الجزايري متلعبلوش بكرشو

[السلطانة]

السلام عليكم ورحمة الله وبركاته

علاه علاه يا @الصحافية الساخرة
فكرتيني في الشعرة لي لقيت في الماكلة

عندكم تعافو موضوعي تزيدو متدخلوش

جيت نحكيلكم على الراجل لي شعارو كرشي قبل كلشي
ماتقوليلي حب ماتقوليلي جمال ماتقوليلي ماكياج ني افلام تركية
الحب ميوكلش عيش ياختي

هذا خال يما مرة تزوج

وهو عندو لينار زايدين شوي
مالا جاب على قولتهم pوبية
الزين والحطة والرنة شكرولو فيها حتان شبعو

وتعرفو زواج بكري تقليدي
ماكاين لاتيليفون لازوج باه يتعارفو

ايا دخلت المخلوقة للكوزينة
قالها اخبزيلنا الكسرة قاتلو انعم سيدي

من عيوني

مالا معرفتش جا لقاها تتعافر معاها
خزر خزر فيها
قالها هاذي كسرتك يامكسرة اليدين
ويهز داك العجين ويعطيها بيه
لصق في رقبتها

هاذا خالي معياف ويحب الماكلة تكون حطة ومسقمة
امالا تزوج مرتو ناقصة شوي في الطياب
لحق رمضان وهو في رمضان تزيد عليه لgرينة
ايا حطت داك السني ذاق الشربة خزر مع البوراك شاف الدوزيام pلا
وينوض قلبو في وجهها
قالها هاذا سم ماشي فطور
وقلب عليها الدار

ياتسقمي روحك ياداركم تسنا فيك

مرة جارتنا مسكينة
قالها راجلها طيبيلنا المحاجب
وهي متعرفش
كانت تقولو وقت الخطبة نعرف نطيب كلش
ايا جا يشوف لقاهم منادب ماشي محاجب

ومرة وحدة تقربلنا تهف مليار
قالت لراجلها نعرف نطيب لبراج ايا تزوجو
ملقات واش تدير
قاتلو غدوة نطيبهم وفي الليلة ديك كلمت امها قاتلها وجديهم
ومتطيبهمش
ايا قاتلو نروح ليما وجيبني في الليل
داها وجابت دوك البراج
الصباح ناضت بكري
كلهم راقدين في دار شيخها
مالا حطت الطاجين وبدات تطيب
قاتلها عجوزتها كنتي فحلة ناضت بكري طيبتلنا براج تاع حراير

عزيزي اللماوي انت تاني انت هل كرشك قبل كلشي ؟
يعني هل الطياب تشرطو مع شروط الزواج ؟
وانتي عزيزتي اللماوية هل راكي تتعلمي في الطياب قبل ماتتزوجي ولاتقولي
نورمال او يحبني مايحوسش على كرشو؟


تحياتي


​

 

[الامين محمد]

أنا كي تحكوا على الماكلة
راكم تخربولي في الوتر الحساس و احيانا تقبشولي مشاعري
و نحس بالجوع
هههههههه في المرة اللي أختي سكون طيبت البغرير و قلت للمدام والله جا في خاطري البغرير
من شدة تأثري بالصورة هههههههههههههه
قال لي المدام علاه راك تتوحم
حشمت على روحي خخخخخخخخخخ

 

[أشــواق 19]

السلام عليكممم...
يعطيك الصحة حبيبتي ام ياسمين علي الموضوع لباهي
هههههه انا نرد عليهم في زوج
عزيزي اللماوي انت تاني انت هل كرشك قبل كلشي ؟
هيه لازم تكون كرشو قبل كلشي
وكي يديها خالية ويديها مكسرين وش يدير بيها..يديرها gارنيتير ويشبح بيهاااا..
لالا لازم تكون فحلة وطيابها مليح ثاني مش تجي تذوقيه دوخي في بلاصتك هيهيهي..
والله نشفا مرة جدي الله يرحمو كي توفات نانا ربي يرحمها زوج يسما هذي المخلوقة مرت جدي وكبيرة بسلامتها مي طيابها عيااان تذوقيه ترجعي تردي هههه
ايا مرة رحت نطل علي جدي لحقت مع لغدا سوا سوا حلفولي باه نريح نتغدا معاهم ايا قعدت هكداك في طابلة نستنا في كارثة لي جايتني ااااي قمة الاحراج هما غير في زوج معندي كيفاه ندير لازم ناكل ونسكت..
هزيت مغرفة لولة ذقت والله محبت تفوت تالمون تاع صح متعرفش طيب وخاطيها.. وبعدا لعبتها بلي صونالي تلفون خرجت مزدت رجعت حتا كملو غداهم..
ويصراولي مواقف بزااف كيما هااك نرحع نقول نتيا خاطيك طياب وش داك تزوجي ههههههههههه


وانتي عزيزتي اللماوية هل راكي تتعلمي في الطياب قبل ماتتزوجي ولاتقولي
نورمال او يحبني مايحوسش على كرشو؟

لالااااااا مستحيل نزوج وانا منعرفش نطيب هذي متصراش.. كيما تقول ماما منخدعوش ولد ناس ههههههههه
نحب نتعلم ونحب الطفلة كي تكون متعلمة .

 

[الورد الأحمر]

السلام عليكم ورحمة الله

ههههه نوغمال أو يحبني :p

نعرف نطيب مي مش كلش يخي البطاطا مقلية والفرماج وعضمات يفيو بالغرض المهم ما يضيعش بالشر والمهم الوضع هذا يقيسني ويقيسو يعني مش انا ناكل في شي واو وهو باخلتو، باختصار كرشي وكرشو يعيشو نفس الظروف مالا نصبرو بعض وخلاص .

أنا ما نحبش الراجل لي يركز على الماكلة أوك مش رح يبقى بالشر بصح لي يحطها كشرط نحسو مفجوع وزيد هذا الشي لي تديرو لمرا كامل هو لي يسموه المعاشرة بالعروف يعني الطياب وخدمة الدار راهم معروف مش واجب وروح عند أي إمام يقولك معروف مش واجب ولا تحاسب المرأة إذا بطلت تدير الأمور هذي بصح في العرف تاعنا رجعوه واجب من واجبات المرأة ولي ما تعرفش معناها مذنبة ذنب عظيم .

أنا بصح في الأمور هذي تاع لمرا وخدمتها في الدار كاينة حاجة لدرك ما دخلتش في راسي كيفاه الراجل قاعد ويعطش يقول لمرتو جيبيلي نشرب وهي تنوض تجيبلو !!! هذي لدرك ما فهمتهاش !!! كيفاه هو عطش عجز ينوض يفيد روحو بشربة ماء بصح مرتو في بالو ما تعجزش كي تنوض تجيبلو !! يعني هو ما ناضش يفيد روحو وبانتلو بلي من واجب مرتو أنها تفيدو !!! أنا هذي التفاصيل لي كي نشوفها نديقوتي الرجال نوغمال تاع الأمور لي يعجز يديرهم يسخر لمرا !! راهي كائن بشري كيفو مش خدامة مش خداااااامة مش خداااااااامة .

شكرا ع الموضوع :kiss::kiss:

 

[لؤلؤة قسنطينة]

السلام عليكم
يعطيك الصحة أختي أم ياسمين موضوع وحدو ههههه
والله أنا صراحة بين وبين يعني في النص، صح الراجل عندو الحق أنو يتزوج بمرأة تقومو
وتطيبلو ماكلة بنينة وطيبة ولكن نقولو المرأة هادي غلطت وماطيبتش مليح ولا ماكلتها ماش مليحة
مهما واش يكون ماش لدرجة تضربلها السينية في وجها ولا ترمي طعام ربي في وجها ولا على الأرض خاطر
راهي انسان وتغلط وتتعلم بلعقل، صح المرأة لازم كيما تتزوج تكون قادرة على التحكم في المطبخ تاعها ولكن هذا
مايعنيش اذا طيابها ماش بنين يسمى تتعامل بمعاملة الحيوانات، خاطر كاين رجال تلقايه لومبا تتحرق مايعرفش ينحيها
ويركب وحدة في بلاصتها تفسد حاجة في الدار ولو كانت بسيطة لازم دايما يخسر دراهمو على الخدام انا هادي تاني نشوفها عيب
مالا، خاطر الراجل تلقايه يبريكولي في كلشي لكن كاين بعض الرجال مايعرف يمس والو على هادي كل شخص يتعلم بلعقل
وماش شرط كي وحدة ماكلتها ماش بنينة يسما خايبة، أنا نعرف نساء يعرفو يديرو كلشي ولكن الطريقة لي تطيب بيها ماش كيما الطريقة
لي تربى عليها الراجل يعني والف على ماكلة أهلو وكي يتزوج تبانلو مرتو ماتطيبش مليح وهي تعرف دير كلشي ولكن تطيب على طريقة
دارهم وهكذا يعني مانحكموش على الناس هكاك، أنا لو نشوف لروحي متأكدة أول نهار نطيب فيه في دار راجلي نحرق الماكلة ههههه
خاطر كي ندير حاجة لناس معينين لأول مرة ونستنا في رايهم نتوسوس وعلابالي نخربط الحالة هههه على هادي كلشي يمشي
بالمعروف لي ماتعرفش تطيب يجي نهار وتتعلم، أنا صراحة نقولهالك بصراحة صح المرأة لازم تكون شاطرة وفحلة وتحب
مطبخها باه الحب هاداك يلحق لراجلها وولادها ولكن لي نستغربو هو بعض الرجال يخبط الطابلة كي يذوق ماكلة ماش بنينة من مرتو
بصح تخرج برا متبرجة وتجيه نورمال وتطل من الطاقة بشعرها مطلوق ومصبوغ وتجيه نورمال وهادا ما يدل أو نستنتج منه
أن بعض الرجال تهمهم كروشهم أكثر من رجولتهم بدون تعميم طبعا
شكرا حبيبتي على الموضوع ربي يهنيك
تحياتي

​

 

[آمِيْرَتُه]

السلام عليك
توحشنة الستيلو نتاعك خخخخ
ضحكني خال ماماك
بصراحة لعندي خاطيه كرشه ميتشرطش بصح أنا راني كي خال ماماك نعيف و نبغي كل شي مرتب و نقي و نبغي ديما نتعلم جديد حتى وراجلي مايكلش باسكو راح يجوني ضياف مش مشروط نتعلم على جاله برك

 

[بثيــــنة 19]

وعليكم السلام ورحمة الله تعالى وبركاته
بون الحاجة لولا لازم نسقسيك وشراكي حبيبتي أم ياسمين ووشراهي بنوتك الحلوة إن شاء الله تكونو بخير :kiss:
راكي درتي موضوع وعليه الكلام ،مدة طويلة ماضربتش طلة هنا وغير دخلت آتيراني موضوعك
كلمة الشعرة في الطياب فشلتني وحسيت بغثيان مفاجئ هههههههههه
نوليو للموضوع ، أنا من النوع لي نحب الطياب ونتمحن منو ، نطيب بحب والماكلة كي نحطها فوق الطابلة نحسها مليانة بالحب معلاباليش لاه هههههههههههههه ضك تقولي الطفلة منعرف وشبيها بدات تخلط بصح والله هكا نحس ودون مبالغة
راجلي من النوع لي يحب الماكلة ويفرح كي يشوف الطابلة منوعة ويسخف بزاااااف كل يوم تجي في بالو ماكلة جديدة ،، بصح نهار مايلقاش الماكلة ولا تجي كاش سبة عادي يتقبل الموضوع بكل روح رياضية ، مش لدرجة يقلب عليا الدار ..
في رايي المرا قبل ماتتزوج لازم تكون متمكنة من الطياب مش تتزوج وهي الكوزينة عمرها ما دخلتها وكي يقولها راجلها سخفت نذوق ماكلة من يديك تجيبلو ماكلة ماماه وتغطس صباعها وتقول أتفضل
ذوق البنة تاع يديا :p
وتحيرني الطفلة لي تكون في دار أمها جامي دخلت لكوزينة وغير تتزوج تروح للفيسبوك أجريو ليا لبنات جاية عندي عجوزتي حمرولي وجهي بماكلة بنينة راني أنا وطياب خطان متوازيان ، زعما غوسات تاع فيسبوك رايحة تدير المستحيل وترجع الخطان خط واحد ! ولا لمرا لي تزوج بنتها في عمرها 30 سنة وتقول لعجوزتها علميها الطياب راهي خاطيها الكوزينة ، خاطيها الكوزينة وتفرحي بيها وزيد نورمالمون هي لي تعلم الناس مش تتعلم ! عندك نتي ماتعلمتش وتروح لدار راجلها تتعلم بإشراف عجوزتها ! السيد هذا لي تزوجت بيه ديرو فأر تجارب تجرب فيه الماكلة مثلا !
هو صح الراجل مش لازم يمرڨها مع كرشو ،، في حدود برك و لازم يقدر الظروف ويكون متفهم ، بصح المرا معندها حتى عذر باش تتعلم الطياب وتقلش كرش راجلها هههههههه ولا ناوية عزيزتي تحطي الحب (لاموغ) في طبسي وتتقابلو عليه تاكلوه :p!!
وزيد الضياف والمناسبات قادرين يكونو في أي وقت ، يعني لازم ديما تكون متسلحة ومستعدة
المهم يعطيك الصحة على الموضوع الباهي لي خلاني عبرت على مشاعري هههههههه
سلامي
​

 

[Skor m@k]

السلام عليكم
ههههه الصباح برك لقيت شعرا فالماكلا رفدتها وقلتلها ليما وهذي واشنو ههههه
قالتلي شويا برك راك تهدر نورمال هههههه
شفت علاه نقولو كرشنا اهم من كلشي ولوكان نعيف ماشي نبقى جيعان وماناكلش هههه

انا راني كونطر المرأة لي ماتعرفش طيب بعدا ختي ساندي الطياب ساهل هوما مايحبوش يتعلمو برك
الى الطياب ماتعرفش سافيك هذي طفلة فنيانة واديها الرسمي من عندي تلقايها دارها مخربة وغاملا
انا ماعندي حاجة فالماكلا مانتشرطش مالح مسوس ماشي طايب مليح ولا محروق هههه
مراحليش كامل حنا فالدار خاوتي مايتشرطوش كامل مي يما تعرف طيب هههه
مي المشكلة تاع بابا هههه نهار طيب يما حاجة جديدة يقوللها ماتعرفيش وخاطيك
عندو بروبلام مع الجديد هههه يحب زوج اطباق ولا ثلاثة دور بيهم العام هههه
يما مسكينة عاد تهبل معانا هههه الاطباق حنا مليناهم هذوك وكي تبدل يقوللها علاه ماطيبتيش هكذاك ههههه

لالا انا مانشرطش الطياب تبهديلة كيما قالت الاخت نور ههههه
بصح انا نشوف الطفلة لي ماتعرفش طيب ماتليقش تكون زوجة خاطرش الطياب حاجة ساهلا ماقدرتلوش كيفاه حبيتي تقدر لحاجات اخرى
وهذيك لي قولك الطياب عندو يدين ههه هذيك تاع بكري ههههههههه
ضرك غير لي ماحبتش هي تتعلم

وانت ختي ماحكيتيناش الى قلب الطابلة عليك ههههه آه نسيت الشيفة ساندريلا لي كتبت الموضوع هههه
خلاص السؤال هذا ملغي عجزت نحذفو برك هههه

​

 

[Skor m@k]

@أشــواق 19

هيه لازم تكون كرشو قبل كلشي
وكي يديها خالية ويديها مكسرين وش يدير بيها..يديرها gارنيتير ويشبح بيهاااا..
لالا لازم تكون فحلة وطيابها مليح ثاني مش تجي تذوقيه دوخي في بلاصتك هيهيهي..

هام لي يعرفو كيما قالك الشاعر أعطيني ختي أشواق لاهلا قرات ههههه
هنا نستعرف بيك ههههه
​

 

[فيتامين سي]

السلام عليكم
ههههه الصباح برك لقيت شعرا فالماكلا رفدتها وقلتلها ليما وهذي واشنو ههههه
قالتلي شويا برك راك تهدر نورمال هههههه
شفت علاه نقولو كرشنا اهم من كلشي ولوكان نعيف ماشي نبقى جيعان وماناكلش هههه

انا راني كونطر المرأة لي ماتعرفش طيب بعدا ختي ساندي الطياب ساهل هوما مايحبوش يتعلمو برك
الى الطياب ماتعرفش سافيك هذي طفلة فنيانة واديها الرسمي من عندي تلقايها دارها مخربة وغاملا
انا ماعندي حاجة فالماكلا مانتشرطش مالح مسوس ماشي طايب مليح ولا محروق هههه
مراحليش كامل حنا فالدار خاوتي مايتشرطوش كامل مي يما تعرف طيب هههه
مي المشكلة تاع بابا هههه نهار طيب يما حاجة جديدة يقوللها ماتعرفيش وخاطيك
عندو بروبلام مع الجديد هههه يحب زوج اطباق ولا ثلاثة دور بيهم العام هههه
يما مسكينة عاد تهبل معانا هههه الاطباق حنا مليناهم هذوك وكي تبدل يقوللها علاه ماطيبتيش هكذاك ههههه

لالا انا مانشرطش الطياب تبهديلة كيما قالت الاخت نور ههههه
بصح انا نشوف الطفلة لي ماتعرفش طيب ماتليقش تكون زوجة خاطرش الطياب حاجة ساهلا ماقدرتلوش كيفاه حبيتي تقدر لحاجات اخرى
وهذيك لي قولك الطياب عندو يدين ههه هذيك تاع بكري ههههههههه
ضرك غير لي ماحبتش هي تتعلم

وانت ختي ماحكيتيناش الى قلب الطابلة عليك ههههه آه نسيت الشيفة ساندريلا لي كتبت الموضوع هههه
خلاص السؤال هذا ملغي عجزت نحذفو برك هههه

​

كون كاين بلوك نبلوكيك على جال ردك لي يطلع المورال​

 

[فيتامين سي]

موضوع يحكي على الليسطومة ردود في الجرائد و متلقيهمش
لي عودة باطول رد في العالم​

 

[*حزن النبلاء*]

المهم نجاوبكم خفيف و نروح لا عود يفيقولي هه
انا ماكلۃ الدار نموت عليها
و قليل ما درت علا جالها ؟
بصح كي نجيبلهم شوي صنايع تاع لحم ملبرا ياك يتفننو حتی هوما
اﷲ غالب ولفوني بنۃ الدار مكل خير و الحمد لله
و مادا بيا يا زوجتي المستقبليۃ تكوني فنانۃ طبخ و لما لا شاف
و نصارحك يا زوجتس المستقبليۃ قد ما تكوني فووووور في الطياب انا فوووور عليك هه
اما غير هدا .. يا زوجتي المستقبليۃ راني زعفاااا----ااان

 

[لؤلؤة قسنطينة]

موضوع يحكي على الليسطومة ردود في الجرائد و متلقيهمش
لي عودة باطول رد في العالم​

هههههههههه اهاه فيتامينة بلعقل على الكلافيي
والله قتلتيني ضحك
راني نستنى ردك هههه​

 

[لؤلؤة قسنطينة]

السلام عليكم
ههههه الصباح برك لقيت شعرا فالماكلا رفدتها وقلتلها ليما وهذي واشنو ههههه
قالتلي شويا برك راك تهدر نورمال هههههه
شفت علاه نقولو كرشنا اهم من كلشي ولوكان نعيف ماشي نبقى جيعان وماناكلش هههه

انا راني كونطر المرأة لي ماتعرفش طيب بعدا ختي ساندي الطياب ساهل هوما مايحبوش يتعلمو برك
الى الطياب ماتعرفش سافيك هذي طفلة فنيانة واديها الرسمي من عندي تلقايها دارها مخربة وغاملا
انا ماعندي حاجة فالماكلا مانتشرطش مالح مسوس ماشي طايب مليح ولا محروق هههه
مراحليش كامل حنا فالدار خاوتي مايتشرطوش كامل مي يما تعرف طيب هههه
مي المشكلة تاع بابا هههه نهار طيب يما حاجة جديدة يقوللها ماتعرفيش وخاطيك
عندو بروبلام مع الجديد هههه يحب زوج اطباق ولا ثلاثة دور بيهم العام هههه
يما مسكينة عاد تهبل معانا هههه الاطباق حنا مليناهم هذوك وكي تبدل يقوللها علاه ماطيبتيش هكذاك ههههه

لالا انا مانشرطش الطياب تبهديلة كيما قالت الاخت نور ههههه
بصح انا نشوف الطفلة لي ماتعرفش طيب ماتليقش تكون زوجة خاطرش الطياب حاجة ساهلا ماقدرتلوش كيفاه حبيتي تقدر لحاجات اخرى
وهذيك لي قولك الطياب عندو يدين ههه هذيك تاع بكري ههههههههه
ضرك غير لي ماحبتش هي تتعلم

وانت ختي ماحكيتيناش الى قلب الطابلة عليك ههههه آه نسيت الشيفة ساندريلا لي كتبت الموضوع هههه
خلاص السؤال هذا ملغي عجزت نحذفو برك هههه

​

نرد على خويا مالك تعود تبلوكيه فيتامينة
والله يا خويا مالك الطياب ماكانش أسهل منو وصح المرأة قبل ما تتزوج لازم تتقن مطبخها
يعني هادي لا غبار عليها ولكن هل أنك تذوق ماكلة مرتك وتلقاها ماش بنينة تضربها بالسينية!
هادا ماش تصرف رجال صراحة خاطر كيما قلت في ردي السابق راجل يبين رجولتو على الاكل
بصح يشوف عرضو معروض قدام الناس وماياكلوش قلبو، وزيد ماش معناها اي وحدة ماكلتها
ماش بنينة يسمى خايبة، قادر درك انا نتزوج ونلقى ام زوجي تطيب كلشي ومرا تاع دار وزوجي يحب ماكلتها
ونذوقها انا وماتعجبنيش خاطر والفت على ماكلة دارنا هل هذا يعني بلي اي انسان ماكلتو ماش كيما
لي تعودت عليها يسما خايب !
لازم نفرقو خويا مالك فرق مابين وحدة تتزوج وهي خاطيها الطياب و بين التعود على ماكلة معينة
خاطر الاخت ام ياسمين قاتلك ماعجبتوش ماكلتها ضربها بالصينية يمكن تربيها على ماكلة يماك عادي
مالا كن انا من الشرق ونتزوج بواحد من الغرب يسما خلات نطلق من اول نهار خاطر ماكلة الشرق والغرب
مختلفة تماما وناس الغرب يحبو ماكلتهم لي ترباو عليها وتاع الشرق كيف كيف
على هادي صح المرأة كي تدخل دارها لازم تكون ماهرة في الطبخ ولكن اذا غلطت تقدر تتفاهم معاها بالمعروف
والله يا خويا كيما قلتها من قبل انا نستغرب من رجولة تشعل على البطن وما تشعلش على العرض
تلقى راجل يشرط على مرتو المستقبلية الطبخ الماهر ولكن السترة يجيب ربي يعني حتى بعض الرجال
عندهم تناقضات للاسف ويحبو يبنينو رجولتهم في امور لا تستدعي رجولة
ربي يهديهم وربي يرزق كل رجل بمرأة ماهرة في الطبخ ههههه
تحياتي


​

 

[أم أُنٌَيسة]

