ضربة فان داي القاضية

[Hakan]

السلام عليكم اهل اللمة الجزائرية ان شااء الله تكونو بخير
اليوم موضوعي بعيد عن سلسلة خفيف وظريف لانو حاب نحكي شويا
المهم قبل ايام خرجت مساءا من الدار هابط نسقهوى مع واحد صاحبي ايا وانا في الطريق نشوف في مجموعة من الاطفال
دارين حلقة وزوج اطفال متهاوشين يعني الضربة بالف المهم انا عيطت عليهم من بعيد { اسمع ياو اطلق خوك }
حتى نسمع في واحد من الاطفال هذون يقول { ضربة كذا وكذا } يعني من مقطع نتاع رسوم متحركة انا هنا ما صبت نضحك ما صبت نزعف
يعني لانو فايت على هذي المرحلة لما نسبة الادرينالين تطلع البنادم يبدى يخلط في الهدرة يعني يسب ويشتم لكن باش تقول
ضربة النمر المقنع ولا {جومو جمو جمونو } هذي يعرفوها جماعة one piece برك هههه هنا تتخلط يعني انا لوكان نتقابض مع واحد ويقلي هذي الهدرة نفشل من الضحك هههه ضركي الحاجة السيريو تاثير كوكب اكشن على ولادنا الصغار يعني الكرتون العنيف حنا تفرجنا بكري داي الشجاع بصح ما درنا والو ههه يطيح الليل ندخلو نجرو للدار ونخافو من الغولة بصح اولادنا نتاع هذا الوقت يتفرجو في غامبل ويدخل على منتصف الليل يعني معادل لا علاقة هههه المهم ناقشوني في تاثير افلام الكرتون نتاع الاكشن على عنف الاولاد نتاووعنا ونعطيكم مقطع من اغنية داي الشجاع كي نسمعها نصيب ندخل في كاش واحد نفليه ههههه سلااام ...

To view this content we will need your consent to set third party cookies.
For more detailed information, see our cookies page.

قبول ملفات تعريف الإرتباط للطرف الثالث

​

 

[آمِيْرَتُه]

السلام عليك
آهلا آخي
مشكور على الموضوع
كرتون القديم وقتنا ودرك ماشي كيف كيف ويأثر صح أنا وقت كنت نشوف سالي كانو يقرو معايا بنات فقيرات ويتيمات كنت نبغي نساعدهم متأثرة بسالي المخلوقة وحتى درك راه يأثرو فيهم من جانب العنف ولد خويا كان مشبعنا يطاع و يتشقلب وينقز من سرير لخوه حتى حبسنا عليه هذا الهم نتاع الكرتون رجعه عنيف بزاف و تاني يدخلهم في عالم مش عالم نتاعهم هذو الكرتونات هما لي خلقو لينا التوحد والعنف و أمور بزاف سلبية مافيهم حتى فايدة

 

[Hakan]

السلام عليك
آهلا آخي
مشكور على الموضوع
كرتون القديم وقتنا ودرك ماشي كيف كيف ويأثر صح أنا وقت كنت نشوف سالي كانو يقرو معايا بنات فقيرات ويتيمات كنت نبغي نساعدهم متأثرة بسالي المخلوقة وحتى درك راه يأثرو فيهم من جانب العنف ولد خويا كان مشبعنا يطاع و يتشقلب وينقز من سرير لخوه حتى حبسنا عليه هذا الهم نتاع الكرتون رجعه عنيف بزاف و تاني يدخلهم في عالم مش عالم نتاعهم هذو الكرتونات هما لي خلقو لينا التوحد والعنف و أمور بزاف سلبية مافيهم حتى فايدة

اهلا بيك خيتو والله العنف في براعم الطفولة شيء مخيف جدا يعني لما يكون الطفل يحسب روحو يقدر ينقز من مرتفع كبير كيما الرسوم المتحركة هذي اللي تخاف منها
كاين شي ولاد استعملو الاسلحة البيضاء في مثل المواقف هذي يعني تخافي بزااف حنا بكري نشوفو بصح ما نقلدوش ههه والجيل نتاع ضرك ما نعرف واش راهو يتفرج مالغري الرسوم نتاعهم اسوأ من نتاعنا يعني فيها غير الوحوش والخزعبلات هذيك بصح مافيهاش واش كان عندنا بصح ما فهمناش منين يخرج العنف هذا شكرا ختي للمرور ​

 

["viola"]

خخخخ عندي وليد عمي وحيد يعني معندو لا خوه لا اختو و ميخرجش برّا و لك ان تتخيل عدد الساعات التي يقضيها امام كرتون نتوورك هههه مبعد يطبق كلش على المخدة هههه
و يعجبك كلش باللغة العربية سأقضي عليك ايها الوغد خخخخ ي محاينك منظره مرعب يبان صح متوحش خخخ
و الله صح القنوات هاذي كارثة تحرض على صوالح اكثر مالعنف احي صوالح خادشة و الله اذا ما تولولهاش الاولياء قالا اطفرت في الجيل الجاي الا من رحم ربي
اما الميكيات تاع بكري راهم عندهم رسائل اخلاقية وش جاب لجاب تلقاه المقاتل "النبيل" ههه و لا روبن هود يسرق لكي يطعم الفقراء خخ
حنا تلقاه غامبول قط و خوه سردينة -__-
صحيت
​

 

[لؤلؤة قسنطينة]

السلام عليكم
آه يا أغنية داي مارانيش طفل ولكن كنت نحب هاد الرسوم بيه بغنايتو مازلت للآن نغنيها هههه
رسوم زمان ماشاء الله حتى ولو فيها عنف يبينلك بلي العنف هاداك راهو لهدف تاع خير
ماش كيما درك الرسوم لي تتفرجهم ماتفهم شكون تاع الخير وشكون تاع الشر لدرجة مشاهد دامية
وأطفال زمان كانت فيهم النية كي يتفرج رسوم متحركة يتاثر ويخاف بصح دركا مايخافش بقدر ما يهز
المشاهد الدامية، واذا ماكانتش مشاهد دامية تلقى رسوم فيهم رسائل خفية تخرب عقل الطفل الصغير
المهم ماعندهاش بزاف جاني الحنين لسبايستون وليت حطيتها كنت نستنا نلقى رسوم سالي ولا ساندي بل
ولا ساندريلا أي حاجة مليحة تفكرنا بالماضي الجميل، لكن كي حطيتها تشوكيت غير الرسوم المتحركة
تاع العنف لي فيها سيوف ولي فيها رصاص لقيت غير ماشا لي كالم ههههه يعني تغيرت البرامج وتغيرت
أذواق الأطفال، أنا بكري كنت نموت على الرسوم تاع هزيم الرعد مع أنو تاع حرب لكن ماكنتش نتفرجو
من جانب الحرب وكلشي كنت نشوف فيه جانب آخر ماش كيما أطفال اليوم يهز الرسوم كيما راه
وزيد نأكد على حاجة من المفروض حتى الرسوم المتحركة ويقسموها وفق فئات عمرية، مثلا اليابانيين
مقسمين الرسوم تاع الصغار وحدهم وتاع المراهقين وحدهم كل فئة والرسوم لي تشوفهم لكن حنا مانهتموش
بأطفالنا المهم نرميوهم قدام التلفاز ونتخلصو من عياطهم ومايهمش واش يتفرجو ويا ريت جاو يتفرجو رسوم برك
راهم يتفرجو حتى الافلام لي المراهقين ومالازمش يتفرجوها، يعني الاعتناء بأطفالنا ولا ناقص بزاف
شكرا خويا حكيم على الموضوع
تحياتي​

 

[طموحة]

السلام عليكم ورحمة الله و بركاته
موضوع بزاف مهم تأثير الكرتون على الأطفال وياليت كانت من ناحية الأكشن برك
أكشن ومعتقدات سخيفة وفوق كل هذا دوك مكانش وقت للتلفاز يعني ايدا مكانش دراسة 24 ساعة
والطفل قدام التلفاز و هذا هدر كبير لفترة كاملة من حياة هذاك الطفل لأنه ما يخفاش قابلية التعلم في تلك الفترة
وزيد أنه طفل صفحة بيضاء عوامل نورمالمون يستفاد منها الأولياء خير الاستفادة باش تكون تلك الفترة مرحلة تعليم
وتلقين للمبادئ ومرحلة لزرع بذور شخصية ناجحة في الطفل ولي راح تبدو ثمارها في مختلف المراحل وخير مثال
عبد الرحمان فراح جعل منه أبواه باستغلال تلك المرحلة المهمة آية في الرقي لما تسمع طريقة حديثه أو آراءه في قضايا
تقول هذا انسان اكل الدهر منه و شرب
دوك نولي لصلب الموضوع ولي هو العنف قرأت مرة في الجريدة بلي طفل شنق نفسه في ابتدائية جزائرية متأثر بحلقة من حلقات كونان
يعني ايدا كان صح فهذه كارثة انسانية يتحملها قبل كل شيء أبواه
سبحان الله طفل صغير ميعرفش معندوش حرية اختيار واش يشوف
كاين لي يقولو لا لا خطأ فادح أنك تختار عن وليدك وهاد الشيء راح يخليه بدون شخصية
طفل مزال متعلم المبادئ تخليلو الاختيار و تستنى تكون عندو شخصية هاد أنا نعتبرو هبال
لأنو مرانش فوقت لي رانا دايرين فيه ثقة في البرامج التلفزيونيه يستحسن ميكونش أصلا تلفاز لأنه راح يتعلم يتعلم أشياء عيانة
حتى لو تختار وش تختار من القنوات فكاين قنوات دينية و الجينيريك بالموسيقى وكلش
أنا شخصيا نشوف أنه أحسن حل ديفيدي و تختار سيديهات على ذوقك و بما يناسب السن و الدين ويستحن يكون فوق الترفيه فيه رسائل تعليمية اسلامية
هكدا يضرب الانسان عصفورين بحجر و يحمي الطفل ديالو من الخرافات
لأنو كي تمنع الانسان من حاجة لازم يكون عندها بديل
شكرا ع الموضوع بارك الله فيك و عذرا ع الاطالة ​

 

[Hakan]

خخخخ عندي وليد عمي وحيد يعني معندو لا خوه لا اختو و ميخرجش برّا و لك ان تتخيل عدد الساعات التي يقضيها امام كرتون نتوورك هههه مبعد يطبق كلش على المخدة هههه
و يعجبك كلش باللغة العربية سأقضي عليك ايها الوغد خخخخ ي محاينك منظره مرعب يبان صح متوحش خخخ
و الله صح القنوات هاذي كارثة تحرض على صوالح اكثر مالعنف احي صوالح خادشة و الله اذا ما تولولهاش الاولياء قالا اطفرت في الجيل الجاي الا من رحم ربي
اما الميكيات تاع بكري راهم عندهم رسائل اخلاقية وش جاب لجاب تلقاه المقاتل "النبيل" ههه و لا روبن هود يسرق لكي يطعم الفقراء خخ
حنا تلقاه غامبول قط و خوه سردينة -__-
صحيت
​

اهلا بيكم تالمون البارح حطيت الموضوع في راسي رقدت نحلم بروحي مع داي الشجاع وخلات راني نقلكم مع التنين هههه
وليد عمك ربي يحفظولكم ان شااء الله والله على المعدل هذا ما شكيتش يستعقل لانو ممكن يروح لحوايج خلاف
مشكلة اطفال اليوم اولا العنف في افلام لكرتون وثاانيا انو مدة المشاهدة كبيرة بزاف زيد مع الحاسوب وراكي نورمالمون تشوفي في الانيم
نتاع هذا الوقت واللي مشارجي بالايحائات الجنسية والمؤثرات هذيك يعني طفيل صغير ويحطوه مع الميكرو وحدو ماضنيتش يسلك
بكري حنا كنا نرفدو القيم الطيبة نقلك علاش ماهيش تفوق عقلي من عندنا لكن الوالدين كانو يحرصو ما يخليكش تقعد بزاف قدام التليفيزيون
يبعثك لمدرسة قرانية يخرجك برا مع العشوة مي حاليا راهم يقعدو نهار طول من العم جدو حتى غامبول مرورا بسبونج بوب
ومعاهم المسلسلات نتاع mbc3 وغيرها ربي يحفظ وليداتنا ​

 

[Hakan]

السلام عليكم
آه يا أغنية داي مارانيش طفل ولكن كنت نحب هاد الرسوم بيه بغنايتو مازلت للآن نغنيها هههه
رسوم زمان ماشاء الله حتى ولو فيها عنف يبينلك بلي العنف هاداك راهو لهدف تاع خير
ماش كيما درك الرسوم لي تتفرجهم ماتفهم شكون تاع الخير وشكون تاع الشر لدرجة مشاهد دامية
وأطفال زمان كانت فيهم النية كي يتفرج رسوم متحركة يتاثر ويخاف بصح دركا مايخافش بقدر ما يهز
المشاهد الدامية، واذا ماكانتش مشاهد دامية تلقى رسوم فيهم رسائل خفية تخرب عقل الطفل الصغير
المهم ماعندهاش بزاف جاني الحنين لسبايستون وليت حطيتها كنت نستنا نلقى رسوم سالي ولا ساندي بل
ولا ساندريلا أي حاجة مليحة تفكرنا بالماضي الجميل، لكن كي حطيتها تشوكيت غير الرسوم المتحركة
تاع العنف لي فيها سيوف ولي فيها رصاص لقيت غير ماشا لي كالم ههههه يعني تغيرت البرامج وتغيرت
أذواق الأطفال، أنا بكري كنت نموت على الرسوم تاع هزيم الرعد مع أنو تاع حرب لكن ماكنتش نتفرجو
من جانب الحرب وكلشي كنت نشوف فيه جانب آخر ماش كيما أطفال اليوم يهز الرسوم كيما راه
وزيد نأكد على حاجة من المفروض حتى الرسوم المتحركة ويقسموها وفق فئات عمرية، مثلا اليابانيين
مقسمين الرسوم تاع الصغار وحدهم وتاع المراهقين وحدهم كل فئة والرسوم لي تشوفهم لكن حنا مانهتموش
بأطفالنا المهم نرميوهم قدام التلفاز ونتخلصو من عياطهم ومايهمش واش يتفرجو ويا ريت جاو يتفرجو رسوم برك
راهم يتفرجو حتى الافلام لي المراهقين ومالازمش يتفرجوها، يعني الاعتناء بأطفالنا ولا ناقص بزاف
شكرا خويا حكيم على الموضوع
تحياتي​

اسمحيلي خبشتلك المشاعر نتاوعك ههه راكي تشوفي في الوالدين هوما نقطة التاثير الرسوم المتحركة تبدلت
يعني تشوف في مخلوقات غريبة حتى انهم نزعو هذاك الانسان يحكيو فقط على التحول الجيني
فلان شرب من محلول x ورجع يمتلك قدرات خارقة ويقدر يتحول لوحش وبلا بلا بلا بلا
يعني هدرة عيانة انت طفل صغير واش يعرف على ADN والوراثة والتحول الجيني والمشكل لوكان تشوفي اشكال نتاع بشر
يعني مخلوقات لا اراك الله تقول شياطين بكري كانت احلام الرسوم المتحركة السفر الى الفضااء مي حاليا دخل فيها الاستنساخ
والتحولات الجينية والتهجين مع الحيوانات وصناعة انسان يعني تستغرب في الكم الهائل من المعتقدات اللي العقل الكامل نتاع بالغ ما يقدرش يستوعبها
واظافة الى كل ذالك العنف تشوفي بطل الحكاية يتقابض مع باباه الشرير او الام نتاعو ويقتلها نورمال ولا اختو وغيرها من الاشياء الفضيعة
ربي يحفظ اولادنا وخاوتنا الصغار ..شكرا لكرم المرور ​

 

[Hakan]

السلام عليكم ورحمة الله و بركاته
موضوع بزاف مهم تأثير الكرتون على الأطفال وياليت كانت من ناحية الأكشن برك
أكشن ومعتقدات سخيفة وفوق كل هذا دوك مكانش وقت للتلفاز يعني ايدا مكانش دراسة 24 ساعة
والطفل قدام التلفاز و هذا هدر كبير لفترة كاملة من حياة هذاك الطفل لأنه ما يخفاش قابلية التعلم في تلك الفترة
وزيد أنه طفل صفحة بيضاء عوامل نورمالمون يستفاد منها الأولياء خير الاستفادة باش تكون تلك الفترة مرحلة تعليم
وتلقين للمبادئ ومرحلة لزرع بذور شخصية ناجحة في الطفل ولي راح تبدو ثمارها في مختلف المراحل وخير مثال
عبد الرحمان فراح جعل منه أبواه باستغلال تلك المرحلة المهمة آية في الرقي لما تسمع طريقة حديثه أو آراءه في قضايا
تقول هذا انسان اكل الدهر منه و شرب
دوك نولي لصلب الموضوع ولي هو العنف قرأت مرة في الجريدة بلي طفل شنق نفسه في ابتدائية جزائرية متأثر بحلقة من حلقات كونان
يعني ايدا كان صح فهذه كارثة انسانية يتحملها قبل كل شيء أبواه
سبحان الله طفل صغير ميعرفش معندوش حرية اختيار واش يشوف
كاين لي يقولو لا لا خطأ فادح أنك تختار عن وليدك وهاد الشيء راح يخليه بدون شخصية
طفل مزال متعلم المبادئ تخليلو الاختيار و تستنى تكون عندو شخصية هاد أنا نعتبرو هبال
لأنو مرانش فوقت لي رانا دايرين فيه ثقة في البرامج التلفزيونيه يستحسن ميكونش أصلا تلفاز لأنه راح يتعلم يتعلم أشياء عيانة
حتى لو تختار وش تختار من القنوات فكاين قنوات دينية و الجينيريك بالموسيقى وكلش
أنا شخصيا نشوف أنه أحسن حل ديفيدي و تختار سيديهات على ذوقك و بما يناسب السن و الدين ويستحن يكون فوق الترفيه فيه رسائل تعليمية اسلامية
هكدا يضرب الانسان عصفورين بحجر و يحمي الطفل ديالو من الخرافات
لأنو كي تمنع الانسان من حاجة لازم يكون عندها بديل
شكرا ع الموضوع بارك الله فيك و عذرا ع الاطالة ​

اهلا بيك والله قبعة تقدير واحترام للرد نتاعك يعني كفيتي ووفيتي ماشاء الله حتى انو عطيتي حلول جد رائعة لكن في وقتنا الحالي الاوالدين ما يراعوش لمثل هته الامور يقلك
راهو صغير واش راهو عارف مالغري الصغير هو اللي يعرف كل شيء ويتعلم كل شيء حتى التربية الصحيحة مكانش نورمالمون الوالدة تقعد مع وليدها وتعلمو
من خلال الكرتون واش هو الشي اللي يفيدو وتحددلو الشخصيات اللي لازم يكرهها حتى هذي ما عندناش فيها وعي لانو وبكل بساطة نحبو نتخلاو على المسؤوليات نتاوعنا
المهم يهني راسي من العياط نتاع الطفل بصح غدوا مستقبلا كي يكون وليدك متوحد او تاجر مخدرات لثم تعرف قيمة التربية والتنشئة ربي يهنيك وشكرا على ردك الجميل ..​

 

[aljentel]

الله يرحم ايام افتح ابوابك ياسمسم نحن الاطفال وماكو غيره
الحين اختلط الحابل بالنابل ...

 

[لاريمان]

السلام عليكم
صح عيدكم اخي
رايحة نختلف معاكم شوية لانو تأثير الرسوم باختلاف الزمان و حتى الاجيال شفت حصة عن هدا الموضوع وللاحظو ان الاطفال يقلدون كل مايرونها حتى ان درجة الادمان تجعل منهم مبرمجين يعني الطفل يعيش الرسوم ويحاول يقلدو وحذرو من الرسوم القتالية والعنيفة لانها تجعل من الطفل عدواني

 

[Skor m@k]

السلام عليكم
والله ضحكتني يا خويا حكيم هههههههههههه
العنوان جاني غريب قلت ماتقوليش راح يعلمنا الضربة تاع فاندام ههههههههههههههه
الاطفال تقريبا كامل ولاو هكذا يتخايلو
انا عندي وليد خالتي ليل كامل وهو يعاود الهدرة تاع الميكيات هههههههههه
عدت نقولو انت تفرجهم فالنهار وانا نسمعهم من عندك فالليل ههههههههههه
تانيت في وحد العرس كنت نلعب مع وحد الطفل صغير
جريت موراه كي مالقاش وين يهرب عيط وقالي سأختفي ههههههههه
قتلني هناك بالضحك تخايلت روحي في ميكي نلعب هههه
اواه الجيل هذا ولا يتخايل ويعيش الخيال اكثر من راهو يعيش الواقع
​

 

[Hakan]

الله يرحم ايام افتح ابوابك ياسمسم نحن الاطفال وماكو غيره
الحين اختلط الحابل بالنابل ...

اهلين فيك اخي والله نقولو الا الله يرحم ايام الزمن الجميل ​

 

[Hakan]

السلام عليكم
صح عيدكم اخي
رايحة نختلف معاكم شوية لانو تأثير الرسوم باختلاف الزمان و حتى الاجيال شفت حصة عن هدا الموضوع وللاحظو ان الاطفال يقلدون كل مايرونها حتى ان درجة الادمان تجعل منهم مبرمجين يعني الطفل يعيش الرسوم ويحاول يقلدو وحذرو من الرسوم القتالية والعنيفة لانها تجعل من الطفل عدواني

يعني هنا يرجع السبب للطفل يعني عقول الاطفال تغيرت بتغير الزمان
ممكن كنظرية تصلح لانو تنشئة الاطفال تغيرت مع وجود الحضانات هذي
لكن على العموم تبقى نسبة كبيرة تتحملها افلام الكرتون ​

 

[Hakan]

السلام عليكم
والله ضحكتني يا خويا حكيم هههههههههههه
العنوان جاني غريب قلت ماتقوليش راح يعلمنا الضربة تاع فاندام ههههههههههههههه
الاطفال تقريبا كامل ولاو هكذا يتخايلو
انا عندي وليد خالتي ليل كامل وهو يعاود الهدرة تاع الميكيات هههههههههه
عدت نقولو انت تفرجهم فالنهار وانا نسمعهم من عندك فالليل ههههههههههه
تانيت في وحد العرس كنت نلعب مع وحد الطفل صغير
جريت موراه كي مالقاش وين يهرب عيط وقالي سأختفي ههههههههه
قتلني هناك بالضحك تخايلت روحي في ميكي نلعب هههه
اواه الجيل هذا ولا يتخايل ويعيش الخيال اكثر من راهو يعيش الواقع
​

هههه هاك تشوف يتفرج في النهار ويخرج الصح في الليل
الاطفال الله غالب عليهم لما يشوف انو الاب يوجه فيه للكرتون يحسب انو هذاك هو الصح
ومع العنف نتاع الكرتون اللي ضركي دماء واشلاء وعقائد الحادية وغيرها
الاطفال رايحين يضيعو والمشكلة انو كاين الانترنت يعني
اطفالك تقدر تحطلو من الحاسوب رسوم من الزمن الجميل
يتعود عليها ويكون وقتو منظم احسن شيء ربي يهنيك ​

 

[madridista]

هههههههه ايييي فكرتنااا في الزمن الجميييييل ياحصرااااه بارك الله فيك
يولندا داي كونان تيمون وبونبا احذر ميڨالو سيمبا والاهم بووكيمون .....الخ