يوم الشوفة التاااعي

[hafsa hafousa]

السلام عليكم لبنات
مابقالوش بزاف يوم الشوفة التاااعي
قولولي واش تعرفوا كامل على هدا اليوم، كيفاش نوجد من قبل .. لبسة تاعي .. الدار .. كيفاش نتصرف هداك النهار
تعيشواا عاونوني، ولي تقدر تحكيلنا واش صرا نهار الشوفة التاعها تحكيلنا
ابدعواا لبنات
شكراااااااااا​

 

[heba biba]

ليس لدي فكرة عن هدا الموصوع وليس لدي اخوات متزوجات للاسف لم استطع افادتك

 

[heba biba]

ربي يسهلك ويكون معاك وان شاءالله تعجبيهم وتطلعي اموووورة واحلى الاميرات

 

[لؤلؤة قسنطينة]

السلام عليكم
أولا يا حبيبتي ربي يهنيك وربي يرزقك الستر والعفاف ويكون هاد الخطيب شخص صالح ويهنيك
اما فيما يخص يوم الشوفة انا ماراني مخطوبة ولا حضرت شوفات هههه حضرت شوفة وحدة برك
ونقدر نقولك على العموم كيفاه، أولا وأهم نقطة هي البساطة يعني كوني على طبيعتك سواء
في اللباس ولا التعامل ولا أي شي، يعني ماش محتاجة تعملي كوافير تاع خطبة راهم نساء
جايين يشوفوك برك يعني امشطي شعرك عادي تقدري حتى ديري بروشينغ وخلاص وكذلك الماكياج
قد ما تنقصي مليح باه تباني بسيطة وبجمالك الطبيعي ونهار تديري ماكاياج في خطبتك ولا عرسك
يزيد فيك النص واللباس كذلك البسي حاجة تكون باهية وبسيطة درك ماعلاباليش كل وحدة كيفاه
كاينة لي تحب تلبس قفطان لكن انا نفضل قندورة تكون مليحة يعني باهية تاع مناسبات وخلاص
اما الحلويات والتجهيزات هاديك ترجع ليك يعني من اختيارك ديري عدد الحلويات لي تحبي وزيني صينيتك كيما تحبي
واذا كانو اهل العريس من ولاية خلاف ومن بلاصة بعيدة تقدرو حتى تعزموهم على الغداء والله اعلم
اما كيفاه تتصرفي كيما قتلك اتصرفي على طبيعتك وهي اكيد في اللحظات هاديك رايحة تبقاي تبتاسمي برك ههه
يعني ماتقدريش تهدري بزاف واذا هدرتي تجاوبي حسب السؤال، صراحة هادا مانقدر نقولك
اتوكلي على ربي وربي يهنيك ويفرحك ان شاء الله، ودرك نزيد نستدعي الاخوات يعاونوك

@أم ياسمينdz
@الورد الأحمر
@دعاء الجنات
@بشرى ملاك

بالتوفيق ان شاء الله​

 

[الورد الأحمر]

السلام عليكم ورحمة الله وبركاته

مغسي @لؤلؤة قسنطينة ع الإشارة

أولا ربي يسعدك أختي ويهنيك ويكملك بالخير ان شاء الله :kiss:

وكيف ما قالتلك لؤلؤة قسنطينة، الشوفة راكبة ع البساطة في كل شي سواء في اللبس اختاري شي بسيط وعادي تلبسيه أنا لبست غوب خيطتها أنا بعد درتها بلون يليق عليا ومن فوق في الجزء العلوي حطيت عليها tulle جاي فيه زخرفة بالقطيفة ودرت سانتيغ قطيفة وتربح أما شعري غير كي غسلتو وشيحتو ما درتلو والو لا صبغت لا كوافيت، والمكياج عملت شي بسيط على كي نخرج برا. حبيت يشوفو الجمال الطبيعي تاعي احم احم

بالنسبة للدار ما عملت شي من غير أني ركزت على أني عملت تنسيق بين صينية التقديم وألوان الديكور تاع الصالون برك.

بالنسبة للقاطو عملت قاطو منوع بالأنواع لي حلاو في عيني والحمد لله جاو بخيزونتابل وبنان .

هذا ماكان هوما جاو بسيطين غير باه يتعرفو علينا واحنا كنا بسيطين .

يعني باختصار كلي جايينكم ضياف مش ديما يدخلو للدار كوني هكاك برك.

وفي الشغلة احكي نوغمال ما تلعبيهاش تتعورسي كوني ع طبيعتك أنا من كثر ما كنت ع طبيعتي نسيت روحي ضربت خمسة ع حماتي وبعد فقت مع روحي بلي خذيت راحتي زيادة وضحكتي بدات تعلا

وربي يكملك ويهنيك ان شاء الله ويكون هذا الخطيب الرجل المناسب لي تكملي حياتك معاه مهنية :kiss:

 

[لؤلؤة قسنطينة]

@الورد الأحمر هههههههههه نتي ماكانش منك زوج ههههه
والله وحدك عجبتني تاع ضربتي خمسة مع حماتك هههههه
ربي يهنيك ان شاء الله​

 

[الورد الأحمر]

@الورد الأحمر هههههههههه نتي ماكانش منك زوج ههههه
والله وحدك عجبتني تاع ضربتي خمسة مع حماتك هههههه
ربي يهنيك ان شاء الله​

ههههه يسموه نور كي تدصر

الله غالب كي نرتاح مع شخص ناخذ راحتي زيادة ع ما يتطلبه الموقف

ان شاء الله ربي يهنينا أجمعين وعقبال نفرحو بيك حبيبتي :kiss::kiss::kiss:

 

[Soumia hadj mohammed]

السلام عليكم ورحمة الله وبركاته
مبارك عليك اختي حفصة ورب يتمم ع خير
انا وش نعرف فالشوفة هو لاسامبليسيتي يعني كوني بسيطة وعادية ، هكداك اختي كانت

@الورد الاحمر والله ان قلبي لمسرور جدا لك والله فرحة كانها لاختي الكبرى التي ادعوا لها دوما بالزوج الصالح ويفك عقدتها
مبارك عليك واسال الله ان يتمم على خير و بركة ويوفق بينكما الى ما فيه الخير
ههه وعجبتني ضربة الخمسة نتيا ضربة يا ماينة ليك هههههه

 

[الورد الأحمر]

السلام عليكم ورحمة الله وبركاته
مبارك عليك اختي حفصة ورب يتمم ع خير
انا وش نعرف فالشوفة هو لاسامبليسيتي يعني كوني بسيطة وعادية ، هكداك اختي كانت

@الورد الأحمر والله ان قلبي لمسرور جدا لك والله فرحة كانها لاختي الكبرى التي ادعوا لها دوما بالزوج الصالح ويفك عقدتها
مبارك عليك واسال الله ان يتمم على خير و بركة ويوفق بينكما الى ما فيه الخير
ههه وعجبتني ضربة الخمسة نتيا ضربة يا ماينة ليك هههههه

يبارك فيك حبيبتي مشكورة بزاااف وعقبال عندك وإذا ديجا سبقتي ف ان شاء الله ربي يهنيك :kiss:

الله يهني كل وحدة ويرزق كل وحدة الزوج المناسب لي تتفاهم معاه وترتاح معاه وتتهنى معاه :Love:

 

[Soumia hadj mohammed]

اللهم امين بارك الله فيك

 

[آمِيْرَتُه]

السلام عليك
ربي يهنيك آختي
كيما قالو الآخوات كوني طبيعية متزيدي ماتنقصي كيما قالت نور كأنهم ضياف و راهم جاينكم
أنا لبست غوب مخدومة بالقطيفة لأن كان وقت الشتاء و كوافيت شعري و المكياج منحملش نقعد بيه ساعة مالا كحلت عيني و درت ماسكارا برك
و درنالهم فطور و عشاء لخاطرش يسكنو بعاد مالا عشيناهم و القهوة درنا قاطو خدمته انا
المهم كوني أنت أنت ماشي غذوة يقولك ياه كي كنتي كي وليتي و خوذي راحتك

 

[ضآحكة مستبشرة]

السلام عليكم اختي
ان شاء الله ربي يتمملك على خير و ربي يهنيك
انا ماشي مخطوبة و لكن كل منطقة و عاداتهم يعني تختلف لكن لى العموم نفس الشيء
انا رأيي من رأي الاخوات لي سبقوني ربي يهنيهم اولا شي كوني عاقلة ههههه و رزينة في تصرفاتك و طبيعية متتكلفيش باش تعجبيهم برك
اما اللبسة إذا رح يجو لي هذا الوقت البسي جبة قطيفة سامبل و خفيفة متكونش معمرة بزاف قد العمر تاعك و شعرك اجبديه و سرحيه و اطلقيه و مكياج ننصحك كوني طبيعية ديري كحل و ماسكارا برك
الحلويات ديري نوع ولا زوج واحد ڨاطو ساك و اخر معسل مع حاجة تقليدية كيما مسمن متكثريش بزاف
و الدار نقيها مليح خاصة الصالون و الحمام لازم ريحة النظافة يشموها من برا ههههه و الصالون فرشيلو شورة جديدة و شابة و خمليه مليح
و ربي يهنيك ان شاء الله
كشغل ضياف اتعاملو معاهم على طبيعتكم

@الورد الأحمر هههههه نتي مهبولة عجوزتك تقول واش رح نجيب لوليدي ههههه ربي يهنيك حنونة
@آمِيْرَتُه ربي يهنيك حنونتي و يرزقك بالذرية الصالحة

و الباقيات ربي يرزقكم بأزواج صالحين :kiss::kiss:​

 

[آمِيْرَتُه]

@عآشقة الجنـة اللهم آمين ويهنيك حبيبتي و منورة عالم المرأة

 

[فيتامين سي]

عادي ضياف برك
اللبسة لبسي غوب سامبل و شابةو نتي تعرفي واش يخرج عليك المهم عليك و على البساطة كاين شوفة نلبس قفطان و تدير تقول حنة و الخطبة عرس تزيدي مصروف على روحك باطل
انا لبست غوب تاع للعيد و شعري درتله بروشينغ فقط و تاني المكياج مدرتش نهائيا منحملهش في وجهي و التحضيرات جد بسيطة انواع قاطو و تاي ولا قهوة نتي تعرفي و تبغي تزيدي حجات تقليديين كما البغرير ولا المسمن
و الهدرة كونك على طبيعتك و حاولي تكوني مستمعة فقط و شوفي عقليتهم انا اختي لي كانت تهدر بزاف انا كون هدرت نعميلها جد والديها نورمال و الخلايع فيها فيها كل وحدة عندها كشفة في الشوفة تاعها لي تتفكريها تولي تضحكي و انا كةشفتي وحدها ..نستر ما ستر الله
اامهم دعي ربي يكون انسان يخاف ربي فيك

 

[ريحـان]

السلام عليكم

ربي يكملك بخير اختي وعقبال لكامل
لبنات، و يوم الشوفة اختي عادي
لبسة سامل و بما انه حنا في الشتاء
غوب قطيفة مليحة و المكياج سيي
قدر الإمكان يكون خفييف يعني يظهر
طبيعتك، نظافة الدار منحكيلكش عليها
لازم لازم تكون تشعل ههه راكي عارفا
ربي يجيب لي فيها الخير.

 

[لؤلؤة قسنطينة]

عادي ضياف برك
اللبسة لبسي غوب سامبل و شابةو نتي تعرفي واش يخرج عليك المهم عليك و على البساطة كاين شوفة نلبس قفطان و تدير تقول حنة و الخطبة عرس تزيدي مصروف على روحك باطل
انا لبست غوب تاع للعيد و شعري درتله بروشينغ فقط و تاني المكياج مدرتش نهائيا منحملهش في وجهي و التحضيرات جد بسيطة انواع قاطو و تاي ولا قهوة نتي تعرفي و تبغي تزيدي حجات تقليديين كما البغرير ولا المسمن
و الهدرة كونك على طبيعتك و حاولي تكوني مستمعة فقط و شوفي عقليتهم انا اختي لي كانت تهدر بزاف انا كون هدرت نعميلها جد والديها نورمال و الخلايع فيها فيها كل وحدة عندها كشفة في الشوفة تاعها لي تتفكريها تولي تضحكي و انا كةشفتي وحدها ..نستر ما ستر الله
اامهم دعي ربي يكون انسان يخاف ربي فيك

هههههههه والله يا سعاد حابة نعرف الكشفة لي درتيها
حكمني الفضول هههههه​

 

[الورد الأحمر]

السلام عليكم اختي
ان شاء الله ربي يتمملك على خير و ربي يهنيك
انا ماشي مخطوبة و لكن كل منطقة و عاداتهم يعني تختلف لكن لى العموم نفس الشيء
انا رأيي من رأي الاخوات لي سبقوني ربي يهنيهم اولا شي كوني عاقلة ههههه و رزينة في تصرفاتك و طبيعية متتكلفيش باش تعجبيهم برك
اما اللبسة إذا رح يجو لي هذا الوقت البسي جبة قطيفة سامبل و خفيفة متكونش معمرة بزاف قد العمر تاعك و شعرك اجبديه و سرحيه و اطلقيه و مكياج ننصحك كوني طبيعية ديري كحل و ماسكارا برك
الحلويات ديري نوع ولا زوج واحد ڨاطو ساك و اخر معسل مع حاجة تقليدية كيما مسمن متكثريش بزاف
و الدار نقيها مليح خاصة الصالون و الحمام لازم ريحة النظافة يشموها من برا ههههه و الصالون فرشيلو شورة جديدة و شابة و خمليه مليح
و ربي يهنيك ان شاء الله
كشغل ضياف اتعاملو معاهم على طبيعتكم

@الورد الأحمر هههههه نتي مهبولة عجوزتك تقول واش رح نجيب لوليدي ههههه ربي يهنيك حنونة
@آمِيْرَتُه ربي يهنيك حنونتي و يرزقك بالذرية الصالحة

و الباقيات ربي يرزقكم بأزواج صالحين :kiss::kiss:​

ههههه أنا مصدر سعادة لي يقعد معايا نزهيلو حياتو ونديرلو لومبيونص مالا واش خصو

آمين حبيبتي وربي يهنيك :kiss::kiss: ويرزقك بالزوج الصالح حبيبتي :kiss:

 

[السلطانة]

وعليكم السلام ورحمة الله وبركاته
ربي يكملك بالخير اختي حفصة ويهنيك ان شاءالله
كيما قالولك البنات البساطة اهم شي وانك تكوني على طبيعتك في هاذ اليوم
نشفى حطيت نهار شوفتني هنا في ركن العرائس :p
نرجعو للموضوع البسي حاجة تكوني فيها الاز وتعجبك روحك فيها
انا شريت غوب تاع عرايس على قولة ماما
وشعري مشطتو سامبل وماكياج سامبل
خدمت القاطو في الدار مع قهوة وحليب
وكي عادو بعاد وجدنالهم لعشا وديسار
حكاو شوي
دخل لبسلي الخاتم قصينا طارت صغيرة
وانتهى الموضوع بالتفاهم والقبول وتيتا تيتا خلصت الحتوتة وعشنا في سعادة وهناء:Love::Love:
ربي يوفقك ان شاء الله