هذا ماش يومي

[زاد الرحيل]

السلام عليكم.
أسعد الله صباحكم و اعانكم على قضاء أموركم ،و كل واحد في الميدان انتاعه.
الغرب و اتباعه منا من عندنا كل يوم اجيبوا لنا حاجة جديدة غر بية طبعا ،تقول احنا ما عندنا والو لا كتاب الله و لا سنة رسوله صلى الله عليه.و سلم .
يقريو فينا واش انديرو و واش منديروش يعني صم بكم عمي.فهم لا.يعقلون ،اليوم المساجات راهي توصل.لا للعنف ضد المرأة يعني
اتركوها تفعل واش بغات
تدخل للدار كما بغات حتى على الثانية صباحا و وحدها واحد ما يسال لها
تروح وين تحب و بلا محرم
تعصي والديها و يسكتو كما رانا نشوفو
تلبس الملابس الفاضحة و الخليعة و هبطوا عينيكم و ابلعوا لسانكم
الاخت تشتم أخوها كي ينهيها على حاجة و اذا هدر الشرطة تأدبه باسم القانون
و نزيدو فوق هذا كامل يهزو الشعارات انتاع لا للعنف
وين راه حكم الشرع في التصرفات هذه هو الي يحكم و لا القانون
علاه يشجعو في افساد المرأة المسلمة بالقانون الغربي
واش الهدف من هذا
واش رأي الاعضاء في هذا الموضوع
في انتظار مروركم و اعطاء الرأي

 

[حلم كبير]

السلام عليكم ورحمة الله تعالى وبركاته
الاخت الكريمة بارك الله فيك على الموضوع

أيه ختي واش حسبتي ،الثقافة الغربية تدخل رويدا رويدا وكأنهم هوما اللي اختارعو قانون حماية المرأة .....
فيما حنا للاسف نعرفوه منذ ربعتاش قرن
.... ولكن مزال عنف الرجل المسلم ضد ختو وأمو وبنتو ومرتو خاصة يتفشى كالنار في الهشيم والسبب هو أخذ بعض الدين وترك غالبيته
السبب هو أن الرجل العربي المسلم يتخيل في رأسه أنه مشرع على الارض يستطيع بقوته البدنية إن يمنع ويصون للاسف لغة عضلات
فيما ديننا الحنيف أوصانا بتربية إولادنا ذكرا مثل أنثى تربية صالحة ،ليكبرا رجلا وامرأة بأخلاق محمدية ليربيا بدورهما جيلا محمديا ....
ولو أن الرجل ربى ابنته من الاول تربية إسلامية سليمة لما لبست عاريا ولما خرجت في منتصف الليل ...إذا فهو اخطأ في تربيتها ويخطئ بضربها للاسف
الرسول صلى الله عليه وسلم قدوة في التربية وفي الزواج وفي العلاقات الانسانية
لذلك عندما نرى تنديداتهم بضرب المرأة نقول انه شيء جيد ولكن الذي لا يعجب فيه هو عنوان الحملة في الاصل
فلو كانت تحت عنوان إسلامي وتوعية إسلامية لكان لها وقع كبير في النفوس
ولو أسموها مثلا رفقا بالقوارير يا رجال الامة
لان هناك من هي في بيتها ولا تخرج نهائيا وتربي إولادها ،وعندما تتكلم ينهال عليها زوجها ضربا للاسف
أو أخرى تحاول أن تبدي رأيها في عائلتها يضربها الاب أو الاخ للاسف
مثل هذه الحالات تستحق وقفة حقيقية باسم الاسلام وإحياء الاخلاق المحمدية في رجال الامة

موضوعك أخذني فلم أعد أدري أكتبت بالعامية أم بالفصحى
بارك الله فيك
تقبلي مروري مع فائق الاحترام والتقدير
حلم كبير ​

 

[aljentel]

هي فوبيا سيطرت على مخيخ الانسان العربي اَي تصرف لايليق يرموه على الغرب والحضارة ألغربيه والغرب والله مادرى عنكم ولا جاب لكم خبر أين هي التربيه الصالحه ومسؤلية رب الاسره أم ان الغرب سلبوها أيضا !! لو كل إنسان اصلح حاله لصلحت المجتمعات ...
شكرًا .

