شكون يتذكر هاذي

[الامين محمد]

اغنية البداية​

سنان يا سنان يا أحلى الاصدقاء في الغابة الخضراء
سنان يا سنان
شعارك الوفا ياخير الاصدقاء ها نحن بنتظارك
سنان يا سنان
سنان يا سنان يا نفحة النسيم بطبعك الكريم
سنان يا سنان
ورأيك الحكيم ياخير الاصدقاء ها نحن بنتظارك
سنان يا سنان
سنان يا سنان صديقنا الامين في غابة الحلوين
سنان يا سنان
الكل سالمين ياخير الاصدقاء ها نحن بنتظارك
سنان يا سنان

​

اغنية النهاية​

ما احلى ان نعيش في خير وسلام ما احلى ان نكون في حب و ويآم
لاشر يؤذينا .. لاظلم يأتينا
والدنيا تبقى تبقى آمالا للجميع
ما احلى ان نكون في بيت واحد ما احلى ان نكون في وطن واحد
الحب للجميع .. والخير للجميع
والدنيا تبقى تبقى آمالا للجميع​

​

 

[أم أحمــــد يــسّ]

هههه يا ليت الزمان يعود يوما لأخبره ماذا فعل بنا سنان وبدراستنا...
عندي ايام هبطتها من النت

 

[الأزرق الملكي]

السلام عليكم

سنان الأسطورة التي أعجبنا بها في الصغر وقتها كنت نموت على السالوبيت لي كان لابسو

شرشور زعبور فرفور ههههه و طبيب العنزة حكيم القرية

في الطفولة كنا لا نفهم معاني الأغنية بشكل جيد لكن يجذبنا اللحن

رسوم المتحركة القديمة كانت لها أهداف تربوية لهذا تعلقنا بها بل حتى نحلم أن نعيش في ذلك العالم الكرتوني

ذهبت الأعوام الجميلة وذهب معها ناسها الطيبين

تسلم على هذه الالتفاتة التي تذكرنا بأجمل الأوقات

​

 

[Salah eddin]

السلام عليكم و رحمة الله

يا حسراااه ياو

سنان يا سنان
ههه
و الدنيا تبقى تبقى ... بطاطا للجميع

و شكون يتفكر سابق و لاحق ... و رامي الصياد الصغير ... و سالي االمقبونة يا حسراه ههه

و هذا الي نهار كامل يلعب بالبالون تاع رامي و الرمية الملتهبة ... و صاحبنا الدكتور باكو في القلعة

و هذيك تاع دراغون بول طيط طيط طيط طيط ططيط ههه

ياودي بكري يا حسراه

الله لاتربحك خويا امين علاه تفكر فينا
هههه
ههه


شكرا خويا امين
بارك الله فيك​

 

[فيتامين سي]

ايام الطيبين​

 

[زاد الرحيل]

اجمل ما اخترت و اجمل ما اتذكر بل لا تغادر ذهني حتى لو ضحكتم عليا ،كما قالت@ فيتامين سي ايام الطيبين حقا

 

[wissam 47]

راك طليت على بالي لبارح نسمع في الاغاني القديمة نتاع الرسوم يا حصراه ايمات
سنان وسيمبا وريمي وانا وأختي وانا وأخي ومدينة النخيل و القناص و سالي و كابتن ماجد و وعهد الأصدقاء و الحديقة السرية .......
ايام لا تنسى ...حقا
شكرا لك اخي​

 

[❤️كلي أمل❤️]

ههههههههه
الله الله علي سنان وأيام زماااااان ههههه
يعطيك الصحة خويا الامين

 

[ربي اغفرلي]

 

[ضيوف وسـنغادر]

السلام عليكم
علااه غير انا منعرفوش
نسمع بيه برك
اانا من جيل

أرغاي/ابطال الديجيتال/ابطال الكرة/ابطال اليوكو/اجنحة الكاندام/ادغال الدجيتال/اسرار ليلى/اكاديمية الشرطة انا واختي وانا واخي واناواخواتي/اوووف سااايد/بابار/بيبليد/تيمون وبومبا/لحديقة السرية/حكايات لا تنسى/حنييين/داي الشجاع/دايس/دراغون بول/دروبي مع دوريمي/روووبوكوون/ريمي/سابق ولاحق/ساموراي7/ساندي بل/السراب/سمبا/سنديريلا /سندبااد/سيف القاطع سيف النار/ريكا/ايروكا/شووت/صانع السالام/الضاحكون/الطاقة الزرقاء/لمقاتل النبي/فللة//قتال الطيف/قناص/كابت رابح وماجد وو/لحن الحياة//كونان ومدرسة الونفو/الملاد الاخير//فيفي والزهرات الصغيرات/ناروتو/نمر المقنع/هايدي/هورس لاند/ون بييس/ينبوع الاحلام/يداتين جامب/يوغي يو................
تحية لي على الترتيب الابجدي ههه​

 

[rycerz]

لقد ذكرتنا بالماضي يا أخ أمين .. لقد كان مسلسلا كرتونيا رائع مع بنان و لالا و الدكتور نعمان و في كل مرّة قصة تربوية جديدة و شخصيات ضيوف جدد حيوانات جديدة كنت دوما أتساءل أي نوع يكونون .. و الطريف أنني كنت أحسب سنان و لالا دبين مثل بنان (هههههه)
إلا أنني في نفس الوقت كنت لا أستسيغ تلك العلاقة بين سنان و والده لمّا أحيانا تسوء فيعاقبه فكنت أشعر بالضيق .. أيضا كنت أكره زعبور لأنه حقار و يظلم و كنت أمقت شرشور لأنه لئيم و مخادع .. أما الشخصية التي كنت أحبها كثيرا هي أم لالا لقد كانت غاية في اللطف و الرقة و هي تمثل الأم المفعمة بالأمومة .. و أيضا كنت أحب بنان لأنه كان صديق وفي لسنان .. لقد كنت أشعر بتلك المشاعر فعلا و واقعيا .. ما أصدق الطفولة
---
لكن بخصوص هذا المقطع من الاغنية :

... ما احلى ان نكون في بيت واحد ...

فذكرني بقصة أولاءك الذين تجمعوا أمام الولاية للمطالبة بمنحهم السكن الإجتماعي فبدأوا بالغناء :
سيدي الوالي أعطينا السكنة
فأطلّ عليهم من نافذة مكتبه و ردّ عليهم بمقطع من أغنية سنان :
... ما احلى ان نعيش في بيت واحد ...
(هههه)
(هل هي سياسية)
​

 

[rycerz]

السلام عليكم
علااه غير انا منعرفوش
نسمع بيه برك
اانا من جيل

-
يا ضيوف نتي صْغَيْرُونَة ما تشفايش عليهم
بلاك واقيلا ما زلتي مازدتيش كيما كان يلعب
​

 

[rycerz]

سنان وسيمبا و ريمي وانا وأختي وانا وأخي ومدينة النخيل و القناص و سالي و كابتن ماجد و وعهد الأصدقاء و الحديقة السرية .......

--
غير هاذو الزوج لي ما قدرتش نتفرّجهم ( ريمي و سالي )
يقطعو القلب .. حتى وين عدت نخرج برّا كي يجو خاصّة قصّة ريمي​

 

[محبة أبناء الوطن]

السلام عليكم
من ذكريات طفولتنا الرائعة و البريئة..

 

[wissam 47]

الله يبارك قاع هادو اشتاقو الطفولة ههههه

 

[wissam 47]

يتصفح حاليًا هذا الموضوع 5 مشاهد:(الأعضاء: 5, الزوار: 0).

1. wissam 47,
2. ميلينا,
3. لؤلؤة قسنطينة,
4. ضيوف وسـنغادر,
5. عآشقة الجنـة

 

[لؤلؤة قسنطينة]

السلام عليكم
يا حسراه على اليامات الجميلة، صراحة انا ماتفرجتش سنان بصح غنايتو حافظتها ونحبها
وتذكرني دايما بالطفولة الجميلة سورتو صوت المغنيين تاع الرسوم المتحركة تاع وقت بكري
فيهم واحد الحنانة هكا ههه ماش كيما تاع درك نصهم بالآلات الصاخبة هاديك
وقبل يومين حطيت اغنية رسوم أبي الحنون مع بدات الموسيقى حسيتهم مدايرين قلبي قيتارة
ويسنترو عليها ههههه لدرجة الموسيقى هاديك قاستني في الصميم وقريب نبكي
وانا صراحة مازلت نسترجع الذكريات دايما نحط نسمع اغاني الرسوم المتحركة حتى نشبع منهم
والا نتفرج حلقاتهم، ما عندهاش بزاف عاودت تفرجت رسوم طمطوم وابطال الروضة الخضراء
وروكي راكات "يا فتيان يا فتيات هيا نسبح في الخيالات عند وقوع المشكلاااات هههه"
والله تفرجتهم من اول حلقة لآخر حلقة متعة ماكانش كيفها تخرج من العالم لي راك عايش فيه
وكن ماتخلصش الحلقة ما ترجعش للواقع تاعك، اصلا اغاني الرسوم المتحركة تاع زمان
ماش كيما درك فيهم عبرة وكلامهم قيّم منهم تعلمنا اللغة العربية الفصحى وتعلمنا القيم
مثلا أغنية رسوم هزيم الرعد كانت تجيني نشيد وطني هههه بالاك كن شاركت بيها في
مسابقة لأجلك يا وطني اكتب بالاك راني ربحت هههه هي وتاع صقور الأرض كانت غنايتو
تاني تهبل كلها وطنية مع اني ماكنتش نحب هاد الرسوم، يعني الكلمات يختاروها بعناية
ودرك غامبول وسبونج بوب واش نكرهم -__- لا عبرة ولا أغنية مليحة ولا مغزى مليح
وطفولتنا تبقى دايما أجمل ما في الكون
شكرا خويا على الموضوع الجميل بارك الله فيك
تحياتي​

 

[Malika Tlm]

السلام عليكم
اه يا اخي دكرتنا بايام الطفولة رووووعة ليتها تعود
تحياتي اخي

 

[لؤلؤة قسنطينة]

السلام عليكم
علااه غير انا منعرفوش
نسمع بيه برك
اانا من جيل

أرغاي/ابطال الديجيتال/ابطال الكرة/ابطال اليوكو/اجنحة الكاندام/ادغال الدجيتال/اسرار ليلى/اكاديمية الشرطة انا واختي وانا واخي واناواخواتي/اوووف سااايد/بابار/بيبليد/تيمون وبومبا/لحديقة السرية/حكايات لا تنسى/حنييين/داي الشجاع/دايس/دراغون بول/دروبي مع دوريمي/روووبوكوون/ريمي/سابق ولاحق/ساموراي7/ساندي بل/السراب/سمبا/سنديريلا /سندبااد/سيف القاطع سيف النار/ريكا/ايروكا/شووت/صانع السالام/الضاحكون/الطاقة الزرقاء/لمقاتل النبي/فللة//قتال الطيف/قناص/كابت رابح وماجد وو/لحن الحياة//كونان ومدرسة الونفو/الملاد الاخير//فيفي والزهرات الصغيرات/ناروتو/نمر المقنع/هايدي/هورس لاند/ون بييس/ينبوع الاحلام/يداتين جامب/يوغي يو................
تحية لي على الترتيب الابجدي ههه​

اولا تحية ليك على الترتيب الأبجدي هههههه
ثانيا هاد الرسوم كامل انا تاني حضرتهم ولكنهم قراب شوي يعني كي تفرجناهم كنا واعيين
ماش كيما الرسوم تاع زمان خلاص
بالمناسبة نتي واش من جيل؟
​

--
غير هاذو الزوج لي ما قدرتش نتفرّجهم ( ريمي و سالي )
يقطعو القلب .. حتى وين عدت نخرج برّا كي يجو خاصّة قصّة ريمي​

هههههه والله ضحكتني
وسالي وريمي على الاقل في النهاية وحدة باباها خلالها منجم ألماس
والثانية لقات راهي من عائلة غنية يعني الاثنين عاشوا حياة مليحة في النهاية
شوف بائع الحليب المغبون على صغرو يبيع الحليب في البرد والتلج
وفي الاخير كن حتى منع مات المغبون، انا هاد الرسوم خاصة لي فيلم كامل ماش تاع الحلقات
كنت غير نتفرجو ندير حالة بالبكاوات لدرجة لا يتصورها العقل نبكي حتى نكره
حتى عدت كي يجيبوه وانا كبيرة مانحبش نتفرجو نخاف على كبري نبكي وندير منوحة
وهادا دليل أنو رسوم بكري عندهم مغزى ويوصلو للقلب
تحياتي​

 

[rycerz]

هههههه والله ضحكتني
وسالي وريمي على الاقل في النهاية وحدة باباها خلالها منجم ألماس
والثانية لقات راهي من عائلة غنية يعني الاثنين عاشوا حياة مليحة في النهاية
شوف بائع الحليب المغبون على صغرو يبيع الحليب في البرد والتلج
وفي الاخير كن حتى منع مات المغبون، انا هاد الرسوم خاصة لي فيلم كامل ماش تاع الحلقات
كنت غير نتفرجو ندير حالة بالبكاوات لدرجة لا يتصورها العقل نبكي حتى نكره
حتى عدت كي يجيبوه وانا كبيرة مانحبش نتفرجو نخاف على كبري نبكي وندير منوحة
وهادا دليل أنو رسوم بكري عندهم مغزى ويوصلو للقلب
تحياتي

--
عندك الحق .. صح
ريمي لقا يمّاه و لقا معيشة لقصر و الرفاه .. بصّح بعد ما شاف المر بعينيه وانا نتفكّر القساوة نتاع ذاك الراجل زعما لي ربّاه و من بعد ما باعو لهذاك المَدْعِي مول لكلاب و لقرودة و كل يوم معاه بالنداب و لعياط و المشي و المشي حتى طابو رجليه ولمبات كل مرّة وين، مرّة في كوري مرّة برّا فالثلج البرد يوكل فيه و لكلاب متوعرين على جنابو .. و مرّة على مرّة يمرض مسكين تحكمو السخانة .. و من بعد كي خدم فالمنجم و راب عليهم تحت لرض بهاذيك الخلعة .. أوووووف ياخي حالة ياخي .. بناقص .. منين جا يلقى أمّو و منين جا يلقى الراحة حتى كره حياتو مسكين
--
و هاذيك سالي مسكينة بعد ما كانت عزيزة و بقدرها طاحت عليها المصايب مع بعض و شبعت راهج من هاذوك لبنات و المديرة نتاع المدرسة .. و لكن هي ما تعذبتش كيما تعذب ريمي .. مسكين هو صار فيه الباطل
المهم فالأخير سلكو في زوج على خير
--
بصّح مول لحليب هاذاك حقّا كيفاش قصتو .. ما تقوليليش مات بالتسمم كي شرب شوية حليب صابح نتاع البارح ؟؟ ( )​