عيد الموتى نساهم اعياد بلادهم

[حلم كبير]

السلام عليكم ورحمة الله تعالى وبركاته

واش راكم خاوتي خواتاتي ،نشالله راكم لاباس وفي احسن الاحوال ...

حبيت نحكيلكم اليوم على ظاهرة خطيرة انتشرت في عرب فرنسا هنا
ما نعرف اذا لحڤت عندكم



هو عيد الهالوين ولا عيد الموتى ،عيد فرعوني تبناوه المسيحيين كعيد ديني ،ومن بعد تبناتو العلمانية كعيد تجاري بحت ...
يحتافلو بيه عشية 31 اكتوبر من كل عام

ويشريو الورد ويزورو الموتى وكاين اللي يبات فالمقبرة ....هبال ....
وكاين اللي يبات يشطح ويردح وهو كي المهرج ....هبال .....
ويخصرو نعمة ربي الڤرعة تلڤاها مطايشة فوڤ الحيوط ويحفروها ويديرو فيها الشمع ....
ويشريو الاقنعة اللي تخوف ،والالبسة لولادهم ويجيو يطبطبو على الباب باقنعتهم يخوفو فينا زعما ،ولازم زعما حنا نشريو الحلاوة ونمدولهم كمشاركة هههههه



طاحو معامن يلعبو
انا الحلاوة ما نشريهاش لولادي تسوس السنين وتدير فرط حركي هههه
ما نحلش الباب
،وكي يكثرو عني نڤولهم انا ما نيش معيد معاكم ....اطلڤو الريح لكرعيكم .... ديجا انا نخوف ههههه
يا جماعة الحالة راها ولات ما تعجبش ...والأدهى ولاد العرب معاهم
ووالديهم هوما اللي يصنعوهم ويطلڤوهم

العيد الكبير والصغير خلاوهم واستهونو بيهم وقيمو عياد الكفار ....
يا جماعة ما كانش اللي يتفكر الثورة نتاع أول نوفمبر ويتفكرو عيد الموتى
يا جماعة وكي تڤولهم يڤولك لاه راهم يصليو معاهم ،يخي قا يلعبو
واش نڤولكم ....الكفار تخيط
وولاد العرب هنا يلبسو

راهم ضرك العرب مع ولادهم فالماڤازات ( المحلات ) يخيرولهم في اقنعة ولبسات
ويمدو الدراهم في جال ليلة وتفوت .لا ناقة لهم فيها ولا جمل

هاذا واش راني شايف هنا ،خلي البلايص الكبار كيما باريس ومرسيليا .....

ما نطولش ونخليلكم الخط

بالعافية عليكم


تقبلو مني فائق الاحترام والتقدير
حلم كبير​

 

[الورد الأحمر]

السلام عليكم ورحمة الله وبركاته

ما بقى والو ما قلدوهمش فيه، يعني بقى غير الهالوين !! كملو عليه. يخي السانفالانتان يعيدو معاهم، راس العام يعيدو معاهم، ما قالك عيد الألوان الديوالي تاع لهنودة ويديروه هنا في لالجيغي ماشي حتى في الخارج مالا ما تحيرليش في الهالوين .

بيناتنا كيستيون أومبيونس مليح كي تجي تشوف لمعناه والحكم تاعو إذا عيدت معاهم تلقى روحك تقول نعلبوها أومبيونس لي تحرقني في نار جهنم .

واش بيهم هوما ما ذبحوش أضحيات معانا في عيد الأضحى ! واش بيهم ما يصوموش معانا واش بيهم ما يحتفلوش بالأعياد تاعنا تاع معاندة برك ! على خاطر ناس محترمين عاداتهم وتقاليدهم وشوية من دينهم مي احنا تقول في راسنا الكرتون غير ما يسرد تفورميه كيما تحب !!

ربي يهدينا كامل ويهدي هاذ الكاليتي ومغسي ع الموضوع .

 

[Skor m@k]

السلام عليكم
أهلا بك أخي ان شاء الله تكون بخير
مزال مايعرفوش البورورو ليكانو يخوفونا بيه بكري كيفاه عامل هههه
لوكان هكذاك مايحتافلوش بهذا العيد خخخخ
في هذا الوقت مزال ماولاوش يحتافلو بيه هنا فلبلاد مي يجي وقت وين يوليو يقدسوه
كيما مهرجان ولا عيد الألوان تاع الهند هذاك ولاو يحتافلو بيه هنا عندنا
حنا ولات عندنا عقلية تاع نتبعك ومانحسدكش مي ماشي فالصلاح غير فالتبهليل والتبوديل
تقريبا هذو عرب ماشي مسلمين لوكان مسلمين يفتاخرو بعيد الأضحى وعيد الفطر
ويديرو احتجاجات حتى يخلوهم يحتافلو بيهم
وزيد تلقاه هو لي يروح يشري لولادو ويشجع فيهم باش يحتافلو
ربي يهدينا
يعطيك الصحة خو
لعشيا فالليل أكتبلهم ورقة وعلقها فالباب
Moi bororo
reste loin
​

 

[أم منيــــــر]

السلام عليكم
احنا قوم تبع الله غالب هاد لعباد ما فادتهم لا توعية دينية لا والو رايحين و يقلدو
هما لي برانسيب نتاوعهم يمنعوهم باش يقلدونا لا خاطر يفكرو بعقلهم
و الله غير سمعت بيها عندنا جماعة من الناس يحطو دي ماسك يخوفو على وجوهم و يروحو يسهرو في مكان ما و يحتفلو بيه
يا لطيف عباد بلا عقل بلا مبدأ
الله يجيب الخير و الله يحفظك انت و لي كيفك لي ما زلتو تغيرو على الدين و لبلاد و ما داتكمش عداتهم و خزعبلاتهم
بارك الله فيك

 

[زاد الرحيل]

انا منستغربش من البعاد ،أستنى عامين. لا ثلاثة و تشوف الهالويين عندنا هنا في البلاد بقات غير هذي ما زال مداروهاش و يقولوا خليو الاولاد يلعبوا برك.و يفرحوا،اما زيارة المقابر منظنش
المهم الكابويا راهي غالية بلاك هذي الي راه معطلتهم برك
شكرا لموضوعك الواعي

 

[Salah eddin]

السلام عليكم و رحمة الله
و الله حكاية عيد الموتى هذي راها وقيلا مش ق عندكم
بالاك حتى في المدن الكبرى في دزاير كاينة و لو بنسبة قليلة
بصح حنا نهدرو على الجالية العربية في الخارجو ك فاه يحتفلو مع الكفار بأعياد خاطية قاع و ما فيها حتى فايدة
الزهو و ما فيهاش يا محمد سيدي و تلقاه عاطي العافية و جاي و مصحح وجهو و لابس هذاك الكشف و داير حبة كابوية في راصو
الله لا تربحكم بهدلتو بالعرب و المسلمين
الله يهديكم هذا وش نقول
هذو ناس لا شخصية لا جدا ماليهم ماديهم الزف تاع الغرب و الزف تاع التقليد الاعمى
و داخلين في حيط مبني بالبوطون من الفوق للتحت
الله يهدي و يستر
شكرا خويا حليم​

 

[لؤلؤة قسنطينة]

السلام عليكم ورحمة الله وبركاته
بارك الله فيك أخي على طرح الموضوع المميز
بصراحة ما تستغربش من ناس مسلمين عايشين عند الغرب يعني في بلاد الكفار
خاطر المشكلة العظمى لما تشوف ناس عايشين في بلد مسلم ويصومو والآذان يأذن 5 مرات قدامو ويحتفل
بأعياد الكفار ماش غير عيد الأغوال هادا هالوين حتى النويل ورأس السنة ويديرو احتفال ويعرضو العايلة
يعني تستغرب صراحة وتحكمك الرجفة، أنا نعرف عائلة في الجزائر وفي ولايتي بالتحديد في راس السنة يكريو
قاعة حفلات ويعرضو العائلة ويعديو الليلة شطيح ورديح ويقسمو القاطو وياكلو وكي تلحق 12 تاع الليل
يقولو 3 .. 2 ..1 بون آني ههههه يعني حتى تستغرب اذا هادو مسلمين وهوما في بلد مسلم وين في بلد
الكفار؟ وشوف ليلة راس السنة وجرب أدخل عند بائع حلويات تلقاه صحرا طرف قاطو ماكاين لأنو
الشعب كامل شرا القاطو للاحتفال وتلقى الغاشي برا تقول رايحة تخلى الدنيا هادو نساء يقضيو وهادو رجال
يعني تولي تقول لا حول ولا قوة إلا بالله ولا عجب أنو يحتافلو بالهالوين أو غيرو من أعياد الكفار
صار هولي عيد الألوان تاع الهنودة ويحتافلو بيه كل عام في بجاية واختلاط وفسق خليها لربي برك
يعني ما تستغربش لما تشوف هاد الأمور في الخارج لأنو راهي في بلاد المسلمين وخالية للاسف
ربي يهديهم ويهدينا ان شاء الله
شكرا أخي على الموضوع المميز
تحياتي
​

 

[chirine zina]

السلام عليكم
علاه هادا وين عرفت بلي حنايا لعرب ولاو يتبعو الغرب في كلش سوا حلال ولا حرام
نتبعوهم في حوايج تخالف ديننا الحنيف
...
وحكاية عيد الموتى هادي مازال ملحقتناش عندنا في البرج
بصح شفتها في بلدان عربية غيرنا
الله يهديهم وينورلهم طريقهم
كيما قلتها نتا هبال
....
واش يجيك من المهبول غير لهبال
ربي يهديهم
موضوع رائع
تحياتي ​

 

[حلم كبير]

السلام عليكم ورحمة الله وبركاته

ما بقى والو ما قلدوهمش فيه، يعني بقى غير الهالوين !! كملو عليه. يخي السانفالانتان يعيدو معاهم، راس العام يعيدو معاهم، ما قالك عيد الألوان الديوالي تاع لهنودة ويديروه هنا في لالجيغي ماشي حتى في الخارج مالا ما تحيرليش في الهالوين .

بيناتنا كيستيون أومبيونس مليح كي تجي تشوف لمعناه والحكم تاعو إذا عيدت معاهم تلقى روحك تقول نعلبوها أومبيونس لي تحرقني في نار جهنم .

واش بيهم هوما ما ذبحوش أضحيات معانا في عيد الأضحى ! واش بيهم ما يصوموش معانا واش بيهم ما يحتفلوش بالأعياد تاعنا تاع معاندة برك ! على خاطر ناس محترمين عاداتهم وتقاليدهم وشوية من دينهم مي احنا تقول في راسنا الكرتون غير ما يسرد تفورميه كيما تحب !!

ربي يهدينا كامل ويهدي هاذ الكاليتي ومغسي ع الموضوع .

السلام عليكم ورحمة الله تعالى وبركاته

أهلا بالاخت الكريمة
والله عندك الحق هاني عايش هنا ،ولا مرة جا ليا ڤاوري وڤالي نذبح معاكم ولا واش تديرو ندير معاكم فالعيد ...
عندهم هوما كروشهم برك يشهاو فالڤاطو نتاع العيد وبرك ،ويسقسيك غير واش درتو ڤاطو .
وعرب هنا الريح اللي جا يدي
ربي يهدينا ويهديهم كامل
بارك الله فيك على الاضافة
احترامي وتقديري
​

 

[حلم كبير]

