مهزلة سببت فتنة ...

[wissam 47]

سلام الله عليكم
يا معشر اللمة الكرام
أيا منين نبدأ وواش نهدر واش نخلي
اليوم حبيت نهدرلكم على واحد المغني متاع راي
داروه باش ينشط الحفل نتاع 1نوفمبر
بلا ما نقوللكم واش يعني بالنسبة للدزيرين 1 نوفمبر
بمثابة واس رانا عايشينوا اليوم والحمد لله
المهم هادا المغني

حب يا سعدي ينشطنا الحفل في قسنطينة وما أدراك ما قسنطينة
بصح الحمد لله بضل الله وبضل الدزيرين مراحش يشارك تهنينا
خرجوا داروا تظاهرات باه ينحوه ونحوه بدلوه بمغني أنسب وأشرف منو بكثير
والله صارت فتنة بسبب هادا الهراء والمهزلة
أيا قولولي واش رايكم
نخليكم كيما قالو فسحة باش تقولوا واش باقيين تقدروا
أيا سلام
​

 

[Skor m@k]

السلام عليكم
نظن مادارو والو بهذي المبادرة اللي نحواو مغني ودارو في بلاصتو مغني آخر
زعما المغني لي داروه في بلاصتو راح يديرلهم الاجر ولا يشفع فيهم يدخلهم للجنة
فالدزاير هذي كاين مثل يقولوه
واش تخير من ولاد الكلبة غير كلب ... ماجيبوش زعما أسد ولا نمر
هكذاك هذو وزادو دارو مظاهرات باش ينحو مغني ويبدلوه
علاه ماكملوش عليها وقالولهم مانسحاقوش الحفلة هذي كامل عندنا
أنا مانيش نعمم على ناس قسنطينة خاطرش كاين بزاف ناس أشرف من لي يروح لهذي الحفلة
وزيد واش من فايدا تاع الحفلة هذي
زعما المجاهدين لي ماتو راهم مستحقين الزهو فلقبر تاعهم ولا كيفاه
ياك رانا في تقشف ولا التقشف غير للزوالي ولا معليش لي الزوالي يزهى وينسى لهموم
وزيد أصلا الاستطلاع تاعك مانصوتش عليه خاطرش انا مع ضد الراي فيكل الأيام ماشي غير في أول نوفمبر
​

 

[chirine zina]

السلام عليكم
والله يا أختي مالقيت مانقول
أغاني الراي في أول نوفمبر !!!!!
عجيب
الناس الدير الأناشيد والخطابات باه تحيي هاد المناسبة
وهنا من التطور العظيم جابولنا مغني راي
تبهديلة
يعني صراحة هادي راهي والو
ياك مالفي يجيبولنا في المهرجانات
هيفاء وهبي وأخواتها المغنيبن يلي كيفها
ههههه ومأخرا ضهرت إيليسا وما أدراك من هي إيليسا
الله يهدينا
نورمالمو أغاني الراي في الأعراس ماشي في ذكرى عظيمة يفتخر بها الجزائريين
أنا راني ضد
تحيااتي ليك ​

 

[لؤلؤة قسنطينة]

السلام عليكم ورحمة الله وبركاته
اهلا حبيبتي وسام وشكرا لموضوعك
صراحة راني عرفت على من تهدري لأنو البارح برك سمعت بالموضوع هادا
ربي يهدي ما خلق، انا ضحكني خويا مالك قالك مانعممش على ناس قسنطينة
لالا عمم وتشوف كيفاه غير نضحك هههه، والله انا نتفق مع كلام الأخ مالك كامل كيما راه
نتا ترفض مغني يخرج من الحفلة وبالمقابل توافق على باقي المغنيين علاه هادوك رايحين يقراو قرآن؟
صرات كيما نهار الجزائريين رفضو دخول هيفاء وهبي للجزائر ولا نانسي عجرم والله ماعلابالي
بصح يوافقو تدخل نجوى كرم ونوال الزغبي يغنيو ويشطحولهم يعني كيف كيف والله
وانا ضد الراي ماش غير في نوفمبر ضدو في نوفمبر وسبتمبر وأوت وكل ايام وأشهر السنة
وبما في ذلك الأعراس وضد أي غناء فيه كلام فاسق كيما هكاك ويسمعو الكبير والصغير بدون حشمة
ويعني صراحة ضد الغناء ككل ولينا تروحي لعرس تحشمي تحسي روحك في بلاصة غير محترمة
والمشكلة العظمى درك العرس تاعك وكي تقولي للديجي ماتحطيليش اغاني راي تقولك ماتسالينيش
انا نتبع الجمهور واش يحب ونتبع النساء في لاصال واش يحبو وهادي صرات مع وحدة من عايلتي
يعني كي العرس كي حفلة أول نوفمبر الاثنين فيهم حرمة لكن للاسف راح كلشي
أنا صراحة ضد غناء الراي في كل وقت ولكن رايحة نصوت على ضد
شكرا حبيبتي على الموضوع وربي يهدينا ويهدي الجميع ان شاء الله
تحياتي
​

 

[يزيد 05]

