لبنات يناديو بالتعدد شغل العزاب كملو

[أم منيــــــر]

السلام عليكم
اليوم جيتكم بموضوع مهم
ممكن تستغربو من رأيي بصح درك تفهموني كي تقراو كامل الموضوع
رانا نسمعو بزاف هاد ليامات اصوات تنادي بتعدد الزوجات للقضاء على العنوسة
جمعيات و تجمعات للفتيات و فيديوهات في اليوتوب كل هؤلاء يناديو بالتعدد
كي شغل خلاصو الرجال و انقرضو و بقاو غي لمتزوجين و هما لي لازم يقضيو على العنوسة
انا انسانة مؤمنة و نقرا القرآن و على بالي انو تعدد الزوجات مذكور في القرآن و لكن
لاسباب ....و ليس هكدا و اول شرط و هو العدل في المأكل و المشرب و المسكن و حتى العاطفة و الكلمة الطيبة و هذه الاشياء كلها يستحيل تحقيقها في وقتنا
واش المخلوق ما سلكسش راسو مع مرا وحدة وعايلة وحده و يا دوب كما يقولو المشارقة يسلك و نتوما تقولولو زيد مرا وحدوخرا
انا نقول كاين شباب ماشااااااء الله لحقو للاربعين و تعداوها و ما زالو بلا زواج ديرولهم جمعيات طمولهم دراهم و انتوما يا لبنات لي راكم حابين تدو الرجل على مرتو سهلو على الشباب و عاونوهم باش تتزوجو معاهم و ديرو عايلات
و لا جا حالكم غي على المتزوج
هكدا نقضيو على العنوسة و هادوك زوالية تاني مساكين يتزوجو و يريح بالهم :Love:
تحياتي للجميع
في انتظار رايكم ​

 

[لؤلؤة قسنطينة]

السلام عليكم
اهلا بالغالية أم منير نورتينا
موضوع في محلو لكن نرد عليه لعشية ان شاء الله
خاطر درك بالهاتف
لي عودة ان شاء الله ^^​

 

[❤️كلي أمل❤️]

يعطيك الصحة حنونة
ولله عندك الحق في واش قتلتي كامل
الراجل كي يروح يخطب يشرطولو حوايج مايقدرش عليهم وهكذا مايقدرش يتزوج وطفلة تكبر وتبقى بلا زواج وفي الاخير يشوفو غير المتزوج قدامهم يلقاوه ساااهل ههههههههه

 

[أم منيــــــر]

السلام عليكم
اهلا بالغالية أم منير نورتينا
موضوع في محلو لكن نرد عليه لعشية ان شاء الله
خاطر درك بالهاتف
لي عودة ان شاء الله ^^​

و عليكم السلام
الله ينورك حبيبتي مريم
ان شاء الله
ربي يسهل امورك​

 

[أم منيــــــر]

يعطيك الصحة حنونة
ولله عندك الحق في واش قتلتي كامل
الراجل كي يروح يخطب يشرطولو حوايج مايقدرش عليهم وهكذا مايقدرش يتزوج وطفلة تكبر وتبقى بلا زواج وفي الاخير يشوفو غير المتزوج قدامهم يلقاوه ساااهل ههههههههه

الله يسلمك حبيبة
ايه راكي تشوفي صابو لمتزوج ساهل و حابين يدورو عليه
روحو عاونو هادوك زوالية و سهلو عليهم و تزوجو على رواحكم
ربي يحفظك​

 

[الامين محمد]

أستاذتي راهي خايفة على راسها و راهي تنعت ليكم
في طريق خلاف زوجها هههههههههههههههههه
قالت ليكم شوفوا العزاب و ما تخربوش في المتزوجين ههههههههههههه

 

[Salah eddin]

السلام عليكم و رحمة الله
الظاهر ان السيدة أم منير عندها غيرة فوق العادة هه
...
المهم ... و بايجاز
صحيح ان التعدد يحل مشاكل العنوسة ... لكن و الله حنا الشبيبة رانا حاصلين في وحدة ما صبناش كفاه نجيبوها
و مع صعوبة المعشية و ندرة الخدمة و الغلاء و المكر الي راه صاري ......كفاه دنفكرو في التعدد !!
ههه
الله يكون في العون و خلاص
​

 

[زاد الرحيل]

السلام عليكم و رحمة الله
الظاهر ان السيدة أم منير عندها غيرة فوق العادة هه
...
المهم ... و بايجاز
صحيح ان التعدد يحل مشاكل العنوسة ... لكن و الله حنا الشبيبة رانا حاصلين في وحدة ما صبناش كفاه نجيبوها
و مع صعوبة المعشية و ندرة الخدمة و الغلاء و المكر الي راه صاري ......كفاه دنفكرو في التعدد !!
ههه
الله يكون في العون و خلاص
​

و الله لكان اجيك أختك الكبيرة الي هي أنا غير.تشوف و نزيد نحرش عليك كامل العضوات السيدات و العازبات ينفيوك استنى

 

[Salah eddin]

و الله لكان اجيك أختك الكبيرة الي هي أنا غير.تشوف و نزيد نحرش عليك كامل العضوات السيدات و العازبات ينفيوك استنى

ما فهمتكش؟؟؟​

 

[زاد الرحيل]

ما فهمتكش؟؟؟​

تظلموناو تزيدو تتهمونا بالغيرة

 

[Salah eddin]

تظلموناو تزيدو تتهمونا بالغيرة

ههه
خلاص فهمتك ...لا الله لا يخلنا نظلموكم
ههه​

 

[زاد الرحيل]

السلام عليكم
اليوم جيتكم بموضوع مهم
ممكن تستغربو من رأيي بصح درك تفهموني كي تقراو كامل الموضوع
رانا نسمعو بزاف هاد ليامات اصوات تنادي بتعدد الزوجات للقضاء على العنوسة
جمعيات و تجمعات للفتيات و فيديوهات في اليوتوب كل هؤلاء يناديو بالتعدد
كي شغل خلاصو الرجال و انقرضو و بقاو غي لمتزوجين و هما لي لازم يقضيو على العنوسة
انا انسانة مؤمنة و نقرا القرآن و على بالي انو تعدد الزوجات مذكور في القرآن و لكن
لاسباب ....و ليس هكدا و اول شرط و هو العدل في المأكل و المشرب و المسكن و حتى العاطفة و الكلمة الطيبة و هذه الاشياء كلها يستحيل تحقيقها في وقتنا
واش المخلوق ما سلكسش راسو مع مرا وحدة وعايلة وحده و يا دوب كما يقولو المشارقة يسلك و نتوما تقولولو زيد مرا وحدوخرا
انا نقول كاين شباب ماشااااااء الله لحقو للاربعين و تعداوها و ما زالو بلا زواج ديرولهم جمعيات طمولهم دراهم و انتوما يا لبنات لي راكم حابين تدو الرجل على مرتو سهلو على الشباب و عاونوهم باش تتزوجو معاهم و ديرو عايلات
و لا جا حالكم غي على المتزوج
هكدا نقضيو على العنوسة و هادوك زوالية تاني مساكين يتزوجو و يريح بالهم :Love:
تحياتي للجميع
في انتظار رايكم ​

كلامك صحيح و عندك رؤية بعيدة شباب الي م يعاني من عدم الاستقرار و كما قلت هما اولى بالزواج و يكفي الدعوة لتخريب البيوت شفنا و سمعنا العجب ،الاولاد يتيتمو و باباهم عايش.

 

[الصحافية الساخرة]

و عليكم السلام و رحمة الله

اهلا باختي الطيبة ^^ و موضوعها الجميل

شفتي هذا كلشي بسبب الاعلام اللي نهار كامل وهوما ينشروا فاخبار واحصائيات كاذبة قالكم النساء كتر على الرجال اضعاااف بففف كذب و زاد المنشورات بمواقع التواصل اللي تحاول تنشر آراء تافهة و يتمسخروا بالناس ،، بهدلوا بارواحهم الزواج مكتوب واش هذا نادي بالتعدد ياك كمي يحب الرجل يعاود يتزوج ماشي حتى تروح تخرجي لبرى وترفدي في يديك لافتة تعدد الزوجات و التمهبيل هذاك ،، لوكان تروح تشوف لروحها خدمة تفيدها و ترضى بواش كتبلها ربي ماشي خير ،، ولا هذا الزواج كلشي فالمجتمع تاعنا حتى تلقاهم يتوسوسوا ، ياو ربي ما كتبلكش الزواج اسواي مرى وروحي ديري حاجة لعمركم اصنعي شخصيتك ياخي حالة ياخي وزاد علاه تستحقر روحك و تروحي لراجل متزوج علاه تشوفي روحك واحد ماراحش يشوف ليك غير اللي متزوج لاا شوفي للعازب ادعي ربي يعطيك راجحل صالح و عزاب وزاد جاون اسيدي واش ماشي من حقك كلشي بيد ربي "كن فيكون" بصح هذوا النساء حاشا البعض رخسوا ارواحهم الصح الصح كي ما تزوجتش خلاص تولي تذل في روحها وزاد دخلولها فكرة الرجال خلاصوا اوووه بركاونا من الجياحة ..

هذا واش عندي ختيتو ، شكرا لك على الموضوع الجميل

 

[بشرى ملاك]

فكرتيني مرة كنت نحكي مع وحدة قاتلي حي ڨاع شيرات تزوجو وانا لا قلتلها لي ماتتزوجش هنا فالدنيا تزف احسن زفاف يوم البعث بشرط العفة قاتلي نو نبغي نتزف هنا انا نروح نحوس كاش متزوج يزيدني دوزيام... والله بقيت حايرة نشوف فيها

 

[ليليا مرام]

السلام عليكم اختي ام منير
والله شوفي بعيد على المزاح موالفين فالردود نقولو ندو متزوج وكذا والصراحة ما نقدروش عليها الله غالب وما نقدرش نتخيل الدولة لو راني متزوجة تحتم على راجلي يقضي على العنوسة حبو يقضو عليها يمدو خدمة للشباب وسكن كامل يتزوجو وماليهم ينحو عادة المهور بالملاين والاعراس الغاليين الحالة تمشي ماشي يجو للمتزوج حاير في وحدة ويكملو عليه الصراحة راحة نقسرو ايه ونضحكو وعلى نفسي لو نبور 700 بورة وما نديش راجل متزوج ما نقدرش نوجع مرا كيما انا ببكل صراحة اللهم لو مرتو لا تنجب ولازم نفهم منها او مرتو ميتة الله او مطلق هذيك حالة باينة اما راجل بمرتو والله يقولي راهي تضربني ليل ونهار ما نديه مهما تكون شينة ويمى تحاوزو من الباب خطبني مرة واحد متزوج وجون صغير لما جات اختو تقولي قدام يمى قاتلها يمى لو انت متزوجة تقبلي وحدة تدي راجلك سكتت قاتلها خويا فمشاكل مع مرتو وحقو يعدد قتلها انا الله غالب مش انا ما نقدرش نقسم راجل مع مرا أخرى ولا هي تقسم راجلها معايا
العنوسة لو عينهم يقضوا عليها الخدمة والدار وليجون كامل يتزوجو
العجب رانا نشوفو فيه هي الرجال كامل يعجبهم الحال وقالك الدولة راه ديرلهم شهرية للمرا الثانية معناها هو ما يصرفش عليها المهم يديها هذا الرخص بعينو وشكون تقبل على روحها هاكا نقولك شي احتي ام منير والصراحة والله نضحكو برك فالردود اما تولي فالصح نسا لما خلاو الزواح كل همهم وراحين يموتو عليه رخصوهم الرجال الزواج هذا كالموت من ربي رخصوا بينا رجال خاطر حنا رخصنا براوحنا شوفي هنا مجتمع مصغر نقسرو ونضحكو فهذا الموضوع تقراي الف رد واحد يقولك ارواحو تخطبوني لاخر يقولك تموتو عليا واد يمعني نروح عليكم وتندمو يا حسراه شفت المرا لواش توصل روحها وهذي روماركيتها لما انا نقسر ونضحك ونظل نتغزل بيهم قالك خلاص راحا تموت وتتزوج نونونو راني لاتية فمرضي الزواج مش فراسي نهائيا ولو نخمم نتزوج يكون عازب ارمل او مطلق اما متزوج اواه لالا
شكرا على الموضوع

 

[أم أحمــــد يــسّ]

السلام عليكم..
موضوع الساعة..شكرا سيدتي الفاضلة لفتح مجال للنقاش..
اظن ان الهرولة للتعدد مقصودة
لزرع الفتنة ..فقبل ان تكون مطلب شرعي دعينا نبحث في حيثيات الزواج عند الجزائرين، فهل فعلا اغتنى الجزائري ليعيل اربع بيوت؟؟ او اثنان او ثلاث ؟؟ وهل اتقى الله حق تقواه ليطبق العدل ؟؟
قوم يتقشفون في كل شيء ( حتى في مشاعرهم ههه) وشباب عاطل ويأخذ مصروف جيبه من أمه وينتظر حق النقل من والده الشيخ و.. و...و... وان تكلمنا عن غلاء المهور والشروط التعجيزية سنقول ان الشباب قد يئٓس وفاض كأسه..
وسُدت الابواب في وجهه..
ولا أظن ان الشباب سيتقبل الفكرة بميزان المنطق اصلا ( وهل استطاع جمع تكاليف الزواج وتوفير العمل ليعيل واحدة؟؟) فكل ما يقال مجرد لغو هدفه المزاح غالبا ليس إلا..
اما البنات فلا استغرب من تلك وتلك ممن يردن سُكنى او سترا او هربا من واقع بائس او حتى تشبثا بحب كائن ما كانت تسميته وان صحت لبعضه تسمية خراب بيوت..
لكل اسبابه ؛ ذاك او تلك ..
ومسألة التعدد صارت غثاءًا انصفته جماعات خاصة اغراضها واضحة للعلن ..ولا داعي للتوسيع في مساعيها..
شكرا لكِ..تحياتي

 

[Malika Tlm]

السلام عليكم
يا جماعة ختي ر اها خايفة علي راجلها هههه
بصح ختي الشرع حلل أربعة متنسايش هههه
نضحك ختي برك
شوفي بلاك من كترة العنوسة البنات راهم المهم يلقاو انسان مليح يحبها ويتزوج بيها شرط العدل
ولكن باش يديروا مسيرات هبال هذا هههه
واش نقولو الله يجيب الخير
ومتخافيش مكانش لي تقرب الزوج ديالك هههه

 

[أم منيــــــر]

أستاذتي راهي خايفة على راسها و راهي تنعت ليكم
في طريق خلاف زوجها هههههههههههههههههه
قالت ليكم شوفوا العزاب و ما تخربوش في المتزوجين ههههههههههههه

و الله هادي حقيقة و من الاكيد نخاف و لو اني واثقة بزوجي بصح لبنات راهم يشبطو ابن عمي ههههههه
الشهرية راها يا دوب تكقينا بشق الانفس السيارة من جهة و المصاريف و هادي و هادي
وين يزيد مرا اخرى
اكيد حتى مرتك تفكر كيفي
ايه و الله العزاب منهم و عليهم و هما قالك لازم التعدد باش نقضيو على العنوسة

 

[أم منيــــــر]

السلام عليكم و رحمة الله
الظاهر ان السيدة أم منير عندها غيرة فوق العادة هه
...
المهم ... و بايجاز
صحيح ان التعدد يحل مشاكل العنوسة ... لكن و الله حنا الشبيبة رانا حاصلين في وحدة ما صبناش كفاه نجيبوها
و مع صعوبة المعشية و ندرة الخدمة و الغلاء و المكر الي راه صاري ......كفاه دنفكرو في التعدد !!
ههه
الله يكون في العون و خلاص
​

و عليكم السلام
و الله غيرة عادية يا صالح يا الزين ههههه
ايه يسمى راك معايا هذا ما زال ما تزوجتش و هذا تفكيرك
ايا غدوة لما تجيب لمرا و دراري و المشاكل و صداع الراس واش تقول؟
الله يكون في عون الجميع

 

[فيتامين سي]

يرحم باباكم لي يبغي التعدد ميدورش من جيهتي
ياو القلب لحمة و الغيرة من القلب
والله غير شفتها يخطبها عازب تحط فيه الاخطاء السبعة و لو يخطبها متزوج عدي لابغا يكون في قيطون
المهم يبغو خراب البيوت
التعدد من القران مي مدابيكم يا ابناء بلدي كملو و قراو الاية للاخير
((فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ))
درك نتا وحدة متقدرش توفرلها ابسط شروط العيش وتقول الدين
واه عندك الحق مي طبق كلش يا اخ العرب و رواح نحكو على التعدد ميكون غير خاطرك
​