أَشْعِرْ بالعامية..

[أم أحمــــد يــسّ]

مساء النور ...والنور داير بيكم..
كون جاء للقمر قرين ..راهم نجوم الأرض دايرين بيكم...وكون جا عندو مثيل يكون بروعتكم غاير منكم..
..
..
ميضوعي اليوم ع الشعر الشعبي..
كنت خطرات ( نهترف ) بالعامية ونجيبها عقاب الهموم اليومية نقلبها من هنا ومن هيه ونعطي للغاشي تقرا...وشد كرشك بالضحك..وتحولت ( السخرية ) بالعامية لون لكتاباتي عن مجتمعي الصغير وهمومه،..
وقولو اليوم واش فكرني بهذي الهواية؟؟؟
أكيييد الانتخابات ...
عندي عشر سنين كتبت عليها وفاتت في الإذاعة خخخخ
...
فكرة موضوعي اليوم قديمة في خاطري لكن قسمي المفضل ليس مُحبب لكثير من الأعضاء للأسف ولا اظن الفكرة ستلقى تفاعلا وهي ركن للشعر الشعبي؛وان لم يكن تشجيعا واحياءا لذاك النوع من الشعر وبمقاييسه المعتمده عند رواده فعلى الأقل تكون معالجة لقضايا الساعة وبلغة ساخرة تحوي عبراً يفهمها عامة الناس...
...
اليوم ميضوعنا ( أهرَفْ شعبي )
وخاااص بالانتخابات...
نبدا محاولتي ونتمنى نلقى تفاعل:
حليلي على الزوالي حياتو شكون عالم بيها...
همومو تملأ سطور وبدموعو أبحار الكون ماليها..
بايت شبعان ولا جيعان..هذيك العايلة شكون عالم بيها...
بايتة بردانة ولا على كرطون
الله لا يظهر عليها..
تتعشى بخبزة يابسة والعشا شربة ماء مش لاحقة عليها ..
ويادرا خمس سنين شكون عارف ذاك الزوالي وانا جيهة؟؟...
الله يرحم الانتخابات ذيك العروسة المقدودة...
واليوم يتفكروك يا القليل واسمك في القايمة المعهودة...
وحدثني على الشبيبة الجامعية اللي راهي منسية..
همومها على الحيطان معلقة
واليوم ليهم الأولوية؟؟
وحدثني على الشياب والعجايز شكون سامع بيهم؟؟
اليوم الله يرحم الانتخابات صارت الوكالات تنوب عليهم... وياسعدك يا الزوالي راح يحكمك السعيد ومسعودة...
وبربي خمس سنين راهي البلدية ديما مقدودة..
وجاهم ( ديغول ) بأحلام حملتو المعهودة..
يوعدهم بالسكنة والخدمة وهو ساكن في زريبة ...
نوّم يا ديغول نوّم الشعب سامع طامع بالمثالية....
ادي مليار ولوح دينار المهم تتفكرو شوية...

....
كملوا الرسالة...
تحياتي

 

[Skor m@k]

السلام عليكم
شحال نحب الشعر الشعبي سورتو الى كان مخلط كيما تاعي هههههههههه


يا عباد الله علاه راكــــــــــــــــــــــــــــــــم تهبلو فيــــــــــا
الانتخـــــــــــــابات قربت والأحزاب راهم يعرضو فيــــــــا
فوطي علينا نمدولك مليــــــــار وشويا تاع خمسميــــــــة
ومعـــــــــــــــــــــاهم دار هذي غيــــــــــر هديـــــــــــــــــة
شوفو ينـــــــــــــــــــاس واش طـــــاح عليا من بليـــــــــة
أنا زوالــــــــــــــي الله غالبــــــــــــــــــــ عليـــــــــــــــــــــا
نحبـــــــــــــــــــ نعيش مليح خــــــــاصة بهذي لهديـــــــــة
مـــــانحبش الشيــــــــــــــــــتة نمشي بالصفى والنيــــــــــة
وخاطينــــــــــي المشاكل ومانحبش نكون من هذي لوصية
خاطرش نعرفهم يطبعوك للأمام ويرجعوك أنت ضحيـــــــة
اللعب بدا يخشان راني خايف نطيـــــــــح ف هستيريــــــــة
تتلخرلي معاهم كي هركول ويجري مورايــــا فنتازيـــــــــــا
مانفــــــــــــــــــوطي لاعليـــــــــــــــــــهم لا عليــــــــــــــــا
لالا راني مليح نولي لعادتي فقير ونتعشى بالعدس واللوبيا
هذا ماشعر ماوالو تخلاط وهدرة كي العادة وشويا كوميديا ​

