الحـريـة بـعـدم الـرد عـلى أي سـؤال تجـده تدخـلا بشـيء مـن

خصوصيـاتهـا ...


في امان الله

​

 

[ضآحكة مستبشرة]

السلام عليكم و رحمة الله تعالى وبركاته
أهلا وسهلا بك حبيبتي معانا في هاذي القعدة الزينة ^^
إن شاء الله يعجبك الحال و نكونو خفاف عليك و خفيفة علينآ
بما انو قليل لي يعرفك عن قرب
حبيت نطرح عليك اسئلة شخصية قبل باش نتعرفوا عليك أكثر


- الاسم ؟
- العمر ؟
- الولاية ؟
- الحالة الاجتماعية ؟
- المتسوى الدراسي ؟

و لي عوده ان شاء الله ^^​

 

[السلطانة]

وعليكم السلام ورحمة الله وبركاته
اهلا وسهلا بيك اختي شهيناز هاذي مدة ماشفتك في المنتدى
الف مبارك عليك الخطوبة
شحال المدة بين الخطوبة وبين العرس تاعك ؟
واش حابة توجدي لتصديرتك ؟
الفراش تاعك واش راح يكون ؟

ربي يهنيك ان شاءالله اختي

 

[ضآحكة مستبشرة]

السلام عليكم و رحمة الله​

اهلا بك معنا اختي
وشراكي لباس ؟؟​

اولا نرحبوا بيك كيما يلزمـ
​

وان شاء الله نكونو خفاف عليك بالأسئلة ^^

رايحة نبدا في الاسئلة ان شاء الله يعجبك الحآل ؟
أولا مبروووك أختي و لعقوبة للبنات كامل

بزيــــــــآن السعد و ربي يهنيك يا اجمل عرووووووس



- الوظيفة ؟

- الهويآت ؟


قداه مالزال عرسك ان شاء الله ؟؟

كم دامت فترة خطوبتك؟؟

تعرفتي على خطيبك أم زواج تقليدي؟؟

رايحة تسكني وحدك ولا مع عجوزتك؟؟

وش الحاجة اللي تعجبك في خطيبك؟؟

وش الحاجة الي تعجبو فيك ؟؟

خدامة ولا قاعدة في الدار؟؟

​

ان شاء الله تعجبك القعدة​

 

[شهيناز بنت بلادها]

السلام عليكم و رحمة الله تعالى وبركاته
أهلا وسهلا بك حبيبتي معانا في هاذي القعدة الزينة ^^
إن شاء الله يعجبك الحال و نكونو خفاف عليك و خفيفة علينآ
بما انو قليل لي يعرفك عن قرب
حبيت نطرح عليك اسئلة شخصية قبل باش نتعرفوا عليك أكثر

مشكورة حبيبتي على الاستضافة نشالله مانكونش ضيفة ثقيلة عليكم
ومستعدة نجاوب على كل الاسئلة

- الاسم ؟
شهيناز
- العمر ؟
بقالي شهر وشويا نولي 21 سنة
- الولاية ؟
الجلفة
- الحالة الاجتماعية ؟
مخطوبة
- المتسوى الدراسي ؟
طالبة ليسانس لغة انجليزية
و لي عوده ان شاء الله ^^
مطوليش هيهي في انتضارك ​

 

[شهيناز بنت بلادها]

وعليكم السلام ورحمة الله وبركاته
اهلا وسهلا بيك اختي شهيناز هاذي مدة ماشفتك في المنتدى
وبيك اهلا الله يسلمك والله توحشت المنتدى وتوحشتكم الله غالب الظروف ماسمحتليش ، نشالله تكوني في احسن الاحوال
الف مبارك عليك الخطوبة
وفيك بركة اختي الغالية

شحال المدة بين الخطوبة وبين العرس تاعك ؟

الخطوبة ممدودة على حسب انتهاء دراستي وبعدها حتى ينتهي ترميم البيت ان شاء الله تسما شويا مطولة مش مزروبين

واش حابة توجدي لتصديرتك ؟
والله تصديرة انا ضد المبالغة ونحب السامبل مادابيا منكثرش ، نخيط النايلي و نشري صواغي ولوخرين نكري برك

الفراش تاعك واش راح يكون ؟
الفراش مادام رح نسكن وحدي تسما رايحين نتعاونوا ندوا كامل المستحقات.

ربي يهنيك ان شاءالله اختي

آمين و يهنيك كذلك
مشكورة على الاسئلة

 

[ضآحكة مستبشرة]

دعوة للبنات

@لؤلؤة قسنطينة
@Lovely ღ smile
@Asseli Queen
@"viola"
@آمِيْرَتُه
@Soumia hadj mohammed
@Only me
@بشرى ملاك
@بنقابي افتخر
@LINA LOLO
@Twinkle Stars
@الصحافية الساخرة
@صمت المشاعر

 

[ضآحكة مستبشرة]

اهلين بعروستنا الحلوة



اللون لي تحبي تخدمي بيه جهازك ؟

واين تحبي تروحي شهر عسل ان شاء الله ؟

- واش هي عوايدكم في الشوفة ؟

- واش تلبس و كيفاش تمشط العروس في الخطبة ؟

- باش تخرج العروس عندكم من دار باباها ؟

- شكون يخرج العروس من دارهم باباها ولا شيخها ؟

- تحبي تسكني وحدك ولا مع عجوزتك ؟

- واش هي انواع الحلوى لي تاخذها العروس لدار زوجها في عوايدكم ؟

- في منطقتك واش هو الشي اللازم في تروسوا العروس ؟

- كيفاش تفضلي المشطة ديالك بالصورة لو امكن ؟

- بواش تحبي تخرجي من دار باباك يعني اللباس ؟



ان شاء الله تعجبك الضيافة​

 

[لؤلؤة قسنطينة]

السلام عليكم
يووو شكون لي تخطبت، الف ألف مبروك
ربي يهنيك حبيبتي شهيناز وربي يسهلك ان شاء الله
لعقوبة لافراح أخرى يارب
أول شي الزواج في نظر شهيناز ؟ هل تشوفيه مسؤولية صعبة أم انو حاجة عادية قادرة عليها؟
شهيناز من البنات لي كي تخطبت صبغت شعرها صفر ؟ ههههه
العادات عندكم يوم الخطبة واش هي؟
يعني الخطبة عندكم كيفاه تجوز؟ واش تلبس فيها العروسة وشكون الحضور؟ وواش نوع من الحلويات تحطو
نكتفي بهاد القدر وراجعة ان شاء الله
وربي يهنيك حبيبة قلبي

​

 

[شهيناز بنت بلادها]

السلام عليكم و رحمة الله
اهلا بك معنا اختي
وبيك سهلين ربي يحفظك حنونة
وشراكي لباس ؟؟
والله نعمة الحمد لله

اولا نرحبوا بيك كيما يلزمـ

وان شاء الله نكونو خفاف عليك بالأسئلة ^^
ماكاش اخف واضرف منكم حبيبتي يعطيك الصحة

يم يم جات في وقتها مع السخانة هادي ههههه

رايحة نبدا في الاسئلة ان شاء الله يعجبك الحآل ؟
اكييييد يعجبني
أولا مبروووك أختي و لعقوبة للبنات كامل
يبارك فيك عزيزتي
بزيــــــــآن السعد و ربي يهنيك يا اجمل عرووووووس
نشالله يارب اميييين حفظك الرحمان يا غالية ربي يهنيك كذلك


- الوظيفة ؟
طالبة ليسانس لغة انجليزية

- الهويآت ؟
قراءة الروايات، العزف على الجيتار

قداه مالزال عرسك ان شاء الله ؟؟

مازال نشالله كما سبق وذكرت بعد التخرج وترميم البيت

كم دامت فترة خطوبتك؟؟

لحد الآن راهي بشكل رسمي 6 اشهر

تعرفتي على خطيبك أم زواج تقليدي؟؟
تعرف عليه قبل

رايحة تسكني وحدك ولا مع عجوزتك؟؟
وحدي

وش الحاجة اللي تعجبك في خطيبك؟؟
حنون وخلوق ومثقف

وش الحاجة الي تعجبو فيك ؟؟
حنونة ومتفهمة و صريحة

خدامة ولا قاعدة في الدار؟؟
ان شاء الله عن قريب خدامة، ادعيلي

ان شاء الله تعجبك القعدة
اكيد عجبتني ديجا جيبيلي مخدة معولة نقعد هنا ههههه ،تسلمي :kiss:​

 

[LINA LOLO]

ღ السلام علليكم ختي ღ
الف مبارك عليك الخطبةو ربي يسهللكم يارب【★】♥
قوليلي واش كان الشرط ديالك؟

واش ناويا تخيطي باش تصدري؟
اسكو نتي ديري الفرش ولا هوما؟
واش رح تدي ليكادو لعجوزتك ولوساتك ؟(¨`•.•´¨)

وربي يفرحك ويكملك فالخير ◕‿◕
تحياتي حنونة

 

[شهيناز بنت بلادها]

اهلين بعروستنا الحلوة

وبيييك سهلييين يا الاموورة

اللون لي تحبي تخدمي بيه جهازك ؟
جهازي كل حاجة كيفاش يعني تختلف من حاجة لحاجة، ومنحبش بزاف الالوان ،يعني كون صبت ندي كلش ابيض واسود ههههه

واين تحبي تروحي شهر عسل ان شاء الله ؟
من بكري كوريا كوريا حابة بزاف نروحلها مي تكاليف باهضة وهو قالي مش تع شهر عسل الوغ قلت ماعليش لي جات، هو قال بربي نشالله لتركيا

- واش هي عوايدكم في الشوفة ؟

الشوفة عندنا تجي يماه وخواتاتو ولا كيما حبوا هوما يجيبوا معاهم ويجيبوا معهم فاكهة والعروسة تمشط وتلبس حاجة شابةوتستقبلهم عادي وتقعد معاهم، والعريس يقعد في دار خلاف مع الاب او الاخ وتدخل ليه العروسة تحطلو القهوة و يقعد معاها محرم ويشوفها مليح ولا حب المحرم يروح يخليها معاه شويا كل واحد وكيفاه و يمدلها دراهم كل واحد وشحال .وتالية ماشي شرط

- واش تلبس و كيفاش تمشط العروس في الخطبة ؟
ماشي شرط، كل وحدة وكيفاش تحب تمشط كاين لي تحب تروح للكوافوز وتمشطلها مشطة وكاين لي تجبد شعرها برك تسما نتي وذوقك واللبسة كيفكيف كل واحدة وكيفاش ليسونسيال حاجة باهية ومتكونش نواغ.

- باش تخرج العروس عندكم من دار باباها ؟
مافهمتش السؤال يعني الوسيلة؟
عادي كورتاج تركب في الطومبيل بلا غوب بلونش و برنوص مع جدتها ولا يماها و عجوزها

- شكون يخرج العروس من دارهم باباها ولا شيخها ؟
تحت جناح باباها

- تحبي تسكني وحدك ولا مع عجوزتك ؟
انا من الاول قتلو لي تريحك، هو حاب نسكنوا وحدنا

- واش هي انواع الحلوى لي تاخذها العروس لدار زوجها في عوايدكم ؟

انواع مممم مختلفين تحبي اي نوع تذيه نورمال كل وحدة وش تدي، حنا عدنا كامل لافامي تعاونها تخدملها كيما عرايش، بقلاوة،مخبز ليسونسيال حلاوة

- في منطقتك واش هو الشي اللازم في تروسوا العروس ؟
ماكاش حاجة لازم، يعني تدي على حسب قدرتها هي مادابيها توفر ملابسها هم الاولى و صوالح لوخرين تدي معاها زربية وشورى ولا صالون كيما دوكا ولاو كامل يدو صالون، لي فوتاي بالزربية ومام لي كاش ريدو راحو ولا يدوا ريدو خفيف ، وعندنا تاني لازم تدي هدية لراجلها وعجوزتها ولوساتهاا دي غوب ولا قمااش و راجلها كيما تحب و تدي تاني حلوة يعني مخلطة مع مكسرات، في ليل موالين العروسة يطيبوا هم القهوة ويفرقوها على موالين العريس مع الحلوى

- كيفاش تفضلي المشطة ديالك بالصورة لو امكن ؟
المشطة مادابياا منديرش كيما راهم يديروا ، حابة نطلقو وندير التاج
ماعلاباليش لاتخرجلك الفوطو

- بواش تحبي تخرجي من دار باباك يعني اللباس ؟

في الوقت الحالي؟
نخرج بسروال وليكات طويلة و لي جوب ولي غوب تاني

ان شاء الله تعجبك الضيافة
يعطيك الصحة اسئلة في القمة ​

 

[شهيناز بنت بلادها]

السلام عليكم
يووو شكون لي تخطبت، الف ألف مبروك
ربي يهنيك حبيبتي شهيناز وربي يسهلك ان شاء الله
لعقوبة لافراح أخرى يارب

آمييين يا رب الله يبارك فيك وفي صحتك حبيبتي ليك وحشة نشالله بخير

أول شي الزواج في نظر شهيناز ؟ هل تشوفيه مسؤولية صعبة أم انو حاجة عادية قادرة عليها؟
الزواج قبل كل شئ راه مسؤولية كبيرة يعني رايحة تديري دار، رح راجلك يتكل عليك ورايحة تربي جيل جديد وامور بزاف لازم نديريلها حساب

شهيناز من البنات لي كي تخطبت صبغت شعرها صفر ؟ ههههه
ههههههههه مستحيييييل، لالا ماصبغتش ومش رايحة نسبغ نشالله نخليه على طبيعتو ومام هو قاللي ماتصبغيهش ههههه

العادات عندكم يوم الخطبة واش هي؟
يعني الخطبة عندكم كيفاه تجوز؟ واش تلبس فيها العروسة وشكون الحضور؟ وواش نوع من الحلويات تحطو
كما سبق وذكرت حبيبتي
الشوفة عندنا تجي يماه وخواتاتو ولا كيما حبوا هوما يجيبوا معاهم ويجيبوا معهم فاكهة والعروسة تمشط وتلبس حاجة شابةوتستقبلهم عادي وتقعد معاهم، والعريس يقعد في دار خلاف مع الاب او الاخ وتدخل ليه العروسة تحطلو القهوة و يقعد معاها محرم ويشوفها مليح ولا حب المحرم يروح يخليها معاه شويا كل واحد وكيفاه و يمدلها دراهم كل واحد وشحال .وتالية ماشي شرط
واذ خطوبة رسمية يجيبولها مصروف و كسوة و متستحضرات، يديرولها الخاتم كاين وين العجوزة هي لي تدير الخاتم للعروسة وكاين وين العريس هو لي يديرلها ويقراو الفاتحة


نكتفي بهاد القدر وراجعة ان شاء الله
وربي يهنيك حبيبة قلبي

امين و يهنيك نشالله حبيبتي مشكورة على الاسئلة الحلوة
​

 

[شهيناز بنت بلادها]

ღ السلام علليكم ختي ღ
الف مبارك عليك الخطبةو ربي يسهللكم يارب【★】♥
الله يبارك فيك حبيبتي، لعقوبة للي بقاوا <3

قوليلي واش كان الشرط ديالك؟
شرط تاعي كان الهنا والخدمة

واش ناويا تخيطي باش تصدري؟
التصديرة ناوية نخيط غوب نايلي برك ولوخرين نشري ونكري.

اسكو نتي ديري الفرش ولا هوما؟
في زوج نديروا هوما نص وانا نص ،نتعاونوا

واش رح تدي ليكادو لعجوزتك ولوساتك ؟(¨`•.•´¨)
عجوزتي نخيطلها ربة ولوساتي نشريلهم بالاك بيجامات ولادي غوب

وربي يفرحك ويكملك فالخير ◕‿◕
تحياتي حنونة
امين ويفرحك تاني نشالله مشكورة حبيبتي

 

[ضآحكة مستبشرة]

عالسلآمة جيتي لآلة لعروسة عالسلآمة جيتي هههه

مرحبا بيك

- واش تحبي تلبسي في الدار ؟
- بديتي تجهزي ولا مزال ؟
- خطيبك وسيم خخخخ ؟
- واش يدلعك واش تدلعيه ؟

- وآش تحبي تسمي اولادك هههه ؟
- وين تفضلي تقضي شهر العسل ؟
- وآش هوما أكثر شيء من الحوايج رح تديريهم في الجهآز ؟
- في عوايدكم يباتو شوية من اهل العروس معاها في بيت زوجها ليلة العرس ؟
- و آسكو عندكم عادت الكبش و لا لالا ؟


- واش هي الاكلات لي تعرفي تطيبيهم ؟
- زعما راكي تشوفي في روحك مرا تاع دار بامتياز ؟
- واش هي نصيحتك للي راهم يجهزوا مثلا واش هي الحاجة لي تأكيدلهم عليها يدروها في الجهاز ؟؟
- لو خيروك بين تسافري لدبي و لندن في شهر العسل واش تخيري ؟

- كاين بعض العرائس راهم يديو صالونات معاهم انتي رح تدي ؟

- واش هو الشيء لي يعجب شـــــآآهو: في الاعراس ؟
- تقاليد اعرس تاع اي دولة يعجبوك ؟
- اسكو كاين اعضاء فاللمة تعرفيهم في الواقع ؟
- شحال درتوا من عرس فالدار ؟
- في عراس خاوتك واش تلبسي ؟
- و في عراس خياتك واش تلبسي ؟
- تحبي تلبسي حجاب و لاغوب في الخرجاآت ؟
- واشمن الستيل تحبي فـي لاغوب بلونش الحوتة ولا gـــــونفلي ؟
- واش عوايدكـــــم في سبوع العروس ؟

ان شاء الله نكون خفيفة عليك بالأسئلة ديالي ^^​

 

[شهيناز بنت بلادها]

عالسلآمة جيتي لآلة لعروسة عالسلآمة جيتي هههه
هههههههههه يويويويوييي وراهي الزغرودة
مرحبا بيك
وبيك مرحبتين مرة اخرى قربي قربي

- واش تحبي تلبسي في الدار ؟
بجامات
- بديتي تجهزي ولا مزال ؟
بديت ايه هههه وراكي عارفة قد ماتجهزي يبقى يخص، مي ماحبيتش نشري كلش بسكو كاين شي صوالح يولوا ديمودي تسما نخلي كي يكون قريب العرس نشريهم

- خطيبك وسيم خخخخ ؟
وي هههههه

- واش يدلعك واش تدلعيه ؟​

شهنوزتي هههه
وهو بوڨوصي هههههه​

- وآش تحبي تسمي اولادك هههه ؟
الطفلة سيلين ديجا راني دايرة الفايسبوك باسمها من دوك ههه. والولد نخليه هو يسميه

- وين تفضلي تقضي شهر العسل ؟
انا كنت حابة كورياا ولا جزر المالديف مي ورراااهي هادي هههه باهضة بزاف، قالي تركيا نشالله

- وآش هوما أكثر شيء من الحوايج رح تديريهم في الجهآز ؟
امممم لبسة الدااار ههههههه هاداك وش نحب كثر

- في عوايدكم يباتو شوية من اهل العروس معاها في بيت زوجها ليلة العرس ؟
وي يباتوا و في الليل موالين العروس يطيبوا القهوة لموالين العريس ويقصروا

- و آسكو عندكم عادت الكبش و لا لالا ؟
ايه لازم

- واش هي الاكلات لي تعرفي تطيبيهم ؟
راني في طور التعلم
تقدري تقولي نعرف نطيب اكثر الاكلات لي يحبها هو ههههه تعلمتها مليح مليح كيما المحاجب والرشتة ولي ڨراتا

- زعما راكي تشوفي في روحك مرا تاع دار بامتياز ؟
منقولش بامتياز مي نسلك راسي هههه

- واش هي نصيحتك للي راهم يجهزوا مثلا واش هي الحاجة لي تأكيدلهم عليها يدروها في الجهاز ؟؟

امممم انا نحب حوايج الكوسمتيك نشوف فيها ضرورية باش المرا تتهلا في روحها سورتو راجل يحب لمرا لي تعتني بنفسها، خصوصا كي تكون عروسة، تدي منضفات جسم وتطهر و تجميل
اما حوايج دار باينين تدي قيس ما ماتخليش دارها فارغة و بحسب قدرتها هي

- لو خيروك بين تسافري لدبي و لندن في شهر العسل واش تخيري ؟
دبي يا مااامي من اروع الدول في العالم

- كاين بعض العرائس راهم يديو صالونات معاهم انتي رح تدي ؟
​

وي راني معاهم دوك ولاووا يدوا صالونات ونضن هاك احسن ​

- واش هو الشيء لي يعجب شـــــآآهو: في الاعراس ؟
اللموبيونص اكيد هههه

- تقاليد اعرس تاع اي دولة يعجبوك ؟
الكوريين
- اسكو كاين اعضاء فاللمة تعرفيهم في الواقع ؟ ​

وي كاين زوج فاميلتي هنا ​

- شحال درتوا من عرس فالدار ؟
عرس اختي برك

- في عراس خاوتك واش تلبسي ؟
-
- و في عراس خياتك واش تلبسي ؟
غوب صواغي

- تحبي تلبسي حجاب و لاغوب في الخرجاآت ؟
غوب
- واشمن الستيل تحبي فـي لاغوب بلونش الحوتة ولا gـــــونفلي ؟
وش جرررربت وش جررربت دي غوب بلونش ههههههه نحكيلكش خير حفظوني
لقيت gونفلي هي لي تطيح عليااا
انا كنت حابة ندير لي تجي ميني من لقدام وطويلة من لور كيما الكوريين مي ماصبتهاش

- واش عوايدكـــــم في سبوع العروس ؟
في سبوع موالين راجلها يطيبولها لي جات كل واحد وش يحب سورتو حنا في الجلفة عندنا مخلطين كل واحد ووشمن اصل جاي مش احصل واحد تسما كل واحد وكيفاش حنا بالنسبة لختي من جات جابت سنيوية قااطو حلوة مخلطة وكي ولات رايحة درنالها المشوي داتو معاها وكاين لي يحب يدير الطعام

ان شاء الله نكون خفيفة عليك بالأسئلة ديالي ^^
بوركتي على الاسئلة ضراف كيفك
تسلمي ​

 

[بشرى ملاك]

السلام عليكم و رحمة الله
اهلا بك معنا اختي
وشراكي لباس ؟؟

اولا نرحبوا بيك كيما يلزمـ

وان شاء الله نكونو خفاف عليك بالأسئلة ^^

رايحة نبدا في الاسئلة ان شاء الله يعجبك الحآل ؟
أولا مبروووك أختي و لعقوبة للبنات كامل

بزيــــــــآن السعد و ربي يهنيك يا اجمل عرووووووس



- الوظيفة ؟

- الهويآت ؟


قداه مالزال عرسك ان شاء الله ؟؟

كم دامت فترة خطوبتك؟؟

تعرفتي على خطيبك أم زواج تقليدي؟؟

رايحة تس​

السلام عليكم و رحمة الله
اهلا بك معنا اختي
وشراكي لباس ؟؟

اولا نرحبوا بيك كيما يلزمـ

وان شاء الله نكونو خفاف عليك بالأسئلة ^^

رايحة نبدا في الاسئلة ان شاء الله يعجبك الحآل ؟
أولا مبروووك أختي و لعقوبة للبنات كامل

بزيــــــــآن السعد و ربي يهنيك يا اجمل عرووووووس



- الوظيفة ؟

- الهويآت ؟


قداه مالزال عرسك ان شاء الله ؟؟

كم دامت فترة خطوبتك؟؟

تعرفتي على خطيبك أم زواج تقليدي؟؟

رايحة تسكني وحدك ولا مع عجوزتك؟؟

وش الحاجة اللي تعجبك في خطيبك؟؟

وش الحاجة الي تعجبو فيك ؟؟

خدامة ولا قاعدة في الدار؟؟


ان شاء الله تعجبك القعدة​

انت قلتيلها واش راكي لباس وانا قريتها واش راكي لابسة قلت هادي مالها هبلت كخكخكخكخكخ وقيلا انا هبلت ونحصل فالناس

 

[ضآحكة مستبشرة]

انت قلتيلها واش راكي لباس وانا قريتها واش راكي لابسة قلت هادي مالها هبلت كخكخكخكخكخ وقيلا انا هبلت ونحصل فالناس

ههههههههههه واش ختي بشرى راكي تشوفي مليح ؟؟
ههههههههه معليش حبيبتي
المهم متخرجيش و يديك فارغين خلي شوية اسئلة لعروستنا​

 

[{مُدَلَّلَتُهُ}]

السلام عليكم

مرحبا بشاهيناز بزيان السعد حبيبة ربي يهنيك في زواجك و يجعلك قرة عين لزوجك و يجعله قرة عين لك

ضحكتني بشرى في الرد تاعها هههههههه مهبولة و الله

شاهيناز ناوية تخدمي بعد الزواج ولا لا؟

إذا واه قوليلي يعني تقدري على مسؤولية الزواج و العمل ؟

راكي تشوفي في روحك قد مسؤولية الزواج ؟

حطيلي موديلات تع نايلي بما أنكم بلاد النايلي ههه راني هابلة عليه و ما لقيتش موديلات جدد :p

أكتفي بهاذو برك بصح نرجعلك ان شا الله​

 

[بشرى ملاك]

يا بن عمي ماخليتولي والو....
صح اختي واش هو احساسك وانت مخطوبة?
واحساسك كي يقرب العرس? فرحانة ولا خايفة?
الشهرة كملتي ولا مازلتي?
درتي كيما ورتنا ختنا اسما ولا كثر?
وخطيبك لقيتيه كيما تمنيتي?

جاوبي في انتظار المزيد ادا خلولنا الاخوات....
ومن هاد الشي قااااااااااع الله يسخر لختي