كنت هانية قلبولي المعيشة

[أم لينة]

السلام عليكم و رحمة الله و بركاته

وشراكم خاوتي خواتاتي افراد اللمة العزيزة ان شاء الله ملاح صح سهرتكم .
حبيت نحكي على هاذ الوقت لي تكرفص و كرفص كلش معاه ....الطفلة كملت قرايتها الله يبارك تتخرج في عمرها حوالي 25 سنة تحلم مسكينة تجبر كاش خديمة تشد يدها حتى يجيها فارس الاحلام ..و اذا حب ربي خدمة تاع ترسيم هاذيك نعمة ..عام يجيب عام مسكينة تبدا تفقد الامل لا خدمة لا خطاب تبدا تتعود على حياة الماكثة بالبيت و تصبح تعيش كل يوم بيومو حتى يفرج ربي ....و فجأة يدق الباب ...واش كاين ...خطاب ...الله يبارك ..الطفلة تنفض على روحها التراب تفوق بلي راهي انثى ..لا علينا ..يقلك الخطاب رطاب .. جينا قاصدين البيت حكاولنا عليكم عائلة ماشاء الله ..ياك يقولو اختر لاولادك اخوالا ..الله يبارك ان شاء الله مايكون غير الخير راه يجي الراجل يشوف ..انعم ياسادة حقو يشوف معليهش .. تبدا الطفلة مسكينة تتخربط عليها المشاعر مش عارفة فرحانة و الا مخلوعة ههه المهم منحكيش على التحضيرات و الخسائر تاع التوجاد من حلوى و فواكه و كاش لبسة تلبسها ..تشوفو و يشوفها تعجبو و يعجبها يرتاحو لبعض .. المهم يروحو على اساس يرجعو باش يملكو ....و تمضي الايام و سي خونا لاخبر ..الطفلة مسكينة تبدا تدخل في دوامات منحكيلكمش عليها مسكينة طلع و تهبط ..علاه مرجعوش ؟ شكيت بطلو ؟ اواه بصح خرجو فرحانين ؟ ياك سقساو علينا قبل ما يجونا و قالو عاجبتهم العائلة بالكل؟ .........الخ الخ
و من بعد تبدا الطفلة تسمع ناس تقول بلي بطلو عليها و هي مسكينة متصدقش تقول مجرد اشاعات ياك ماجاوش و هدرولنا بلي بطلو .
تستنى الطفلة هنا يجو هنا يجو هنيا يجو والو لاحس لاخبر ..يروح الاب او واحد من العائلة ليهم يتأكد من الخبر او يسمعها منهم و الصدمة تكون انهم بطلو كيما سمع من الاشاعات ..الاب او الاخ من الصدمة ميحبش يسمع الاسباب .
الطفلة اكيد راح تتصدم و راح تجوز عليها ايامات زفت معليهش المكتوب مجمعهمش ..
بعد مدة يفتح عليها ربي و يجوها أخرين و بنفس الطقوس و تشوفو و يشوفها و يزيد مع لاسف ميكتبش ربي ..هنا نحبسو يا جماعة الخير .
يعني كل واحد راح يقول الطفلة يخطبوها عشرة ويديها واحد المشكل مش هنا المشكل في نفسية الطفلة واش يقعد فيها كاين لي يفتح عليها ربي و يجي لي يستهلها و يديها حتى و جاو قبلو عشرة و مرمدولها جد النفسية حتى شرف سبع البرمبة لي داها و ينسيها في النكسات لي عاشتها.
لكن كاين المسكينة لي تبقى ذكرى النكسات ساكنة فيها و راح تمرض نفسيا و جسديا و تمرض والديها معاها .
انا مش ضد الشوفة هاذي و الطقوس لاني مريت بيها لكن انا لي تغيضني نفسية البنية لي يبطلو عليها ماش مرة ماشي زوج و هي تلقاها كل الشروط متوفرة فيها الله يبارك عليها لكن علاش صرالها هاك ؟ كيفاش تجمع شتات اجنحتها المنكسرة .و لي تزيد تغيضني ميرجعوش يقولو رانا بطلنا يخلوها معلقة مسكينة...هنا اكيد راح تخلي هاذ التجارب الفاشلة بصمة ممكن سوداء في قلبها و راح تتغير نظرتها للحياة و للرجال و كاين لي حتى تنعزل عن الحياة و تصبح تيفيتي كل من يجبدلها موضوع الرجال مش خوفا منهم لا ..لكن خوفا على قلبها هل راح يستحمل صدمة أخرى ؟

*هنا بنات اللمة نظن اغلبيتكن رايحين تتظامنو مع هاذ الطفلة لي صرالها هاك لانك ممكن تعيشي واش عاشت هي .واش تقولي لهاذ الطفيلة باش تعدي هاذو النكسات باقل الاضرار النفسية .

- الذكور حابة نعرف رايكم في الموضوع . و نصيحتي ليكم لي راح يخطب يخمم مليح قبل راك متأك بلي خلاص راك كبرت و حاب تستبيت ايا مبروك عليك كي تشوف انت والا ميمتك دير في بالك بلي راك رايح تشوف بنت من دم و احساس هي او عائلتها متلعبش بيهم كونك راجل و على قد كلمتك شفتها عجبتك خلاص سقسيت عليها و على العائلة اعطيهم الموافقة تاعك من فمك بدون مراسيل ياك راهي حياتك انت . و اذا مكتبش المكتوب متخافش مش راح ياكلوك اصلا راه ربي شافلها الخير كي بعدها عليك ملا كونك راجل و قلهم بلي خلاص مكتبش المكتوب متقعدش تتماطل عليهم . و اقضي صوالحك في الستر بركا ما تشيع على بنت الناس اذا معجباتكش متشيعش واش شفت فيها قادر تقطع عليها مكتوب خير منك انت كان راح يجيها .

ايا اليكم الخط ...
ربي يرزقك كل بنت بنرنوس الستر و يرزق كل راجل الزوجة الصالحة .

 

[Hakan]

السلام عليكم اهلا بالخالة والله حكاية موضوعك عكس حكاية نعرفها في الواقع المهم هذا واحد نعرفو عندو بنتو منين كانت صغيرة الله يبارك كل صبع بصنعة والجمال عادي كيما 80٪من بنات دزير هيا كان كي يجوها الخطاب يطيحو عليها غير الاخوة يعني سلفيين والجماعة نتاع الرؤية الشرعية والاب نتاعها متعصب ما يقبلش بهذا الشي يعني من لول يقلهم الرؤية للنساء والراجل ما يشوفش المهم الطفلة مسكينة بارت حتى وصلت 30سنة ايا جاو ليه خاوتو وداوسوه وقالولو راك خاطي الشرع ويجيها خطاب من جماعة الرؤية الشرعية شافها كيما قلت عجباتو
وراح عطالها نتاع الشوفة كي شغل حسسهم بالموافقة و شلوب مابان عليه حتى خبر وجات اشاعات في الطفلة اكثر من اشاعات وقت رفض الاب وحطموها مسكينة ...حكيتلكم القصة ونرجع نرد في وقت لاحق عن لب الموضوع سلام .​

 

[طموحة]

السلام عليكم ورحمة الله و بركاته
حكيتي على أمور راهي منتشرة بكثرة في وقتنا الحالي والسبب تغير المفاهيم والعقليات
و صراحة مجتمعنا و للأسف راهي تصرا فيه بزاف مغالطات في هادالباب يعني النظرة الشرعية و الخطبةوماتبعها
الأصل أنو النسان قبل النظرة الشرعية يسأل جيدا عن كل ما يخص الفتاة ما عدا الشكل ونفس الشيء بالنسبة لأهل البنت يسألو عن كل ما يخص بالمتقدم لابنتهم
هكدا باش كي يلقاو بلي راهم متفاهمين نسبة 80بالمئة وبقات غير النظرة الشرعية لي تحدد لتم يدخل الانسان للدار
و ايدا تم القبول اللهم بارك لم يتم خير لهما أكيد و ليس لعيب فيهما و لا فيها احراج لأنوهادي هي الأرواح جنود مجندة قادر الانسان مليح لكن لم يرتح له
سواء المرأة رفضت ولا ترفضت فهذا لا ينقص من كلاهما كل شيء مقدر
أما أنو لي يقولك نجي نخطب دخلو لدارك ونتامعلابالكش ايدا مليحو لالا حتى من بعد ما يشوف بنتك باش تسقسي وهو يسقسي
فهنا أكيد راحتلقا بلي بنتك شافوها 20 وهاد استهتار في الأعراض سبحان الله
لذا بعض العلماء قالو بلي يستحسن تكون بحجاب لأنو الناس ولات تشوف برك
و الشيء التاني العقلية الجزائرية في حب التعليق يفسد الأمر يعني عندما يتم الرفض كل واحد ينسب الرفض لنفسه من أجل أن لا يعاب
و هذا لا يأتي الا من نقص ثقة في النفس و من الانسان الذي يملك نظرة دونية عن نفسه
والا فلما يزعج الانسان الرفض
الانسان اذا كان حريص على عرضه و تم رفض لعدم الأريحية فعادي جدا و شيء لا يسبب الازعاج خاصة أنو ربي سخرلنا صلاة الاستخارة
فبعدها كل ما يحدث هو الخير أوليس من معنى دعائها طلب تقديم الأمر انكان خيرا و ابعاده ان كان شرا لذا فلأصل أن لا تتأثر نفسية الانسان من الأمر
لكنفي مجتمعنا ما يسبب الازعاج أنو ما ولاتش عندنا ثقافة ستر العيوب الانسان منا لم يعد حريص على ستر عيوب اخيه بل على فضحها و نشرها
نسو أن من يستر أخاه يتره الله
ربي يعافينا و يسلمنا
و بارك الله فيك ع الموضوع و اسمحيلي على الرد المخربش دخلت ف جيهة خرجت ف جيهة


​

 

[aljentel]

خطب ما عجبته الامر عادي اذا لم يتفوه بكلام يجرح شعورها ثم ان هناك من يخطب وعند الشوفه البنت ترفض وايضاً الامر عادي اذا البنت لم تتفوه بشيء مما يثير الضغائن ... ما ادري ليش مكبرين الموضوع وأنتم تعلموا يقينا ان الزواج قسمه ونصيب من جانب آخر يمكن خيره للبنت وإلا للشاب حينما يرفض احدهما الآخر ومثل تلك الأمور تحصل كثيرا وليس في الامر ما يعيب ومن تتحسس من ترك الخطيب لها لاشك عندها مشكله نفسيه لان الامر برمته لايحتمل اَي شعور بالنقص وليس للاعداء فرحة بذلك لانه امر بديهي ويحصل للكل ولا شيء به ....
شكرًا .

 

[أم لينة]

السلام عليكم اهلا بالخالة والله حكاية موضوعك عكس حكاية نعرفها في الواقع المهم هذا واحد نعرفو عندو بنتو منين كانت صغيرة الله يبارك كل صبع بصنعة والجمال عادي كيما 80٪من بنات دزير هيا كان كي يجوها الخطاب يطيحو عليها غير الاخوة يعني سلفيين والجماعة نتاع الرؤية الشرعية والاب نتاعها متعصب ما يقبلش بهذا الشي يعني من لول يقلهم الرؤية للنساء والراجل ما يشوفش المهم الطفلة مسكينة بارت حتى وصلت 30سنة ايا جاو ليه خاوتو وداوسوه وقالولو راك خاطي الشرع ويجيها خطاب من جماعة الرؤية الشرعية شافها كيما قلت عجباتو
وراح عطالها نتاع الشوفة كي شغل حسسهم بالموافقة و شلوب مابان عليه حتى خبر وجات اشاعات في الطفلة اكثر من اشاعات وقت رفض الاب وحطموها مسكينة ...حكيتلكم القصة ونرجع نرد في وقت لاحق عن لب الموضوع سلام .​

وعليكم السلام اهلا ابن اختي ..نعم اكيد كاين بزاف حالات و حكايات انا اخترت حكاية عايشتها من قريب و صح اثرت في مولاتها انت تقولي هاذ سنة الحياة و الشوفة لابد منها و انا نقلك عندك الحق و حنا تاني تزوجنا هاك لكن الفتاة من كثرة التجارب الفاشلة تأثرت نفسيتها بزاف و معادتش عندها رغبة في الزواج وحتى اهلها اصبحو يتخوفو من كاش خطاب يجي يشوف بنتهم و من بعد يروح ميوليش .
شكرا على مرورك في انتظار عودتك لاثراء الموضوع .

 

[أم لينة]

السلام عليكم ورحمة الله و بركاته
حكيتي على أمور راهي منتشرة بكثرة في وقتنا الحالي والسبب تغير المفاهيم والعقليات
و صراحة مجتمعنا و للأسف راهي تصرا فيه بزاف مغالطات في هادالباب يعني النظرة الشرعية و الخطبةوماتبعها
الأصل أنو النسان قبل النظرة الشرعية يسأل جيدا عن كل ما يخص الفتاة ما عدا الشكل ونفس الشيء بالنسبة لأهل البنت يسألو عن كل ما يخص بالمتقدم لابنتهم
هكدا باش كي يلقاو بلي راهم متفاهمين نسبة 80بالمئة وبقات غير النظرة الشرعية لي تحدد لتم يدخل الانسان للدار
و ايدا تم القبول اللهم بارك لم يتم خير لهما أكيد و ليس لعيب فيهما و لا فيها احراج لأنوهادي هي الأرواح جنود مجندة قادر الانسان مليح لكن لم يرتح له
سواء المرأة رفضت ولا ترفضت فهذا لا ينقص من كلاهما كل شيء مقدر
أما أنو لي يقولك نجي نخطب دخلو لدارك ونتامعلابالكش ايدا مليحو لالا حتى من بعد ما يشوف بنتك باش تسقسي وهو يسقسي
فهنا أكيد راحتلقا بلي بنتك شافوها 20 وهاد استهتار في الأعراض سبحان الله
لذا بعض العلماء قالو بلي يستحسن تكون بحجاب لأنو الناس ولات تشوف برك
و الشيء التاني العقلية الجزائرية في حب التعليق يفسد الأمر يعني عندما يتم الرفض كل واحد ينسب الرفض لنفسه من أجل أن لا يعاب
و هذا لا يأتي الا من نقص ثقة في النفس و من الانسان الذي يملك نظرة دونية عن نفسه
والا فلما يزعج الانسان الرفض
الانسان اذا كان حريص على عرضه و تم رفض لعدم الأريحية فعادي جدا و شيء لا يسبب الازعاج خاصة أنو ربي سخرلنا صلاة الاستخارة
فبعدها كل ما يحدث هو الخير أوليس من معنى دعائها طلب تقديم الأمر انكان خيرا و ابعاده ان كان شرا لذا فلأصل أن لا تتأثر نفسية الانسان من الأمر
لكنفي مجتمعنا ما يسبب الازعاج أنو ما ولاتش عندنا ثقافة ستر العيوب الانسان منا لم يعد حريص على ستر عيوب اخيه بل على فضحها و نشرها
نسو أن من يستر أخاه يتره الله
ربي يعافينا و يسلمنا
و بارك الله فيك ع الموضوع و اسمحيلي على الرد المخربش دخلت ف جيهة خرجت ف جيهة


​

وعليكم السلام و الرحمة اهلا اختي .
صحيتي اختي ياريت الشباب تعمل بمثل ما قلتي و اكديلي على ثقافة ستر العيوب سواء للراجل او المرأة لي شاف العيب في الاخر يستر .
شكرا على كرم مرورك و ردك الراقي .

 

[أم لينة]

خطب ما عجبته الامر عادي اذا لم يتفوه بكلام يجرح شعورها ثم ان هناك من يخطب وعند الشوفه البنت ترفض وايضاً الامر عادي اذا البنت لم تتفوه بشيء مما يثير الضغائن ... ما ادري ليش مكبرين الموضوع وأنتم تعلموا يقينا ان الزواج قسمه ونصيب من جانب آخر يمكن خيره للبنت وإلا للشاب حينما يرفض احدهما الآخر ومثل تلك الأمور تحصل كثيرا وليس في الامر ما يعيب ومن تتحسس من ترك الخطيب لها لاشك عندها مشكله نفسيه لان الامر برمته لايحتمل اَي شعور بالنقص وليس للاعداء فرحة بذلك لانه امر بديهي ويحصل للكل ولا شيء به ....
شكرًا .

نعم طبعا الزواج قسمة و نصيب ما حد قال غير هذا .. انا في موضوعي تطرقت لحالة فقط عاشت هذه التجارب الفاشلة و هذا اثر على نفسيتها و جعلها تنفر من الزواج خوفا من خوض تجربة أخرى فاشلة هنا كاين بنات يقدرو يتجاوزو هاذ المرحلة عادي و تكمل حياتها عادي لكن كاين شي بنات متتقبلش الرفض المتكرر للعرسان لها و يزيد عليها الوسط لي عايشة فيه و يروح البعض انو يقول هاذ الفتاة معمولها عمل و يزيدو الطين بلة للاسف هاذ الشيء موجود في مجتمعنا و مننكروش الامر .-اما الرجل اذا رفضاتو الفتاة راح يشوف غيرها عادي لكن الفتاة راح تستنا مكتوبها يا يجي يا لا -
شكرا على كرم مرورك

 

[فيتامين سي]

جيت نحكي و هذا الكل بسبب العادات التافهة تاع كوكب زمردة
نهار يبغي يخطب يجيب العائلة و الاصدقاء و الجيران باش يشوفوها تقول بطاطة تتباع ذي ولا خلي و هي من ذاك الخلعة تاع تضحك في وجه كل واحد تنسى اصلا تقعد معاه تحكي معاه تتعرف عليه تشوفه مام يسقسوها مشفتهش و تبدا في الخرطي سلة فواكه طارت فيها 10 امتار 20 نوع قاطو و تبدل زوج خطرات بلا منحكي تجيب عايلتها كومبلي و جيرانها
متوليش حاجة بين زوج هو و هي و يحكو و يشوفو بعضاهم تولي قضية 100 و 100 يحكو كفاش بغيتي يصرا من بعد
لازم اي وحدة تفرض رايها و تخلي اجواء الرؤية الشرعية كما تبغي و بالطريقة لي تبغي و لي هدر عنده البحر شحال كبير خليه يحكي

ابسط حاجة و اسهلهم و كامل تقدرو ديروها و لي قالوهالي انا صحباتي فيتامينة بلعي فمك نهار تصدق حكي
كون كل وحدة تدير لي حكيتي عليه الفوق اختك منا احم احم ربي يبارك عليها كون استقبلت 200 مرة هكدا الله يبارك هههههههههههههههه
بصح علاش نستقبل الي يدخنو نهايتي نرفضه علاش نستقبل الي مرايحاش نقبله الي يتاجر بالممنوعات و دعوة شر علاش نستقبل دو السمعة السيئة و نخليهم يحكو فيا روحو منسحقش
بونيشة في دار بابا و لا خديمة عندو و هو لا دين لا تربية لا اصل
المهم نرجع للموضوع الحل
بعد ما الاب يلقى فيه بلي كلش مزبوط و يسقسي من و من يجي وحده و تقعدو مع بعض وتتعارفو و تحكو
تفاهمتو يجيب الام و لا الام و الخالة برك ماشي معرض هذا و يجيب الاخ و لا الاب تعارف بسيط نامبر تو خلاص تفاهمتو يجيب لي بغا و بلا شكيل لي كل عام عادة حتى رجعو بسيف نطبقوهم
تقول عرس ماقبل العرس تلبس زوج خطرات وا10 نواع قاطو و الخرطي داك و رجع يشرطوه ياخاه عليا الكشايف
البساطة دايما تجي شابة
:Love:
رفضو واحد مسمع و نتي راكي نورمال رفضتي رفضو بلا كشفة و فضايح
قبلو راكي تحكي للعائلة و تحكيلهم ماماك ماشي تحطيلهم شغل صوت و صورة لي خطبني عنده و عنده و كيداير و تقتلني جيبيلنا تصويرته نشوفوه
بلا فضايح يا قوم
متعيشوش للناس عيشو لنفسكم فقط
​

 

[لؤلؤة قسنطينة]

السلام عليكم
مرحبا بيك أختي الغالية ومرحبا بمواضيعك المميزة اشتقنا لتواجدك بيننا ربي يدوم تواجدك ان شاء الله
وشكرا لطرحك الموضوع الحساس كيما قلتِي حنا رانا بشر مخلوقين من لحم ودم يمكن كلمة عابرة تحطم إنسان سنين
فمابالك بفعل؟ يعني الرسول عليه الصلاة والسلام قالنا ابتسامتك في وجه أخيك صدقة يعني كلي راك تصدق
بالدراهم وهذا دليل على أهمية إسعاد نفس الغير ولو بابتسامة راك تؤجر عليها، هذا فيما يخص معاملتنا مع جميع البشر
نوليو للمرأة لي ناوي تتزوجها كيما قلتيها أختي نتا شفت طفلة عجبتك ونويتها للحلال وقررت دير رؤية شرعية
ونأكد رؤية شرعية ماش مباراة كرة قدم هههه كيما قالت فيتامينة 100 يجيو يشوفو 100 لالا يمكن الإبن والأب والام تكفي
المهم اذا شفتها وعجبتك مرحبا وتقدر تبين موافقتك بمبلغ مالي بسيط ولا أي حاجة وإذا ما عجبتكش قول مباشرة
ماتجرحهاش مباشرة مثلا تقول الطفلة ماش مليحة ولا تجرحها ولكن قولهم المكتوب ماكتبش وخلاص وأسبابك خليها لنفسك
بصح ماش يديرو شوفة وياكلو قاطو ويحكيو ويضحكو ومن بعد اختفاء لا رجوع بعده، يخي الناس ماش حاطينلك الموس
في الرقبة؟ اذا كتب ربي مرحبا وإذا ماكتبش ربي يجيب لكل من الطرفين نصيب افضل ان شاء الله، انا ضد شخص يخلي
مرأة معلقة ماتعرف لاراهي مخطوبة ولا راهي عازبة والمشكلة العظمى درك كاين لي مخطوبين ومدايرين العقد الشرعي
ويهربو مايزيد يبان عليهم خبر تبقى الطفلة معلقة ولا عارفة واش دير وهادا ماش مليح، يمكن يقولك الزواج أمر عادي
ماش للدرجة لي تتجرح بيها نفسية المرأة ولكن أنا نشوف العكس خاصة لوحدة مسكينة شبعت هدرة من المجتمع
وعاشت المر وكي فرج عليها ربي ماعرفت تفرح ولا تحزن ولا تتخلع، ونوافق كذلك أختي طموحة فيما يخص الرؤية الشرعية
يعني يسقسيو العائلتين على بعض مليح وكي تبقى للرؤية معليش ماش ندخل لداري واحد مانعرف لا أصلو ولا فصلو
يمكن حتى تاجر مخدرات هههه وبعد ماقعد في داري وشبع نروح نقسي عليه وعلى عايلتو
شكرا اختي على الموضوع وربي يوفق كل شخص ان شاء الله
​

 

[أم لينة]

جيت نحكي و هذا الكل بسبب العادات التافهة تاع كوكب زمردة
نهار يبغي يخطب يجيب العائلة و الاصدقاء و الجيران باش يشوفوها تقول بطاطة تتباع ذي ولا خلي و هي من ذاك الخلعة تاع تضحك في وجه كل واحد تنسى اصلا تقعد معاه تحكي معاه تتعرف عليه تشوفه مام يسقسوها مشفتهش و تبدا في الخرطي سلة فواكه طارت فيها 10 امتار 20 نوع قاطو و تبدل زوج خطرات بلا منحكي تجيب عايلتها كومبلي و جيرانها
متوليش حاجة بين زوج هو و هي و يحكو و يشوفو بعضاهم تولي قضية 100 و 100 يحكو كفاش بغيتي يصرا من بعد
لازم اي وحدة تفرض رايها و تخلي اجواء الرؤية الشرعية كما تبغي و بالطريقة لي تبغي و لي هدر عنده البحر شحال كبير خليه يحكي

ابسط حاجة و اسهلهم و كامل تقدرو ديروها و لي قالوهالي انا صحباتي فيتامينة بلعي فمك نهار تصدق حكي
كون كل وحدة تدير لي حكيتي عليه الفوق اختك منا احم احم ربي يبارك عليها كون استقبلت 200 مرة هكدا الله يبارك هههههههههههههههه
بصح علاش نستقبل الي يدخنو نهايتي نرفضه علاش نستقبل الي مرايحاش نقبله الي يتاجر بالممنوعات و دعوة شر علاش نستقبل دو السمعة السيئة و نخليهم يحكو فيا روحو منسحقش
بونيشة في دار بابا و لا خديمة عندو و هو لا دين لا تربية لا اصل
المهم نرجع للموضوع الحل
بعد ما الاب يلقى فيه بلي كلش مزبوط و يسقسي من و من يجي وحده و تقعدو مع بعض وتتعارفو و تحكو
تفاهمتو يجيب الام و لا الام و الخالة برك ماشي معرض هذا و يجيب الاخ و لا الاب تعارف بسيط نامبر تو خلاص تفاهمتو يجيب لي بغا و بلا شكيل لي كل عام عادة حتى رجعو بسيف نطبقوهم
تقول عرس ماقبل العرس تلبس زوج خطرات وا10 نواع قاطو و الخرطي داك و رجع يشرطوه ياخاه عليا الكشايف
البساطة دايما تجي شابة
:Love:
رفضو واحد مسمع و نتي راكي نورمال رفضتي رفضو بلا كشفة و فضايح
قبلو راكي تحكي للعائلة و تحكيلهم ماماك ماشي تحطيلهم شغل صوت و صورة لي خطبني عنده و عنده و كيداير و تقتلني جيبيلنا تصويرته نشوفوه
بلا فضايح يا قوم
متعيشوش للناس عيشو لنفسكم فقط
​

صحيتي اختي ممكن من الاسباب لي تخلي الطفلة تتعقد من الزواج كاين لي ديرها بيدها تشيع روحها و هي مازال ماكاين حتى حاجة رسمية و كي تبطل تولي في ندامة و اقضو حوائجكم في الستر لا كتب ربي و جمع بيناتكم لابد و الناس راح تسمع لكن خلى البداية تكون في الستر و بالشيء البسيط . باش اذا مصدقتش متنضريش بزاف و تقولي سمعو بيا الناس كامل .
شكرا نورتي موضوعك بردك

 

[السلطانة]

وعليكم السلام ورحمةالله وبركاته

يعني كي يروح الخاطب وميرجعش يدل على انو واهلو لي مدو وجهم معندهمش كلمة

يعني يحوس يبطل يبعث باباه يقولهم ماكانش مكتوب وفضت علاه يوصلو روحهم لجاست كيما هك
والطفلة تتعقد

ماتتعقد ماوالو تلافو يجيب خلافو

بوركتي اختي

 

[*حزن النبلاء*]

تقلب كلش و تعيا تهدر من كلش

و انا مع رأي @أم ياسمينdz

 

[أم لينة]

وعليكم السلام ورحمةالله وبركاته

يعني كي يروح الخاطب وميرجعش يدل على انو واهلو لي مدو وجهم معندهمش كلمة

يعني يحوس يبطل يبعث باباه يقولهم ماكانش مكتوب وفضت علاه يوصلو روحهم لجاست كيما هك
والطفلة تتعقد

ماتتعقد ماوالو تلافو يجيب خلافو

بوركتي اختي

صحيتي ام ياسمين كلامك درر بارك الله فيك

 

[أم لينة]

