الْهَدْرَة ... دْرَاهم ...

[Salah eddin]

السلام عليكم و رحمة الله و بركاته

ناس اللمة صحيتو ... وش حالكم و احوالكم ؟ ... ان شاء الله راكم بخير ... الحمد لله اسي
يااااتل قولو الحمد لله ها ما نظلش نعاودلكم فيها ... هه
المهم ...راها عندي مدة ما كتبتش موضوع في ركن واش راك تهدر ههه راني لازها ق للحكايات في الركن تاعي ههه
ما تبداوش تصفقوا علابالي ...ههه
....
ياسيدي ... موضوع اليوم قلنا نهدرو فيه على ظاهر من الظواهر الي تخلي الواحد يستعجب ...و تخليه بلا راس ...
نهدرو على الجانب تاع الدراهم ... و قاع نحبو الدراهم ... و ما الى ذلك ...
بصح الموضوع يعني شبيه بمقارنة بين مختلف الفئات ...
بسم الله ... الاستاذ .. باه يخرج استاذ يقرّي .. .لازم معدل زين في الباك قبل .. و بعدا يدخل للمدرسة العليا للاساتذة ...باه يقرا ...باه يتخرج ...
امالا من الاول السيد داخل عليها جبيد و اخذ ...و في الاخير بعد ما يقرى حوالي 3 او 4 او 5 سنين في المدرسة العليا ..

باه يخرج استاذ يخلصحوالي 3 ملاين و شوية ...صح ...
الاستاذ الي ناجح في الكونكور تاع التعليم ...هاهو اكيد عندو على الاقل لا ليسونس ... و كي يجيب لاليسونس ... يقعد يعس و يقابر كاش كونكورات ...
كاش افيرات ق باه يدفع الدوسي المخلوق و كاشما ياكل فيه كسيرة ...
و بالمعريفة و سيدي عبد الله باه يدخل و يحكم كاش بوسط و يدخل يقرّي .. ثاني بحوالي 3 ملاين للشهار ...
الطبيب ... و أكدولي على كلمة طبيب زين و ماناش نهدرة على البريفي ... نهدرو على الي يخدم في القطاع العمومي ...الي قاري على الاقل 7 سنين ...
كي يتخرج اكيد راهم يلوحوه في الصحرا يخدم ...
و بالمعريفة و سيدي و سيدك باه يقدر يدخل يخدم في كاش سبيطار في الولاية تاعو ... و علاه ؟ .. ق باه يولي يخلص 5 ملاين و حاجة ولا 6 ملاين على الاكثر ... للشهر ...
...
و هذاك الي يلعب في اتحاد حجوط ... ولا يلعب في غالي معسكر ...ههه ويا للعجب ... يخلص في 70 ولا 80 مليون للشهر
ههه
و يجو يريكلامو و يقولك ... حقرونا صديقي !!! ههه
...
لا حول و لا قوة الا بالله
ايا السلام عليكم جماعة
ههه




​

 

[آمِيْرَتُه]

السلام عليك
تم الاعتماد قلبي راه معمر راك اختصرت معاناة لتتعب و تسهر و تكافح
خطرات تقول كون غير مقريتش لمقراش راه يخلص كثر مني مي معليش ربي كبير سبحانه
فكرتني بالشهرية نتاع تزيفو ليخلصها بلا فايدة ههه
يعطيك الصحة على الموضوع

 

[Salah eddin]

السلام عليك
تم الاعتماد قلبي راه معمر راك اختصرت معاناة لتتعب و تسهر و تكافح
خطرات تقول كون غير مقريتش لمقراش راه يخلص كثر مني مي معليش ربي كبير سبحانه
فكرتني بالشهرية نتاع تزيفو ليخلصها بلا فايدة ههه
يعطيك الصحة على الموضوع

و عليكم السلام ...
شكرا على الاعتماد
ياودي كن ما فناش المنكر و ما تعمرش القلب ما نحكوش
بصح الله قالب
الله يهدي ما خلق
و اجدد شكري ...​

 

[Hakan]

اهلا بيك خويا صلاح والله مشكل كبير وواقع يندى له الجبين لكل انسان متخرج من الجامعة سواء لقى وظيفة ولا لانو لما يقارن مع اللاعبين والبرلمانيين والوزراء واصحاب المنظمات تفهم بلي الدولة نتاعنا تسحق في فئة الطلاب والمثقفين بلعاني ومن بعد يقلك الطبيب علاه ما يداويش مليح ..لانو ما عطيتلوش شهرية مليحة المعلم ما يقريش مليح لانو يطلع حساب كرشو قبل لا يطلع حساب التلاميذ وهكذا ..لوكان في صغري علابالي تصرالي هكاك نروح ندير حارس مرمى في كاش فريق نظمن مستقبلي خخخخ وكي نعتزل في الثلاثين نكمل قرايتي عادي هههه​

 

[Salah eddin]

اهلا بيك خويا صلاح والله مشكل كبير وواقع يندى له الجبين لكل انسان متخرج من الجامعة سواء لقى وظيفة ولا لانو لما يقارن مع اللاعبين والبرلمانيين والوزراء واصحاب المنظمات تفهم بلي الدولة نتاعنا تسحق في فئة الطلاب والمثقفين بلعاني ومن بعد يقلك الطبيب علاه ما يداويش مليح ..لانو ما عطيتلوش شهرية مليحة المعلم ما يقريش مليح لانو يطلع حساب كرشو قبل لا يطلع حساب التلاميذ وهكذا ..لوكان في صغري علابالي تصرالي هكاك نروح ندير حارس مرمى في كاش فريق نظمن مستقبلي خخخخ وكي نعتزل في الثلاثين نكمل قرايتي عادي هههه​

اهلا خويا حكيم ...
يعطيك الحصة ... الطبيب كي ما يخدمش زين يقولو علاه ... و هو راه يخلف في الظروف المزرية الي راهم دايرينو فيها
و الاستاذ كي يمكر راه ثاني يخلف في المكر لي راهم دايرينو فيه
و حنا راحت علينا هه كن درنا كاش افير مع امل الاربعا و لا امل بوسعادة و لا اتحاد ولاد نايل ههه خير من القراية ههه
يعطيك الصحة خويا حكيم ...


​

 

["viola"]

السلام عليكم
و الله صح عند الحق صلاح خويا ديجا الجو تاع الخدمة مهوش موفرلك تلقا روحك كاري و تخدم 90كلم على مكان الاقامة و زيد مصاريف اخرى تظل تهمبر
و مبعد تجي تقولك الديفو فالاستاذ علابيها نتائج التلاميذ هابطة و لا الطبيب ميخدمش خدمتة مليح و لا ..ها وفرلي نقدر ننتج انا -__-
و لخرين الراحة و الاستجمام و باسبور احمر خخخ نروح نموت و نجي دقيقة -_-​

 

[Salah eddin]

السلام عليكم
و الله صح عند الحق صلاح خويا ديجا الجو تاع الخدمة مهوش موفرلك تلقا روحك كاري و تخدم 90كلم على مكان الاقامة و زيد مصاريف اخرى تظل تهمبر
و مبعد تجي تقولك الديفو فالاستاذ علابيها نتائج التلاميذ هابطة و لا الطبيب ميخدمش خدمتة مليح و لا ..ها وفرلي نقدر ننتج انا -__-
و لخرين الراحة و الاستجمام و باسبور احمر خخخ نروح نموت و نجي دقيقة -_-​

و عليكم السلام
اهلا اختي فيولا ... يعني كن يقيمو الاستاذ و الطبيب و المهندس و الاداري .. يولي كل واحد يخدم خدمتو كما ينبغي
بصح هوما مخليين الحالة هاملة ... و يحسو على الانتاج و الانتاجية
و في ظروف كيما هذي ... الدجاج و يحبس انتاج البيض هه
شكرا على مرورك ...


