♧♧ المرجو عدم تصوير العروسة ....!!!♧♧

[ربي اغفرلي]

المرجو عدم تصوير العروسة
أمر أضحى حديث المناسبات والأعراس الجزائرية
تمتعض منه بعض النساء إذ سألت الواحدة فيهن تجيبك بكل عين وقحة أنّ ماالضير في تصوير العروس وأنها ستريها لقريبتها أو أختها التي تعذر عليها الحضور
أعذار لاتمت للواقع بصلة وما تخفيه كان أعظم
لا يا هاته صور العروس في هاته الآونة أصبحت في انتشار لايتصوره عقل بشر في مواقع التواصل الإجتماعي
إلهذا الحد وصل ببضع من أشباه البشر الإستهتار بأعراض الناس ؟!
حدثني زوجي لما كنا في فترة الخطوبة عن صديق له قد تزوج لكن قبل مراسيم الزواج أوصى زوجته وأهلها على ألا يكون تصوير بأي شكل من الأشكال
لكن المصيبة حلت في العرس إذ قامت إحداهن بتصوير العروس خلسة ونشر صورها بالفايسبوك
بينما كانت العروس تهم بخروج بيت أهلها والركوب في الموكب الفاخر الذي أوزعه زوجها لها




في بيتها الزوجية إتصل أحدهم ومقرب جدا لزوجها بأن الكارثة قد عمت وأن صور زوجته هنا وهنالك
فما كان منه إلا تطليق الزوجة وإرجاعها حيث كانت أي أهلها وألقى جل اتهاماته عليها وعلى عائلتها بعدم حرصهم على مراقبة كل من تحمل هاتفا. واللامبالاة
كانت محصلته الطلاق
لكي لا تكرر هاته الحادثة طبعا لاقدر الله
كان بيني وبين زوجي حديث مطول بهذا الشأن وأوصاني تكرارا ومرارا عن الصور
والحمد لله سارت الأمور على أحسن مايرام
في بيت أهلي وكذلك الحال بالنسبة في
بيت أهله لم تتجرأ إحداهن على رفع شاشة كاميرتها
شددنا الرقابة هههه وأخبرنا الحضور قبل جلسوهم بأنه من يحمل هاتفه لايلومن إلا نفسه وإلا سيكسر.... هههه


لكن المشكل لايكمن هنا بقدر مايكمن بأن هناك أنفسا جشعة لاتحب الخير لغيرها
ماذنب العروس في انتشار صورها ؟!
ماذنبها في التشهير بها
أو إن صح القول هاته التي تصور ألا تخشى الله
تبيع عرض أختها في الله على الملأ ألا تخاف
أن يحدث شيء مماثل لها أو لابنتها!


في انتظار ماستبوح به أقلامكنم

 

[ربي اغفرلي]

 

[chirine zina]

مرحبا أختي
مضوعك رائع ....فهو حصري ويتكلم على الواقع اللذي نعيشه الآن
بارك الله فيك أختي موضوعك مختار بدقة
..........
ندخل في الموضوع
هو في الحقيقة أختي الكريمة كلامك صحيح
والله غير ولينا نخافو ضوركا من أضواء الكاميرة في الأعراس
علاخاطر الناس ولات مترحمش
وتصور برك
ولعروس مسكينة تضرب على روحها تلقا روحها الدور في الوسائل الإجتماعية
....
وحنا نقولو بلاك نسا برك يحبو يصورو
بصح الكارثة الكبرى لي راني نشوف فيها
الرجال وماأدراك ما الرجال هازين تيليفوناتهم ويصورو في لعروس
سؤال : يعني نتا يا سيدي الرجل كي تصور لعروس واش رح تستفاد ؟
كي نجو نعذرو نقولو لمرا راها تصور علاجال حباباتها
بصح الراجل معندوش عذر
.....
ربي يهديهم
فسدت الدنيا غير بهادو الصوالح
وخربو بيوت
كانو راح يتبناو ولا كانو مبنين
ربي يهديهم​

 

[ليليا مرام]

السلام عليكم أختي عذرا تم نقل الموضوع لمكانه المناسب
والله يا أختي هذا الموضوع بقدر ما هو مهم بقدر اي كلام عنه لا يصف بشاعة ودناءة الضمائر يعني هنا لا يمكن اتهام الرجال فالتي تصور إمرأة وتقوم بنشر الصور والمقاطع حتى هنتك انها تضعها ليتفرجو على ملابسها معرضين هذه العروس اخطر الطلاق وهي لاذب لها ومن غير الممكن ان تراقب كل المعويين والرجل غير ملام في تطليقه عندما تصبح زوجته على مواقع التواصل كيف سيواجه المجتمع الظالم
برأي ل. يتم منع كل الاجهزةا. سحبها حتى انتهاء العرس او وضع احد مخصص لمراقبة المدعويين بكل صراحة
الله يهدينا
اعجبتني القاعة في الصورة فاخرة جدا
شكرا لك

 

[لؤلؤة قسنطينة]

السلام عليكم
موضوع مميز وفي محله
راني نرجع ان شاء الله للرد بما يلزم كي نشعل الميكرو
خاطر عندي ما نهدر في هاد الموضوع
وبالتيليفون نتعدب
المهم لعشية بربي ان شاء الله راني نولي واذا نسيت
وشفتيني ندور ابعتيلي اشارة هههه
لي عودة ان شاء الله​

 

[ربي اغفرلي]

ولكن للاسف معظم الاعراس هم الذين يقومون بالتصوير و نشرهم من اجل التفاخر والتباهي ربي يسترنا

و تلك العروس الم تستر نفسها عند خروجها من بيت والدها ؟
الله المستعان ربي يحفظنا
نسأل الله الستر والسلامة في زمن كثرت فيه الفتن والدواهي

 

[لؤلؤة قسنطينة]

السلام عليكم
راني رجعت كيما وعدت والحمد لله باه نشارك في المناقشة تاع هاد الموضوع
شوفي اختي الموضوع هادا ناقشوه من عدة جوانب أول جانب هو الفكرة الرئيسية تاع الموضوع ولي تتكلم على
الناس لي عادت ماتخافش ربي وتروح تصور بنات الناس وتنشرهم، اصلا نتي رايحة لعرس حابة تتصوري صوري روحك
واقعدي علاه رايحة للعروسة تصوري فيها؟ خايفة تتوحشيها وحابة تتفرجي على صورتها كلما تشتاقي؟ يعني شي يدوخ
راكي رايحة لعرس ماش لمسابقة تصوير، يعني كاين واحد الظاهرة هي غير تخرج العروسة يهزو كامل الهواتف والكاميرات
وتبدا مسابقة التصوير العروسة يعميوها يعني من هاد الناحية انا نشوف لازم في الدخلة تاع لاصال يكتبو ممنوع التصوير
وداخل لاصال يحطو وحدة مسؤولة تعس لي تصور وتقولها ممنوع وماعندهاش حتى الحق باه تريكلامي خاطر جات معروضة
مالا تحترم نفسها وتجبد روحها، هادي اول نقطة ثاني نقطة لي نحير فيها هي الراجل لي قلتي طلق مرتو كي لقى تصاورها
في الفايس بوك يعني ساعات نستغرب من بعض الرجال يقولها مانحب حتى واحد يصورك وكلشي بصح في نص العرس
تخرج مرتو بفستان زفاف مكشوف وتقابل خوه وولد عمو وجدو وولد خالو والقبيلة كاملة تقابلها هكاك تما ماتبانش
رجولتو بصح كي تصرا غلطة هي لا علاقة لها بيها ينعت رجولتو، يعني صدقيني كاين رجال نحير فيهم يقول لمرتو نغير عليك
وكلشي وهي تخرج قدامو بلباس غير محترم نورمال، اما النقطة الثالثة ساعات نولي في العروسة نفسها ونحملها الذنب الكامل
ساعات تلقاي عروسة تقولك مانحب حتى وحدة تصورني تعود تنشرني وفي نفس الوقت تقولك راني جبت كاميرا مان
او كاميرا وومن اذا كان مان يعني راجل مافهمتش هنا كيفاه تقول ماتصوروش وهي تعرض في نفسها قدام راجل واذا كانت
لي تصور مرأة هاد المرأة بعد ما فيها ثقة قادرة تروح دير مونتاج في دارها ويشوف العرس كامل زوجها وخوها وساعات حتى
تروح لصوار من برا يخرجلها الصور يسمى العروسة رايحة تتكشف في كلتا الأحوال يعني كي تعودي تمنعي التصوار من الناس
وتكشفي نفسك عند الكاميرا مان في رأيي نفس النتيجة، انا من رايي العروسة تستر روحها حتى ولو في عرسها تحب حتى
دير خيمار، كاين لي تقولك ليلة عرسي وليلة العمر ولازم نكون شابة، الجمال خليه لزوجك يخي رايحة تغطي غير شعرك؟
خلي شعرك لزوجك وقابلي الناس بخيمارك وتقدري تخرجي انيقة وكلشي أول شي ماش على ليلة الناس كامل تكشفك
وتكوني مرتاحة حتى ولو وحدة بنت حرام حبت تصورك بالتخبية وتنشرك في مواقع التواصل راكي مستورة وماخصك والو
لأنو كاين تاني عرايس يلبسو لباس مكشوف بزاف لدرجة ما تعرفي اذا محجبة ولا راهي بلا حجاب وكي يصوروها تتكشف بزاف
على هادي قتلك ساعات نحمل العرايس الذنب الاكبر خاطر عادو هوما نفسهم اذا ماصوروهمش الناس تلقايها هي تجيب
البلاء لعمرها، واش نقولو غير ربي يهديهم وربي يستر على كل وحدة ان شاء الله
شكرا اختي على الموضوع
تحياتي​