مشكلتي مشكلة في المنزل

[مشكلتي]

السلام عليكم
عندي والدتي حفظها الله قامت بامر ارقني ساحكي ليكم القصة
عندي والدي متوفي من 20 عشرين سنة
ومنزلنا بقيت فيه امي مع اختي لم ياتيها مكتوبها قام اخي الصغير باخذ جهة كبيرة من المنزل وهو طبيب قام باخذ الجهة السفلى لبناء عيادة طبية يعمل فيها ومن الاعلى قام ببناء منزله بماله..... اخي الاخر كان عسكري وانهى وعاد ايضا اخذ مثل الاخر قام ببناء محل في الاسفل ومن الاعلى بناء بيته بماله...وامي بنت منزلها في الوسط وكل واحد له مدخل
بقيت انا واخي الاكبر كوننا متزوجان ولانسكن معهم من الاول
واخواتي البنات 5
يعني والدتي لم تقسم لنا البيت بشكل شرعي وانا احيانا اكاد الحديث في الامر
كوني شعرت وكاني غريب انا وبقية اخوتي اخوينا اخذا الاجزاء الاكبر ونحن لم ننل شيء
هل افاتح والدتي في الامر
اعطوني رايكم

 

[لؤلؤة قسنطينة]

السلام عليكم
صراحة يا أخي الكريم أنا لا علم لي بهذه الأمور
ولكن حسب واش نعرف أنو لو ماتت الأم ربي يطولها في عمرها يتقسم البيت حسب
الشرع حتى ولو قام الابناء بالبناء والله اعلم يعني ماش متأكدة وخلي اهل الاختصاص يخبروك
اما النقطة التانية لي حبيت نتكلم عليها وهي يا أخي اذا نتا فعلا عايش مليح يعني ربي فاتح عليك
وعندك بيت علاه تروح تقول ليماك اقسميلنا البيت وكلشي قادر تجرحها وتقولك حابين يورثوني وانا حية
نتا ربما تقول انا ماش خايف درك خايف بعد ما تموت الام ولكن واش من بنة ندي ورث ونتمتع بيه ووالديا ماكانش فيه
يعني من رأيي الشخصي رزق الإنسان ماعندو وين يروح ودارنا تاع الصح هو التراب وشبر في الارض
يعني اذا صح عايش مليح وعندك دار وحالتك مستقرة خلي يماك تبقى راضية عليك وخلي خاوتك يديرو مستقبلهم
يعني لو نقولو يماك فعلا عطاتكم حقكم رايحين تروحو تسكنو تما ولا تستناو تموت وتديو رزقكم !
هادي كلها امور فانية خويا، ادعي ربي يطولك في عمر يماك ويخليهالكم تاج على ريسانكم وخلي خاوتك يديرو مستقبلهم
ونتا روح زور يماك في دارها اتفقد امورها واشبع منها وما تزعفهاش لأنو هي أهم من كل هاد الرزق
اما اذا كانت حالتك المادية ماش مليحة خلاص وتحتاج دراهم باه تعيش ولادك ربما من حقك تطلب رزقك
وحتى نتا دير مستقبلك كيما خاوتك،لكن انا الشي لي محيرني الاخوة تاعك بناو الدار والعيادة وقداه من حاجة
اذا كنتو فعلا هامكم الرزق تاع باباكم علاه ماتكلمتوش قبل ما بداو يبنيو كن تما تفاهمتو بالتي هي احسن
يعني خليتو زوج ديار تبناو ودارو مكان للعمل ومن بعد حبيتو تقسمو! كأنكم متأخرين شوي
المهم انا نرجع لرأيي الأول اذا حياتك مستقرة خلي العايلة مجمولة،نعرف بزاف ناس داو الارزاق
بصح كي ماتو والديهم وتفرقو على خاوتهم عاد الرزق ماعندو حتى معنى لأنو المال يروح ويجي بصح العائلة لالا
والله اعلم، خلي الاخوة يدخلو يزيدو يفيدوك ان شاء الله
تحياتي
​

 

[سلام نفسي]

اخي لو انت بحاجه لازم يتقيم البيت كلو بثمن نتاعو وبهدها تقسموه علا الورثه بلعدل لو حتى هم بنو وطلعو عليهم دفع ثمن ما اخذو ويكون من حقهم لكن لاتزعل الوالده بسبب فان دنيا ووقت يحين لمكتوب راها تتقسم بلعدل شاؤو ام ابو

 

[Hakan]

الورث يتقسم مع وفاة الاب
وكل واحد ياخذ حقو حتى ولو الام موجودة
والآن يبقى الامر للاخوة نتاعك يعني امك ما عندها حتى حق باش تقلكم ماعندكمش الحق او ما تقسموش
لانو الامر يتعلق بكم كاخوة وامكم عندها حق من المنزل مكفول شرعا يعني اجمع خاوتك وشاركم في الامر من بعد اخبرو جميعكم الوالدة
انا نحير في عبد يبني في منزل نتاع وراث ربي يجعلها نتاع خير وما يفرقكمش على حفنة منزل ولا تراب ​

 

[بين الحقيقة و السراب]

يعني أنت تتساءل عن حقكما في العقار و تعترف أن البناء لأخويكما
المشكلة ليست هنا بقدر ما هي فيما إذا توفيت الوالدة - حفظها الله لكم-
إن ستدعى الأمر و كنت ميسورا إلى حدّ ما تجاوز حفاظا على الأسرة و الله أعلم
أعتقد أنّها حالة بحاجة إلى فتوى .. ​

 

[السلطانة]

هنا دعني الوم والدتك لانها استعملت العاطفة !
اجل
من حقكم الشرعي والقانوني تقسيم البيت وفق مايتطلبه القانون والشرع
وكل واحد يأخذ حصته غير ان الوالدة مشت بقلبها
ولم تمشي بالعدل
انت واخوك واخواتك سكتتم احتراما لها ولعدم اثارة المشاكل
لكن الاخوين الاخرين اجدها انانية منهما
بيت+محل والاخر بيت وعيادة
لاعلينا
انت حاول مع بقية اخوتك التشاور والتفاهم حول الامر
اكيد كل واحد له حق في هذا كيما يقولو كل واحد حقو في روحو
انا نقول ونوجه رسالة لكل ام
كوني عادلة ومتمشيش بالعاطفة
وتفرقي بين اولادك في حاجة ربي سبحانو وتعالى دارها بالعدل
وفقك الله اخي
اسفة ان كنت صريحة اكثر من اللازم لكن هي الحقيقة .

 

[بقايا إنسان]

سﻻم الله عليكم ورحمته : لو كان النمزل على اسم والدتك حدثها بالعدل في الهبة أما إذاكان على اسم والدك المتوفى (عليه رحمة الله)فالمنزل يصبح تركة ولك الحق في اخذ نصيبك من المراث شاء من شاء وكره من كره وقد أوى الله في سوة النسية كيف تكون قسمة التركة اﻻهم ان تٌقسم بشرع الله وعدله وﻻ بأهواء العبد وغيه اما الوالدة فلها الثمن والباقي للذكر مثل حظ اﻻنثيين سﻻم

 

[ليليا مرام]

السلام عليكم اخي
والله يا أخي الصراحة أمك غالطة كان تقسملكم بالعدل وكل واحد يبني جهتو ولو عندكم سكنى لأنو الورث فالشرع موجود ولازم وذكر حق كل وتحد يدي الطفل بحق زوج بنات من مفروض تلمكم وتقسملكم وتبنو ضرك خاوتك يقولو احنا بنينا بصح فالاصل مش ليهم يبني في حقو ولو يماك غفلت كانو هوما يعيطواك انت وخوك لاخر وتقسمو وهناك يبنو
انت ولو تفاتحها مش بزعاف من حقك تفهمها وتفهم منها
الله يصلح الأحوال هي صح تغيض ولو عندك وربي يزيدك بصح تحس روحك مش من عايلة معليش احكي مع امك مافيها والو وسقسيها

 

[Salah eddin]

السلام عليكم و رحمة الله و بركاته

السكن تاع الورثة ما لازمش يتمس اصلا ...

واصلا من المفروض ... مباشرة بعد وفاة الوالد الله يرحمو ... يتم تقسيم الميراث شرعا و قانونا

و كل واحد يدي حقو الي عطاهلو ربي ...

اما في حالة اذا كانت المفاهمة بين الورثة ... انو مش مشكل الاخ ولا الاخت يسكن في الحوش الكبير

و يدي كاش جيهة و يفصلها كيما يحب هذيك حاجة اخرى

اما في حالتكم هذي ... الاخوة راهم قسمو الرزق دون استشارة او استئذان باقي الورثة

لان السكن ملك ليكم كلكم دون استثناء ...

و هنا راهم وقعو في اكل رزق الغير ...

لذلك لازم يكون الرضا من كل الاطراف في القضة هذي

اما الوالدة بالاك حبت تخلي شملكم ملموم و ما حبتش تفرقكم او على الاقل ما تفرقش الاخوة الي قعدو ...

بحكم انك انت و اخوك كل واحد فيكم بعيالو و ساكن في جيهة اخرى
...
هذا تحليل للقضية فقط ... اما الحل ... فهو حلين ... اما تروحو لخاوتكم و تقعدو في طاولة نقاش

و تفهموهم بلي ماهوش هاك الراي ... و بلي مش من حقهم يديرو هاك ... و تتوصلو لحل بالعافية و انهم يعطولكم تعويض

او ما يعوض الشي الي اخذوه ... هذا الحل الاول

و الحل الثاني و الي هو مش تاع عافية ... انكم تلجؤوا للشرع و القانون ... و هنا صح حقكم يجيكم

بصح راكم تخسرو خاوتكم على الارجح بهذي العفسة...

و الله يجيبهالكم في الصواب نشالله



​

 

[أم أحمــــد يــسّ]

السلام عليكم...
امران أدناهما علقم واعلاهما حنظل...
فان طالبتم بحقكم خسرتم اهاليكم وقطعتم صلة ارحامكم وان تملككم الصمت خارت قوى قلوبكم وعقولكم بالتفكير وكراهة الامر..
كان الله في عونكم..
غير ان الشرع بيّن لكل ذي حق حقه ولا غبار على ارث كل من الذكر والانثى والزوجة وغيرهم، فقط سؤالي هل وزعت التركة بعد وفاة الوالد؟ وهل كتب او وهب شيئا للوالدة او الاخوة قبل وفاته؟؟
لكي تتضح الصورة ليس إلا فنعتبر السكن الممنوح لكل واحد من اخوتك في اطار الارث او خارجا عنه؛ فالموهوب لا شان لكم فيه وكذلك لو كتب لامك شيئاً في حياة والدك لا علاقة لكم به في حياتها حفظها الله لكم..
اما اذا كان كل شيء معلق لغايةالساعة فلا يحتسب ماشيّدوا ولو وصلو الى 10طوابق فيعتبر إرث عائلي ولكم القسمة كما لهم ويصبحون اغراباً ( كواقعي من الغباوة التملك بارث العائلة والبناء فوق السطح مثلا وبعد وفاة الوالدين تتشتت الاسر بين يحق لي ولا يحق لك؟؟؟) ...
ولكم ان تتناقشوا بودّ وهدوء وتطالبوا بالإرث اذا كانت لكم حاجة وخصاصة واحسب الامر سيثير بلبلة وضيق انفس ، وان لم تكونو محتاجين فاتركوا كل شيء معلق الى اجل يعلمه الله ، فعاجلاً ام آجلاً سيأخذ كل واحد نصيبه ولو طال الزمن...
لا تخسروا انفسكم واخوانكم ووالدتكم على شيء لا قيمة له ، فوصلهم اغلى من القصور ورضى والدتكم بكنوز الكون...
اسعدكم الله وسدد خطاكم

 

[Ma$Ter]

الام ليس لها الحق ان تقسم هكذا عشواءي الا اذا كتبلهم الاب قبل الموت
لازم يقسمو بالعدل ونورمالمو الطبيب بحكم انو يعمل الله يبارك يخرج وحدو وما يحرجش لي معاه

 

[عماد خطاب]

الا عدت تاخذ برأيي
روح للإمام هو اهل العلم راح يعطيك الحل
لا تتكل علي اراء الناس ان اتبعت اراء الناس راح تتسبب بمشكلة
اما الامام راح يواجهك بالدين ويعطيك الحل بالطريقة المسالمة

 

[أبو عاتكة]

الامر متأخر جدا
اين كنتم قبل مس المنزل والبناء فيه .
الان هي قنبلة
ولا احد يفكها غير امك مادامها في الحياة ربي يطول في عمرها يعني لوقتاش تزيدو توخرو الحديث عن تقسيم الورث لما تغيب ركيزة الدار ؟ .

كي نهدر مع خويا ساعتها نعرفو خويا صح ولا مجرد عبد مكتوب في الدفتر العائلي .

اهدرو وتكلموا راكم رجالة مافيها لا عيب لا حرام ماهي تسول ماهي حسد . مادامها امكم حية .
وانتم الكبار متستناوش الصغار لانهم لاهيين بكسب الرزق كلش متوفر ليهم امالا علاه يفتحوا موضوع عارفين بلي فيه تخراج صوارد واعطاء حقوق خاطر في وضعيتهم لازم يعطوكم حقكم في الدار صوارد مكانش حل ليهم راها فيها عيادة ومحل وبناياتهم .

ولا نعرف امكم واختكم ربي يسترهم شكون كان قايم بيهم ربما هذا الطبيب والعسكري افضل منكم مع امهم . حتى وان هذا الامر لا يعني الامتناع عن التقسيم لكن الله غالب اكثر مشاكل الورث هكذا .
اعذرني لكن الحكاية فيها كل الاحتمالات وانت اختصرتها فقط في نقول ولا منقولش .

اذا خاوتكم ضهرو بلي خاوة نتاع صح يعرفو ربي راح يفروها كيما قال ربي
واذا ركبو الغلط وامتنعو خلوهم كاينة الموت وكاين ربي . مادام مهدروش على الورث وكذلك امكم معناها راكم لاباس عليكم في دياركم . والام يهمها الصغار قبل الكبار اللي مهنيين من انفسهم .