​

 

[الامين محمد]

شفت كيف خويا صلاح
لوكان نحسبوها بالعقل برك
لو وليد تحبسه من القراية و هو في سن 15 سنة و تبدا تعلم فيه الكوفرويات و كيف
يضرب بالانتريار و ليكستاريير و كيف يعمل غراف و تعلمه الترويض الموجه و التمريرات
بعد 5 سنين تلعبه في كاش أيكيب يدخل 100 مليون و مبعد يولي محلل في الهفاف يخلص 35 مليون
و منبعد ولي عضو مع زطشي في الاتحادية يخلص 40 مليون و يعطيها للتحواس كل نهار في بلاص
موش أفار خير من تكسار الراس ياك بعد سبع سنين رايح تلقى روحك تخدم مع الللي خسر الباك 7 مرات و قرا براميديكال
تلقى روحك لابس طابلية بيضة و هو تان لابس طابلية بيضة و مع هو شباب ضارب تحفيفة الله الله
و القلب مهني و طالع النور على وجهه تحسب هو طبيب موش نت صلاح هههههههههههههه

 

[Salah eddin]

شفت كيف خويا صلاح
لوكان نحسبوها بالعقل برك
لو وليد تحبسه من القراية و هو في سن 15 سنة و تبدا تعلم فيه الكوفرويات و كيف
يضرب بالانتريار و ليكستاريير و كيف يعمل غراف و تعلمه الترويض الموجه و التمريرات
بعد 5 سنين تلعبه في كاش أيكيب يدخل 100 مليون و مبعد يولي محلل في الهفاف يخلص 35 مليون
و منبعد ولي عضو مع زطشي في الاتحادية يخلص 40 مليون و يعطيها للتحواس كل نهار في بلاص
موش أفار خير من تكسار الراس ياك بعد سبع سنين رايح تلقى روحك تخدم مع الللي خسر الباك 7 مرات و قرا براميديكال
تلقى روحك لابس طابلية بيضة و هو تان لابس طابلية بيضة و مع هو شباب ضارب تحفيفة الله الله
و القلب مهني و طالع النور على وجهه تحسب هو طبيب موش نت صلاح هههههههههههههه

راك تشوف ههه
السيد تاع الباراميديكال يولي خير مني ههه
و يخدم خير مني ههه النهار ب نهارين ههه
و الله ق تحير في بلاد العجائب ههه دنيا الطرائف ههه


​

 

[لؤلؤة قسنطينة]

السلام عليكم
رانا الحمد لله يسقسي عليك الخير هههه
بصراحة عندك الحق خويا صلاح كلام في محلو درك في وقتنا حسب واش نشوفو راهم يشجعو الشعب
انو مايقرا مايدير شهادات يخمم غير كيفاه يجمع أكبر عدد تاع دراهم وبأسرع طريقة
اصلا ولينا بعد نخممو في الدراهم قبل الدراسة لو تحكم طفل صغير تسقسيه تقولو واش حاب تولي كي تكبار
مايقولش نولي معلم نوصل رسالة للاطفال ولا طبيب ننقذ حياة المرضى يقولك طول حاب نولي وزير
باه نربح بزاف دراهم، يعني لدرجة واحد ماراهو يدي حقو ولينا عايشين بعقلية الدراهم ونحوسو برك
كيفاه نجيبو الدراهم بأسرع طريقة، لو جا كل عامل يدي حقو كن مايصراش هكا
وهكاك نقولو الحمد لله 3 ملاين خير من واحد يدي 1 ولا 2 برك للشهر ولا مايخدمش خلاص
ربي يجيب الخير ان شاء الله
شكرا خويا صلاح على الموضوع بارك الله فيك
تحياتي
​

 

