البرد يا جدك == قصة لا يعرفها إلا الجزائري == شاركونا تجاربكم

[جليلوس]

السلام عليكم
خاوتي خياتي ناس اللمة حبابي قاع كيما درتو
تولمووووند توحشتكم بزااااف وسبيسيالمون لقسمي المفضل الذي احب كل مرة زيارته
ولكن ماحبيتش نجي يديا فارغين واش راكم مع هذا البرد القارص الذي نمر به طيل هذه الفترة
وبالحديث عن البرد موضوعنا اليوم جاي نحكي انا والله نحكي مي نرقص رقص هههه

البرد يا جماعة البرد واش هذا تقول رانا في سيبيريا

في الصيف نحكو على الناموس والدخول التسللي تاعو
أما في الشتاء راني حاب نحكي على البرد القارص هدا تاع الصح قارص و يقرص هههههههه

ههههه تخرج للزنقة تلبس 20 لبسة والو تبرد تبرد
يفوت الماء يفوت تتشمخ ذراع يديك تقول راهم في كونجيلاتور
متقدرش حتى تبوجيهم جامدين

ديجا من تكون في لقراية ولا ليسي ولا الجامعة
تكون واقف ولا قاعد وترقص وحدك ههههه الاستاذ يهدر في جهة
وانت راك تهدر في جهة اخرى ههههههه حابيت تعرفو الجهة واش هههههههههه الدفى و لغطاء
و طبسي لوبيا سخووووون

و ميكرو و الرقاد وبيع لبلاد هههههه
المهم متبوجيش في نواحي التيارات البردية القارصة

سيرتو نحن الطلبة في الجامعة ومكان دراستنا كأننا في القطب الشمالي
و تعجبني حاجة تهدر والدخان خارج من الفم تقول four راه داخل شاعل تبالي روحي في روسيا انا نورمال هههه

والفت الله غالب البرد سكن في عظامي


بون راك رجعت للدار وهنا حكاية اخرى ناس تروح تريح انا نروح للشوفاج ديراكت
نذوب لجليد في صباعي ونزيد ندفي روحي شوي
درجة حرارة الجسم تحت الصفر هههه

قالك تحدي الماء البارد مجربوش
تحدي شتاء الجزائر القارص ههههههههه

ديجا نكتب و نبرد ههه طول نروح نلبس ملابس تاع 10 عباد
ونقعد نبرد نزيد نحكم بلاصة وندير 10 غطاوات و انغمس هههه

والو متشوف غير صباعي في لكلافيي رايحين جايين
حاب نفهم برك ناس القطب الجنوبي كيفاه راهم عايشين
كومام البرد عندهم يجي يقعد يريح فوق كرسي
ثلج نورمال ما يصرالو والو

اهنا يقيسنا البرد ايا نلبسو واش من بونيات
وواش من كاشنيات و مونتوات مانحكيلكش ههههه

و الحاجة الي تقتلني اكثر تقول بلعاني ولاما نعرف الشتاء تكون نورمال
حابسة كالم انا نخرج هي تبدى تقول عواصف .... وسمعوا بينا خارجين
انا نفوت نتخبى تولي نورمال انا نزيد نخرج ترجع تقول ديرها بالعاني
هههههههههههههههههههههه وقصتنا مع الثلوج عشق لا ينتهي معاناة ومغامرة

البرد راه داير فينا حالة املا غير اتغطاو مليح مليح
و ردو بالكم من
لاgريب راهي واعرة
.............................. ..........
وانتم وش راكم مع البرد هيا كل واحد يحكيلنا
علابالي بردتوا من الحكاية
واسمحولي على الحكاية بالدارجة للأسف لم اجد الكلمات المعبرة المناسبة
ربي يجيب الخير
تحياتي

​

 

[جليلوس]

@الورد الأحمر
@لؤلؤة قسنطينة
@سكون الفجر
@أم ياسمينdz
@yaso ياسمين
@حلم كبير
@الصحافية الساخرة
@ميلينا
@ربي اغفرلي
@missing heart
@كلارا
@صمت المشاعر
@♥نجلاء♥
@أشــواق 19
@Oum Loukmane
@habchisalaheddin
@ليليا مرام
@wissam 47
@الحلم الوردي
@قمر الوادي
@Malika Tlm
@Twinkle Stars
@Soumia hadj mohammed
@chirine zina
@قلم مغرور
@ملامح شاعر
@بشرى ملاك
@السحاب العابر
@الأزرق الملكي
@rycerz
@سلام نفسي
@*حزن النبلاء*
@طيب الكلام
@الأفق البعيد

 

[جليلوس]

@ميلينا
@Malika Tlm
@Twinkle Stars
@لؤلؤة قسنطينة
@قمر الوادي
@Soumia hadj mohammed
@chirine zina
@قلم مغرور
@ملامح شاعر
@صمت المشاعر
@ربي اغفرلي
@بشرى ملاك
@الصحافية الساخرة
@السحاب العابر
@الأزرق الملكي
@حلم كبير
@rycerz
@سلام نفسي
@الامين محمد
@*حزن النبلاء*
@طيب الكلام
@أم ياسمينdz
@habchisalaheddin
@آمِيْرَتُه
@الأفق البعيد
@عآشقة الجنـة
@يزيد 05

 

[جليلوس]

خويا @Skor m@k
سمحلي نا خيك راني لالجيري كاملة عيطتلها
قتلنا البرد يا محاينك .... ندورولك شوي دردشة ونروحو لفوق

 

[بشرى ملاك]

هههههههه والله صح ونسيت نيف حمر هههههه بردنا سبيسيال تاعنا وحدنا هههه

 

[cosette]

هههه البرد قارصٌ ههه le frois est citron هههه
ما هذاك الدخان ههه ولا منعرف شيسموه ههههه المفضل عندي فالشتا ههههه لازم نخرحو ونرسمو علی التاقۃ ه
وفي حكايۃ القرايۃ وحدها
تشظح وحدك تالمون كلاصتنا بارررررررده وعندنا وحد الشيخۃ مين تدخل لازم تحل التواقي متحسش بالبرظ واحنا njamdooo وهي لا اوبال ههه
وهذوك الزوح فورنوات فالكلاصۃ مايفو ماولو مديورين باظل
وفالظار رحمۃ ربي ممم متفكرنيش فالوبيا ولعدس ههههه
ونتلامو علی الربعۃ فورنوات ههه كيما نقولو حنا ورانا تماك
اﷲ يخليلي كواتي مصدر الدفیء ههههه
يعظيك الصحۃ خيو ^^

 

[جليلوس]

هههههههه والله صح ونسيت نيف حمر هههههه بردنا سبيسيال تاعنا وحدنا هههه

ياااا واه حقا كيفاه نسيتهاا
بن عمي كلشي في ريسانكم

 

[Cristal BR]

قريت موضوعك حكمتني القشعريرررررررة خخ
برد مش نورمال اصلا العبد لاف روحو بكوات و بسيف ما قادر يخرّج صبعو باه يكتب ههه
آلوغ نختصر و فرات
مشكوووور

 

[جليلوس]

هههه البرد قارصٌ ههه le frois est citron هههه
ما هذاك الدخان ههه ولا منعرف شيسموه ههههه المفضل عندي فالشتا ههههه لازم نخرحو ونرسمو علی التاقۃ ه
وفي حكايۃ القرايۃ وحدها
تشظح وحدك تالمون كلاصتنا بارررررررده وعندنا وحد الشيخۃ مين تدخل لازم تحل التواقي متحسش بالبرظ واحنا njamdooo وهي لا اوبال ههه
وهذوك الزوح فورنوات فالكلاصۃ مايفو ماولو مديورين باظل
وفالظار رحمۃ ربي ممم متفكرنيش فالوبيا ولعدس ههههه
ونتلامو علی الربعۃ فورنوات ههه كيما نقولو حنا ورانا تماك
اﷲ يخليلي كواتي مصدر الدفیء ههههه
يعظيك الصحۃ خيو ^^

ههههههه
مغامرااات والله سيرتو يمات البرد
ايا كل عام ونتوما بردانيييين ... صحيتي خيتي

 

[جليلوس]

قريت موضوعك حكمتني القشعريرررررررة خخ
برد مش نورمال اصلا العبد لاف روحو بكوات و بسيف ما قادر يخرّج صبعو باه يكتب ههه
آلوغ نختصر و فرات
مشكوووور

ههههههه هاا لازم تبردو اااو
الله يدفيها علينا وعلى كل فقير يرتجف في هذا البرد

العفو خيتي ربي يحفظك

 

[البحر الهادي]

البرد رغم أنه يؤثر علي إلا نزول الغيث شيء رائع
وخاصة الثلج توحشته
كنت نخدم في منطقة ينزل بها الثلج بزاف لكني غيرت مكان العمل بسبب البعد
يجعل القلب والعين تفرحان
أسأل الله أن لايؤاخذنا بذنوبنا

 

[Salah eddin]

السلام عليكم و رحمة الله
ههه
موضوع فوق رائع و وصف دقيق
لحالة البرد و الرعب الشتوي
ههه
بارك الله فيك خونا جليلوس
يستاهل الختم​

 

[جليلوس]

البرد رغم أنه يؤثر علي إلا نزول الغيث شيء رائع
وخاصة الثلج توحشته
كنت نخدم في منطقة ينزل بها الثلج بزاف لكني غيرت مكان العمل بسبب البعد
يجعل القلب والعين تفرحان
أسأل الله أن لايؤاخذنا بذنوبنا

واه وتحيا البرد ولي مايبغيش البرد يموت بردااان

خلي يصب عندنا ونبعتلكم الصور ومعاهم شوي في شكاير خخخخ

ربي يحفظك خيي .... آمين آمين ان شاء الله

 

[جليلوس]

السلام عليكم و رحمة الله
ههه
موضوع فوق رائع و وصف دقيق
لحالة البرد و الرعب الشتوي
ههه
بارك الله فيك خونا جليلوس
يستاهل الختم​

خويا صلاح حبيبي
صحيت على الإطراء والله قا حشمتني ااا جدك

الله يبارك فيك ان شاء الله ...
وشكرا على الختم

 

[Skor m@k]

السلام عليكم
علاه ياخويا جليلو علاه هههههههه
والله نقرى والقشعريرة تاع البرد طالعا من رجليا لراسي هههههه
انا كيما انت ديما تصرالي نشوف في الانترنت غدوا مكاش الامطار ههههه
ندي فيستا رقيقة ههههه انا نبعد على الدار شويا وتبدا التقلبات الجوية
مانحكيلكش خير ههههه الريح ينوض السماء تتلبد الضباب يجي تقول لندن
ممبعد تبدى الرعايشا الغير متناهية انا نهدر ونرعش من البرد
والى ماديتش البرابلي طيح وحد الأمطار هههههه الطوفان يامحاينك وخيك يولي كي الجاجة الشامخا هذيك هههههه
ونهار ندي البرابلي الشمس مسمشة والعصافير تزقزق والأزهار تتفتح
بصح غي البرد لي يزيد اكثر كي تصحى ههههههه
وخييك مالك يبقى نهار كامل شاد البرابلي يديا يجمدو
نبقى ندفي باليد والحدة فالجيب ههههههه
باش مانظلمش يدي كيما مايكل جاكسن لابس يد مونش والاخرى ديمي مونش هههههههه
معانات يامحاينك
علاش فكرتني هههههههه
يعطيك الصحة خوو اسمحلي طولت عليك مي
ان تصل متأخرا خير لك من ان لا تصل ابداهههههههههههه​

 

[جليلوس]

السلام عليكم
علاه ياخويا جليلو علاه هههههههه
والله نقرى والقشعريرة تاع البرد طالعا من رجليا لراسي هههههه
انا كيما انت ديما تصرالي نشوف في الانترنت غدوا مكاش الامطار ههههه
ندي فيستا رقيقة ههههه انا نبعد على الدار شويا وتبدا التقلبات الجوية
مانحكيلكش خير ههههه الريح ينوض السماء تتلبد الضباب يجي تقول لندن
ممبعد تبدى الرعايشا الغير متناهية انا نهدر ونرعش من البرد
والى ماديتش البرابلي طيح وحد الأمطار هههههه الطوفان يامحاينك وخيك يولي كي الجاجة الشامخا هذيك هههههه
ونهار ندي البرابلي الشمس مسمشة والعصافير تزقزق والأزهار تتفتح
بصح غي البرد لي يزيد اكثر كي تصحى ههههههه
وخييك مالك يبقى نهار كامل شاد البرابلي يديا يجمدو
نبقى ندفي باليد والحدة فالجيب ههههههه
باش مانظلمش يدي كيما مايكل جاكسن لابس يد مونش والاخرى ديمي مونش هههههههه
معانات يامحاينك
علاش فكرتني هههههههه
يعطيك الصحة خوو اسمحلي طولت عليك مي
ان تصل متأخرا خير لك من ان لا تصل ابداهههههههههههه​

ها لازم تبرد لازم
انا درتو باطل ها كيفاه

صحا يعيطلك واحد عزيز عليك والبرد ونتا نسيت الكيت و les gants
كيفاه تليكيديه ولا تقاود البرد ولا تكوبي صعيبة والله

بن عمي بردت انا تاني الجمرة حكمتني ... بصح راني نشوف الشعب كامل راه لفوق يدوور
مكاش لي راه يهبط لتحت خلاوني وحدي هنااا

صحيت خويا سكر الله يحلي ياماتك
توحشتك المقلووع

 

[Skor m@k]

ها لازم تبرد لازم
انا درتو باطل ها كيفاه

صحا يعيطلك واحد عزيز عليك والبرد ونتا نسيت الكيت و les gants
كيفاه تليكيديه ولا تقاود البرد ولا تكوبي صعيبة والله

بن عمي بردت انا تاني الجمرة حكمتني ... بصح راني نشوف الشعب كامل راه لفوق يدوور
مكاش لي راه يهبط لتحت خلاوني وحدي هنااا

صحيت خويا سكر الله يحلي ياماتك
توحشتك المقلووع

ههههه صح صعيبة بصح ساهلا تليكيديه سورتو الى كان حشومي هههه
نقولو ايا تروح لدار معايا ههههههه يقولي مرة اخرى هههه
من ثم اطلق الريح لرجليا ونبدا نبعد عليه خطوات الى الوراء حتى يفهم روحو ههههههههه
ليليا هي لي راهي مخليتهم لفوق ههههه
يتوحشك الخير

 

[جليلوس]

ههههه صح صعيبة بصح ساهلا تليكيديه سورتو الى كان حشومي هههه
نقولو ايا تروح لدار معايا ههههههه يقولي مرة اخرى هههه
من ثم اطلق الريح لرجليا ونبدا نبعد عليه خطوات الى الوراء حتى يفهم روحو ههههههههه
ليليا هي لي راهي مخليتهم لفوق ههههه
يتوحشك الخير

هههههه صحا وفي التيليفون كيفاه خخخخ
راني نشوف @ليليا مرام راها كيما الرتيلة مسدية لفوووق

طلي علينا شوي هنا طلي
الله يسلمك خيي

 

[Skor m@k]

هههههه صحا وفي التيليفون كيفاه خخخخ
راني نشوف @ليليا مرام راها كيما الرتيلة مسدية لفوووق

طلي علينا شوي هنا طلي
الله يسلمك خيي

باينا خويا جليلو انا نهار البرد ولا السخانة التيليفون ديما سيلونسيو ههههه
انا تعرفني نمشي غير مع الجو اللطيف والحنون والازهار متفتحة والحشيش اخضر والسماء زرقاء ههههههه

 

[ليليا مرام]

سلام جليلوس
هاني جيت لا رتيلة لا بوجعران هاني جيت
يا جليل انا والبرد ضراير ما نتفاهموش اصلا راني مريضة فهذي ايام البرد ليبروش فالبرد يةجعو بزاف
اختك فالشتا نقولك سبعمية طبقة نتاع حوايج ليفيزو بيجامة المقص ما يقطعهاش بوني تحسابي عساس الدالية وكي نخرج للطبيب فيستا فوق الحجاب وخمار وكاشني ولازم ليgوخاطر عكاز نشدو بيدي نبرد واذا بردت يرفدوني نحكيلك زمان ما نعرفش هذا الدخان الخارج من الفم هههههه وانا نضت صباح فدارنا راحا ليكول سعلت خرجت الدخان بقيت نشوف عينيا عوارو عاودت سعلت خرج وتنطلق البواقة نتاع المصادية بابا ربي يرحمو جا يجري نجري فلامور نقولهم نار شاعلة في فمي هههههه بابا ربي يرحمو كي وصل عندي يقولي وين نار وين يحساب فيا راني ننحرق هههه وليت نسعل ونقولو شوف جامي ننساها قعد فالارض ويبكي من الضحك قالي روحي تقراي يا المهبولة وسقسي معلمتك تفهمك ههههههه
والعام اللي فات رحت للأغواط يا حوجي با انا راهم دارولي تمثال هناك نزلت من طاكسي على 3نتاع صباح خرجت راسي تجمد عاودت دخلت قلت ليمى ما ننزلش ههههه برد برد يقتل عندهم جامي شفت برد كيما الجلفة والأغواط ربي معاهم زواولة هناك
ميرسي عالسوجي جليلوس