ما تحشموش سراقين تفو ......حاشاكم طبعا

[ليليا مرام]

السلام عليكم
جماعة اللمة الزينونيين واش راكم وشعال راكم ولزوا ديرولي بلاصة بيناتكم

اليوم درتلكم هذا العنوان

ما تحشموش سراقين .....تفو

نونو مانيش عليكم
ولا على السراقين العاديين
ولا السراقيين الإفتؤاضيين ....جماعة سرقة المواضيع نونونو خاطر راكم Gاع فالحبس
اليوم نقولكم هذا عنوان نتاع واش
ياو الويفي نتاعي ههه
كل ويفي عندو إسم انا لما رحت نفلاشيه
قاتلي مادام واشبيه مودام .....قتلها أولا يسموني مادموزال بكل فخر ...
دوزبامو ماشي مودام اللي واشبيه شعبنا واشبيه
ديري تشوفي هذا الإسم للمودام نتاعي
ما تحشموش سراقين تفووو
وما نقولكمش تفو نتاعي لا بوتيت
ماش نتاعها طلعت وهبطت :p:p قتلها ديزولي
السيد واقف شاف فيا شفت فيه من ساسو لراسو نتاع بلع فمك تفو الدوزيام جاياتك جال فوق ذيك الهيدورة

قتلها هذي للناس اللي تحوس تكونيكتي من ويفي نتاعي
راني خليتو بلا مود باس نفتح باب نلقى قدام بابنا جماعة يكونيكتيو يا سلام خصهم غير قهوة ودومين
ديري تشوفي هذا الإسم ومود باس ما نحكيلكمش فيه 12حرف
السيد قالي عليها ما عنديش كونيكسيو فالدار وانا نقول معليش خليه مفتوح
قتلو ربي يسهلك يا خويا انا ماشي نخلص والناس تكونيكتي
انا مانيش لوتيل وديجا لوتيل لازم يكون حاجة كلاص فيه الويفي
ومانيش مرت اردوغان نديرلهم الويفي فالبلاد

ناس عايشة تبروفيتي وبلا حشمة يجو عند بيبان الناس ويكونيكتيو الصراحة ما نقدرش نديرها لأنو هذي خصوصية الناس ومخلصين عليها دراهم
وتجي هذي الكائنات كدودة القز تزحف قدام بيبان الناس وريتهم يمدو الحرير

قولولي هذو الزواحف عندكم منهم
والويفي نتاعكم دايرنلو كادنة والا طالقينو للريح :p

اعطوني رايكم فالموضوع

واش رايكم فإسم الويفي نتاعي هههههه وزيرة الإتصال قاتلهم جيبوهالي حية أو ميتة

ميغسي على قولة مديرتنا :Love:​

 

[همس الوُرود]

السلام عليكم
لي عودة حبيبتي ^^

 

[أم أحمــــد يــسّ]

اهلا ليلوش انشالله لباس..
انا شفتك تلعني وقريب تخرجيلي من البورتابل قلت نشوف المخلوقة كاش مادرتلها وسرقتلها
( انا لمواضيع ماتسرقش تعرفيني خخخخ)
...كاين واه امثالهم ياسر ، انا جاراتي يلعبوها يصبحو وتجي تكتب المود باس وتروح( تعرض روحعا بلا حشمة ههه) ونزيدك تقلي اكتبيه بيديك نشوف اذا حكم ولا لا ؟؟؟؟؟
اما خلية النحل عندك ماتحكي ، عيشوش صدرت الكود لخوها محمود وصاحبو المسعود والتمت خلية النحل..ونهار يخلاصو الميgات ارواحي للسبات وتتغير الاتجاهات....وجارة اخرى من الجارات البهلولات ههه
المشكل انك تسحقي واحد باه تبعثيه يجيبلك قضيان يدور راسو 180درجة ياااااو خلص شوي برك راك تظل تاكل في دريهماتي هههه
...
والله عيب تلصاق هذاك الذبان حاشاك قدام البيبان وحيوط الناس ونقل اخبارهم قبل السرقة هذيك...
ايا ربي يهدي ان شاء الله..

 

[ليليا مرام]

@ميلينا
@Malika Tlm
@Twinkle Stars
@لؤلؤة قسنطينة
@قمر الوادي
@Soumia hadj mohammed
@chirine zina
@قلم مغرور
@ملامح شاعر
@صمت المشاعر
@الامين محمد
@ربي اغفرلي
@بشرى ملاك
@الصحافية الساخرة
@السحاب العابر
@الأزرق الملكي
@حلم كبير
@rycerz
@سلام نفسي[/US
@*حزن النبلاء*
@طيب الكلام
@أم ياسمينdz
@habchisalaheddin
@آمِيْرَتُه
@الأفق البعيد
@عآشقة الجنـة
@محمد التبسي

 

[ليليا مرام]

السلام عليكم
لي عودة حبيبتي ^^

اهلا اختي عبير
شكرا على إعتماد الموضوع
اهلا بعودتك الموضوع موضوعك

 

[ليليا مرام]

اهلا ليلوش انشالله لباس..
أهلا الزينة
لاباس وانت ؟

انا شفتك تلعني وقريب تخرجيلي من البورتابل قلت نشوف المخلوقة كاش مادرتلها وسرقتلها

ايوا مليح منين ذاك نخوفكم غير من العنوان هههه
( انا لمواضيع ماتسرقش تعرفيني خخخخ)

راكي برا معناها ما تسرقيش المواضيع راهم فالحبس السراقين ههه

...كاين واه امثالهم ياسر ، انا جاراتي يلعبوها يصبحو وتجي تكتب المود باس وتروح( تعرض روحعا بلا حشمة ههه) ونزيدك تقلي اكتبيه بيديك نشوف اذا حكم ولا لا ؟؟؟؟؟

انا جارتي سبع سنين وهي تقولي غدوة نركب نت كل ما نبدل مود باس تجي تدي جديد بنتها تقرا بيها ضرك راني بلا ويفي جاتني البارح قتلها التلفون خسر راني مأكتيفيا فالتلفون ونهار درت هذا الإسم قاتلي غسلتيلي وجهي ههههه قتلها هذوك السراقين انت لالا تجي تطلبيه مني وانا فقلبي نقولها اسرقي وما تجيش تكرهيلي جد حياتي

اما خلية النحل عندك ماتحكي ، عيشوش صدرت الكود لخوها محمود وصاحبو المسعود والتمت خلية النحل..ونهار يخلاصو الميgات ارواحي للسبات وتتغير الاتجاهات....وجارة اخرى من الجارات البهلولات ههه
المشكل انك تسحقي واحد باه تبعثيه يجيبلك قضيان يدور راسو 180درجة ياااااو خلص شوي برك راك تظل تاكل في دريهماتي هههه
...

راكي جبت المفيد ذك المود باس يولي فاليدين والبلدية كامل تعرفو وكي تحتاجيهم ما تلقايهمش

والله عيب تلصاق هذاك الذبان حاشاك قدام البيبان وحيوط الناس ونقل اخبارهم قبل السرقة هذيك...
ايا ربي يهدي ان شاء الله..

ربي يهديهم يا رب
ميرسي زينة

 

[زاد الرحيل]

مساء الخير لغاليتي ليليا يا ربي تكوني بخير
اعذرني لاني عندي مدة مشاركتش في مواضيعك و لا في الغير حاجةألمتني و بقيت نشوف و منمدش رايي
و انا نقرأ في موضوعك جاتني الضحكة على كلمة المدام و المادمازال وعندك الحق كي قلت لها هكاك يطلقو الالقاب كما يحبوا و كما يشوفو
سرقة الويفي للمحتاج بصح كي تكثار تفسد و تفسد على صاحبها الاصلي ،مرة واحد يشرشي على المو دو باص لقاه مكتوب العنوان راه باين شبع ضحك ،لكان الناس متساويين في المادة كان كل واحد عنده الانترنت انتاعه وحده بصح كل واحد و وضعه،
و صراحة انا لكان نحصل نشوف كانشي ما نحكم و ربي يستر لا يكون انتاعك هذيك الساعة نتخبى وراء وليدك

 

[Malika Tlm]

مساء الفل حبيبتي
ضحكتيني والله ههههننن
تعرفي حنا تاني كنا نلقوهم عند الدار مقسرين وكل واحد حاكم البورتابل نتاعوا وحدي نقول واسم ر لهم يديروا وهو ما خاونين ويكونيكتيو من عندنا هههههههه
تعرفي وليد خاي الموداس داير( متهندش ا لويفي)
ههههههه ناس يحوسوا غي باطل والتهناد
الله يهديهم
ههههعع تحياتي

 

[*حزن النبلاء*]

خليني نضحك شويا الله يغفر لك

المهم
الان عندي محل فيه الانترنت و يجو واحد الشباب تاع المتوسطة يريحو قدام لمحل .... و نخرجلهم نتيريهم قبالا
لانو ما يعرفوش صلاحهم في استعمال الانترنت

حكاية لويفي كنت قاهرها


في الحوما ماكاش ويفي ما بيراطيتوش هه الله يعفرلنا
كنا نقراو في لافاك usthb كان عندي بيسي لونوفو
كنت نخدم بزاف بلينوكس و هو كما الويندوز
لكن اصعب و اكثر فعالية
كنت نبيراطي wep wpa wpa2
و نمد لصحابي
في الدار كيلعادة نجدب كلمة السر تاع لويفي لجيران امباعدا نقول لجاري اذا معليهش نستعمل لويفي تاعك .. نية في لهبال هه

كنت نقرا دروس مسائية في معهد iteem في بوليو
كيفكيف زدت بيراطيت لويفي تاعهم ههههه بصح ما مديت لحتى واحد كلمة السر
فكتوني في صاحبي كي يقولي اخطيييك اخطييبك

======
امباعدا كي سقسيت بلي ما يجوزش لبيراطاج
لانو كانت عندي تخماما غالطا .. حبست لبيراطاج .. قاع .
في العام الاخير في كلية الاعلام الالي باب الزوار
طلقونا ويفي 10 م/ثا
تهنينا ملبيراطاج هههه الله يغفرلنا
كي طلعت لماستر ... رجعنا نكونيكتوي بالخط 100م/ثا
وكان ذلك اسرع انترنت جربته

========
المهم لا يجوز الاستفادة من الانترنت حتى ولو كنت عامل في شركة و فيها انرنت خاصة بالعمل فقط .. فيجب طلب الاذن في استعمالها في غير العمل
لانها ملك الاخرين ..
هذا الذي اعرفه بخصوص استعمال انترنت الاخرين

 

[dahman kz]

شعبنا تاع بروفيتاج ويموت عل الحاجة كي تكون باطل ههه
وحتى كي تكون لنترنت عندو في الدار ويسمع بواحد بلا كود يخلي تاع دارهم ويروحله مليار هههه
وباينة يجوك مادام ماكيش دايرة لكود

وشخصيا كي تروح لنترنت مالدار مع جيراني ماعندي حتى مشكل ولحمد لله رانا دار وحدة والجيران كامل عندي لكواد تاعهم وكي ما يعجبنيش هذا نبدل ونخير لمليح فيهم وحتى كي نلقى لكود تبدل نخبط لباب ونقولهم يكتبوه فورقة نورمال على خاطر سابقهم بالخير وسنوات وهوما يكونكتو من عندي وملي كانت لنترنت فال والميكرو حاجه فال.

وكي تكون لنترنت عندي في الدار مانبخل حتى واحد ثاني .

 

[ليليا مرام]

مساء الخير لغاليتي ليليا يا ربي تكوني بخير
اعذرني لاني عندي مدة مشاركتش في مواضيعك و لا في الغير حاجةألمتني و بقيت نشوف و منمدش رايي


وعليكم السلام ميلينا أختي
الحمد لله وإسلام واش راه
واش اللي وجعك يا ميلينا عارفة ماكان حتر واحد هنا يقصد يجرحك
و انا نقرأ في موضوعك جاتني الضحكة على كلمة المدام و المادمازال وعندك الحق كي قلت لها هكاك يطلقو الالقاب كما يحبوا و كما يشوفو

تقول شافتني نجر فالذراري

سرقة الويفي للمحتاج بصح كي تكثار تفسد و تفسد على صاحبها الاصلي ،مرة واحد يشرشي على المو دو باص لقاه مكتوب العنوان راه باين شبع ضحك ،لكان الناس متساويين في المادة كان كل واحد عنده الانترنت انتاعه وحده بصح كل واحد و وضعه،
و صراحة انا لكان نحصل نشوف كانشي ما نحكم و ربي يستر لا يكون انتاعك هذيك الساعة نتخبى وراء وليدك

لالا هي لو اللي ما عندوش والله مسامح انا جارتي من وقت درت نت وكل ما نبدل مود باس نمدولها فمرة جاري فسدلهم تلفون جاو طبطبو سقساني مديت لوليدو مود باس واتا ضرك تقريبا فعشرين يوم بلا ويفي تلفون فاسدلي حشمت نقولو مدلي مود باس وراني دايرة نت نتاع موبيليس حتى يفرج ربي
انا نحكي على ليجون ساعات نفتح باب نلقاهم قدام الباب رافدين تلفون يكونبكتو حتى درتلو مود باس
راكي مسامحة نمدلك كابل للدار مش مود باس مش خسارة فأختي

 

[ليليا مرام]

مساء الفل حبيبتي
ضحكتيني والله ههههننن
تعرفي حنا تاني كنا نلقوهم عند الدار مقسرين وكل واحد حاكم البورتابل نتاعوا وحدي نقول واسم ر لهم يديروا وهو ما خاونين ويكونيكتيو من عندنا هههههههه
تعرفي وليد خاي الموداس داير( متهندش ا لويفي)
ههههههه ناس يحوسوا غي باطل والتهناد
الله يهديهم
ههههعع تحياتي

سلام مليكة الزينة واش راكي
ايه خونة حلاليبن للويفي يجو عندباب تقولي نخرجلهم القهوة ههههه
انا دايرة اسم مودبم تسرقوا ما تحشمةش ..تفو ههههه
واش معناها تهناد مليكة أول مرة ما نفهمش كلامك علميني لهجة تلمسانية
ربي يحفظك أختي

 

[ليليا مرام]

خليني نضحك شويا الله يغفر لك

سلام عليكم أخي إن شاء الله أمورك بخير والعائلة الكريمة بخير
إضحك شكون شدك هههه
المهم
الان عندي محل فيه الانترنت و يجو واحد الشباب تاع المتوسطة يريحو قدام لمحل .... و نخرجلهم نتيريهم قبالا
لانو ما يعرفوش صلاحهم في استعمال الانترنت


ايه ضرك شكون ما يستخدمش نت ومالغري انت تحاوزهم يروحو لسيبار أو فليبورتابل نتاعهم المشكلة نتاعهم ذاك مشكل آخر
حكاية لويفي كنت قاهرها


في الحوما ماكاش ويفي ما بيراطيتوش هه الله يعفرلنا
كنا نقراو في لافاك usthb كان عندي بيسي لونوفو
كنت نخدم بزاف بلينوكس و هو كما الويندوز
لكن اصعب و اكثر فعالية
كنت نبيراطي wep wpa wpa2
و نمد لصحابي
في الدار كيلعادة نجدب كلمة السر تاع لويفي لجيران امباعدا نقول لجاري اذا معليهش نستعمل لويفي تاعك .. نية في لهبال هه
انت ماشي سارق مود باس انت ديت الكابل كامل الله يغفرلك هههههه
كنت نقرا دروس مسائية في معهد iteem في بوليو
كيفكيف زدت بيراطيت لويفي تاعهم ههههه بصح ما مديت لحتى واحد كلمة السر

فيك الخير والله ههههه برياطيت واستفدت غير انت هههه
فكتوني في صاحبي كي يقولي اخطيييك اخطييبك
صاحبك كان يخاف هههه
======
امباعدا كي سقسيت بلي ما يجوزش لبيراطاج
لانو كانت عندي تخماما غالطا .. حبست لبيراطاج .. قاع .
في العام الاخير في كلية الاعلام الالي باب الزوار
طلقونا ويفي 10 م/ثا
تهنينا ملبيراطاج هههه الله يغفرلنا


الحمدو لله دارو مزية نتاع باب زواؤ لو بيراطتنا الويفي علمني نبيراطي راني بلا ويفي ههههه
كي طلعت لماستر ... رجعنا نكونيكتوي بالخط 100م/ثا
وكان ذلك اسرع انترنت جربته

وين لقيتو هذا ندي منو

========
المهم لا يجوز الاستفادة من الانترنت حتى ولو كنت عامل في شركة و فيها انرنت خاصة بالعمل فقط .. فيجب طلب الاذن في استعمالها في غير العمل
لانها ملك الاخرين ..
هذا الذي اعرفه بخصوص استعمال انترنت الاخرين

انت بيراطيت حتى شبعت وجاي تقولي لا يجوز ايا علمني نبيراطي والله يغفرنا هههه
امزح هي صح لا يجوز لازم تستإذن بصح ثقافة هذي ما عندناش نتاع ندو الإذن ينساوها
شكرا لك

 

[الورد الأحمر]

السلام عليكم ورحمة الله وبركاته

فكرتيني في لي كانو يجو يقعدو برا اونفاس للباتيمون ويكونكتو من عندنا . ما فهمتش وعلاه راني في ليطاج السابع ويحكموه ! كيما انا نخرج برا في الكاغتيي نحكمو ! ولي حبسلي راسي مرة خرجت مت التيليفيغيك لي بعيد ع دارنا بمسافة عشر دقايق ! لقيت لي نوتيفيكاسيون وحدة ورا وحدة تدخل وما كنتش ماكتيفية ال ٣جي قلت منين حكم هذا غيزو ويفي ! نجي نشوف نلقاه حكم الغيزو تاع دارنا ! مي سيبا بوسيبل !!!

أنا دايرة المودباس وزيد لي فيلثخ يعني مدخلة ليزادغاس آيبي تاع الأجهزة تاع دارنا كامل من ميكروات لابتوبات تيليفونات تابلات أيباد ديموات وكل جهاز مانيش مدخلة الأي بي تاعو ما يكونش عندو آكسي مام عندو المودباس

يعني يريحو رواحهم يفكؤو المودباس ولا يبيراطيون راني دايرة فيلثخ وسامحة غير للأجهزة لي أنا مقررة أنها تكونكتي تكونكتي غير هك فتفوتة تاع كونكسيون ما يشوفوها

زمان كانت نلقاهم كل يوم اونفاس لينا يحسسو وحاكمين تيليفون تيليفون نقول هذو وعلاه يجو هنا آخرتها كي فقت بلي نسيت الفيلثخ محلول ورحت قفلت عليهم بقاو شوية يسناو يقولك كاشما يفرج ربي قلت أسنا نشوف العقلية عاودت نحيت الفيلثخ وطليت عليهم لقيتهم قالو لبعض أو رجع هيا زدت قفلت لقيتهم قالو ااوف راح فهمت بلي تخوبيث يكوناكتيو من عندنا هيا خليتهم في أو راح حتى كرهو لقاو الحالة طولت فهمو بلي لا أمل راحو .

مبعد بقاو يترددو ع لبلاصة ويلقاو الويفي مي ماكانش آكسي هيا كرهو بطلو يجيو . درك أنا لازم يشوفولي حل لاماه من طرف الدنيا يخرجلي الغيزو تاع دارنا ويكونكتيلي مام ع مسابقة تاع عشر دقايق مشي ع الأقدام

مغسي ع الموضوع كما تقول مديرتكم :p

 

[aljentel]

معقول ؟! الى هذه الدرجه من قلة الحياء ؟!!
هؤلاء الذين يلتموا امام باب دار مو دارهم وجوههم مغسوله بمرق ..
كيف تسمح لهم ضمائرهم بالتجمهر امام منزلا ليس لهم به علاقه فقط من اجل سرقة نت من مودهم ..
حقيقه لم اسمع بمثل هذا الامر قبل هذا الطرح .. ولم اكن اتصور ان الناس وصلت بها السفاله لهذا الحد ..
لكن ضعي رقما سريا لمودمك وريحي بالك ..

 

[ليليا مرام]

شعبنا تاع بروفيتاج ويموت عل الحاجة كي تكون باطل ههه

سلام عليكم خويا دحمان
ايه وأنا عييت نفهم علاه حاجة باطل بنينة ما عرفتش علاه هههه

وحتى كي تكون لنترنت عندو في الدار ويسمع بواحد بلا كود يخلي تاع دارهم ويروحله مليار هههه
وباينة يجوك مادام ماكيش دايرة لكود

شابة هذي يخلي نتاع دارهم ويجي مدلي مود باس نتاعك دحمان هههه

وشخصيا كي تروح لنترنت مالدار مع جيراني ماعندي حتى مشكل ولحمد لله رانا دار وحدة والجيران كامل عندي لكواد تاعهم وكي ما يعجبنيش هذا نبدل ونخير لمليح فيهم وحتى كي نلقى لكود تبدل نخبط لباب ونقولهم يكتبوه فورقة نورمال على خاطر سابقهم بالخير وسنوات وهوما يكونكتو من عندي وملي كانت لنترنت فال والميكرو حاجه فال.


غيرتني واقيل نجي نجاوركم حتى يرجع الويفي عندي ههههه مليحة نتاع نخير ههههه خاطر خيرك سابق معاهم جاري هذا اللي كل ما يفسدلو نت يكونيكتي معايا لو نقولو انا كي شغل قتلو مدلي كلية ههه
وكي تكون لنترنت عندي في الدار مانبخل حتى واحد ثاني .

ميرسي على الرد ربي يحفظك

 

[ليليا مرام]

السلام عليكم ورحمة الله وبركاته
وعليكم السلام

فكرتيني في لي كانو يجو يقعدو برا اونفاس للباتيمون ويكونكتو من عندنا . ما فهمتش وعلاه راني في ليطاج السابع ويحكموه ! كيما انا نخرج برا في الكاغتيي نحكمو ! ولي حبسلي راسي مرة خرجت مت التيليفيغيك لي بعيد ع دارنا بمسافة عشر دقايق ! لقيت لي نوتيفيكاسيون وحدة ورا وحدة تدخل وما كنتش ماكتيفية ال ٣جي قلت منين حكم هذا غيزو ويفي ! نجي نشوف نلقاه حكم الغيزو تاع دارنا ! مي سيبا بوسيبل !!!

انا قولبلي برك وين تسكني تليفيغيك على قولتك وإيتاج ايه يا مديرتنا راكي فاريتها هههه انا هذاك تليفيغيك يخلصوني ما نطلع فيه نخاف يطيح وانا شابعة طيحات فحياتي تالمو غير ندور نزلق نطيح ما نقدرش نطلع فيه نتخيلو طاح من السما هههه

أنا دايرة المودباس وزيد لي فيلثخ يعني مدخلة ليزادغاس آيبي تاع الأجهزة تاع دارنا كامل من ميكروات لابتوبات تيليفونات تابلات أيباد ديموات وكل جهاز مانيش مدخلة الأي بي تاعو ما يكونش عندو آكسي مام عندو المودباس

سلميلي غير على باباك والفخونسي اللي علمهالك ههههههه وراكي بالحرف جايبتهل سوا سزا وانا نلحق عندك لازم نهدر معاك بلافاسو نتاعك هههه وليتي مشهورة بالآغ والآر ههههه
يعني يريحو رواحهم يفكؤو المودباس ولا يبيراطيون راني دايرة فيلثخ وسامحة غير للأجهزة لي أنا مقررة أنها تكونكتي تكونكتي غير هك فتفوتة تاع كونكسيون ما يشوفوها


راكي مسلحة ودايرة حساباتك هههه
زمان كانت نلقاهم كل يوم اونفاس لينا يحسسو وحاكمين تيليفون تيليفون نقول هذو وعلاه يجو هنا آخرتها كي فقت بلي نسيت الفيلثخ محلول ورحت قفلت عليهم بقاو شوية يسناو يقولك كاشما يفرج ربي قلت أسنا نشوف العقلية عاودت نحيت الفيلثخ وطليت عليهم لقيتهم قالو لبعض أو رجع هيا زدت قفلت لقيتهم قالو ااوف راح فهمت بلي تخوبيث يكوناكتيو من عندنا هيا خليتهم في أو راح حتى كرهو لقاو الحالة طولت فهمو بلي لا أمل راحو .


ههههه لعبت بيهم انا نتقلق كي يتلمو قدام الدار هذي تقلقني

مبعد بقاو يترددو ع لبلاصة ويلقاو الويفي مي ماكانش آكسي هيا كرهو بطلو يجيو . درك أنا لازم يشوفولي حل لاماه من طرف الدنيا يخرجلي الغيزو تاع دارنا ويكونكتيلي مام ع مسابقة تاع عشر دقايق مشي ع الأقدام


هذا خاطر كاباسيتي نتاع نت نتاعكم قاوية ديفوا يمد للبعيد وكي تكوني قدامة ما تحكيش يبغي البراني هههه
مغسي ع الموضوع كما تقول مديرتكم :p

دو غيا كيما تقولها مديرتنا هههه

 

[ليليا مرام]

معقول ؟! الى هذه الدرجه من قلة الحياء ؟!!
هؤلاء الذين يلتموا امام باب دار مو دارهم وجوههم مغسوله بمرق ..
كيف تسمح لهم ضمائرهم بالتجمهر امام منزلا ليس لهم به علاقه فقط من اجل سرقة نت من مودهم ..
حقيقه لم اسمع بمثل هذا الامر قبل هذا الطرح .. ولم اكن اتصور ان الناس وصلت بها السفاله لهذا الحد ..
لكن ضعي رقما سريا لمودمك وريحي بالك ..

سلام عليكم أخي بندر
ما تستغربش وهذه من إحدى مميزات الشعب الجزائري
نعم يجو عند بيبان وكلام طايح مرات نسمعو وفمرة فتحت الباب ورميت عليهم الما هههههه باه ما يزيدوش يرجعو حد وين رحت درت مود باس قلة تربية انو ليجون يتلمو قدام بيوت الناس ويكونيكتي لو جلر طلب مني مود باس نمدو عادي خاصة لو زوالي ما عندوش مي ليجون عند الباب هذي محال نقبلها
ايه راني قافلاتو
شكرا الرد لا تستغرب مازال نجيب مةاضيع تستغرب أكثر
شكرا

 

[الورد الأحمر]

دو غيا كيما تقولها مديرتنا هههه

هههه هاو ما قادراش نعاود نقتبس واش كتبتي داخل الإقتباس لي اقتبستيلي. افهيميها برك دخلت عليها اقتباس نقتبس اقتبستيلي مي نوغمالمون فهمتي

أنا نسكن في باتيمون فيها 12 إيطاج وأنا على ليطاج السابع ولاسونسوغ من زمان حبس والشعب مشحاح ما يحبش يحط دراهم باه يتخدم

والتيليفيغيك يوصلني لبلاصة قريبة من الدار بصح نزيد نمشي شي عشر دقايق هاني فهمتك وين نسكن .

أول مرة ركبت فيه حكمتني الخلعة مبعد سي بون بصح أول مؤة حبس بيا في السماء بقيت 20 دقيقة معلقة والثواني اللولين كي يحبس ويبقى يتحرك بيك في السماء حتى يحكم التوازن نحس روحي هك ونحكم في راسي ونعيط نوووووو ونحكي وحدي كي العادة يكونو لي في المراقبة يتفرجو فيا في الكاميرة ويسمعو واش نحكي ويضحكو

ونهار حبس بيا علابالك وين حبس ؟ فوق الجبانة تاع الأجانب قلت كون يطيح نجي طول مدفونة قبر مجاني لا يشقاو دارنا مع البلدية لا يتعبو

:kiss::kiss::kiss:

 

[ليليا مرام]

هههه هاو ما قادراش نعاود نقتبس واش كتبتي داخل الإقتباس لي اقتبستيلي. افهيميها برك دخلت عليها اقتباس نقتبس اقتبستيلي مي نوغمالمون فهمتي


وكيفاه ضرك كان لازم نرد عليك إتاب باغ إتاب هههههه عليها كان لازم نقتبس وانت إقتبسي اللي إقتبستو وردي هههه انت اللي فهمت
أنا نسكن في باتيمون فيها 12 إيطاج وأنا على ليطاج السابع ولاسونسوغ من زمان حبس والشعب مشحاح ما يحبش يحط دراهم باه يتخدم


راكي فالعلالي تتكسلي يعني نجي عك هبطيلي قهوة التحت انا فوق بخومياغ إتاج ما نطلعش
شعب ما عندوش ثقافة لاسونسوغ
والتيليفيغيك يوصلني لبلاصة قريبة من الدار بصح نزيد نمشي شي عشر دقايق هاني فهمتك وين نسكن .

خلاص راني عرفت انا من نخرج من تيليفيغيك وانا نعيط الورد الأحمغ مديغتنا هههههه حتى نلقاك
أول مرة ركبت فيه حكمتني الخلعة مبعد سي بون بصح أول مؤة حبس بيا في السماء بقيت 20 دقيقة معلقة والثواني اللولين كي يحبس ويبقى يتحرك بيك في السماء حتى يحكم التوازن نحس روحي هك ونحكم في راسي ونعيط نوووووو ونحكي وحدي كي العادة يكونو لي في المراقبة يتفرجو فيا في الكاميرة ويسمعو واش نحكي ويضحكو


يا يمى لوكان يحبس بيا يتقطعو الخيوط وانا نعيط هههههه

ونهار حبس بيا علابالك وين حبس ؟ فوق الجبانة تاع الأجانب قلت كون يطيح نجي طول مدفونة قبر مجاني لا يشقاو دارنا مع البلدية لا يتعبو

يا حوجي يدفنوك مع شاغلي وكخيستوف ههههه بعيد الشر عليك
:kiss::kiss::kiss:

شكغا مديغتنا