سؤال ضروري ارجو المساعدة

[wissam 47]

السلام عليكم ورحمة الله وبركاته
ان شاء الله تكونوا بخير
حبيباتي حبيت نشري انتي صولاي منها فاندوتا ومنها انتيي صولاي أتمنى تساعدوني ارجو ترفق ردكم بالصورة للمنتج
كان تشوفوا وجهي راه قهوة حليب ما نفع فيا والو
ارجو الإفادة
تحياتي
حبيبتكم @wissam 47 ​

 

[لؤلؤة قسنطينة]

وعليكم السلام ورحمة الله وبركاته
والله صراحة ماعنديش فكرة حول الموضوع
نشوفو لبنات بالاك يعاونوك
@أم ياسمينdz
@عآشقة الجنـة
@بنقابي افتخر
@قمر الوادي
@Soumia hadj mohammed ​

 

[❤️كلي أمل❤️]

السلام عليكم
انا نستعمل نوت رووووعة ولله
الله غالب مانقدرش نحطلك صورتها بسبب نوع الهاتف بصح جربيها ورجعيلي

 

[wissam 47]

مشكورين حبيباتي مريومة
صمت المشاعر
اعطيني اسمها كامل و اوصفيهالي

 

[MAROUA HAIBER]

سلام
انا نستعمل فونيس مليحة وشنو كي ديريها متكثريش
واقعدي بيها نصف ساعة فالبيت قبل تعريض وجهك للشمس ونتمنى يفيدوك لأنو على حساب بشرتك

 

[❤️كلي أمل❤️]

مشكورين حبيباتي مريومة
صمت المشاعر
اعطيني اسمها كامل و اوصفيهالي

اسمها note
ورقم لي تشريه حساب لون بشرتك مثلا انا بيضة نستعمل رقم 2 مانحبش فونتدتان بيضة بزاف
وكي ديريها تبان بشرتك باهية وصافية وماتبانيش بلي راكي دايرة حاجة في وجهك
المهم كي تحبي تشريها قولويلو نوت معروفة بزاف هي واذا حبيتي تعرفيها مليح ادخلي لڤوڤل

 

[❤️كلي أمل❤️]

ونزيدلك اذا تحبي ماكياج ماركة شابة اشري نوت ماسكرا و ايلاينر نوت رووووعة جربي حنونة ورجعيلي هههههه

 

[wissam 47]

مشكووووورة غاليتي ياسر ياسر لا انا ما نحبش ندير لحاجة لي تبان ولاينار غير في لعراس ههههه
نورتي

 

[❤️كلي أمل❤️]

مشكووووورة غاليتي ياسر ياسر لا انا ما نحبش ندير لحاجة لي تبان ولاينار غير في لعراس ههههه
نورتي

حبيت نعطيلك فكرة برك مام انا مانديرش ماكياج غير في اعراس ههههه
بصح هادي احسن ماركة للمكياج ههه
وبلا مزية حنونة واش تحتاجي رانا هنا خيااات

 

[همس الوُرود]

السلام عليكم أختي
أنا ننصحك بأونتي صولاي وحدها لا معاها فوندوتان لا والو غير تضري وجهك ويتصبغ في باطل اشريها طبية من الصيدلية
وأنا نصحتني الطبيبة ب Avene.
مبعد نبعتلك صورتها إن شاء الله حبيبتي
تحميك مليح من الشمس ومتصبغ وجهك ماوالو. اونتي صولاي وحدها دورها الحماية بقوة وبس ^^

 

[لؤلؤة قسنطينة]

@صمت المشاعر و @Twinkle Stars
بقداه اونتي صولاي هادا لي تحدثتو عليه؟​

 

[❤️كلي أمل❤️]

اونتي صولاي وحدو بلا فوندتان ثمنو من 800دج وطلع هههه هاد اذا حبيتي حاجة مليحة بصح انا مانحبش نستعملو يرجعلك وجهك مزيت ويبرق
اما فوندوتان note لي حكيتلها عليه ثمنو1500بصح حاجة مليحة ولله انا مجرباتو

 

[همس الوُرود]

@صمت المشاعر و @Twinkle Stars
بقداه اونتي صولاي هادا لي تحدثتو عليه؟​

اهلا اختي مريم

Avene يتباع من الصيدلية ب 2510,00 دج

 

[لؤلؤة قسنطينة]

شكرا حبيباتي ربي يحفظكم​

 

[همس الوُرود]

شكرا حبيباتي ربي يحفظكم​

العفو أختي مريم
آمين وإياك يا ربي^^

 

[أم لينة]

انا ننصحك تشري على حساب نوع بشرتك كاين لي تزيت الوجه وتظهر حبوب كيما يقولو تجي تكحليها تعميها ..و كاين لي تنشفو شوفي لي توالمك على حساب بشرتك روحي للفارماسيان ممكن ينصحك بنوع جيد ليك .

 

[السلطانة]

وعليكم السلام ورحمة الله وبركاته
ننصحك تروحي عند صيدلية وتسقسيه على النوع لي يناسبك افضل حسب بشرتك
افضل من تشري من الكوسميتيك

 

[wissam 47]

شكرا لكم كاملين والله نصائحكم افادتني كثيرا
جزاكم الله خيرا

 

[GI Joe]

kayen vichy protection solaire 50spf w yghati teinté, et la roche posey aussi hayla
mais choufi fi pharmacie kbira bech tmizih f ta peu w sa9ssi li tssa3dek f wedjhek
prc laa kanet mzyta w djibi creme dhghila raha tzuyti nhat kaamel w la kanetpeau seche w diri lotion khfifa rahi dirlek les zonnes de sechresse mnin niff et tt
w kayen les bb cremes kima ta3 garnier w nuxe w gdeh n marque mais tkoun protection 20 wala 30 spf bark, een tt sa9ssi mlih f la pharmacie prc khsara techri hadja ghaliya w matwalmekch