وعليكم السلام
كيف كيف اختي هو او غيره نفس الشيء واانتيجه اموال تصرف وتضيع فاللهو

 

[wissam 47]

السلام عليكم
نظن مادارو والو بهذي المبادرة اللي نحواو مغني ودارو في بلاصتو مغني آخر
زعما المغني لي داروه في بلاصتو راح يديرلهم الاجر ولا يشفع فيهم يدخلهم للجنة
فالدزاير هذي كاين مثل يقولوه
واش تخير من ولاد الكلبة غير كلب ... ماجيبوش زعما أسد ولا نمر
هكذاك هذو وزادو دارو مظاهرات باش ينحو مغني ويبدلوه
علاه ماكملوش عليها وقالولهم مانسحاقوش الحفلة هذي كامل عندنا
أنا مانيش نعمم على ناس قسنطينة خاطرش كاين بزاف ناس أشرف من لي يروح لهذي الحفلة
وزيد واش من فايدا تاع الحفلة هذي
زعما المجاهدين لي ماتو راهم مستحقين الزهو فلقبر تاعهم ولا كيفاه
ياك رانا في تقشف ولا التقشف غير للزوالي ولا معليش لي الزوالي يزهى وينسى لهموم
وزيد أصلا الاستطلاع تاعك مانصوتش عليه خاطرش انا مع ضد الراي فيكل الأيام ماشي غير في أول نوفمبر
​

وعليكم السلام
ايه صح والله هوما قاع كيف كيف
والله حرت
مام انا ما عممتش على ناس قسنطينة
كاين حتى اللي داروا مظاهرات في الفيس بوك
ياك لغنى شين شين ( ماهوش مليح )
نحيوه قاع
وزيد رانا في التقشف ولا واش قالو
ولا محسوب غير علينا
حسبي الله ونعم الوكيل فيهم
يعطيك الصحة أخي مالك على المرور

 

[wissam 47]

السلام عليكم
والله يا أختي مالقيت مانقول
أغاني الراي في أول نوفمبر !!!!!
عجيب
الناس الدير الأناشيد والخطابات باه تحيي هاد المناسبة
وهنا من التطور العظيم جابولنا مغني راي
تبهديلة
يعني صراحة هادي راهي والو
ياك مالفي يجيبولنا في المهرجانات
هيفاء وهبي وأخواتها المغنيبن يلي كيفها
ههههه ومأخرا ضهرت إيليسا وما أدراك من هي إيليسا
الله يهدينا
نورمالمو أغاني الراي في الأعراس ماشي في ذكرى عظيمة يفتخر بها الجزائريين
أنا راني ضد
تحيااتي ليك ​

وعليكم السلام ورحمة الله وبركاته
أمرهم عجيب اختي ياك
حابين يغنيوا لشهداء والمجاهدين باغاني فاسقة
والله اغاني الراي في لعراس انا ضدها
تبهديلة من العيار الثقيل
شكرا لك أختي نورتي

 

[wissam 47]

السلام عليكم ورحمة الله وبركاته
اهلا حبيبتي وسام وشكرا لموضوعك
صراحة راني عرفت على من تهدري لأنو البارح برك سمعت بالموضوع هادا
ربي يهدي ما خلق، انا ضحكني خويا مالك قالك مانعممش على ناس قسنطينة
لالا عمم وتشوف كيفاه غير نضحك هههه، والله انا نتفق مع كلام الأخ مالك كامل كيما راه
نتا ترفض مغني يخرج من الحفلة وبالمقابل توافق على باقي المغنيين علاه هادوك رايحين يقراو قرآن؟
صرات كيما نهار الجزائريين رفضو دخول هيفاء وهبي للجزائر ولا نانسي عجرم والله ماعلابالي
بصح يوافقو تدخل نجوى كرم ونوال الزغبي يغنيو ويشطحولهم يعني كيف كيف والله
وانا ضد الراي ماش غير في نوفمبر ضدو في نوفمبر وسبتمبر وأوت وكل ايام وأشهر السنة
وبما في ذلك الأعراس وضد أي غناء فيه كلام فاسق كيما هكاك ويسمعو الكبير والصغير بدون حشمة
ويعني صراحة ضد الغناء ككل ولينا تروحي لعرس تحشمي تحسي روحك في بلاصة غير محترمة
والمشكلة العظمى درك العرس تاعك وكي تقولي للديجي ماتحطيليش اغاني راي تقولك ماتسالينيش
انا نتبع الجمهور واش يحب ونتبع النساء في لاصال واش يحبو وهادي صرات مع وحدة من عايلتي
يعني كي العرس كي حفلة أول نوفمبر الاثنين فيهم حرمة لكن للاسف راح كلشي
أنا صراحة ضد غناء الراي في كل وقت ولكن رايحة نصوت على ضد
شكرا حبيبتي على الموضوع وربي يهدينا ويهدي الجميع ان شاء الله
تحياتي
​

وعليكم السلام ورحمة الله وبركاته
اهلين مريومة
ايه راك لحقتيلو ههههههه
والله من كثرت ما عجب في روحو ولا يشف هههه
بلكوالي الهدرة ياك كاملين رايحين يغنوا كيما قلتي
ولا كان راهم قاع نحاو جدها ههه
الله لا حفلة باغاني راي كان كل واحد يحتفل في دارو مع عايلتو خير من التبهديلة اللي حابة توقع في أول نوفمبر
وأما بالنسبة الأعراس متاع الراي
منهدرش عليهم خلاص
وليت ما نرحوش غير بسبة الاغاني الفاسدة والفاسقة
الله يهديهم
اما بخصوص ناس قسنطينة راني معمة على العموم
هههههه
حشاهم ماشي غير هوما قاع
منورة غاليتي الموضوع

 

[wissam 47]

وعليكم السلام
كيف كيف اختي هو او غيره نفس الشيء واانتيجه اموال تصرف وتضيع فاللهو

اكيد أموال تصرف في الفسق و معصية الله
ودايرين السبة بأول نوفمبر
منور اخي

 

[Malika Tlm]

مساء الفل
دراهم بلادنا رايحين غي فالشكيل والصح سامحين فيه ربي وكيلهم
تحياتي

 

[حلم كبير]

السلام عليكم ورحمة الله تعالى وبركاته

ختي حفلة راي
نورمالمو تتلغى من حياة الجزائريين نهائيا
لانو الراي هو اللي تلفلهم الريان ...

وانو يكون في ليلة الفاتح نوفمبر فهاذو يحتافلو بعيد موتى القلوب
واللي راح وسمع نعتابرو ميت قلب للاسف ...

بارك الله فيك على الالتفاتة والتوعية
احترامي وتقديري
حلم كبير​

 

[الامين محمد]

راه عندنا تقشف نورمالمو لا راي لا أناشيد
و يخلوا هاذوك الفلوس لكاش مشروع

 

[Cristal BR]

بالمختصر المفيد جاو يكحلوها عماوها
مغني في هكذا مناسبة .. ما العلاقة؟؟؟؟

 

[wissam 47]

مساء الفل
دراهم بلادنا رايحين غي فالشكيل والصح سامحين فيه ربي وكيلهم
تحياتي

مساء الورد
ايه معك الحق الصح سامحين فيه بالبزاف
ايه حسبي الله
ونعم الوكيل
نورتي اختي

 

[wissam 47]

السلام عليكم ورحمة الله تعالى وبركاته

ختي حفلة راي
نورمالمو تتلغى من حياة الجزائريين نهائيا
لانو الراي هو اللي تلفلهم الريان ...

وانو يكون في ليلة الفاتح نوفمبر فهاذو يحتافلو بعيد موتى القلوب
واللي راح وسمع نعتابرو ميت قلب للاسف ...

بارك الله فيك على الالتفاتة والتوعية
احترامي وتقديري
حلم كبير​

وعليكم السلام ورحمة الله وبركاته
أهلا أخي الكريم
ايه صح نورمالمو تتنحى هاذي الحفلة من الأساس ولا يديروا حاجة شابة فيها تكون على الوطن. ..
عجبتني نتاع الراي تلفلهم الريان
هههههه
كاين منها 100/100
مغلطتش كي قلتها
لا شكر على واجب
منور بردك

 

[wissam 47]

بالمختصر المفيد جاو يكحلوها عماوها
مغني في هكذا مناسبة .. ما العلاقة؟؟؟؟

خير الكلام ما قل و دل
ايه مغني في مناسبة وطنية مرة في العام قتلكم مهزلة ....
منورة اختي

 

[wissam 47]

راه عندنا تقشف نورمالمو لا راي لا أناشيد
و يخلوا هاذوك الفلوس لكاش مشروع

أهلا لمين
ياتل واش من تقشف اللي يطبق غير علينا ولا كيفاه
منور أخي الكريم

 

[السلطانة]

مفهمتش هاذ البلاد كل يوم زردة جيب نجوى كرم جيب ليلى علوي وجيب وجيب اعطيهم شكارة صوارد والشعب يصفق

حتى في العيد الصغير والكبير تلقاهم يغنيو واول نوفمبر تاني يقيمو في جرد تاع مغني راي لانو لقاو الشعب لي يتفرج عليهم

ربي يهدينا

تحياتي اختي

 

[Salah eddin]

السلام عليكم
و الله رخس كبير هذا
وش جاب الثورة للعفن تاع الراي هذا
الله يجيب الخير
في عوض لي يتفكرو الشهدا و يترحمو عليهم
معولين يجيبو كاش مسخ يغني
الله لا تربحهم
لاحول و لا قوة الا بالله​

 

[wissam 47]

مفهمتش هاذ البلاد كل يوم زردة جيب نجوى كرم جيب ليلى علوي وجيب وجيب اعطيهم شكارة صوارد والشعب يصفق

حتى في العيد الصغير والكبير تلقاهم يغنيو واول نوفمبر تاني يقيمو في جرد تاع مغني راي لانو لقاو الشعب لي يتفرج عليهم

ربي يهدينا

تحياتي اختي

ايه كل مرة وجه جديد
وزيد بزيادة لاقين الشعب اللي يتفرج فيهم ويشجع فيهم للأسف
واقع مر...
ربي يهدينا كيما قلتي
نورتي