[Salah eddin]

السلام عليكم
رانا الحمد لله يسقسي عليك الخير هههه
بصراحة عندك الحق خويا صلاح كلام في محلو درك في وقتنا حسب واش نشوفو راهم يشجعو الشعب
انو مايقرا مايدير شهادات يخمم غير كيفاه يجمع أكبر عدد تاع دراهم وبأسرع طريقة
اصلا ولينا بعد نخممو في الدراهم قبل الدراسة لو تحكم طفل صغير تسقسيه تقولو واش حاب تولي كي تكبار
مايقولش نولي معلم نوصل رسالة للاطفال ولا طبيب ننقذ حياة المرضى يقولك طول حاب نولي وزير
باه نربح بزاف دراهم، يعني لدرجة واحد ماراهو يدي حقو ولينا عايشين بعقلية الدراهم ونحوسو برك
كيفاه نجيبو الدراهم بأسرع طريقة، لو جا كل عامل يدي حقو كن مايصراش هكا
وهكاك نقولو الحمد لله 3 ملاين خير من واحد يدي 1 ولا 2 برك للشهر ولا مايخدمش خلاص
ربي يجيب الخير ان شاء الله
شكرا خويا صلاح على الموضوع بارك الله فيك
تحياتي
​

و عليكم السلام و رحمة الله
الحمد لله اسي ههه ...
اما الموضوع ... صراحة الموضوع هذا راه واقع معاش ...
ناس قارية و فاهمة راهم يعانو
و ناس ق لعب و داخلين عليها تيكيات راهم يصورو في الملاين
و اخدم ارضك يا فلاح ...
شكرا على مرورك الجميل اختي مريم ...

​

 

[dahman kz]

وقتنا هدا وقت مادة ولقراية في وقتنا هذا ينجح منها غير للي يخدم بيها عند روحو .. اما للي يقرو ومن بعد يخدمو عند الدولة الاغلبية راهم خاسرين وتاعبين مساكن
وللاسف لقراية في لغالب ماتعيشش مولاها في وقتنا هدا
ولمعيشة فوقتنا هدا دراهم واللي يصور اكثر دراهم من خوه يعيش خير من خوه.

 

[Salah eddin]

وقتنا هدا وقت مادة ولقراية في وقتنا هذا ينجح منها غير للي يخدم بيها عند روحو .. اما للي يقرو ومن بعد يخدمو عند الدولة الاغلبية راهم خاسرين وتاعبين مساكن
وللاسف لقراية في لغالب ماتعيشش مولاها في وقتنا هدا
ولمعيشة فوقتنا هدا دراهم واللي يصور اكثر دراهم من خوه يعيش خير من خوه.

صحيت خويا دحمان ... الحكاية ولات دراهم صايي
القاري يقرا و القافز يجمل الصوارد هه
وش نقولو ... الله يسلكها على خير و خلاص
​

 

[الصحافية الساخرة]

السلام عليكم و رحمة الله
راني رجعت هههراك معمر حبشي ، بصح أنا مكنتش علابلي بلي الاستاذ يخلص 3 ملاين ؟؟ يخلص كثر ، المهم حنا نظلوا نقارنوا ارواحنا بالناس على هذي مكانش بركة دوك كنت تبكي على خدمة ومن بعد كي لقيتها وليت تشكي من الشهرية ناقصة !! تحير و ما تفهمش .. و الله يا صلاح يا لوكان عشرين مليون يا شعبنا غير ماهو تاع مسؤولية

واش راه يدير طبيب اللي حاطينه فالسبيطار ، عشرة تاع فرمليات معاه هو مكسل فالبيروا يدخل مريض يتشنف عليه قال واش يوجعك تم تم يكتبلك وصفة وروح ربي يسهل عليك و اونبليس يعطيك رانديفوا منا و 15 يوم تكون انت بريت و راك تشطح الزومبا فالدار هكا هو يتهنى منك و متوليش عنده .. دوك 6 ملايين ولات قليلة ؟؟ اووو و الله ما نقنعوا واش دخلني أنا فالجوور يخلص 60 مليون ربي يسهل عليه ، ها الدليل بلي معمرينهم بالشكاير تاع دراهم و ماهمش شابعين و مامبا يطلعوا للدور الأول هههه شفت بلي ماش تاع مسؤولية شعبنا ... مالا مساكن تاع لانام يخلصوا مليون و 500 مية و يخدموا كتر على المدير هههه و تلقاه متزوج و بالدراري مسكين يظل يخدم ما يحبسش على جال مليون .. انا ما نستعرفش بيك قريت طبيب و لا استاذ علاه ؟ غير باش تصور دراهم ولا كانت أمنيتك و حلمك و حبك لهذا المجال خلاك تقرى هاك و لا فالاول بانتلك راح تصور دراهم كبار و تبني القصور ؟؟ اااه هنا نستنتجوا بلي أحلامنا مجرد احلام نقذية دينارية ماشي غايتنا نطمحوا كتر ، حنا هنا آخرتها يفتح وحدوا و كي تفوت عندوا يدي 140 الف مامبا تعب شاف واش عندك ديراكت يكتب دوا و الله لا بريت ،، خليك قرالي طبيب 7 سنين برك ومن بعد ولي اشرب لي لفيتامين باش تقدر تخدم مخك هههه ااه وعلاه ما تكملش قرايتك و تروح بعيد خير تطلع النيفوا و تولي تخلص كتر ،، حنا طبيب عام يضرب بارزار و يقولك عندك التهاب و معرف واش روح تلعب القراقب خيير ،،، و الله المسؤولية لازمها تعب و ماشي نخمموا غير فالدراهم و نظلوا نقارنوا ارواحنا بالاخرين خاطر هكا رانا راح نفقدوا النعم اللي راها عندنا

و ربي ساخطنا ديجا على هذي ديجا ، ما نحمدوه على حتى شي و نظلوا نشكوا .. ربي يهدينا ، وان شاء الله تفرج على كل واحد ..

ومرسي على الموضوع

 

[Salah eddin]

السلام عليكم و رحمة الله
راني رجعت هههراك معمر حبشي ، بصح أنا مكنتش علابلي بلي الاستاذ يخلص 3 ملاين ؟؟ يخلص كثر ، المهم حنا نظلوا نقارنوا ارواحنا بالناس على هذي مكانش بركة دوك كنت تبكي على خدمة ومن بعد كي لقيتها وليت تشكي من الشهرية ناقصة !! تحير و ما تفهمش .. و الله يا صلاح يا لوكان عشرين مليون يا شعبنا غير ماهو تاع مسؤولية

واش راه يدير طبيب اللي حاطينه فالسبيطار ، عشرة تاع فرمليات معاه هو مكسل فالبيروا يدخل مريض يتشنف عليه قال واش يوجعك تم تم يكتبلك وصفة وروح ربي يسهل عليك و اونبليس يعطيك رانديفوا منا و 15 يوم تكون انت بريت و راك تشطح الزومبا فالدار هكا هو يتهنى منك و متوليش عنده .. دوك 6 ملايين ولات قليلة ؟؟ اووو و الله ما نقنعوا واش دخلني أنا فالجوور يخلص 60 مليون ربي يسهل عليه ، ها الدليل بلي معمرينهم بالشكاير تاع دراهم و ماهمش شابعين و مامبا يطلعوا للدور الأول هههه شفت بلي ماش تاع مسؤولية شعبنا ... مالا مساكن تاع لانام يخلصوا مليون و 500 مية و يخدموا كتر على المدير هههه و تلقاه متزوج و بالدراري مسكين يظل يخدم ما يحبسش على جال مليون .. انا ما نستعرفش بيك قريت طبيب و لا استاذ علاه ؟ غير باش تصور دراهم ولا كانت أمنيتك و حلمك و حبك لهذا المجال خلاك تقرى هاك و لا فالاول بانتلك راح تصور دراهم كبار و تبني القصور ؟؟ اااه هنا نستنتجوا بلي أحلامنا مجرد احلام نقذية دينارية ماشي غايتنا نطمحوا كتر ، حنا هنا آخرتها يفتح وحدوا و كي تفوت عندوا يدي 140 الف مامبا تعب شاف واش عندك ديراكت يكتب دوا و الله لا بريت ،، خليك قرالي طبيب 7 سنين برك ومن بعد ولي اشرب لي لفيتامين باش تقدر تخدم مخك هههه ااه وعلاه ما تكملش قرايتك و تروح بعيد خير تطلع النيفوا و تولي تخلص كتر ،، حنا طبيب عام يضرب بارزار و يقولك عندك التهاب و معرف واش روح تلعب القراقب خيير ،،، و الله المسؤولية لازمها تعب و ماشي نخمموا غير فالدراهم و نظلوا نقارنوا ارواحنا بالاخرين خاطر هكا رانا راح نفقدوا النعم اللي راها عندنا

و ربي ساخطنا ديجا على هذي ديجا ، ما نحمدوه على حتى شي و نظلوا نشكوا .. ربي يهدينا ، وان شاء الله تفرج على كل واحد ..

ومرسي على الموضوع

و عليكم السلام و رحمة الله
اهلا صحافية ... قلبي معمر..بصح غلى حساب الشوفة قلبك معمر اكثر ههه ...
... و عنوان الموضوع " الهدرة دراهم "
رانا نعرفو القيم و انو الواحد يختار مثلا يكون طبيب او استاذ باه يحقق حلمو و ما الى لك
لكن موضوعي هدرت فيه على حاجة من اهم الاشياء في الحياة وهو المال ...
و ما تقوليش ما تكومباريش روحك بالقاشي ... لا سي نورمال نكومباري .. رانا في بلاد وحدة ...
و المكانات تتفاوت من واحد لواحد ...
حنا هدرنا قلنا لازم كل واحد يعطولو قدرو ... نتي تقولي الطبيب في السبيطار قاعد في البيرو و كذا و يخدم نص خدمة " في مفهوم كلامك فقط "
لو الطبيب يعطولو حقو ... و يقيموه ... و يقيمو على الاقل المشوار تاعو الي تعب فيه و شاف فيه الامرين
و يديرولو شهرية تاع لاعب كرة قدم ... يولي يخدم في خدمتو و زيادة و على اكمل وجه
هذي لي حبيت نلحق ليها انا في موضوعي
اما اللاعب الي ما هو يقدم حتى فايدة للمجتمع .. نلقاوه يلخص ​

 

[الصحافية الساخرة]

و عليكم السلام و رحمة الله
اهلا صحافية ... قلبي معمر..بصح غلى حساب الشوفة قلبك معمر اكثر ههه ...
... و عنوان الموضوع " الهدرة دراهم "
رانا نعرفو القيم و انو الواحد يختار مثلا يكون طبيب او استاذ باه يحقق حلمو و ما الى لك
لكن موضوعي هدرت فيه على حاجة من اهم الاشياء في الحياة وهو المال ...
و ما تقوليش ما تكومباريش روحك بالقاشي ... لا سي نورمال نكومباري .. رانا في بلاد وحدة ...
و المكانات تتفاوت من واحد لواحد ...
حنا هدرنا قلنا لازم كل واحد يعطولو قدرو ... نتي تقولي الطبيب في السبيطار قاعد في البيرو و كذا و يخدم نص خدمة " في مفهوم كلامك فقط "
لو الطبيب يعطولو حقو ... و يقيموه ... و يقيمو على الاقل المشوار تاعو الي تعب فيه و شاف فيه الامرين
و يديرولو شهرية تاع لاعب كرة قدم ... يولي يخدم في خدمتو و زيادة و على اكمل وجه
هذي لي حبيت نلحق ليها انا في موضوعي
اما اللاعب الي ما هو يقدم حتى فايدة للمجتمع .. نلقاوه يلخص ​

هههههه راني قلتلك يا صلاح بلي حتى لو يخلصوه بالملايير تم وين يزيد يولي فنيان و ما يكونش عند مسؤوليتو .. رانا نعرفوا شعبنا كي داير ، يخدمو نص خدمة حتى لو يخلصوهم مليح مكلاه نغطو الشمس بالغربال مالا خلي يخلصوا 6 ملاين برك و يخدمو نص خدمة معليش المهم ما يخلصوش كتر و يولو ما يخدموش خلاص هههه انا ما خرجتش على موضوعك حللت شوي برك ههه

و توتفاسون نخرج على الموضوع مادام راك تديروا قيمة لجلد منفوخ اي هكا تصرى ههههه درناها لاواحنا مالا نسكتوا وخلاص

 

[Salah eddin]

هههههه راني قلتلك يا صلاح بلي حتى لو يخلصوه بالملايير تم وين يزيد يولي فنيان و ما يكونش عند مسؤوليتو .. رانا نعرفوا شعبنا كي داير ، يخدمو نص خدمة حتى لو يخلصوهم مليح مكلاه نغطو الشمس بالغربال مالا خلي يخلصوا 6 ملاين برك و يخدمو نص خدمة معليش المهم ما يخلصوش كتر و يولو ما يخدموش خلاص هههه انا ما خرجتش على موضوعك حللت شوي برك ههه

و توتفاسون نخرج على الموضوع مادام راك تديروا قيمة لجلد منفوخ اي هكا تصرى ههههه درناها لاواحنا مالا نسكتوا وخلاص

ههه و الله يا نتي وحدك صح ههه
ماينة ليك ههه​

 

[ليليا مرام]

السلام عليكم
بون يا السي اللي ماراحش تعجبك 6ملاين للشهر شعال حبيت يخلصوك اسمع نقولك ماين شي أطباء 500 خسارة فيهم وين راه طبيب اللي يخدم فالصحرا راني نشوف فيهم يخدمو قدام ديارهم يروح يتغدى فدارهم وبجيبها من 12 لل3 وهو يفطر تتمسخر بينا اهدر على حاجة ما نعرفوهاش الشي هذا نعرفوه رانا نشوفو فيهم وبالذات انا حياتي كاملة سبيطارات انا من عندحي طبيب ولو يقرا عشرين سنة لو جيت وزيرة 500 خسارة فيه نروحو للأساتذة تهدر تقولي قراو قراو الأطباء قراو قراو واش راحلنا فيكم تبغي توصل لحاجة لازم تقرا والا تزيد عالم
نزيد المعلمين 3ملاين عندهم العطل عندهم النسا تولد كل عام كالأرنب 3 أشهر مريحة وخالصة تدخل لكلاصة من بيرو دير مسطرة فيها 7 مترات للصبورة ما تنوض ما تشقي عمرها وتعطيهم تمرين وتجيها صحبتها وليك ليا تحكي على راجلها وعجوزتها ولبستها ترن ترن صونات تروح تلقط لمجة التلاميذ كاش ما تدي زوج حبات بيض ووحدة أكتيفيا وركزلي على الخبز طبقوا فالكرطاب وراهي ضمنت الغدا
روح شوف ناس من 5 نتاع صباح لل 5 العشية يدي نتاع شبكة ب 500 الف شوف مانوفري يضرب البالا نهار كامل يدي 70 الف لا لاسورونس لا كارت شفا لا روتريت ونهار خدام وعشرة لالا بالمختصر لو نشوفو اعمال فيها تعب وخلصة قليلة ما تبانش قدام واش راك تهدر طبيب سماعة وطابلية بيضا ويجوز للمرضى بالستيلو من بعيد وحافظين نفس الدوا لgاع النرضى
اما الجوور ماراهيش غير فدزاير فالعالم كامل نتاع البالو أغلى أجر
إمالا أحمد ربي وبلع فمك

