تزيني لكوفر موبايلي

[السلطانة]

السلام عليكم ورحمة الله وبركاته

ان شاءالله تكونو بالف خير
سخفت على @لؤلؤة قسنطينة
و@بنقابي افتخر

:kiss::kiss::kiss::kiss::kiss:

زينت كوفر بورتابلي المقرقب
قلت نشوفلو كاش عفسة ^^

رحت جبت الادوات وبديت نشخبط
حتى تفكرت شخبط شخابيط لخبط لخابيط
مسك الالوان ورسم عالحيط

لصقت شارطوطون عالحواشي

لبخت اللصقة وطيشت عليها البريون البريق
وفي هاذي الوقت جات بنتي وحرنتلي عليه هيا تجبد وانا نجبد
حتان سيحتهولي في اللرض

بعدها جبت الvارني وبديت نشخبط من فوق
تحصلت على خطوط وخرابيط :X3::X3::X3::X3:
زدت طيشت البريون
وبهاذ الطريقة ماطارليش تحكم مليح باللصقة والفارني

رحت جبت السكوتش الملونة لي وراتهالنا @الورد الأحمر في موضوعها ولصقتها
ودرت وردة وانتهى الموضوع

نتمنى يعجبكم

تحياتي​

 

[لؤلؤة قسنطينة]

السلام عليكم
هههههههه قتلتيني ضحك مع هاد الليل
والله فكرة مليحة من ابسط الامور قدرتي تخدمي حاجة مليحة
اصلا تحتاجي الفكرة برك تجيك في راسك ومن بعد عندك حرية التزيين
انا عجبتني الفكرة بزاف فقط نسقسيك هاديك لي قاعدة كي المسدس هههه
البيضا هاديك واش هي ! غراء ! اذا غراء منين شريتيها وبقداه تتباع
شكرا اختي ام ياسمين على الموضوع الشباب
بارك الله فيك تحياتي​

 

[السلطانة]

السلام عليكم
هههههههه قتلتيني ضحك مع هاد الليل
والله فكرة مليحة من ابسط الامور قدرتي تخدمي حاجة مليحة
اصلا تحتاجي الفكرة برك تجيك في راسك ومن بعد عندك حرية التزيين
انا عجبتني الفكرة بزاف فقط نسقسيك هاديك لي قاعدة كي المسدس هههه
البيضا هاديك واش هي ! غراء ! اذا غراء منين شريتيها وبقداه تتباع
شكرا اختي ام ياسمين على الموضوع الشباب
بارك الله فيك تحياتي​

اهلا بيك حبيبتي
الصح الصح كنت معولة على قمجة راجلي حكمني متلبسة راح نقضي عليها ونغلف وحد لبيدون
قالي والله تقصيها نقصلك يديك هههه
واش عجبتني في البلو تخرج على البيدون قدقد وليت بطلت ورحت زينت هاذ الكوفار

بصح قلبي بقى يغلي على هاذيك القمجة
هاذاك المسدس
يسميوه مسدس الغراء
يتباع ب 45 الف كيما لي شريت انا وكاين لي حجمهم اكبر
بصح هاذا مليح لي شريت تاني
ولي كارتوش تاعو تشريهم وحدهم الكعبة بلفين
اشري بعشرين الف تخدمي بيهم بزاف
نورتي حبيبتي

 

[السلطانة]

يتصفح حاليًا هذا الموضوع 11 مشاهد: (الأعضاء: 1, الزوار: 10).

من انتم من انتم ماذا تفعلون من يقف وراءكم
:p:p:p:p:p

 

[لؤلؤة قسنطينة]

اهلا بيك حبيبتي
الصح الصح كنت معولة على قمجة راجلي حكمني متلبسة راح نقضي عليها ونغلف وحد لبيدون
قالي والله تقصيها نقصلك يديك هههه
واش عجبتني في البلو تخرج على البيدون قدقد وليت بطلت ورحت زينت هاذ الكوفار

بصح قلبي بقى يغلي على هاذيك القمجة
هاذاك المسدس
يسميوه مسدس الغراء
يتباع ب 45 الف كيما لي شريت انا وكاين لي حجمهم اكبر
بصح هاذا مليح لي شريت تاني
ولي كارتوش تاعو تشريهم وحدهم الكعبة بلفين
اشري بعشرين الف تخدمي بيهم بزاف
نورتي حبيبتي

ههههههههه يا وخدي على القمجة هههه والله وحدك
انا تاني اخر مرة حكمت سروال نتفتو وكنت ناوية نخدم بيه حاجة مليحة
ساع ما صلحتش وفسدت السروال هههه بصح قديم صراحة
شكرا اختي ام ياسمين على المعلومة نحاول نشريه باذن الله​

 

[Malika Tlm]

شطورة يعطيك الصحة
هكدا مرة علي مرة الواحد يشخبط شويا هههههه
ليلة سعيدة ختي

 

[آمِيْرَتُه]

السلام عليك
كون ركزتي غاية كان غادي يخرج غاية باينة الامورة هبلاتك وبلعقل على قش الراجل هههه

 

[ضآحكة مستبشرة]

و عليكم السلام
الله يبارك ام ياسمين راكي شاطرة لدرجة حتى نويتي تقومي بحوايج مسعود السعد هههههه
عجبتني الفكرة واقيل كاشما نخترع انا ثاني
و من حاجة بسيطة قدرتي تديري حاجة شابة و سامبل
بصحتك التيليفون الجديد هههههه
يعطيك الصحة شوشو​