 

[الصحافية الساخرة]

السلام عليكم و رحمة الله

أهلا اختي ميلينا و بموضوعك الجميل ^^

أولا : ماشي كل فساد ترموه على الغرب لوكان تروحي تشوفي ليهم هوما يخصهم الاسلام برك ، دونك حبيت نفهم الغرب نشر هذي تاع لا للعنف ضد المرأة بطريقتهم ما عندهمش اسلام بصح عندهم قيم انسانية ، أسك المسلمين يتبعوهم و يتبعوا هذا الشي و يرفعوا هذي الشعارات بهذي الطريقة ؟! اتعجب يعني حنا عندنا فالاسلام الرسول عليه الصلاة والسلام وصا على النساء خيرا و قال رفقا بالقوارير يعني بدل ما يتبعوا قيم الرسول عليه الصلاة والسلام و القيم الدينية تجي اختي ميلينا تقولي بلي الغرب يحاول يحرر المراة كتر و ينشر الفساد ووو يا اختي الغرب فايقين علينا و كي يديروا حاجة واي مبادرة راهم عارفين علاه لمصلحتهم و لزرع الامان و السلام ماشي باش يخربوا بيوتهم و بلادهم ،، ولكان حنا غير نتبعوا ومن بعد نرموا على غيرنا الاخطاء غير مكلاه بويسك مكانش واحد راه يجيبلك فالفساد حنا اللي مزال متحجرين لا ثقافة لا فهامة حبينا التطور زعما دخلت علينا الانثرنيت و امور كثيرة وواحد ما يعرف يستغلها غير فالجياحة و زاد روحي شوفي مواقع التواصل الاجتماعي انحطاط ، فساد ، حنا كمسلمين منعرفوا نستغلوا ولا شي مدام بعدنا على الدين خلاص ، ماشي الغرب ولا اطراف اخرى تتحكم في عقلك انت وحدك تتحكم في عقلك و نفسك و ماشي كي تدخل حاجة عليك تتبع كي البغل و تقول واش حابين هذوا ؟ ياو حنا واش دانا نصغروا عقولنا ونجهلوا يوم ورا يوم ...

والله يا اختي ما عرفت راني قاعظة نكتب و نكتب ههه معرف موضوعك الهمني ههط
شكرا لك

 

[لؤلؤة قسنطينة]

السلام عليكم
صراحة شفت الموضوع هادا قبيل وقلت نولي ونسيت
صراحة الثقافة الغربية راهي تتسرب لعقول الشعب بكل أريحية خاطر كاين قنوات مفسدة وكاين الانترنت
درك مابقاوش بناتنا كيما بكري لا انترنت لا بارابول لا والو كي تكتر تزور جارتها تحكي معاها شوي وهي فرات
أما اليوم تتفرج افلام تركية وأفلام اجنبية ومن خلالها تشوف بلي المرأة عندها حرية وتقدر تخرج وقت ما تحب
وتقدر تدير علاقات محرمة وتقدر تفرض رايها وهذا كامل ماكانش في الدين تاعنا ولا في تقاليدنا، وكيما قالو
الاخوة قبلي الاسلام والقرآن جابو حق المرأة وتكلمو عليه من قرون ماش حتى يجي واحد أجنبي يتكلملي على الحقوق
وهوما نفسهم نساهم عايشين في ذل، المرأة عندهم راجلها ماش سامع بيها حتى تخرج ولا تدخل كيف كيف
مالا نقولك بصراحة يا ختي القانون راهو في دار كل واحد خاطر حتى حنا بدينا نمشيو بعقلية الغرب خلي مرتي
تخرج في عيد المرأة تروح تشطح وتزها وخلي بنتي تلبس واش تحب مازالت صغيرة وخلي ختي تدخل وقت ماتحب انا كووول
يعني القانون هادا والعادات الغربية هادي لو ما تقبلتها العائلة الجزائرية وسمحتلها تتغلغل داخل دارها كن ما انتاشرتش في المجتمع
كن كل أب يشوف ابنو ماشط شعرو مشطة تاع شياطن ينوض يقصلو شعرو يخليه هكاك كن هاد الظاهرة ماتنتشرش
كن كل أب وأم يشوف بنتو وابنو يخرج بسروال مقطع كامل ورجلهم كامل خارجة على برا كن تما تحرك فيهم النيف
كن ما انتشرتش هاد الظاهرة وخلي وخلي كل مرة نتقبلو حاجة ونقولو معليش حتى خرجنا على الدين والعادات والتقاليد
ربي يهدينا ويهدي الجميع ان شاء الله
شكرا حبيبتي ميلينا على الموضوع
تحياتي
​