 

[Salah eddin]

السلام عليكم
بون يا السي اللي ماراحش تعجبك 6ملاين للشهر شعال حبيت يخلصوك اسمع نقولك ماين شي أطباء 500 خسارة فيهم وين راه طبيب اللي يخدم فالصحرا راني نشوف فبهم يخدمو قدام ديارهم يروح يتغدى فدارهم وبجيبها من 12 لل3 وهو يفطر تتمسخر بينا اهدر على حاجة ما نعرفوهاش الشي هذا نعرفوه رانا نشةفو بيهم وبالذات انا حياتي كاملة سبيطارات انا من عنظي طبيب ولو يقرا عشرين سنة لو جيت وزيرة 500 خسارة فيه نروحو للأساتذة تهدر تقولي قراو قراو الأطباء قراو قراو واش راحلنا فيكم تبغي توصل لحاجة لازم اقرا والا تزيد عالم
نزيد المعلمين 3ملاين عندهم العطل عندهم النسا تولد كل عام كالأرنب 3 أشهر مريحة وخالصة تدخل لكلاصة من بيرو دير مسطرة فيها 7 مترات للصبورة ما تنوض ما تشقي عمرها وتعطيهم تمرين وتجيها صحبتها وليك لبا تككي على راجلها وعجوزتها ولبستها ترن ترن صونات تىوح تلقط لمجة التلاميذ ماش نا تدي زوج حبات بيض ووحدة أكتيفيا وركزلي على الخبز طبقوا فالكرطاب وراهي ضمنت الغدا
روح شوف ناس من 5 نتاع صباح لل 5 يدي نتاع شبكة ب 500 الف شوف مانوفري يضرب البالا نهار كامل يدي 70 الف لا لاسورونس لا كارت شفالا روتريت ونهار خدام وعشرة لالا بالمهتصر لو نشوفو اعنال فيها تعب وخلصة قليلة ما تبانش قدام واش راك تهدر طبيب سماعة وطابلية بيضا ويجوز للمرضى بالستيلو من بعيد وحافظين نفس الدوا لgاع النرضى
اما الجوور ماراهيش غير فدزاير فالعالم كامل نتاع البالو أغلى أجر
إمالا أحمد ربي وبلع فمك

شوفي في الحقيقة اقتسبست ردك باه نقولك و عليكم السلام برك
هههه
هذاماكان ههه قلبك معمر و خايف لتطرطقي علينا هنا
هههه


​

 

[ليليا مرام]

شوفي في الحقيقة اقتسبست ردك باه نقولك و عليكم السلام برك
هههه
هذاماكان ههه قلبك معمر و خايف لتطرطقي علينا هنا
هههه


​

وعليكم السلام
ايه فاقو عارف عندي الحق
نجو للصح نشوفو لناس غيرنا قولي انت طبيب تدي ست ملاين علاه جاتك قليلة انت تشوف لتعبك وقرايتك سبع سنين راك كل شهر تدي 6ملاين خير وبركة اسيدي وين راهي دولة تخلص الناس كامل واش قراو بركا من تمسخير روح دير مقارنة مع برلماني قاعد يسخن فالكرسي يرفد يدو يدي 80 مليون هذيك راني معاك جوور قال يجري ويتعب هذاك قاعد يدي 80 اما طبيب والأساتذة يسمحولي ما عندهم ما يزيدو ودايما نشوفو للأقل منا خدمة شقا وتعب وعندو عايلة ويدي مليون. ونص يهبل زوج ملاين هذو واش يقولو وناس تدي 500 وتعب نهار كامل امالا أحمدوا ربي