زوار قسم واش راك تهدر ، اسعد الله صباحكم
اليوم جيت لكم بمو ضوع مختلف شوي عن السابق نعرفكم فيه بمعهد الفندقة و السياحة و نقوموا بجولة فيه عن بعد ونتعرفو كيفاش يتكون الطالب و الطالبة فيه و كفاه لازم يكون و شعارهم السمع و الطاعة فقط .
واحد من طلابه خبرنا عليه و قال انت ثم خدام نفسك في التكوين او في الاقامة ، و لازم الاناقة التامة و الحفافة كل يوم حتى تطير الجلدة انتاع الوجه و الكوستيم يشعل مع الصباط و الهدرة مكانش .
تبدا نهارك على الساعة 6 نتاع الصباح و انتاع الكوزينة على 5 حتى 9 مساءا
و تنقسم الافواج كما خلية النحلة قسم يقرا و قسم في الاستقبال و قسم في المطبخ يحضر كامل الوجبات و مبعد ينظف
قسم يسربي الماكلة و عندهم شعار لي فان دابور يعني السيدة اولا و من المضحك ان هذا الطالب جاء دوره باش يسربي اللوبيا فبدا بالولاد اولا فإعترضت البنت ، فاجابها كولي اللوبيا و اسكتي قالك لي فام دابور
و مقدرتش ترد لان لو حدث نقاش بينهم يتحولو لمجلس التأديب و يتطردو بكل بساطة
الشيئ الجديد ان الطالب يتعلم طولة البال و الصبر و الانصياع للاوامر مهما كانت بما فيها تقبل الاهانة من الزبون و ميقدرش يرد كيعاد هذي خدمته
انتما الشباب واش رايكم في معهد الفندقة و طريقة الدراسة فيه و تعليم الشباب السمع و الطاعة فقط مع العلم ان مستقبله زاهر رغم الضغوطات ؟
وشكون يتمنى يروح له ؟
آخر تعديل بواسطة المشرف:
