المُتَزَوِجَــــــة تُفيْد وَ المخْطُوبَـة تَسْتفيْـد { الضيفَـة 5 بشرى ملاك }

[ضآحكة مستبشرة]

السلام عليكم و رحمة الله تعالى و بركاته



أهلا وسهلا بكن عضوات اللمة الجزائرية نرحب بكن من جديد في ركن تجهيز العروس ولوازمها

​

نعود إليكن من جديد موضوع مع فكرة جديدة​

قصد النهوض بالقسم و اخراجه من الركود الى النشاط​

و كذا قصد استفادة المخطوبة خاصة و العازبة عامة من المتزوجآت​

نلتَقــــــي معكم هذه الامسية و لمدة أسبوع كــــــامل مع ضيفتي و ضيفتـــكم الاخت @بشرى ملاك

و هي ضيفة عزيزة علينا جميعا و هي عضوة ذات حكمة لطالما استفدنا من نصائحها و مشاركاتها​

​

تفضلوا اليوم و لمدة اسبوع كامل بالاسئلة و الاستفسارات و ستجيب عليكم جميعا ان شاء الله​

كما ستفيدنا بخبرتها الطويلة و تشاركنا تجاربها و تحدياتها البطولية لاستمرار الزوآج​

​

اتمنى لكم قضاء وقت ممتع مع هذه الضيفة العزيزة و المميزة​

الاخت بشرى ملاك ​

فكرة الموضوع :
في كل أسبوع نستضيف احدى العضوات المتزوجات و نضعها تحت المجهر
و على المخطوبات و حتى العازبات و المتزوجات تقديم الاسئلة و كل استفساراتهن حول الزواج و فترة الخطوبة و كل ما يخص العروس​

و على الضيفة الاجابة على الاسئلة و تقديم نصائح و تدابير للمخطوبات​

و مشاركتهن تجاربها و تقديم كذلك برنامج جيد لسير الحياة الزوجية بدون مشاكل​

و كيفية التخلص من المشاكل في حالة وجودها​

​

​

​

مع تمنياتي أن تلقى هذه الفكرة تفاعل و الهدف هو أن نستفيد لكي نفيـد​

​

​

في امان الله ~​

​

​

​

 

[ضآحكة مستبشرة]

السلام عليكم اختي الغالية
ان شاء الله تكوني بخير
اخت بشري ملاك قبل منباشرو الأسئلة حبيت نطرح عليك بعض الأسئلة باش نتعرفو عليك ^_^ اذا ممكن طبعاً

- الاسم ؟
- العمر ؟
- الولاية ؟
- المستوى الدراسي ؟
-الوظيفة ؟
- الهوايات و الاهتمامات ؟
- مدة الزواج ؟
- عدد الاولاد ؟
- الزواج في رأيك ؟
- نصيحة للمقبلين على الزواج ؟


و نلتقي في أسئلة اخرى ان شاء الله ^^​

 

[ضآحكة مستبشرة]

دعوة الأخوات ^^

@أم ياسمينdz
@شهيناز بنت بلادها
@فيتامين سي
@آمِيْرَتُه
@Asseli Queen
@Lovely ღ smile
@لؤلؤة قسنطينة
@Soumia hadj mohammed
​

 

[بشرى ملاك]

السلام عليكم و رحمة الله تعالى و بركاته



أهلا وسهلا بكن عضوات اللمة الجزائرية نرحب بكن من جديد في ركن تجهيز العروس ولوازمها

​

نعود إليكن من جديد موضوع مع فكرة جديدة​

قصد النهوض بالقسم و اخراجه من الركود الى النشاط​

و كذا قصد استفادة المخطوبة خاصة و العازبة عامة من المتزوجآت​

نلتَقــــــي معكم هذه الامسية و لمدة أسبوع كــــــامل مع ضيفتي و ضيفتـــكم الاخت @بشرى ملاك

و هي ضيفة عزيزة علينا جميعا و هي عضوة ذات حكمة لطالما استفدنا من نصائحها و مشاركاتها​

​

تفضلوا اليوم و لمدة اسبوع كامل بالاسئلة و الاستفسارات و ستجيب عليكم جميعا ان شاء الله​

كما ستفيدنا بخبرتها الطويلة و تشاركنا تجاربها و تحدياتها البطولية لاستمرار الزوآج​

​

اتمنى لكم قضاء وقت ممتع مع هذه الضيفة العزيزة و المميزة​

الاخت بشرى ملاك ​

فكرة الموضوع :
في كل أسبوع نستضيف احدى العضوات المتزوجات و نضعها تحت المجهر
و على المخطوبات و حتى العازبات و المتزوجات تقديم الاسئلة و كل استفساراتهن حول الزواج و فترة الخطوبة و كل ما يخص العروس​

و على الضيفة الاجابة على الاسئلة و تقديم نصائح و تدابير للمخطوبات​

و مشاركتهن تجاربها و تقديم كذلك برنامج جيد لسير الحياة الزوجية بدون مشاكل​

و كيفية التخلص من المشاكل في حالة وجودها​

​

​

مع تمنياتي أن تلقى هذه الفكرة تفاعل و الهدف هو أن نستفيد لكي نفيـد​

​

​

في امان الله ~​

​

​

​

شكرا على الاستضافة راني هنا وتحت تصرفكم...

 

[بشرى ملاك]

السلام عليكم اختي الغالية
ان شاء الله تكوني بخير
اخت بشري ملاك قبل منباشرو الأسئلة حبيت نطرح عليك بعض الأسئلة باش نتعرفو عليك ^_^ اذا ممكن طبعاً

- الاسم ؟
- العمر ؟
- الولاية ؟
- المستوى الدراسي ؟
-الوظيفة ؟
- الهوايات و الاهتمامات ؟
- مدة الزواج ؟
- عدد الاولاد ؟
- الزواج في رأيك ؟
- نصيحة للمقبلين على الزواج ؟


و نلتقي في أسئلة اخرى ان شاء الله ^^​

سهام
33 سنة
من ولاية سعيدة
باشوليار محاسبة
وظيفتي مساعد ادارة
هواياتي الرسم والطبخ
مدة الزواج 6 سنوات
عدد الاولاد 2
الزواج سترة من كل النواحي للمراة والرجل
نصيحتي الصبر والنية الحسنة

 

[لؤلؤة قسنطينة]

السلام عليكم
بارك الله فيك حبيبتي اسماء على الموضوع
وشكرا على استضافة ضيفة مميزة وهي الاخت بشرى
نتمنالها اقامة طيبة بيناتنا ونكونو خفاف عليها بالاسئلة
المهم الاخت نعطيها أسئلة بسيطة
لو تسألك وحدة مقبلة على الزواج وتقولك واش يعنيلك الزواج واش تجاوبيها؟
هل وجدت الاخت بشرى الزواج كما كانت تتوقعه عندما كانت عازبة؟
نكتفي بهذه الاسئلة لأنو قرب المغرب لكن لي عودة ان شاء الله​

 

[بشرى ملاك]

السلام عليكم
بارك الله فيك حبيبتي اسماء على الموضوع
وشكرا على استضافة ضيفة مميزة وهي الاخت بشرى
نتمنالها اقامة طيبة بيناتنا ونكونو خفاف عليها بالاسئلة
المهم الاخت نعطيها أسئلة بسيطة
لو تسألك وحدة مقبلة على الزواج وتقولك واش يعنيلك الزواج واش تجاوبيها؟
هل وجدت الاخت بشرى الزواج كما كانت تتوقعه عندما كانت عازبة؟
نكتفي بهذه الاسئلة لأنو قرب المغرب لكن لي عودة ان شاء الله​

شكرا حبيبتي
الزواج نصف الدين وسترة كبيرة ماشي غير للمراة حتى الرجل، مهما تكون المراة شادة روحها وسمعتها مليحة والرجل يزيدها يحافظ عليها ويكون حاجز بينها وبين الرجال الاخرين ويعطيها قيمة كثر من القيمة لي ديرها لروحها.

في البداية شوية ماشي كيما نتوقعو دايما الزواج ابدا ماشي كيما الحكايات ولا المسلسلات او الافلام كيما قتلك البداية تنغبني شوية دزيد المسؤولية وتبدي تكتاشفي فالطرف الاخر ممكن تلقي صوالح ماتبغيهمش وانت وضميرك يا تتقبلي وتكملي يا تنساحبي والعاقلة تكمل باسكو مكانش انسان كامل ممكن حتى انت يلقى فيك صوالح ماتعجبهش ويصبر.

 

[محبة القرآن]

سلام عليكم ورحمة الله
أسئلتي للأخت بشرى :
1/ ما هو أصعب شيء في مسؤولية الزواج ؟
2/ كيف تنظمين وقتك وهل تجدين أوقات فراغ لممارسة هواياتك المفضلة وأنت زوجة وأم وربة بيت وعاملة ؟
3/ نصيحة للعازبات في كيفية اختيار الزوج المناسب .
وشكرا .

 

[ضآحكة مستبشرة]

السلام عليكم اختي سهام
ان شاء الله تكوني صبحتي بخير ؟؟

- أثناء وجود مشاكل بين الزوجين واش هي الطريقة الانجع لحل الخلاف ؟ و انتي ماهي طريقتك في ذلك ؟
- ما هو الشيء الذي يعزز من قوة العلاقة بين الطرفين ؟
- الحياة الزوجية بدون اطفال و بالاطفال ! ما هو الفرق ؟


و لي عودة ان شاء الله ^^​

 

[ضآحكة مستبشرة]

@Twinkle Stars
@بنقابي افتخر
@سكون الفجر
@زهور الشوق
@زهور اليآسمين
@أشــواق 19
@صمت المشاعر
@Malika Tlm​

 

[بشرى ملاك]

سلام عليكم ورحمة الله
وعليكم السلام ورحمة الله وبركاته
أسئلتي للأخت بشرى :
1/ ما هو أصعب شيء في مسؤولية الزواج ؟
المسؤولية في حد ذاتها صعيبة بزاف واصعب حاجة ارضاء الزوج المعنى صعب تتاقلمي مع عقلية راجلك كاين صوالح ماتبغيهمش ويليق ديريهم ارضاءا ليه بسيف عليك مثلا تتعاطي مع الاهل نتاعه وتعامليهم بالحسنى مالغري شينين ويضروك يليق تعامليهم مليح الاولة على خاطر ربي وزاوجة على جال الزوج لان اي رجل مهما كان يعبدك يبغي الاهل نتاعه خاصة الام حتى ولو كانت اكبر شريرة.....
2/ كيف تنظمين وقتك وهل تجدين أوقات فراغ لممارسة هواياتك المفضلة وأنت زوجة وأم وربة بيت وعاملة ؟
صعيبة بزاف يليق كيما قالت ماما بروغرام كيما انا لميناج ولغسيل نخدمهم المساء صباح نوض بكري نفطر اطفالي ونبدلهم ونساوي فراشهم ونطيب فطوري مبعد يرقدو نستغل شوية نقضي كاش حاجة ونرقد شوية ونوض قبلهم نوجد كاش حاجة للشاي مبعد ميناج ونطيب لعشا مبعد يرقدو نريح شوية مع الزوج شوية هدا بروغرامي وكي يكون العمل نفس المنوال ماعدا نديهم صباح عند ماما ونروح نخدم بصح تعب كبير راني نخمم نحبس خلاص....
3/ نصيحة للعازبات في كيفية اختيار الزوج المناسب
الرجل صعيب تعرفيه من اول يوم اولا الدعاء لربي يلاقيك بالناس الزينة وثانيا تشوف تصرفات الرجل معاها اثناء الخطبة ادا صح راجل ويتحمل المسؤولية ولا لا تقدري تميزي من ردود افعاله نعطيك مثال ادا صرات بيناتكم مشكلة واش يدير يحوس يعالجها ولا يتهرب .
وشكرا
العفو حبيبتي.

 

[بشرى ملاك]

السلام عليكم اختي سهام
ان شاء الله تكوني صبحتي بخير ؟؟
لباس حبيبة سوال عليكم
- أثناء وجود مشاكل بين الزوجين واش هي الطريقة الانجع لحل الخلاف ؟ و انتي ماهي طريقتك في ذلك ؟
المشاكل يكونو يكونو مادزيديش الطين بلة كي يكون الرجل عصبي المراة تسكت حتى تروح العصبية عاد تناقشو انا هاك ندير مع راجلي باسكو ادا كان عصبي وزدت انا بلكلام ماتحصيس وين يوصل لكلام بيناتنا حتى لوكان يجرحك بالكلام ماترديش عليه خليه حتى يبرد وناقشيه وكي نكون انا غالطة نطلب السماح
- ما هو الشيء الذي يعزز من قوة العلاقة بين الطرفين ؟
الاحترام مهما كانت ميول ولا تخمام الطرفين يليق الاحترام المتبادل والقناعة خاصة المراة ماتكونش متطلبة وتتنازل على شي صوالح باش المركب تتمشى وتهلي في ماماه يولي يمووووووووت عليك
- الحياة الزوجية بدون اطفال و بالاطفال ! ما هو الفرق ؟
قالها ربي "المال والبنون زينة الحياة الدنيا" اروع احساس واجمله الامومة والاطفال يزيدو الرابطة بين الزوجين
مالغري تعبهم بصح والله الحياة تحلا بيهم
قبل مايجو الاطفال تكون عندك فقط مسؤولية الزوج والبيت مبعد دزيد المسؤولية ويا محلاها العقبة للجميع

و لي عودة ان شاء الله ^^​

 

[زهور الشوق]

السلام عليكم ورحمة الله وبركاته
أسومي شكرا للدعوة حنونتي
اهلا اختي بشرى نورتي
هل السمع والطاعة لطلبات الزوج في حدود طاعة الله طبعا يزيد من قدر المرأة عنده؟
أفضل طريقة للتعامل مع غضب الزوج في رأيك؟
هل المرأة التي تسامح زوجها كثيرا ولا تتجسس عليه وتترك كل الأمور موكلة لله وتعامل بالاحسان مهما كانت الإساءة تنجح في زواجها؟ وهل ممكن هته الطريقة تغير الزوج للأحسن؟
لي عودة ان شاء الله​

 

[بشرى ملاك]

السلام عليكم ورحمة الله وبركاته
أسومي شكرا للدعوة حنونتي
اهلا اختي بشرى نورتي
النور نورك
هل السمع والطاعة لطلبات الزوج في حدود طاعة الله طبعا يزيد من قدر المرأة عنده؟
طبعا اكيد والمهمة نتاعك صعبة بصح لازم عليك ديريها انك دايما ترديه للطريق المستقيم
أفضل طريقة للتعامل مع غضب الزوج في رأيك؟
الابتعاد التام عن النقاش، بعد زوال الغضب يكون النقاش المؤدب طبعا وتاكدي الرجل يحب الزوجة المؤدبة المطيعة الهادئة
هل المرأة التي تسامح زوجها كثيرا ولا تتجسس عليه وتترك كل الأمور موكلة لله وتعامل بالاحسان مهما كانت الإساءة تنجح في زواجها؟ وهل ممكن هته الطريقة تغير الزوج للأحسن؟
المسامح كريم ولكن في بعض الاخطاء فقط كيما مثلا يخونك ولا يهينك سواء امام الناس او لا لازم العقاب حسيه انك ماتتسامحيش حسيه بلي قادر يخسرك في اي لحظة باش يخاف يخسرك ومايعاودهاش اما، نحكيلك عندي صديقة لقات زوجها يخونها مع وحدة حكاتلي وحكات لناس واحدخرين مع اني ضد ان المراة تحكي لي بينها وبين زوجها للناس، المهم قالولها سمحيله وبينيله انك زوجة صالحة وقلشيه وزيدي هتمي بيه باش يبطل هي دارت عليهم الشير هداك وين زاد عمى ولحد الان راه هاك...
لا عاقبي وحوسي على النقص لي خلى زوجك يشوف برا وصحي اخطاءك بلاما تبينيله وخليك منايفاته حتى قريب يهبل باش مايعاودهاش والتجسس انا ضده مالغري لمراة ياكلها قلبها وتفتش تفتش ههههههه
لي عودة ان شاء الله​

 

[محبة القرآن]

بارك الله فيك على الإجابات المفيدة وربي يرزقك سعادة الدنيا والآخرة

 

[بشرى ملاك]

السلام عليكم ورحمة الله وبركاته
أسومي شكرا للدعوة حنونتي
اهلا اختي بشرى نورتي
هل السمع والطاعة لطلبات الزوج في حدود طاعة الله طبعا يزيد من قدر المرأة عنده؟
أفضل طريقة للتعامل مع غضب الزوج في رأيك؟
هل المرأة التي تسامح زوجها كثيرا ولا تتجسس عليه وتترك كل الأمور موكلة لله وتعامل بالاحسان مهما كانت الإساءة تنجح في زواجها؟ وهل ممكن هته الطريقة تغير الزوج للأحسن؟
لي عودة ان شاء الله​

تاني حاجة نسيتها الشيطان يدخل فتفاصيل الصغير ويبغي يكبرها باش يخليلك دارك ماتعطيهش هاد الفرصة نقولك كيفاش كي الزوج نتاعك يزعفك بكلمة ولا جاست متحقديش وماتستلسمي للشيطان واش ديري تفكري صوالح لمليحة لي دارهالك زوجك ايام فاتت والله نفسك ترتاح وتعيش هانية وينتهي الخلاف تما...

 

[زهور الشوق]

والله أجوبة شافية كافية
اعطيتيني واش كنت نحوس وزيادة
ربي يباركلك في زوجك ودريتك ويخليك تاج على راسهم​

 

[ضآحكة مستبشرة]

السلام عليكم و رحمة الله تعالى و بركاته
شكرا جزيلا اختي سهام على قبولك للدعوة
سررنا جدا بتواجدك معنا و استفدنا من خبرتك كثيرا
أتمنى لك حياة زوجية و عملية سعيدة و موفقة
بالتوفيق لك ​

 

[بشرى ملاك]

السلام عليكم و رحمة الله تعالى و بركاته
شكرا جزيلا اختي سهام على قبولك للدعوة
سررنا جدا بتواجدك معنا و استفدنا من خبرتك كثيرا
أتمنى لك حياة زوجية و عملية سعيدة و موفقة
بالتوفيق لك ​

العفو حبيباتي وراني هنا بلا ما نكون ضيفة تقدرو تسألوني في اي مجال كان وانا تان بالمثل...
وشكرا على الاستضافة نتمنى كنت ضيفة خفيفة عليكم...
بالتوفيق للجميع