طريقة تحضير الفطـير من مطبخ ~ عآشقة الجنة ~

[ضآحكة مستبشرة]

السلام عليكم و رحمة تعالى و بركاته
اليوم حبيت نوريلكم طريقة تحضير " الفطير " حنا هكا نقولولها نتوما معلباليش
الطريقة حسب منطقتي و عآئلتي

أول حاجة نحتاجوها هي " الجفنة "



و نحتاجو الفرينة او السميد كل واحد باش يحبها انا درت نص فرينة و نص سميد و اكيد لازم نغربلوهم



بعدها نخلطو السميد و الفرينة مع بعض حتى يتخلطو مليح نجبدوهم على جنب و نضيفو الملح عينك هي ميزانك على حساب العجين


و مبعد نضيفو فوقو الزيت هنا اختيارية تحبي زيت صونڨو ولا زيت الزيتون



و بعدها ضيفو الماء و خلطو حتى يذوب الملح



و ابداو تخلطو حتى تتجانس كل المكونات و تولي عجينة كيما في الصورة



انا قسمت العجينة الى اربع خبزات




درت الطاجين فوق الفورنو يسخن و في تلك الأثناء خبزت الخبزة الاولى حتى ولات كيما في الصورة





درتها فوق الطاجين على نار عالية و نحيتها كي رجع لونها ذهبي








و في الاخير شهية طيبة



زووووووم :Love:




ان شاء الله يكون شرحلي مفهوم

بصحتكم في امان الله
​

 

[ريحـان]

ممم الله يبارك يشهي
رغم انو في منطقتنا
نديرو خبز دار عادي
بصح نموت على هذ
النوع يقولو تاني
الكسرة ​

 

[آمِيْرَتُه]

السلام عليك
نفس الطريقة يعطيك الصحة حبيبتي

 

[ضآحكة مستبشرة]

ممم الله يبارك يشهي
رغم انو في منطقتنا
نديرو خبز دار عادي
بصح نموت على هذ
النوع يقولو تاني
الكسرة ​

الله يبارك فيك حبيبتي ^^
ايه حبيبتي تختلف انواع الكسرة من منطقة لاخرى
بنينة بزاااف الفطير خاصة بزيت الزيتون
نورتي حبيبة ​

 

[ضآحكة مستبشرة]

السلام عليك
نفس الطريقة يعطيك الصحة حبيبتي

و عليكم السلام امونتي ^^
الله يسلمك نورتي ^^
​

 

["viola"]

ههههههه كون يقولولي بدلي خوك بخبزة فطير نبدلو خخخخ نموت عليه سيرتو مع قهوة لعشية p:
خخخ كون يسمعني ههههه
مرسي اسوم ​

 

[chirine zina]

الله يبارك راكي طباخة ههههه
حنا نقولولها كسرة وكاين لي يطيبها على طاجين الطين كيما نتي هكا وكاين لي يطيبها على الطاجين نتاع لحديد
يعطيك الصحة ختي

 

[ضآحكة مستبشرة]

ههههههه كون يقولولي بدلي خوك بخبزة فطير نبدلو خخخخ نموت عليه سيرتو مع قهوة لعشية p:
خخخ كون يسمعني ههههه
مرسي اسوم ​

هههههه علاش مسكين ياك عندك واحد ماشي عشرة
و أنا ثاني نحبها بزاف و شحال نتوحشها كي نكون في لاسيتي هههههه
نورتي آمون و بلا مزية
شكرا ^^​

 

[ضآحكة مستبشرة]

الله يبارك راكي طباخة ههههه
حنا نقولولها كسرة وكاين لي يطيبها على طاجين الطين كيما نتي هكا وكاين لي يطيبها على الطاجين نتاع لحديد
يعطيك الصحة ختي

الله يبارك فيك حبيبتي شيرين
حنا الكسرة حاجة اخرى عدنا و لي هي خبز خمير
كل منطقة و عاداتها و طريقة تحضيرها
الله يسلمك حبيبتي
نورتي ^^​

 

[قطر الندىdz]

السلام عليكم ورحمة الله وبركاته
حتى حنا نديروها هك ونقولولها الفطير ماشاء الله خرجت هايلة

 

[cosette]

السلام عليكم
يممممم نموت عليه هذه مدة مدرتوش هههه
مندرلهش السميد مضاري
يعطيك الصحة ختيتو
بصحتكم
صحة قهيوتكم :kiss:​

 

[السلطانة]

وعليكم السلام ورحمة الله وبركاته
يابنتي كسرة ولبينة كيما يقولو وتحلى الحياة
سورتو بزيت الزيتون :Love::Love::Love::Love::Love:
الله يبارك خبزتيه هايل تسلم يديك
:kiss:

 

[*رحيق الزهور*]

السلام عليكم
نمووت عليها هادي الكسرة
يعطيك الصحة حنونة

 

[سكون الفجر]

تسلم ايديكِ حبوبتي على الوصفة وطريقة العمل
سهلة وواضحة
بارك الله فيكِ​