السلام عليكم ورحمة الله وبركاته
بارك الله فيك وجزاك كل خير ،موضوع مميز وجميل
هههههههههههههه ،اضحك الله سنك اختي الكريمة
امي تعرف تطيب وعلمتنا الطبخ من كنا نقراو فالمتوسط ،فالثانوي والحمد لله رجعت نعرف نطيب كل شيء لكن فنيانة نطيب وقت ما تطلعلي
ونحب الطياب ،لما نطيب نتفنن
اما بالنسبة للرجل مانعرف
كل راجل وواش يحب وواش يرضيه ،وواجب الزوجة ترضي راجلها وان كان الطياب يرضيه فهو من واجبها
اما على اللي تروح وهي ماتعرف تطيب والو ،ادا كان راجلها عارف وقابلها هكداك فالشح فيه ماعندو مايقول ومايتذمر من بعد اما ادا كان مخدوع فيها فحرام علييها وعلى اهلها
ارجو تقبل مروري اختي الغالية
تحياتي احترامي وتقديري
في امان الله وحفظه​

 

[Skor m@k]

نرد على خويا مالك تعود تبلوكيه فيتامينة
والله يا خويا مالك الطياب ماكانش أسهل منو وصح المرأة قبل ما تتزوج لازم تتقن مطبخها
يعني هادي لا غبار عليها ولكن هل أنك تذوق ماكلة مرتك وتلقاها ماش بنينة تضربها بالسينية!
هادا ماش تصرف رجال صراحة خاطر كيما قلت في ردي السابق راجل يبين رجولتو على الاكل
بصح يشوف عرضو معروض قدام الناس وماياكلوش قلبو، وزيد ماش معناها اي وحدة ماكلتها
ماش بنينة يسمى خايبة، قادر درك انا نتزوج ونلقى ام زوجي تطيب كلشي ومرا تاع دار وزوجي يحب ماكلتها
ونذوقها انا وماتعجبنيش خاطر والفت على ماكلة دارنا هل هذا يعني بلي اي انسان ماكلتو ماش كيما
لي تعودت عليها يسما خايب !
لازم نفرقو خويا مالك فرق مابين وحدة تتزوج وهي خاطيها الطياب و بين التعود على ماكلة معينة
خاطر الاخت ام ياسمين قاتلك ماعجبتوش ماكلتها ضربها بالصينية يمكن تربيها على ماكلة يماك عادي
مالا كن انا من الشرق ونتزوج بواحد من الغرب يسما خلات نطلق من اول نهار خاطر ماكلة الشرق والغرب
مختلفة تماما وناس الغرب يحبو ماكلتهم لي ترباو عليها وتاع الشرق كيف كيف
على هادي صح المرأة كي تدخل دارها لازم تكون ماهرة في الطبخ ولكن اذا غلطت تقدر تتفاهم معاها بالمعروف
والله يا خويا كيما قلتها من قبل انا نستغرب من رجولة تشعل على البطن وما تشعلش على العرض
تلقى راجل يشرط على مرتو المستقبلية الطبخ الماهر ولكن السترة يجيب ربي يعني حتى بعض الرجال
عندهم تناقضات للاسف ويحبو يبنينو رجولتهم في امور لا تستدعي رجولة
ربي يهديهم وربي يرزق كل رجل بمرأة ماهرة في الطبخ ههههه
تحياتي


​

هههههه مزيا مابلوكاتنيش لوكان هكذاك تروحلي حرقة في قلبي ومانردلكش ههههه
وعلاه ياختي انا واش قلت ههههههه
بلاك مافهمتينيش برك انا قلت ماشي لي ماتعرفش طيب يعني ماكلتها ماشي بنينة ولا
يعني ماتعرفش كامل تدخل للكوزينة تقوللها طيبي لعدس ولا الشوربة ماتعرفش مامبا منين تبداها
انا اصلا قلتلك مانشرطش في الماكلا ومانكريتيكيش عليها
مالحة ولا مسوسة خضرة ولا محروقة قلتلك ماتهمنيش كامل
عاودي ولي لردي واقرايه انت وهذيك الفيطامينة هههه​

 

[لؤلؤة قسنطينة]

هههههه مزيا مابلوكاتنيش لوكان هكذاك تروحلي حرقة في قلبي ومانردلكش ههههه
وعلاه ياختي انا واش قلت ههههههه
بلاك مافهمتينيش برك انا قلت ماشي لي ماتعرفش طيب يعني ماكلتها ماشي بنينة ولا
يعني ماتعرفش كامل تدخل للكوزينة تقوللها طيبي لعدس ولا الشوربة ماتعرفش مامبا منين تبداها
انا اصلا قلتلك مانشرطش في الماكلا ومانكريتيكيش عليها
مالحة ولا مسوسة خضرة ولا محروقة قلتلك ماتهمنيش كامل
عاودي ولي لردي واقرايه انت وهذيك الفيطامينة هههه​

سيبو حكمت عليك المحكمة ماعندك واش تبرر
هيه راني فهمتك خويا من أول رد
​

 

[الصحافية الساخرة]

ههههههههههههههخخههه اه والله ضحكتيني
معليه المرة الجاية تلقاي دودة القيح هههخخه خلي نفسدلك البنة هههه

منكذبش عليك ختي الطياب انا منحبوش معرف علاه ديجا فيبلاصة ما نتفنن فالمطبخ نتفنن في عقلي تبانلي جياحة ،، ديجا ماكلتنا تفسدلك الليستوما وتجيب غير المرض ، انا منكذبش عليك غدوا ان شاء الى تزوجت الراجل تاع وولادي في بلاصت ما نطيبلههم حوايج ماشي فايدة

نوكلهم غيرالخضرة و الحوت ، الفواكه ، التمر و الحليب الصباح ااه صحية تتمسخر الى هو عوجلي وكرشو قبل كلشي ولادي ما نربيهمش هكا بويسك قد ما تنقص من الماكلة فالصلاح .. و على هذي نقول توجور

ما كانش اللي يفهمني هههههه ولايتقبلني هكذا بعقليتي

انا ماشي كرشي تخلي عرشي وماشي المطبخ اولوياتي و على هذي اللي تظل عڨابها فالكوزينة تتفنن نسات حوايج بزاااف هوما الصح

اهتمت بكرشها وكرش راجلهاوولادها و فينالموا واش اسست ؟

عايلة صالحة للاكل فقط معدتها توجور جيعانة و فارغة

تستنى فالجديد ههه و العقل يحب الطبخ و الاكل فقط

منكذبش عليك نجاوبك صدق واشنحبوا نتعلمو مي

واش منحبوش منشوفش ليه ( دوك انا الطبخ ماشي حاجة نحبها وساهلة تطيب ماشي صعيب بصح ما نركزش عليه كما الاغلب من الناس ، وماهمنيش راي الناس فيا كااامل كاين حوايج نحبهم نتفنن فيهم ونحاول نزيد نتعلم مي باش تجي تحكم عليا من طبخي وتتشرطلي غيير روح النار تلهبك ههههه ) اونبليس كما ما يحبوش الطفلة تتشرط ما يتشرطوش تعرف تطيب ياخي تفكير ياخي هههه و مكانش اللي متعرفش تطيب لوبيا ولا كسرة هذي نحوها من بالكم اسهل شي هذوا مي باش تتشرط نتفنن ونعرف نطيب بالفووور انساها ماشي حاجة نحبها الطبخ فن لا احبه للاسف ^^

ومرسي على الموضوع مالغري مزال عندي بزاف هدرة بصح خليت للغاشي يزيد يهدر سيرتوا الرجال راهم بكثرة كي يتعلق الامر بعيوب البنات تم تم يلحقوا حتى وفنص الليل هههخخخخ ا

 

[GI Joe]

lgrinaaa hhh ani farhana ki kayen li yesta3melha machi ghir fi darna hed l kelma
ana tyab nhebouu surtt ki tkoun l hala rkhissa ydjini hiss l ikhtira3 ndir men rassi w djii l hadja bnina (generalment hh ), ama hwayedj traditionel kamel nhebhom donc kol saif nweli professionel fi hadja, maais mazali l matlo3 w l hout tellment manhebhomch jamais hatit yedi fihom nhar netekhtab net3alemhom 3la djel l Mr wala houa yna9ili sardine w ana na9lih sahla lol