 

[أم أحمــــد يــسّ]

ههههه مليح كي يبدا التخلاط والتجلاط..
سأعود للرد كي يصفى مورالي..
شكرا ع المرور اخ مالك

 

[أم أحمــــد يــسّ]

السلام عليكم
شحال نحب الشعر الشعبي سورتو الى كان مخلط كيما تاعي هههههههههه


يا عباد الله علاه راكــــــــــــــــــــــــــــــــم تهبلو فيــــــــــا
الانتخـــــــــــــابات قربت والأحزاب راهم يعرضو فيــــــــا
فوطي علينا نمدولك مليــــــــار وشويا تاع خمسميــــــــة
ومعـــــــــــــــــــــاهم دار هذي غيــــــــــر هديـــــــــــــــــة
شوفو ينـــــــــــــــــــاس واش طـــــاح عليا من بليـــــــــة
أنا زوالــــــــــــــي الله غالبــــــــــــــــــــ عليـــــــــــــــــــــا
نحبـــــــــــــــــــ نعيش مليح خــــــــاصة بهذي لهديـــــــــة
مـــــانحبش الشيــــــــــــــــــتة نمشي بالصفى والنيــــــــــة
وخاطينــــــــــي المشاكل ومانحبش نكون من هذي لوصية
خاطرش نعرفهم يطبعوك للأمام ويرجعوك أنت ضحيـــــــة
اللعب بدا يخشان راني خايف نطيـــــــــح ف هستيريــــــــة
تتلخرلي معاهم كي هركول ويجري مورايــــا فنتازيـــــــــــا
مانفــــــــــــــــــوطي لاعليـــــــــــــــــــهم لا عليــــــــــــــــا
لالا راني مليح نولي لعادتي فقير ونتعشى بالعدس واللوبيا
هذا ماشعر ماوالو تخلاط وهدرة كي العادة وشويا كوميديا ​

يرحم ذيك الاصابع وواش ابدعت ليا..هههه
جميلة خربشتك ..وكي يمدولك المليار ماتنساش تقسمو معايا ...

 

[أم أحمــــد يــسّ]

قالو عليا جزائرية..
ضحكو عليا اولاد الميزيرية..
قال واحد عندي سنين نتسنى الدولة ترضى عليّا...
وماشفت والو منها غير هذا الحيط زاد طاح عليا...
وقال لاخر..واش من معيشة راني عايش ؟ شوف لشكيب وشوف ليّا..
قالت لُخْرى راني نتسنى في السكنة
درت كنترا مع البيوت القصديرية...
اذا ماجات تحي قفة رمضان تنقص في المصروف شويّا...
ناس تروح للبحر كل صيفة وانا فعزّ الشتاء راهو بين رجلياّ....
قالت لُخرى: وليدي ياناس طيح الدموع من عينيا..
اعطولو خدمة ..مصروف جيبوا وينحو ليّا...
في عمرو عشرين وشاب شعرو من همّ الميزيرية...
...
جاوبت ذاك وذاك وذيك وهي...
نروح نفوطي يكفي انّي جزائرية...
مانبيع ذمتي مانبيع بلادي كي احتاجت ليا...
مانحتاج خدمة لا نحتاج سكنى
مانبيعها لخاين غدوة يستشفى فيا..
حقي نجيبوا وحدي مانحتاجش من بيوعي يجيبو ليا...
يكفيني تنهض لبلاد مانسقسي عليك وعليّا...
بركاونا من ذيك الفتنة وخلاص عهد الأنانية...
انا وانتَ وانتِ وهو يكفينا اسم يشرفنا في العالمية..
نفسي يا نفسي شحالك جبارة وبالقناعة ماكي راضية لا مرضية...
يلعن صمتي يا مواطنين ..
كي سماونا منافقيــــن...
علجالخبزة ولا اثنين ...
بعنا دمّ المجاهدين...
ربحنا العيب في يومين...
تشتت لعروش في ساعتين...
ولينا ضحوكة للشامتين ...
قلبوا الحق باطل بكلمتين..
وآدوز الفتنة ضرب اثنين..
بعّد الكل وتباعت لبلاد في دقيقتين...
نفوطي ونعطي صوتي ..هذا حقيّ
ياك راني جزائــــرية

 

[wissam 47]

عجبني ميضوعك
مي انا ما نفهم والو في الشعر
بصح نحبو وسيرتو اللي ملبز
يجيني يضحك شوي بالتوفيق خيتي
ان شاء الله تلقاي التفاعل

 

[أم أحمــــد يــسّ]

عجبني ميضوعك
مي انا ما نفهم والو في الشعر
بصح نحبو وسيرتو اللي ملبز
يجيني يضحك شوي بالتوفيق خيتي
ان شاء الله تلقاي التفاعل

هههههه أوكي
اضحك الله سنك دوما..
شكرا ع المرور الطيب ...

 

[الصحافية الساخرة]

ههههههخخخههه ڨمرونة اختك راها هنا بصح اختي الانتخابات خطينا منها ربي يسهل عليهم بغيتي تباصينا ههه

نحكيلك حكايتي مع الشعر بالعامية نهار كنت نقرى سنة اولى ثانوي قراتني وحد الاستاذة تاع العربية ههه ( ماشي انتي) كانت تحبني بزاااااف ، ونهار قرات ختي وصرا بيناتهم مشكل ايا تما تبدل الحب تاعها لكره ليا بورتوا انا مدخلنيش ولات تتقلق مني بلا سبة وزاد تبدلت تان سيرتو كي دخلت وحد الجماعة معانا بنت المدير ووليد الطبيب وبنت الاستاذئة مهم تعرفي فئة هذي ينحازوا ليها بعض الاساتذة وانا الحمد لله زوالية عادي بصح كنت نحب الادب و نقراه سيرتوا كي تقولنا مثلا اكتبوا قصة ولا تعبير نحب نكتب بصح كنت كل ما نكتب ما نوريلهاش واش كتبت خاطر موليتش نحب نهدر معاها حتى و كرهت الحصة تاعها صراحة مي مكانتش ديرونجي نبقى ديما ساكتة اللي تحب تديره مكان يهمني والوا انا ننجح ومنخلي حتى واحد يستشفا فيا ،، ايا نهار قلقتني صح هي و الجماعة هذيك كتبت شعر بالعامية على الاستاذة هذيك ومنعرف كيفاه جاني الابداع ههههه تالموا الزعاف و القلب تجرح كتبتو بطريقة ساااخرة و قريتوا على اللي نعرف و اللي منعرفش وشاااعت القصيدة ههههه ووحد البنت هي اللي شيعتها تحب تدي الاخبار للاساتذة وانا والله ما همني فيها قلتلها ادي ولا مهمنيش فيك اللي في قلبي كتبتوا و نزيدك معاها لا حبيتي هههه وكي وصلها الاستاذة الخبر هههه زاد ولااات تكرهني ومتهدرش معاي مالغري ما قالتلي والو بصح تمعني ههههه المهم انا نكتب وخلاص كانت هوايتي اصلا وطريقتي فالتعبير بالعامية بالعربية المهم نفرغ اللي في قلبي


ايه وانتي واش حبيتني نشعر اڨمرونة انا القصة تاع المير دات كل افكاري هههه

 

[أم أحمــــد يــسّ]

ههههههخخخههه ڨمرونة اختك راها هنا بصح اختي الانتخابات خطينا منها ربي يسهل عليهم بغيتي تباصينا ههه

نحكيلك حكايتي مع الشعر بالعامية نهار كنت نقرى سنة اولى ثانوي قراتني وحد الاستاذة تاع العربية ههه ( ماشي انتي) كانت تحبني بزاااااف ، ونهار قرات ختي وصرا بيناتهم مشكل ايا تما تبدل الحب تاعها لكره ليا بورتوا انا مدخلنيش ولات تتقلق مني بلا سبة وزاد تبدلت تان سيرتو كي دخلت وحد الجماعة معانا بنت المدير ووليد الطبيب وبنت الاستاذئة مهم تعرفي فئة هذي ينحازوا ليها بعض الاساتذة وانا الحمد لله زوالية عادي بصح كنت نحب الادب و نقراه سيرتوا كي تقولنا مثلا اكتبوا قصة ولا تعبير نحب نكتب بصح كنت كل ما نكتب ما نوريلهاش واش كتبت خاطر موليتش نحب نهدر معاها حتى و كرهت الحصة تاعها صراحة مي مكانتش ديرونجي نبقى ديما ساكتة اللي تحب تديره مكان يهمني والوا انا ننجح ومنخلي حتى واحد يستشفا فيا ،، ايا نهار قلقتني صح هي و الجماعة هذيك كتبت شعر بالعامية على الاستاذة هذيك ومنعرف كيفاه جاني الابداع ههههه تالموا الزعاف و القلب تجرح كتبتو بطريقة ساااخرة و قريتوا على اللي نعرف و اللي منعرفش وشاااعت القصيدة ههههه ووحد البنت هي اللي شيعتها تحب تدي الاخبار للاساتذة وانا والله ما همني فيها قلتلها ادي ولا مهمنيش فيك اللي في قلبي كتبتوا و نزيدك معاها لا حبيتي هههه وكي وصلها الاستاذة الخبر هههه زاد ولااات تكرهني ومتهدرش معاي مالغري ما قالتلي والو بصح تمعني ههههه المهم انا نكتب وخلاص كانت هوايتي اصلا وطريقتي فالتعبير بالعامية بالعربية المهم نفرغ اللي في قلبي


ايه وانتي واش حبيتني نشعر اڨمرونة انا القصة تاع المير دات كل افكاري هههه

هههههه موصيبة يا بنتي ...
ايا لمزية ماطحتيش فيا خخخ ولا غير طيحي عندك ماتشوفي مني انا ثاني..انا حكايتي ( عشق) للغة من الصغر بالرغم من اني كنت علمية لكن من السيام نكتب على اي شيء...المهم نخربش وفي الليسي كانو طايحين بيا زوج سراقات للمذكرات وكل شيء خاص بالكتابة( خواطر وقصص) ومانستغربش اذا لقيت كانش كتابة ليا في اي منتدى لاني لقيت حوايج في الفيس ليا وباسم مغاير...ومنهم قصائد شعبية تعالج هموم ومشاكل المجتمع..
ايا بصحتهم ..اخطينا من الانتخابات ( كملت وربحناها بلدي وولائي هههه) ..اكتبي اي شيء اختاري موضوع وراح نحاولو نقلدوك ههه وديري دعوة للاخ مالك يجي يشخبط معاك..

 

[الصحافية الساخرة]

هههههه موصيبة يا بنتي ...
ايا لمزية ماطحتيش فيا خخخ ولا غير طيحي عندك ماتشوفي مني انا ثاني..انا حكايتي ( عشق) للغة من الصغر بالرغم من اني كنت علمية لكن من السيام نكتب على اي شيء...المهم نخربش وفي الليسي كانو طايحين بيا زوج سراقات للمذكرات وكل شيء خاص بالكتابة( خواطر وقصص) ومانستغربش اذا لقيت كانش كتابة ليا في اي منتدى لاني لقيت حوايج في الفيس ليا وباسم مغاير...ومنهم قصائد شعبية تعالج هموم ومشاكل المجتمع..
ايا بصحتهم ..اخطينا من الانتخابات ( كملت وربحناها بلدي وولائي هههه) ..اكتبي اي شيء اختاري موضوع وراح نحاولو نقلدوك ههه وديري دعوة للاخ مالك يجي يشخبط معاك..

ههههههخخخهههه شخبط شخابيط ههه @Skor m@k قولها بلي أنا كي نولي نكتب نحشر شحال موضوع في بعض ههههههه
ان شاء الله ڨمرونة كي تجيني افكار نشخبط معاكم ^^

 

[أم أحمــــد يــسّ]

ههههههخخخهههه شخبط شخابيط ههه @Skor m@k قولها بلي أنا كي نولي نكتب نحشر شحال موضوع في بعض ههههههه
ان شاء الله ڨمرونة كي تجيني افكار نشخبط معاكم ^^

مرحبا بكل الشخبطات هههه
شحال من موضوع في موضوع هههخ شابة وممكن مزالو محافظ على الطريقة الكلاسيكية للقصيدة ههه ( في النثر حاجة اخرى...)
ماعليهش مرحبا بالابداع في اي وقت...