السلام عليكم
مرحبا بيك أختي الغالية ومرحبا بمواضيعك المميزة اشتقنا لتواجدك بيننا ربي يدوم تواجدك ان شاء الله
وشكرا لطرحك الموضوع الحساس كيما قلتِي حنا رانا بشر مخلوقين من لحم ودم يمكن كلمة عابرة تحطم إنسان سنين
فمابالك بفعل؟ يعني الرسول عليه الصلاة والسلام قالنا ابتسامتك في وجه أخيك صدقة يعني كلي راك تصدق
بالدراهم وهذا دليل على أهمية إسعاد نفس الغير ولو بابتسامة راك تؤجر عليها، هذا فيما يخص معاملتنا مع جميع البشر
نوليو للمرأة لي ناوي تتزوجها كيما قلتيها أختي نتا شفت طفلة عجبتك ونويتها للحلال وقررت دير رؤية شرعية
ونأكد رؤية شرعية ماش مباراة كرة قدم هههه كيما قالت فيتامينة 100 يجيو يشوفو 100 لالا يمكن الإبن والأب والام تكفي
المهم اذا شفتها وعجبتك مرحبا وتقدر تبين موافقتك بمبلغ مالي بسيط ولا أي حاجة وإذا ما عجبتكش قول مباشرة
ماتجرحهاش مباشرة مثلا تقول الطفلة ماش مليحة ولا تجرحها ولكن قولهم المكتوب ماكتبش وخلاص وأسبابك خليها لنفسك
بصح ماش يديرو شوفة وياكلو قاطو ويحكيو ويضحكو ومن بعد اختفاء لا رجوع بعده، يخي الناس ماش حاطينلك الموس
في الرقبة؟ اذا كتب ربي مرحبا وإذا ماكتبش ربي يجيب لكل من الطرفين نصيب افضل ان شاء الله، انا ضد شخص يخلي
مرأة معلقة ماتعرف لاراهي مخطوبة ولا راهي عازبة والمشكلة العظمى درك كاين لي مخطوبين ومدايرين العقد الشرعي
ويهربو مايزيد يبان عليهم خبر تبقى الطفلة معلقة ولا عارفة واش دير وهادا ماش مليح، يمكن يقولك الزواج أمر عادي
ماش للدرجة لي تتجرح بيها نفسية المرأة ولكن أنا نشوف العكس خاصة لوحدة مسكينة شبعت هدرة من المجتمع
وعاشت المر وكي فرج عليها ربي ماعرفت تفرح ولا تحزن ولا تتخلع، ونوافق كذلك أختي طموحة فيما يخص الرؤية الشرعية
يعني يسقسيو العائلتين على بعض مليح وكي تبقى للرؤية معليش ماش ندخل لداري واحد مانعرف لا أصلو ولا فصلو
يمكن حتى تاجر مخدرات هههه وبعد ماقعد في داري وشبع نروح نقسي عليه وعلى عايلتو
شكرا اختي على الموضوع وربي يوفق كل شخص ان شاء الله
​

للاسف اختي بزاف رجال يديروها و لا على بالهم وآخر همهم مشاعر هاته العائلة لي راح شاف بنتهم و فتحولو بابهم و دارو فيه الثقة تخيلي كاين لي توصل بيه انو يروح يشوف طفلة و كي متعجبوش يبطل بلا ما يقولها و يروح يخطب من جيهة أخرى و يتزوج .
نورتي موضوعي باطلالتك شكرا على كرم مرورك .

 

[أم لينة]

تقلب كلش و تعيا تهدر من كلش

و انا مع رأي @أم ياسمينdz

شكرا أخي هاك قلتها تقلب كلش .شكرا على كرم مرورك

 

[❤️كلي أمل❤️]

السلام وعليكم
اختي انا نظن ماشي مشكل هاد لي عندها الثقة في نفسها وعلبالها بلي مافيها حتي عيب علاش تتعقد يروح هو يجي غيرو وكلش بالمكتوب وبلاك فيها خير ليها كي راح ومارجعش
انا وحدة مانعمرش راسي كامل بيهم يروح يجي لي خير منو هادي هي هههههههه

 

[أم لينة]

السلام وعليكم
اختي انا نظن ماشي مشكل هاد لي عندها الثقة في نفسها وعلبالها بلي مافيها حتي عيب علاش تتعقد يروح هو يجي غيرو وكلش بالمكتوب وبلاك فيها خير ليها كي راح ومارجعش
انا وحدة مانعمرش راسي كامل بيهم يروح يجي لي خير منو هادي هي هههههههه

اهلا بيك .
ياريت كل البنات يولي عندها نفس تفكيرك
شكرا على كرم مرورك

 

[GI Joe]

3aaandek l ha9 1000pr cent
men 9abl kont nchouf fiha hadja normal w khlass, mais apres cheft bent khali sralha hakda, w ness hadou chakroha bzeef mara djaw nssa bark apres beh djaa radjel, w bdet temroodh l moral ta3ha ghir yahbet hataan fhamna que batlo w magalolhomch meme pas face a face
khssert 3lih kelma wahda heed syedd mouch radjel tt simplement,koun saah radjel w pt etre yehchem et tt yforci mamah t3ayet l darhom w yetfahou c pas la fin du monde kima golti

doka ki nkhamem f rohi ana rani raaafdha rafdhan baataan hadi ta3 ydjou ychoufoni w yzidou ysselkouni hadek l 3arbon !! noon merci manich khrouff !! j crois fi wa9tna kayen d autre methodes bech ychoufou ba3dhahom bla ma tethass tofla roha mich mliha,, par exemple troh m3a familetha lel park w howa thani w yeb9aw chwia m3a ba3dh; au moin la ma3djebhech l hel rayha tetfaker l hayawanet w tehwissa hadik yetle3 l moral hh

 

[الورد الأحمر]

السلام عليكم ورحمة الله وبركاته

قريت الموضوع وما لقيتش كيفاه نرد بصح سامحيني بالطريقة هذي الوحدة تهاود روحها تلقى روحها تكشفت على الرجال تاع ولايتها الكل !! ما علاباليش كيفاه لعوايد عندكم مي واشمن شوفة وما شوفة احنا عندنا الشوفة اذا درناها معناها أو أهلو برك باه يتعرفو عليها هو أو يكون شايفها برا وعاجبتو وقانع بيها ومسقسي عليها ومش معناها خارج معاها ولا بصح كي يشوفها برا يا ربي طاح فيها صدفة وعجبتو وتبعها وعرف وين تسكن وسقسى عليها مليح سع يتقدم ويجيب أهلو أمو وأختو برك وباباه باه يتعرفو العايلتين على بعض ومن بعد يديرو خطبة ولا يفوتو الخطبة طول ويلبسلها خاتم في الشوفة ويا منعاش للعرس أما الشوفة هذي تاع أرواح شوف وادي ولا خلي ما عندناش وقت الشوفة يكون كلش واضح والقبول كاين من قبل من الطرفين .

الوحدة تهاود لعوايد هذي تلقى روحها الغاشي الكل شافها !! يعني كان كاتبلها ربي مكتوبها هو الراجل العشرين لي تقدمها يكونو شافوها قبلو 19 !! المشكل مش في الطفلة المشكل في الرؤية الشرعية لي ما بقاتش أصلا شرعية .

الإنسان ما يحط روحو في مواقف تعيي ما يعيا منها ويقول نفسيتي تعبت. الأمور هذي ماشي تاع لعب من الطرفين وإذا الراجل غلط في طريقة التعامل مع الموقف أهل الطفلة أصلا هوما لي حطو بنتهم في الموقف هذا علاواه كل شوية يعرضوها على واحد. أي حياة خلاف هذي مش يوم ولا يومين يعني يا العبد يسقسي مليح على الناس لي تقدمو لبنتو ويعرف الصغيرة ولكبيرة يا يخلي بنتو معززة مكرمة.

المهم ماكانش لي يحطمك ماكانش لي يتعبك ماكانش لي يعييك إلا إذا سمحتيلو والطفلة هذي هي وأهلها لي سمحو وبالتالي العواقب تجي عليهم .

ربي يساجف أحوالها .

 

[الورد الأحمر]

بالنسبة للطفلة كيما كل واحد حياتو كاتبهالو ربي وعمرو كاتبهولو ربي ما يزيد عليه ما ينقص هكذا الزواج ما تتعب ما تعيا ما تمرض نفسيا ما تتزعزع ثقتها بنفسها عادي جدا قسمها في الزواج مازال ما وصلش هذا ماكان، نهار يوصل يسهل ربي بكل الطرق وما تدري تلقى روحها في دار راجلها. زيد لحياة ماشي زواج كاين بزاف أمور ممكن الوحدة تعزز ثقتها بنفسها فيهم وتقدر تنسى أصلا حكاية الزواج ومشاكيلو، قوليلها تتعلم ما تعييش نفسيتها ع شي ما عندهاش يد فيه، تعييها ع الشي لي بيدها أحسن، وتعاود حساباتها عوض تغبن روحها بسبة الرجال لي أصلا مش هوما لحياة تروح تشوف لعمرها شي يفيدها في دنيتها ودينها خيرلها من تبقى تبكي ع الأطلال في دوامة نفسية.

في كل الأحوال هذو كامل لي ما كمللهاش ربي معاهم أكيد ما شافلهاش ربي فيهم خير وكون كمللها مع واحد فيهم تكون مش مهنية، باختصار الله يخيرلنا الأحسن لينا لي فيه أقل ضرر .

بالتوفيق ليها .