- إنضم
- 13 أفريل 2013
- المشاركات
- 14,618
- نقاط التفاعل
- 54,537
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم أهل اللمة الكرام وأسعد الله أوقاتكم
اليوم جبتلكم موضوع جديد يخص قسم المهارات اليدوية ونتمنى يعجبكم
كيما نعرفو جميعا أنو التكنولوجيا في هاد الوقت تغلبت على كلشي عدنا حتى أبسط الملاحظات نسجلوها على الهاتف
ونسينا القلم والورق، واليوم جبتلكم كيفاه نصنعو "mini notebook" بنوعين مختلفتين وجميلين منه من هو صغير تقدر حتى تعلقو مع المفاتيح وبالتالي يكون دايما معاك وتقدر حتى تستخدمو كزينة، والآخر أكبر قليلا تقدر تهزو معاك في الحقيبة وتسجل عليه أهم الملاحظات وكل ذلك بأدوات بسيطة، هاد الطريقة شفتها على الانترنت وحبيت نزيد ننقلهالكم بعد التجربة، مالا نبداو على بركة الله
بسم الله
النوع الأول
أول شيء نحتاجو الأوراق الداخلية لي يتكون منها هاد الدفتر الصغير، إذا كنتو ناويين تخدمو الدفتر للكتابة ديرو أوراق بيضاء (أوراق الطباعة) وإذا حبيتوه يكون للزينة فقط تقدرو تستخدمو الأوراق الملونة كيما استخدمتها أنا
نهزو ورقتين ملونتين بلونيني مختلفين (لأنو كل كتاب يحتاج ورقتين) لكن أنا باه يكون تنوع في الألوان هزيت أربعة أوراق ملونة مختلفة باه تكون أجمل أو 3 أوراق (لكن نفضل 4 أوراق لأنو 4 أوراق تصنع كتابين)
ونرسمو على كل ورقة مستطيلات الحجم تاعها يكون (6.8سم طول و4.8سم عرض) ثم نقصوها كما في الصور
(ولا تهتمو لاختلاف الألوان لأني صنعت قداه من كتاب :p)
من بعد نطبقو كل ورقة على إثنين و نجمعو كل ورقتين من نفس اللون وتحتها ورقتين من لون خلاف وهكذا ثم نلصقوهم من فوق مع بعض على إحدى جانبي الطول (هنا أنا استعملت الباتاكس)
ونخليوهم على جنب حتى يلصقو ويجف الغراء كما في الصور
من بعد نهزو ورق هدايا ونلصقو عليه ثلاث أوراق من الورق المقوى (أنا زدت ضفت ورق خشين شوي على المقوى باه يكون العمل متماسك أكثر ولكم الاختيار)
حجم الورقتين على اليمين واليسار (5 سم طول و3.5 عرض) أم العمود في الوسط فحجمه (5سم طول و1.2سم عرض) وبعد اللصق نقصو ورق الهدايا على الجوانب الاربعة كما في الصور ثم نغلفو بيه الورق المقوى
بعد تغليف الورق المقوى نثبّتو عليه خيط من فوق باه نقدرو نعلقوه من خلالو وخيط طويل في الوسط باه نقفلو بيه الدفتر تاعنا لاحقا ولما ننتهيو نوضعو ورقة بيضاء في الوسط ونلصقوها باه يخرج العمل منظم
حجم الورقة (8سم طول و4.5 سم عرض)
وفي الأخير نلصقو الأوراق لي جهزناها سابقا ونغلقو الدفتر تاعنا وتخرج النتيجة كما يلي
النوع الثاني
رايحين نبداو بالأوراق كيما في النوع الأول لكن رايحة نستخدم الأوراق البيضاء ونحتاج 4أوراق بيضاء
ونرسمو عليها مستطيلات بحجم (6.5 سم طول و4.5 سم عرض) من بعد نقطعوها بصح مانطبقوهاش
نجمعوها مع بعض ونلصقوها ونخليوها على جنب
ثم نهزو الورق المقوى الملون بحجم (15سم طول و10 سم عرض) ونلصقو عليها الورق المقوى كما في النوع الأول
لكن هاد المرة حجم الورق المقوى (7سم طول و5 سم عرض) والعمو (7سم طول و1 عرض)
ونغلفو بيه كما في النوع الأول بنفس الطريقة
بعد التغليف نلصقو على أحد الجانبين طواط (ولا خيط مطاطي لي نسعملوه في السراويل وغيرهم من الملابس)
لكن هاد الخيط المطاطي ماحبيتش نخليه باللون الأبيض جبت طلاء اظافر ميت مسكين
(دايما يهديوني طلاء أظافر لكن لأنني ما نستعملوش يموت بلا ما نستعملو)
صبغتو على الجانبين بلونين مختلفين ولكن يشبهو لبعض ولصقتو بعد التغليف كما في الصور
ثم نوضعو ورقة بيضاء باه يبقى العمل نظيف
وهكا تكون النتيجة
من بعد نلصقو الورق على الغلاف ونثبتوه مليح ومن بعد نزينو الواجهة تاعو حسب اختياركم
أنا زينت زوج دفاتر واحد برسمة وواحد بإسمي (بالاكم تضحكو على خطي)
وفي النهاية نستخدمو هاداك الخيط المطاطي لإغلاق الدفتر
وهادي النتيجة النهائية
نتمنى يكون الموضوع عجبكم وماكانش تقيل عليكم