السلام عليكم
أهلا بك أخي ان شاء الله تكون بخير
مزال مايعرفوش البورورو ليكانو يخوفونا بيه بكري كيفاه عامل هههه
لوكان هكذاك مايحتافلوش بهذا العيد خخخخ
في هذا الوقت مزال ماولاوش يحتافلو بيه هنا فلبلاد مي يجي وقت وين يوليو يقدسوه
كيما مهرجان ولا عيد الألوان تاع الهند هذاك ولاو يحتافلو بيه هنا عندنا
حنا ولات عندنا عقلية تاع نتبعك ومانحسدكش مي ماشي فالصلاح غير فالتبهليل والتبوديل
تقريبا هذو عرب ماشي مسلمين لوكان مسلمين يفتاخرو بعيد الأضحى وعيد الفطر
ويديرو احتجاجات حتى يخلوهم يحتافلو بيهم
وزيد تلقاه هو لي يروح يشري لولادو ويشجع فيهم باش يحتافلو
ربي يهدينا
يعطيك الصحة خو
لعشيا فالليل أكتبلهم ورقة وعلقها فالباب
Moi bororo
reste loin
​

السلام عليكم ورحمة الله تعالى وبركاته

الحمد لله رانا لاباس يعطيك الصحة خويا على السوال

صح ما شافوش بورورو ،والقول ،وبعو هاذ اكل ينسيوهم فالعيد نتاعهم هههه

استنا خويا ..... يحتافلو فالبلاد بعيد الالوان ؟؟؟؟ هاذي جديدة عندي خويا واو كارثة كبيرة
وانا لهنا راني نمشي ونشنف على الڤور وعوايدهم في ديارهم ههه
يخي حالة يخي

نعلقلهم لافتة هاذي فكرة ...نعلڤلهم لافتة ،والمشكل ما يكرهوش يڤعد مصر على الحلاوة

امشي تاكل الحجر هههه

بصح لوكتْ وحنا بهاذي العقلية ،الله اعلم ...
ربي يهديهم ويهدينا
بارك الله فيك خويا على إثراء الموضوع
احترامي وتقديري
حلم كبير
​

 

[أم أُنٌَيسة]

السلام عليكم ورحمة الله وبركاته

ما بقى والو ما قلدوهمش فيه، يعني بقى غير الهالوين !! كملو عليه. يخي السانفالانتان يعيدو معاهم، راس العام يعيدو معاهم، ما قالك عيد الألوان الديوالي تاع لهنودة ويديروه هنا في لالجيغي ماشي حتى في الخارج مالا ما تحيرليش في الهالوين .

بيناتنا كيستيون أومبيونس مليح كي تجي تشوف لمعناه والحكم تاعو إذا عيدت معاهم تلقى روحك تقول نعلبوها أومبيونس لي تحرقني في نار جهنم .

واش بيهم هوما ما ذبحوش أضحيات معانا في عيد الأضحى ! واش بيهم ما يصوموش معانا واش بيهم ما يحتفلوش بالأعياد تاعنا تاع معاندة برك ! على خاطر ناس محترمين عاداتهم وتقاليدهم وشوية من دينهم مي احنا تقول في راسنا الكرتون غير ما يسرد تفورميه كيما تحب !!

ربي يهدينا كامل ويهدي هاذ الكاليتي ومغسي ع الموضوع .

كلامك جميل جدا اختي
فعيدالاضحى عملو احتجاجات ،قاللو مساكن الكباش عند المسلمين يدبحوهم فهداك النحار بدون رحمة ولا شفقة
انقدو الكباش ،دارو حملة توعوية
نورمالمون حنا اللي نديروها ههههههههه
تحياتي
​

السلام عليكم
أهلا بك أخي ان شاء الله تكون بخير
مزال مايعرفوش البورورو ليكانو يخوفونا بيه بكري كيفاه عامل هههه
لوكان هكذاك مايحتافلوش بهذا العيد خخخخ
في هذا الوقت مزال ماولاوش يحتافلو بيه هنا فلبلاد مي يجي وقت وين يوليو يقدسوه
كيما مهرجان ولا عيد الألوان تاع الهند هذاك ولاو يحتافلو بيه هنا عندنا
حنا ولات عندنا عقلية تاع نتبعك ومانحسدكش مي ماشي فالصلاح غير فالتبهليل والتبوديل
تقريبا هذو عرب ماشي مسلمين لوكان مسلمين يفتاخرو بعيد الأضحى وعيد الفطر
ويديرو احتجاجات حتى يخلوهم يحتافلو بيهم
وزيد تلقاه هو لي يروح يشري لولادو ويشجع فيهم باش يحتافلو
ربي يهدينا
يعطيك الصحة خو
لعشيا فالليل أكتبلهم ورقة وعلقها فالباب
Moi bororo
reste loin
​

ههههههههههههههه والله يا سكر
مازالك مهبول وهبلت زيادة
اضحك الله سنك
بصح عندك الحق نصيحة فور ههههههههههههه
تحياتي​

 

[حلم كبير]

شكرا على المرور الرائع
اسمحولي اخوتي اخواتي
مضطر نخرج نرجع باذن الله ونرد عليكم
بارك الله فيكم

 

[أم أُنٌَيسة]

وعليكم السلام ورحمة الله تعالى وبركاته
اسال الله العظيم ان لا نكون منهم وان كنا منهم عن قصد او عن غير قصد فنسال الله الهداية والثبات لنا ولكل المؤمنين
موضوع مميز ومتميز كالعادة اخي الكبير
ماشاء الله ولا قوى الا بالله ،بارك الله فيك وجزاك كل خير وجعل كل حرف خطته يممناك في موازين حسناتك
على مدى اعوام شاهدت الاف الافلام الاجنبية ورايت عيد الهلوين واول مرة اعرف انه عبارة عن احتفال بيوم الاموات فبارك الله فيك على المعلومة هههههههههه
والله يا اخي الكبير المضحك المبكي في الامر ،حين تنصحهم تجعلونمنك الطرف المخطيء والمختل عقليا
وسبب مايحدث في الجزائر والدول الاسلامية البعد عن الدين اكيد واستصغار الناس للمعاصي ،نسال الله الهداية لنا ولهم وكل المؤمنين

https://www.thaqafnafsak.com/2016/10/حقائق-لا-تعرفها-عن-الهالوين-عيد-الهلع.html

ارجو تقبل مروري اخي الكبير
تحياتي احترامي وتقديري
في امان الله وحفظه​

 

[ليليا مرام]

السلام عليكم خويا حليم
هاو لمنا ذيك القرعة ونديرو الطعام هنا بالجمعة وراهم يخدمو منها حتى معجون
انا صراحة هذا العجب ما يدخلش راسي وانا نستعرف بعيد ميلادي ههههه نحب الكادوات هههه وونتقلقش زعمى ذاك النهار النحس اللي جيت فيه للدنيا
والعيد الصغير خاطر نكون صايمة ويمات كنت نتكسى نحبو هو والعيد الكبير مي كبرت وراحو الحوايج ماعندي حاجة فيهم ههه
واما عيد الثورة هنا حليم خويا دير ستوب نفهمك ضرك يرحم الوالدين الناس جاهدت لوجه ربي وإحتفلنا وإحتفلنا حد وين كرهنا كل ليلة نوفمر على 12 يخرج ويطلق رصاصة ويحكيلهم ذيك الحكاية نتاع 90 رصاصة دخلت فيا وانا وعلاه يا حليم ياك قريناها فالكتب وحفظناهم وطاحونا فالإختبارات وسمينا ولادنا بن بولعيد وبوحيرد ما طلقنا حتى مجاهد تاريخ بلادنا نعتزو به ايه مي خلاص الصراحة انا كرهت هذا نوفمر منين يدخل وانا فالثورة فالدار يا تشومير يا المرض يا عباد يغلطو عندي فالتلفون يا نتلاقا بخنافر يدورو قلبي انا هذا نوفمر راحا ندير شكة نرقدو كامل نوض فديسمبر ههههه
ياخي ماكان حتى حفلة فديسمبر
العودة للعرب اللي راهم هناك الصراحة أسمع نقولك حاجة حاشا البعض
في بالهم راهم ورا البحر واحد ما يشوف فيهم اييييييييييه ماراهمش عارفين انو نحن الشعب العظيم اللي اخبارهم توصل قبل ما خبر جارنا اللي لاصق فينا
وزيد قبل ما يخافو منا يخافو من ربي هذا هلوين وعيد الموتى اسيدي قولهم عليا يديرولي عيد واش بيا نقسر وحلوة وندابز ونعرف نعاير واش خصني
العرب راحو فيها بقالهم الموتى انا والله ونسكن هناك ويجو يدقدقو نعض واحد منهم حوسو على الموتى هاني زومبي ههههه
الله يهدي ما خلق راهي الدنيا غير تزيد تروح

 

[حلم كبير]

السلام عليكم
احنا قوم تبع الله غالب هاد لعباد ما فادتهم لا توعية دينية لا والو رايحين و يقلدو
هما لي برانسيب نتاوعهم يمنعوهم باش يقلدونا لا خاطر يفكرو بعقلهم
و الله غير سمعت بيها عندنا جماعة من الناس يحطو دي ماسك يخوفو على وجوهم و يروحو يسهرو في مكان ما و يحتفلو بيه
يا لطيف عباد بلا عقل بلا مبدأ
الله يجيب الخير و الله يحفظك انت و لي كيفك لي ما زلتو تغيرو على الدين و لبلاد و ما داتكمش عداتهم و خزعبلاتهم
بارك الله فيك

السلام عليكم ورحمة الله تعالى وبركاته

بارك الله فيك على المرور اختي الكريمة

الله يجيرنا من اللي جاي برك
،هوما عندهم جمعيات حقوق الحيوان اللي رآها تغلط فينا كي نذبحو ويعسو مليح تتحرك يقرص عليك ،بقرامة نتاع دراهم
والآذان ڤالك وجعلنا روسنا ،لا علينا هذا أكل رآهم في بلادهم ،وحنا الدخلاء ...
بصح اني نزيد نربي ولادي بعيد على ديني وعاداتي ،ونتبعهم في كل صغيرة وكبيرة ،هاذي ما قدرت نلڤالها تفسير
الله يجيب الخير وجيل ناضج وواعي كثر
شكرا على الاضافة
احترامي وتقديري
حلم كبير ​

 

[حلم كبير]

انا منستغربش من البعاد ،أستنى عامين. لا ثلاثة و تشوف الهالويين عندنا هنا في البلاد بقات غير هذي ما زال مداروهاش و يقولوا خليو الاولاد يلعبوا برك.و يفرحوا،اما زيارة المقابر منظنش
المهم الكابويا راهي غالية بلاك هذي الي راه معطلتهم برك
شكرا لموضوعك الواعي

السلام عليكم ورحمة الله تعالى وبركاته
بارك الله فيك على المرور اختي الكريمة
هههه والله عندك الحق الڤرعة غالية ،ونضن لوكان متوفرة كاين عوايل تحب تقلد ...
ربي يجيب الخير برك ،ويبدل العقليات لانو راها رايح ويسوء الحال
شكرا على الاضافة
احترامي وتقديري
حلم كبير​

 

[حلم كبير]

السلام عليكم و رحمة الله
و الله حكاية عيد الموتى هذي راها وقيلا مش ق عندكم
بالاك حتى في المدن الكبرى في دزاير كاينة و لو بنسبة قليلة
بصح حنا نهدرو على الجالية العربية في الخارجو ك فاه يحتفلو مع الكفار بأعياد خاطية قاع و ما فيها حتى فايدة
الزهو و ما فيهاش يا محمد سيدي و تلقاه عاطي العافية و جاي و مصحح وجهو و لابس هذاك الكشف و داير حبة كابوية في راصو
الله لا تربحكم بهدلتو بالعرب و المسلمين
الله يهديكم هذا وش نقول
هذو ناس لا شخصية لا جدا ماليهم ماديهم الزف تاع الغرب و الزف تاع التقليد الاعمى
و داخلين في حيط مبني بالبوطون من الفوق للتحت
الله يهدي و يستر
شكرا خويا حليم​

السلام عليكم ورحمة الله تعالى وبركاته
هههه هاك تشوف خويا صلاح على ذاك الكشف
وخلي اللي مستخبي اعظم بالشويه ،بالشويه نكشفلكم الجالية العزيزة والعربية بصفة عامة واش راهم يديرو ...
إلا من رحم ربك طبعا كاين عوايل ملتزمة وتربى ولادها تربية سليمة هاذو نحاشيوهم

اما الهالوين نتاعهم فحتى الڤور ميش فايقين بلي تجارة وخلاص تفرغلهم جيوبهم على ما كانش ...
بارك الله فيك على مرورك خويي
احترامي وتقديري
حلم كبير​

 

[حلم كبير]

السلام عليكم ورحمة الله وبركاته
بارك الله فيك أخي على طرح الموضوع المميز
بصراحة ما تستغربش من ناس مسلمين عايشين عند الغرب يعني في بلاد الكفار
خاطر المشكلة العظمى لما تشوف ناس عايشين في بلد مسلم ويصومو والآذان يأذن 5 مرات قدامو ويحتفل
بأعياد الكفار ماش غير عيد الأغوال هادا هالوين حتى النويل ورأس السنة ويديرو احتفال ويعرضو العايلة
يعني تستغرب صراحة وتحكمك الرجفة، أنا نعرف عائلة في الجزائر وفي ولايتي بالتحديد في راس السنة يكريو
قاعة حفلات ويعرضو العائلة ويعديو الليلة شطيح ورديح ويقسمو القاطو وياكلو وكي تلحق 12 تاع الليل
يقولو 3 .. 2 ..1 بون آني ههههه يعني حتى تستغرب اذا هادو مسلمين وهوما في بلد مسلم وين في بلد
الكفار؟ وشوف ليلة راس السنة وجرب أدخل عند بائع حلويات تلقاه صحرا طرف قاطو ماكاين لأنو
الشعب كامل شرا القاطو للاحتفال وتلقى الغاشي برا تقول رايحة تخلى الدنيا هادو نساء يقضيو وهادو رجال
يعني تولي تقول لا حول ولا قوة إلا بالله ولا عجب أنو يحتافلو بالهالوين أو غيرو من أعياد الكفار
صار هولي عيد الألوان تاع الهنودة ويحتافلو بيه كل عام في بجاية واختلاط وفسق خليها لربي برك
يعني ما تستغربش لما تشوف هاد الأمور في الخارج لأنو راهي في بلاد المسلمين وخالية للاسف
ربي يهديهم ويهدينا ان شاء الله
شكرا أخي على الموضوع المميز
تحياتي
​

السلام عليكم ورحمة الله تعالى وبركاته
بارك الله فيك اختي الكريمة على المرور على موضوعي
ايه هاذي عفسة عيد الالوان مزالت محبستلي راسي
يعني بلادنا واسعة
وعوايد الشرڤ ما كفاوه ،عوايد الغرب ما عمرولو عينو ،عوايد القبائل ما استهواوه
عوايد النوايل كامل ما عجبوه ،عوايد الصحرا ما بهروه
عجبوه غير عوايد الڤور الفاسدة
لا حول ولا قوة إلا بالله العلي العظيم
ختي ربي يجيب الخير ،ويفطن هذا الناس من رڤادهم
راه طال الرڤاد
شكرا على الاضافة اختي
احترامي وتقديري
حلم كبير​

 

[حلم كبير]

السلام عليكم
علاه هادا وين عرفت بلي حنايا لعرب ولاو يتبعو الغرب في كلش سوا حلال ولا حرام
نتبعوهم في حوايج تخالف ديننا الحنيف
...
وحكاية عيد الموتى هادي مازال ملحقتناش عندنا في البرج
بصح شفتها في بلدان عربية غيرنا
الله يهديهم وينورلهم طريقهم
كيما قلتها نتا هبال
....
واش يجيك من المهبول غير لهبال
ربي يهديهم
موضوع رائع
تحياتي ​

السلام عليكم ورحمة الله تعالى وبركاته
بارك الله فيك اختي الكريمة على المرور

علابالي اختي يعاندو بصح ميش لدرجة بذل الاموال والوقت في حاجة باينة تافهة تفاهة اللي خمس فيها من عهد الفراعنة
والمقلد هذا ما عندوش راس يخمم بيه
يعني هنا فالغربة ،اكثر حاجة تأرقني مثلا ونبذل فيها المال والجهد هي تربية اولادي على دين الله سبحانه وتعالى ونهج الرسول صلى الله عليه وسلم وسيرة السلف الصالح ...
واللي حرت فيه صح ،هو لاه بقية المغتربين ماهمش خايفين على ولادهم ...
ياختي عيد الهالوين راه نافذة صغيرة للكوارث اللي راها تصرا هنا
وهذا يغطي على هذا لاخاطر كامل في مركب واحد للاسف
اما انا فما نغطيش رايح نهدر ونهدر حتى يحشمو على عرض بوهم وجدهم...
ربي يصلح الامور نشالله
شكرا على الاضافة اختي
احترامي وتقديري
حلم كبير
​

 

[حلم كبير]

وعليكم السلام ورحمة الله تعالى وبركاته
اسال الله العظيم ان لا نكون منهم وان كنا منهم عن قصد او عن غير قصد فنسال الله الهداية والثبات لنا ولكل المؤمنين
موضوع مميز ومتميز كالعادة اخي الكبير
ماشاء الله ولا قوى الا بالله ،بارك الله فيك وجزاك كل خير وجعل كل حرف خطته يممناك في موازين حسناتك
على مدى اعوام شاهدت الاف الافلام الاجنبية ورايت عيد الهلوين واول مرة اعرف انه عبارة عن احتفال بيوم الاموات فبارك الله فيك على المعلومة هههههههههه
والله يا اخي الكبير المضحك المبكي في الامر ،حين تنصحهم تجعلونمنك الطرف المخطيء والمختل عقليا
وسبب مايحدث في الجزائر والدول الاسلامية البعد عن الدين اكيد واستصغار الناس للمعاصي ،نسال الله الهداية لنا ولهم وكل المؤمنين

https://www.thaqafnafsak.com/2016/10/حقائق-لا-تعرفها-عن-الهالوين-عيد-الهلع.html

ارجو تقبل مروري اخي الكبير
تحياتي احترامي وتقديري
في امان الله وحفظه​

السلام عليكم ورحمة الله تعالى وبركاته
بارك الله فيك اختي الكريمة على المرور

وفيك بارك الرحمان ....

ايه هو عيد الموتى ياحفيظ يا ستار هههه
هاكي عرفتيه ....
انصحي ولا ما تنصحيش انت المتخلفة في نظرهم للاسف الشديد
ربي يهديهم ويهدينا
ويجي جيل يعرف الحق من الباطل
شكرا على الاضافة اختي الكريمة
احترامي وتقديري
حلم كبير​