مشكلتي مشكلة اختي

[مشكلتي]

عندي اختي في عمرها 32 سنة تقدم لها واحد حاب يخطبها بصح راهو حاط شروط
أول حاجة دير جلباب(برقع) و ثاني حاجة المكياج ف الدار و مكانش،لعراس و التسوق مكانش و زيد عندو بيت وحدة واحدة و ساكن مع خاوتو مزوجين يعني حتى ف دار ولا الكوزينة راح تكون بالخمار،و الخدمة مكانش مع انها قارية. و نتوما واش رايكم تقبل ولا متقبلش راهي حايرة هاذ الخاطب سمعته طيبة لكن اختي خافت من الشروط وانا قلت لها اقبلي لكنها احتارت
بارك الله فيكم ساعدونا بارائكم

 

[همس الوُرود]

السلام عليكم
عندو الحق أختي هدا وش نقول
والله يهنيها لما تطيع ربي سبحانو

 

[Salah eddin]

السلام عليكم

على كل حال السيد قال الحق و ما طلبش عيب

هو راه ماشي مع الشرع

و هي حرة تقبل و لا ما تقبلش

بصح ق تشوف سبب اخر للرفض

لانو الشروط هذي شرعية و منطقية

و الله يجيبلكم الخير ان شاء الله​

 

[السلطانة]

دوكا تشوف مع روحها هي
كانت تقدر تعيش كيما يطلب منها السيد ادا
وراه طلب منها امور تاع الشرع.
زيد في عمرها 32 سنة يعني كبيرة وشاربة من عقلها
ربي يوفقها ان شاءالله

 

[السلطانة]

@عماد خطاب
@بنقابي افتخر
@الازرق الملكي
@ميلينا
@ربي اغفرلي
@حلم كبير

 

[❤️كلي أمل❤️]

السلام عليكم
اختي اذا كان انسان مليح ويستاهل دير هادو كامل علي جالو عادي ولله
وزيد راهي ترضي في ربي سبحانو قبل زوجها
واش نقولك ربي يسهلها ويوفقها
تزيد تستخير وتخليها علي ربي سبحانو

 

[بنقابي افتخر]

اختي @صمت المشاعر اذا قابلا دير على جالو اسمحيلي بصح على ماديرش على جال ربي سبحانو قبل ....
ماكنش حاجا اسمها انسان مليح ويستاهل نتستر على جالو حبيت نوضح أمر انو يعني كل وحدة تحب راجلها ويطلب منها الستر تدير على جالو ووين سبيل الله الله يهديكم برك
اختي هادا ما قال عيب واصلا مش مشكل يعني الشعر راه يقول قبل لا هو (الزوج) يقول .....
ربي يسهلها
من رأيي توافق احسن لان طلب يصون جوهرتو فلا عيب في طلبه الله يهنيها بيه اذا كان من نصيبها

 

[بنقابي افتخر]

اختي @صمت المشاعر اذا قابلا دير على جالو اسمحيلي بصح على ماديرش على جال ربي سبحانو قبل ....
ماكنش حاجا اسمها انسان مليح ويستاهل نتستر على جالو حبيت نوضح أمر انو يعني كل وحدة تحب راجلها ويطلب منها الستر تدير على جالو ووين سبيل الله الله يهديكم برك
اختي هادا ما قال عيب واصلا مش مشكل يعني الشعر راه يقول قبل لا هو (الزوج) يقول .....
ربي يسهلها
من رأيي توافق احسن لان طلب يصون جوهرتو فلا عيب في طلبه الله يهنيها بيه اذا كان من نصيبها

 

[فيتامين سي]

سبحان الله درك برك تلاقيت بهذي المشكلة في الفاسبوك
​

 

[بشرى ملاك]

هاد الشروط عادي وحكم الشرع بالعكس راه يحافظ عليها المشكل ماشي هنا تسقسي عليه هو كي داير انسان مليح ولالا ادا كان مليح وسمعة تاعه مليحة هادو ماشي شروط هادو هي ديرهم بلاما يطلبهم تستر روحها غادية تولي مرت راجل...
الله يوفقها وادا بقات حايرة تستخير الله وربي يدير غير الخير...

 

[❤️كلي أمل❤️]

اختي @صمت المشاعر اذا قابلا دير على جالو اسمحيلي بصح على ماديرعلعلى جال ربي سبحانو قبل ....
ماكنش حاجا اسمها انسان مليح ويستاهل نتستر على جالو حبيت نوضح أمر انو يعني كل وحدة تحب راجلها ويطلب منها الستر تدير على جسبيل الله الله




يهديكم برك
اختي هادا ما قال عيب واصلا مش مشكل يعني الشعر راه يقول قبل لا هو (الزوج) يقول .....
ربي يسهلها


من رأيي توافق احسن لان طلب يصون جوهرتو فلا عيب في طلبه الله يهنيها بيه اذا كان من نصيبها

اكيييييد اختي @بنقابي افتخر
وانا واش قلتلها راهي ترضي في ربي سبحانو قبل زوجها
يعني هاد شرع ربي قبل مايطلبو منها زوجها
هي حستهم صعاب بصح اذا كان انسان مليح ويستاهل علي جالو كلش يجيها ساهل هاد قصدي

 

[ضيوف وسـنغادر]

السلام عليكم ورحمة الله تعالى وبركآته

عندي اختي في عمرها 32 سنة تقدم لها واحد حاب يخطبها بصح راهو حاط شروط

الله يبارك ربي يكملها ان شاء الله

أول حاجة دير جلباب(برقع)

يآ أختي هذا هو الصح وهذا هو الزوج المثآلي بالنسبة لي

و ثاني حاجة المكياج ف الدار و مكانش،لعراس و التسوق مكانش و زيد عندو بيت وحدة واحدة و ساكن مع خاوتو مزوجين يعني حتى ف دار ولا الكوزينة راح تكون بالخمار

كي قريت الماكياج فالدار مكآنش قلت علااه؟ مي قلتي باللي عايشينفي بيت واحد مع خاوتو يااختي هنا ني ماكياج ني خيمار تنحيه اذا تتزين تتزين لراجلها وحدو وتنحي الخيمار قدام راجلها برك
واما قدام خوتو يا اختي هذا هو الشرع الطفلة لازم متبينش زينها غير قدام راجلها وخوتها فقط

،و الخدمة مكانش مع انها قارية.

هنا الخدمة أمر شخصي
هو علابالو بلي راح يكون موفرلها الحاجيات والمتطلبات
قرايتها ان شاء الله تفيد بيها اولآدها ♥

و نتوما واش رايكم تقبل ولا متقبلش راهي حايرة هاذ الخاطب سمعته طيبة

يا اختي صدقيني راهي شروط ربي مش شروط الزوج كل هذا فرضو ربي على كامل بنات المسلمين
وجاها راجل يذكرها بالامور هادي ؟وسمعته طيبة؟ومتقبلش؟

لكن اختي خافت من الشروط وانا قلت لها اقبلي لكنها احتارت

ماتخاف ماوالو اخيتي هذه احكام الدين الاسلامي
ومش جاب حاجة جديدة

بارك الله فيكم ساعدونا بارائكم

وفيك كل البركة اخيتي
هي امور باينة اخيتي
الامور الدنيوية فانية
ربي يوفقنا لما يحبه ويرضاه وربي يهنيها :kiss:​

 

[زاد الرحيل]

قولي لها تتوكل على الله و تقبل به و شروطه هي الي رب العالمين اوصانا بها و احنا منطبقوش ربي يسامحنا ،و هي كبيرة حتى فرص انجاب الاطفال تقل عندها و ربما تحكمها العنوسة ،البيت ربي هو الرزاق و اكيد راح تفرج عليها و اجمل ما قلت ان سمعته مليحة فلتسارع و تتوكل على الله
واش الدير بالخدمة و الرجل و الاولاد مكانش يعني تخدم على غيرها
الف شكر لاخذ رأيى @أم ياسمين dz

 

[سلام نفسي]

صباحكم بركات اول حاجهاخي هذا راجل بمعنى الكلمه واذا حاب يسترها هذا من حقو والحمد لله طلب شروط قبل اي خطوه وتركلكم ااقرار وثاني حاجه مادام عايشه في بيت لعيله لازمها الستره بلا مايطلب هو حفاظا عايها من النظره الخبيبثه ونا بزاف عندنا عرايس مينحوش لخماروثاني شي قلها تستخير وتفوض امرها لله وهو راح يهديها للصواب وثالث حاجه الراجل ميعيبو غير اخلاقو وانت قلت سمعتو طيبه ورابع شي تدي واحد يحفظهاوحاميها خيرماتدي واحد ديوث ميحميعاش قلها كيما هذا ناس تشريه مشي ترفضو وخامسا لخدمه عمرهاماكانت هدف للحياه قلعا هانا نخدمو والله غير ناانو ولو يجي زوج صالح غير نبطلو لخدمه نتاع المشاكل قلها غير متحزنيش عليها اهم خدمه للمراه تبنيعيله سعيده اذا كانت تقدر الجلباب تتقدم اذا لا غير ماتقبل ماتتعب وتعبو معاها

 

[الأزرق الملكي]

السلام عليكم

هذه واجبات على كل فتاة مسلمة وليست فقط شروط

على أختك أن تستخير و تحمد الله على هذا الخطيب الذي يخاف عليها لان الغيرة قد ماتت من قلوب الأزواج

وعليها أن تكون واقعية و لا تنسى أنها ليست صغيرة لأن فرصتها في الزواج تتضاءل كلما تقدمت في العمر

أما إذا كانت تنظر إلى هذا الرجل من ناحية أحواله المادية أو شكله أو أنها تبحث عن تحقيق أحلام كحصولها على وظيفة الخ

فهذا حقها لا أحد يمكن أن يسلبها إياه لكن عليها أن تتحمل المسؤولية كي لا تندم لأن الوقت صعب و لا يرحم .

ربي يسهل ​

 

[ليليا مرام]

السلام عليكم أخي او أختي
لو على الخدمة انا نشوف عندو الحق ونحترم كل خدامة كل واحد ويعرف ظروفو
لو على الماكياج لو تسكن مع اهلو ما تقدرش من باب الدين والتربية تتزين فغرفتها اما هذا لو قالها ممنوع كل شي ولو دارها وحدها هذا يسمحلي راه الدين ماقالش هلاكا المرا تتزين راجلها عادي
اما مع خاوتو ولازم دير خمار هذي صح اما اختك لو مش قادرة انو تلبس خمار كل النهار لازم دارها وحدها
والله يا أختي او اخي لو جات عليا انا نقبل لانو راجل يدي فيها لطريق ربي ومادام سقسيتو عليه وقالوا ناس ملاح يعني ماشاء الله واش راح تزيد راهي مع الوقت توالف وتعرف انو ربي حبلها الخير بعثلها راجل كيما هذا وربي يوفقها

 

[GI Joe]

hadi j pense mich hadja na9edro n3awno fiha
na3ref nssa li kanou ydoro bel mini godem maharimhom w ba3d zwedj dima b khimar w l maquillage ghir l radjelha w 3andhom l ha9, mais makanch chart 3lihom juste habou hakda
doonc sa depant 3açlyet khtek kifeh la rahi hassa roha 9adra sinon ma3andou madaha
( koun fi placetha mana9belch nekreh radjel li hakda, prc kayen bzef li yechorto yechorto comme si homa parfait prc 3andhom no9ss f chakhssiya bark w hab ybeyen roho godem mraa,, ni9ab w khadmaa maalich mais ta3 yetssaref fi kolech nn merci neb9a a vie wahdi khir ))

 

[Soumia hadj mohammed]

To view this content we will need your consent to set third party cookies.
For more detailed information, see our cookies page.

قبول ملفات تعريف الإرتباط للطرف الثالث

 

[أم أُنٌَيسة]

السلام عليكم ورحمة الله وبركاته
يعني البنات ماعجبهم اللي يسترهم ماعاجبهم العكس، لوكان طلب منها تتزين وغيرو بالاك نقولو بصح راهو طلب منها تستر روحها وفقط ربي يهدينا ان شاء الله
اولا ادا دارت الحجاب على وجه راجلها فمكان علاه تديرو لانو كانها مادارتوش لازم يكون اي شيء وكل شيء نيته خالصة لوجه ربي
ثانيا مادامو طالب انو تستر روحها وكل واش طلبو هو واش قال ربي والنبي فحدود اكيد فعلاه يعني الخرطي هدا؟
ثالثا المراة مليح ليها واحد يخاف ربي فحتى او ماحبهاش والخروطي تع المسلسلات راح يتقي ربي فيها
تدير صلاة استخارة ادا في هدا الزواج خير فربي بقدم وادا العكس فربي يبعد ان شاء الله
اما على الحجاب والامور الاخرى فهي فرض على المراة يعني تديرها بلا مزيتها موش لازم تقتنع بيهم ولا نو
تطبقهم تؤجر ماتطبهمش تؤثم باختصار
ارجو تقبل مروري
في امان الله وحفظه
السلام عليكم​

 

[باتنية و نص]

سلام عليكم
مش اي واحد حط هاذ الشروط...معناتو انسان صالح ويخاف ربي
ومش اللي ما شرطش هاك معناتو ديوث
الماكياج والجلباب حاجة معقولة !
لكن يحبسها ثاني متشوفش الضو تع ربي !
على الاقل تخرج مع الوالدة تعها
الرأي يرجع لاختك..اذا ساعدها هاذ الشي ..ربي يسهللها
واذا حتمت روحها لارضاء الناس وخوفا من نظرة المجتمع
انا نقول تقعد في دار باباها احسن
موفقة