 

[زاد الرحيل]

و علي

السلام عليكم ورحمة الله تعالى وبركاته
الاخت الكريمة بارك الله فيك على الموضوع

أيه ختي واش حسبتي ،الثقافة الغربية تدخل رويدا رويدا وكأنهم هوما اللي اختارعو قانون حماية المرأة .....
فيما حنا للاسف نعرفوه منذ ربعتاش قرن
.... ولكن مزال عنف الرجل المسلم ضد ختو وأمو وبنتو ومرتو خاصة يتفشى كالنار في الهشيم والسبب هو أخذ بعض الدين وترك غالبيته
السبب هو أن الرجل العربي المسلم يتخيل في رأسه أنه مشرع على الارض يستطيع بقوته البدنية إن يمنع ويصون للاسف لغة عضلات
فيما ديننا الحنيف أوصانا بتربية إولادنا ذكرا مثل أنثى تربية صالحة ،ليكبرا رجلا وامرأة بأخلاق محمدية ليربيا بدورهما جيلا محمديا ....
ولو أن الرجل ربى ابنته من الاول تربية إسلامية سليمة لما لبست عاريا ولما خرجت في منتصف الليل ...إذا فهو اخطأ في تربيتها ويخطئ بضربها للاسف
الرسول صلى الله عليه وسلم قدوة في التربية وفي الزواج وفي العلاقات الانسانية
لذلك عندما نرى تنديداتهم بضرب المرأة نقول انه شيء جيد ولكن الذي لا يعجب فيه هو عنوان الحملة في الاصل
فلو كانت تحت عنوان إسلامي وتوعية إسلامية لكان لها وقع كبير في النفوس
ولو أسموها مثلا رفقا بالقوارير يا رجال الامة
لان هناك من هي في بيتها ولا تخرج نهائيا وتربي إولادها ،وعندما تتكلم ينهال عليها زوجها ضربا للاسف
أو أخرى تحاول أن تبدي رأيها في عائلتها يضربها الاب أو الاخ للاسف
مثل هذه الحالات تستحق وقفة حقيقية باسم الاسلام وإحياء الاخلاق المحمدية في رجال الامة

موضوعك أخذني فلم أعد أدري أكتبت بالعامية أم بالفصحى
بارك الله فيك
تقبلي مروري مع فائق الاحترام والتقدير
حلم كبير ​

و عليكم السلام و رحمة الله و بركاته
صح كاين العنف ضد المرأة بصح هذوك و الله ما نسمعو بهم كيعاد يخبيو باش يحافضو على الاسرة انتاعهم و الرجل الطاغي متنفعش فيه الحملة لانو خشين و القانون هو الي يحكم فيه
صحيح انو نديرو حملة للتوعية بالشعار الاسلامي حتى نشرحو حقوق المرأة و واجبتها في اطار الشرع حاجة مليحة ،اما على طريقة الغرب الي راهم يطبقو فيها حبينا و لا كرهنا فلا
اذا رجعنا للتربية نلقاوها صعيبة لان الوسط اصبح عفن و الوالدين نزعت منهم صلاحيات التاديب بواسطة القانون
شكرا لمرورك الطيب و لنظرتك الصحيحة للقضية

 

[زاد الرحيل]

اذا شفنا نظرة سطحية نقو لو الغرب.ميعرفناش ،لكن و الله هويعرف اكلنا و شربنا و ثقافتنا و يعيب عليها ،شوف للمجتمع الاسلامي هل يبدو كذلك في اقواله و افعاله لا اضن
يصدروا لنا الاقتصاد الي معندناش و شبعنا من الزبالة الشينوية كيعاد يعرفوا بلي احنا مننتجوش
قارن بين المرأة انتاع بكري.و انتاع اليوم فالحشمة و السترة و التفكير اشكون خير
الغرب يخدم و يصدر لنا المادة و الفكر ،اي واحد معندوش الايمان يتأثر بافكاره و يطبقها و راه صايرة اليوم تقريبا قانوننا غربي ،احنا في الجزائر المرأة ممنوع تلبس الحجاب في الجيش او الشرطة او الجمارك ،المراة المطلقة يعطوها دار تسكن وحدها عادي
ها ،تقدر تشكي بخوها و باباها و يدخلو السجن ،تسافر للخارج وحدها ،هذو كامل ماش من الغرب
حتى الرجل الي يحب يربي بنته تقدر تقاضيه بالكذب و البهتان و تربح
المقارنة هي الي تكشف تاثير الغرب علينا و انصياعنا له و بارادتنا
شكرا لمرورك الطيب

 

[زاد الرحيل]

و الله يا عزي

السلام عليكم و رحمة الله

أهلا اختي ميلينا و بموضوعك الجميل ^^

أولا : ماشي كل فساد ترموه على الغرب لوكان تروحي تشوفي ليهم هوما يخصهم الاسلام برك ، دونك حبيت نفهم الغرب نشر هذي تاع لا للعنف ضد المرأة بطريقتهم ما عندهمش اسلام بصح عندهم قيم انسانية ، أسك المسلمين يتبعوهم و يتبعوا هذا الشي و يرفعوا هذي الشعارات بهذي الطريقة ؟! اتعجب يعني حنا عندنا فالاسلام الرسول عليه الصلاة والسلام وصا على النساء خيرا و قال رفقا بالقوارير يعني بدل ما يتبعوا قيم الرسول عليه الصلاة والسلام و القيم الدينية تجي اختي ميلينا تقولي بلي الغرب يحاول يحرر المراة كتر و ينشر الفساد ووو يا اختي الغرب فايقين علينا و كي يديروا حاجة واي مبادرة راهم عارفين علاه لمصلحتهم و لزرع الامان و السلام ماشي باش يخربوا بيوتهم و بلادهم ،، ولكان حنا غير نتبعوا ومن بعد نرموا على غيرنا الاخطاء غير مكلاه بويسك مكانش واحد راه يجيبلك فالفساد حنا اللي مزال متحجرين لا ثقافة لا فهامة حبينا التطور زعما دخلت علينا الانثرنيت و امور كثيرة وواحد ما يعرف يستغلها غير فالجياحة و زاد روحي شوفي مواقع التواصل الاجتماعي انحطاط ، فساد ، حنا كمسلمين منعرفوا نستغلوا ولا شي مدام بعدنا على الدين خلاص ، ماشي الغرب ولا اطراف اخرى تتحكم في عقلك انت وحدك تتحكم في عقلك و نفسك و ماشي كي تدخل حاجة عليك تتبع كي البغل و تقول واش حابين هذوا ؟ ياو حنا واش دانا نصغروا عقولنا ونجهلوا يوم ورا يوم ...

والله يا اختي ما عرفت راني قاعظة نكتب و نكتب ههه معرف موضوعك الهمني ههط
شكرا لك

راكي حملت فكري بلا ما تفيقي ،انا ثاني قلت اعلاه ير فعوا فالحملة الغربية و احنا ديننا وصانا بالحوايج هذو و ثاني العنف عنده اسباب مرة المراة هي الي اجيبهم لروحها من تصرفاتها و مبعد تقول العنف ،الاسلام حدد حقوق المرأة و واجباتها انتاع اليوم يطالبو يكونو امرأة غربية ،هذو الى يتبعو الحملة هذه الي مصدرها غربي واش معناها ،صح ينقصنا بزاف لكن لازم نتحرروا و تكون عندنا ثقافة و اسرة اسلامية و قانون اسلامي لا حملة غربية نلحقو فيهم كالكلاب الضالة في كل شيئ
تصبحي بخير

 

[زاد الرحيل]

السلام عليكم
صراحة شفت الموضوع هادا قبيل وقلت نولي ونسيت
صراحة الثقافة الغربية راهي تتسرب لعقول الشعب بكل أريحية خاطر كاين قنوات مفسدة وكاين الانترنت
درك مابقاوش بناتنا كيما بكري لا انترنت لا بارابول لا والو كي تكتر تزور جارتها تحكي معاها شوي وهي فرات
أما اليوم تتفرج افلام تركية وأفلام اجنبية ومن خلالها تشوف بلي المرأة عندها حرية وتقدر تخرج وقت ما تحب
وتقدر تدير علاقات محرمة وتقدر تفرض رايها وهذا كامل ماكانش في الدين تاعنا ولا في تقاليدنا، وكيما قالو
الاخوة قبلي الاسلام والقرآن جابو حق المرأة وتكلمو عليه من قرون ماش حتى يجي واحد أجنبي يتكلملي على الحقوق
وهوما نفسهم نساهم عايشين في ذل، المرأة عندهم راجلها ماش سامع بيها حتى تخرج ولا تدخل كيف كيف
مالا نقولك بصراحة يا ختي القانون راهو في دار كل واحد خاطر حتى حنا بدينا نمشيو بعقلية الغرب خلي مرتي
تخرج في عيد المرأة تروح تشطح وتزها وخلي بنتي تلبس واش تحب مازالت صغيرة وخلي ختي تدخل وقت ماتحب انا كووول
يعني القانون هادا والعادات الغربية هادي لو ما تقبلتها العائلة الجزائرية وسمحتلها تتغلغل داخل دارها كن ما انتاشرتش في المجتمع
كن كل أب يشوف ابنو ماشط شعرو مشطة تاع شياطن ينوض يقصلو شعرو يخليه هكاك كن هاد الظاهرة ماتنتشرش
كن كل أب وأم يشوف بنتو وابنو يخرج بسروال مقطع كامل ورجلهم كامل خارجة على برا كن تما تحرك فيهم النيف
كن ما انتشرتش هاد الظاهرة وخلي وخلي كل مرة نتقبلو حاجة ونقولو معليش حتى خرجنا على الدين والعادات والتقاليد
ربي يهدينا ويهدي الجميع ان شاء الله
شكرا حبيبتي ميلينا على الموضوع
تحياتي
​

مع هذا كاين الي يرفضو فكرة سيطرة الغرب على عقولنا ،الانسان بطبعه ضعيف و كما قلت القنوات تخرب العقول و الانترنت يحوسو على جديد و يسايرو الغرب في كل شيئ وفي نفس الوقت ينكرو ذلك ،للاسف كما قلت الوالدين مساهمين في ذلك و قبلهم الي راهم يستوردا هذا الافكار الغربية ،نتمنى تكون حركة تسمي نفسها ً!(لا للفكر الغربي في المجتمع الاسلامي )