وشراكم أهل اللمة
إنشاء الله تكونو بألف خير وعافية
......
أنا ليوم قررت نطرح ضاهرة ، ولات طاغية على المجتمع نتاعنا
وهي الإنسان المادي
يعني واحد يحب يكون عندو وعندو
ويلبس وياكل الحاجة لمليحة توال الناس
باه يبان حاجة قدامهم وزعما زعما يقول في نفسو أنا أنسان متحضر وراقي
وهادا هو التحضر
ويكون متكبر
ويقول أنا عندي وعندي
وبهاذا نستنتج أنا كلمة تواضع
راحت من القاموس اللغوي
ولهاذا :
مش شرط يكون جهازك أيفون باه تكون راقي
مش شرط تاكل بيتزا باه يقولو عليك عندك دراهم،
مش لازم تلبس لامود باه تكون واااااااو في عيون الناس،
مش شرط تسمع للشاب خالد ولا اديل ولا رايان
باه تكون متحضر
الإنسان المتواضع يلبس أي حاجة من غير ما تكون ماركة
وياكل من أي مكان منغير ما يركز على إسمو
وأي واحد يشوف للناس بالمظهر
عايش في جو لازم الناس تكون من مستواه المادي
......
سؤال لك أين أنت من أخلاق سيدنا وحبيبنا محمد أين أنت من تواضعه وكرمه وحسنه
وأخلاقه ؟ الصادق الأمين البشوش المتواضع !!!!!
لأن التحضر مش بالمظهر واللبس يا راقي
.....
التحضر بالأخلاق العالية
والعقل الكبير ...والقرب من الله ...والنية الصادقة
على فكرة ، مش غلط أنك تلبس ماركة ولا تصرف من رزقك بالعكس ربي يديم نعمة الرزق للجميع يارب العالمين ويبارك لهم في أرزاقكم
ولكن الغلط الإستهزاء ....و...التصغير ....و الغيرة
سيد الخلق كان متواضعا
فمن نحن لنتكبر ؟؟؟
إرتقو فإن القاع قد إزدحم ....
.....
كن متواضعا يا أخي
......
تقبلو موضوعي
أنتظر ردودكم
وتعليقاتكم
....
تحياتي لكم
