تآرتولات سهلة و اقتصادية ~ من مطبخ عآشقة الجنة ~

[ضآحكة مستبشرة]

السلام عليكم و رحمة الله تعالى و بركاته

اهلا و سهلا بكن زائرات و عضوات منتدى اللمة و ركن الحلويات خاصة

قبل أيام جربت لأول مرة لي تارتولات و بصراحة كانت النتيجة رائعة جدا خاصة الذوق حبيت نشاركم تحضيري لهذه الحلوة

أولا المقادير :



نحتاجو 125 غ زبدة
حبة بيض
نص كاس زيت و نص كاس سكر عادي
نعرف صغيرة خميرة
و لافاني انا درت شوية قارص باش يمد نكهة في بلاصتها

خلطت المكونات حتى ولاتلي عجينة



مبعد جبت لي مول



و درت كويرات صغار و درت العجينة في لي مول و ثقبتهم بالفرشيطة






و مبعد درتهم يطيبو على نار متوسطة بعد ما تكوني شعلتي الفرن سخن من قبل
كي يولي لونهم ذهبي نحوهم و نخلوهم يبردو و بعدها نعمروها بالكريمة لي تحبو انا قسمت الحشو على ثلاثة
درت شوية بكريمة الليمون و لي فيها زوج صفار بيض و ثلث مغارف كبار سكر و عصير حبة ليمون و 125 غ زبدة



و شوية بكريم باتيسيار لي فيها نص لتر حليب و ربع مغارف كبار سكر و لافاني و ثلث مغارف كبار مايزينة
و درت فوقهم قفريط مرحي



و شوية لي بقات عمرتها بمعجون السفرجل و درت فوقو قفريط مرحي ايضا



انا درت بمكونات بسيطة لي متوفرة عندي في الدار و التزيين حسب الرغبة





و شهية طيبة












في امان الله ^^​

 

[cosette]

السلام عليكم
ممممم يشهو سوغ تو تع كريمة ليمووون
بصح تكم حبيبتي جاوك شبان
｡^‿^｡

 

[ضآحكة مستبشرة]

السلام عليكم
ممممم يشهو سوغ تو تع كريمة ليمووون
بصح تكم حبيبتي جاوك شبان
｡^‿^｡

و عليكم السلام
نسا حبيبتي ربي يحفظك
هههه حتى انا عجبني هذاك بزاااف بنين
الله يسلمك
نورتي ^^

 

[قطر الندىdz]

ماشاء الله
يعطيك الصحة

 

[السلطانة]

وعليكم السلام ورحمة الله وبركاته
تزعزع خاطري في نص الليل :Love::Love::Love::Love::Love::Love::Love::Love:
دي تارتولات يهبلووو يعطيك الصحة

 

[أم منيــــــر]

امممممم راهم يشهيو يعطيك الصحة
و انا حبيت هادي اكثر بما اني نحب الليمون ووصفاتو

​

 

[ضآحكة مستبشرة]

ماشاء الله
يعطيك الصحة

الله يسلمك اختي ربي يحفظك
نورتي

 

[ضآحكة مستبشرة]

وعليكم السلام ورحمة الله وبركاته
تزعزع خاطري في نص الليل :Love::Love::Love::Love::Love::Love::Love::Love:
دي تارتولات يهبلووو يعطيك الصحة

اهلين بالغالية شوشو
ميغسي حبيبتي ربي يحفظك
الله يسلمك نورتي

 

[ضآحكة مستبشرة]

امممممم راهم يشهيو يعطيك الصحة
و انا حبيت هادي اكثر بما اني نحب الليمون ووصفاتو

​

تعيشي خالتو ربي يحفظك
الله يسلمك عرفتي تخيري هههههه حتى هي بنينة
نورتي خالتو

 

[سكون الفجر]

الله الله، شكل ولا أروع وأكيد الطعم خفيف ولطيف
بصحتكم حبيبتي
جزاكِ الله خيراً غاليتي ​