شجعوني باه المرة الجاية نزيد نخربش ونخدملكم حوايج ملاح هههه
اتهلاو في رواحكم
تحياتي
اليوم جبتلكم موضوع جديد يخص قسم المهارات اليدوية ونتمنى يعجبكم
كيما نعرفو جميعا أنو التكنولوجيا في هاد الوقت تغلبت على كلشي عدنا حتى أبسط الملاحظات نسجلوها على الهاتف
ونسينا القلم والورق، واليوم جبتلكم كيفاه نصنعو "mini notebook" بنوعين مختلفتين وجميلين منه من هو صغير تقدر حتى تعلقو مع المفاتيح وبالتالي يكون دايما معاك وتقدر حتى تستخدمو كزينة، والآخر أكبر قليلا تقدر تهزو معاك في الحقيبة وتسجل عليه أهم الملاحظات وكل ذلك بأدوات بسيطة، هاد الطريقة شفتها على الانترنت وحبيت نزيد ننقلهالكم بعد التجربة، مالا نبداو على بركة الله
بسم الله
النوع الأول
أول شيء نحتاجو الأوراق الداخلية لي يتكون منها هاد الدفتر الصغير، إذا كنتو ناويين تخدمو الدفتر للكتابة ديرو أوراق بيضاء (أوراق الطباعة) وإذا حبيتوه يكون للزينة فقط تقدرو تستخدمو الأوراق الملونة كيما استخدمتها أنا
نهزو ورقتين ملونتين بلونيني مختلفين (لأنو كل كتاب يحتاج ورقتين) لكن أنا باه يكون تنوع في الألوان هزيت أربعة أوراق ملونة مختلفة باه تكون أجمل أو 3 أوراق (لكن نفضل 4 أوراق لأنو 4 أوراق تصنع كتابين)
ونرسمو على كل ورقة مستطيلات الحجم تاعها يكون (6.8سم طول و4.8سم عرض) ثم نقصوها كما في الصور
(ولا تهتمو لاختلاف الألوان لأني صنعت قداه من كتاب :p)
من بعد نطبقو كل ورقة على إثنين و نجمعو كل ورقتين من نفس اللون وتحتها ورقتين من لون خلاف وهكذا ثم نلصقوهم من فوق مع بعض على إحدى جانبي الطول (هنا أنا استعملت الباتاكس)
ونخليوهم على جنب حتى يلصقو ويجف الغراء كما في الصور
من بعد نهزو ورق هدايا ونلصقو عليه ثلاث أوراق من الورق المقوى (أنا زدت ضفت ورق خشين شوي على المقوى باه يكون العمل متماسك أكثر ولكم الاختيار)
حجم الورقتين على اليمين واليسار (5 سم طول و3.5 عرض) أم العمود في الوسط فحجمه (5سم طول و1.2سم عرض) وبعد اللصق نقصو ورق الهدايا على الجوانب الاربعة كما في الصور ثم نغلفو بيه الورق المقوى
بعد تغليف الورق المقوى نثبّتو عليه خيط من فوق باه نقدرو نعلقوه من خلالو وخيط طويل في الوسط باه نقفلو بيه الدفتر تاعنا لاحقا ولما ننتهيو نوضعو ورقة بيضاء في الوسط ونلصقوها باه يخرج العمل منظم
حجم الورقة (8سم طول و4.5 سم عرض)
وفي الأخير نلصقو الأوراق لي جهزناها سابقا ونغلقو الدفتر تاعنا وتخرج النتيجة كما يلي
النوع الثاني
رايحين نبداو بالأوراق كيما في النوع الأول لكن رايحة نستخدم الأوراق البيضاء ونحتاج 4أوراق بيضاء
ونرسمو عليها مستطيلات بحجم (6.5 سم طول و4.5 سم عرض) من بعد نقطعوها بصح مانطبقوهاش
نجمعوها مع بعض ونلصقوها ونخليوها على جنب
ثم نهزو الورق المقوى الملون بحجم (15سم طول و10 سم عرض) ونلصقو عليها الورق المقوى كما في النوع الأول
لكن هاد المرة حجم الورق المقوى (7سم طول و5 سم عرض) والعمو (7سم طول و1 عرض)
ونغلفو بيه كما في النوع الأول بنفس الطريقة
بعد التغليف نلصقو على أحد الجانبين طواط (ولا خيط مطاطي لي نسعملوه في السراويل وغيرهم من الملابس)
لكن هاد الخيط المطاطي ماحبيتش نخليه باللون الأبيض جبت طلاء اظافر ميت مسكين
(دايما يهديوني طلاء أظافر لكن لأنني ما نستعملوش يموت بلا ما نستعملو
)صبغتو على الجانبين بلونين مختلفين ولكن يشبهو لبعض ولصقتو بعد التغليف كما في الصور
ثم نوضعو ورقة بيضاء باه يبقى العمل نظيف
وهكا تكون النتيجة
من بعد نلصقو الورق على الغلاف ونثبتوه مليح ومن بعد نزينو الواجهة تاعو حسب اختياركم
أنا زينت زوج دفاتر واحد برسمة وواحد بإسمي (بالاكم تضحكو على خطي
)وفي النهاية نستخدمو هاداك الخيط المطاطي لإغلاق الدفتر
وهادي النتيجة النهائية
نتمنى يكون الموضوع عجبكم وماكانش تقيل عليكم
شجعوني باه المرة الجاية نزيد نخربش ونخدملكم حوايج ملاح هههه
اتهلاو في رواحكم
تحياتي
آخر تعديل بواسطة المشرف:
