- إنضم
- 13 أفريل 2013
- المشاركات
- 14,618
- نقاط التفاعل
- 54,537
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم أهل اللمة واش احوالكم؟
كاش أمطار؟ كاش برررد؟
قسنطينة راهي في جو الله يبارك ما نقولكمش غير الأمطار والبرد الله يبارك
ربي يدومها نعمة ان شاء الله
المهم جبتكم هنا باه نسقسيكم واحد السؤال
شكون عندو حمص؟ قصدي لوبيا؟ تبا -__- قصدي فوبيا
كل واحد عندو حاجة يخاف منها في الدنيا هادي وتشكلو عدس قصدي تشكلو فوبيا (ماديروش عليا وقت البرد واللوبيا والحبوب هههه)
مثلا أنا كغيري من البنات ما نخاف لا من كلاب حاشاكم ولا من قط ولا من فار ولا من زرزومية ولا من حنش
هادو كامل كاين منهم لي نشوفهم قدامي نخاف منهم شوي بصح عادي، لكن تعرفو شكون لي ما نقدرلهاش؟
تعرفو شكون لي مدايرتلي لوبيا بالكسرة سخونة؟ قصدي فوبيا شديدة
يا ربي وماتكونش هنا وتسمعني
هي البنكعوت يا ويلي يا ويلي
لدرجة في التلفاز ومانحملش نشوفها، ساعات كي نكون قاعدة نورمال نلقى ختي تشوف معايا نقولها واش كاين
تنوض تضحك وتبقى تشوف معايا عينيا يخرجو ماتجي تكمل الجملة نطير انا من المطرح للغرفة الأخرى هههههههه نسوطي لدرجة الصاروخ ونسبقو
لدرجة نخاف منها، ولات حتى ختي تتمسخر بيا كي تشوفني قاعدة تايهة تقولي واش هاداك لي فوق كتفك
انا مانستناش نسمع طول نتخايلها السيدة عنكبوت
تاني حاجة ربما ماش فوبيا لكن الأماكن الضيقة مانحبهاش كيما مثلا الأهرامات تاع مصر عمري لا نتخيل روحي ندخلهم
مانقدرش انا ندخل في باطا ومقفولة لا هوا لا والو، كن ندخل يلقاوني قاجفة
الاماكن الضيقة والمغلوقة مانحبهاش بزاف
كذلك مانحبش الأماكن المرتفعة والمشكل أنو عينيا ياكلوني نطل من فوق ونشوف ونولي نخاف على هادي ربما عندي لوبيا تاع الأماكن المرتفعة كذلك، بصح اللوبيا الواعرة عندي قصدي الفوبيا هي مادموزال عنكبوت
تصفيقة حارة ليها هههه
هيا درك دوركم كل واحد يحكيلنا على الحمص تاعو قدي الفوبيا تاعو واش هي
ومن واش يخاف
هيا ابقاو على خير وما تاكلوش بزاف الفوبيا قصدي اللوبيا هههه
سلام
آخر تعديل بواسطة المشرف:
