الرقاق اكلة تقليدية -سعيدة-

[Soumia hadj mohammed]

السلام عليكم ورحمة الله وبركاته

الرقاق عزيز وبنين ويندار فالمناسباات كيما عاشورا

اليوم محيطتش يدي فالمطبخ راهي الاخت دارت العجنة والوالدة دارت المرقة وطيبت الرقاق

عجينة الرقاق

3 كيلات سميد رطب
نص كيلة فرينة
الملح
قاتلي الاخت بقات تزيد الماء قيس ما تجربه السميد وحبست من الماء لمتها وحطاتها ترتاح
منبعد رجعت تدلكها ومرة ع مرة ترشها بالماء
كي تدلكيها مليح مليح وتنطلق العجينة سي بون
كيما المحاجب قرصي قرصات صغيورين
ومنبعد بالزيت تبدى تحلي ورفديها حطيها طيب فالحديدة الخاصة بها ونقصي النار خاطر رقيقة زكي تقلبيها زيدي عليه وحدة اخرى وهكدا دواليك لين ديري وحد 6 او 8 حبات نحيه وبداي من جديد حنا الوالدة رزمة وحدة تسميها طاجين

المرقة :
قاتلكم الوالدة : بارد * بارد ههه يعني لما الوالدة تعي تطبخ بارد في بارد معناها ما تقلي لحم ما تقلي البصل كلش ديريه مع بعض وتغلقي طنجرة الضغط

اللحم
حمص
لفت
جزر
بطاطا
القرعة
بصل
طماطم 1
زيت
طماطم مصبرة
توابل : فلفل اسود - كمون - ملح
الماء على حساب ما يتغطى كلش
النار هادية ثم زيدتلها

فتتي الرقاق فالطبسي وسقي بالمرق

وهدو به نشربوهم مع الحليب ^^

حفظك الله يا أمي
​

 

[cosette]

ممممم
نموت عليه نديروه فلعياد والمولود
بصتكم اختي سمية
يشهي

 

[حلم كبير]

بارك الله فيكم اختي الكريمة
تسلم الايادي
تشهي ما شاء الله ​

 

[Soumia hadj mohammed]

نسيت
زوج ورقات رند فالمرق​

 

[الامين محمد]

يااا جدك علاش أنا قلت ممنوع تحطو هاذ المواضيع اللي تقبش المشاعر
و الله جوعتيني و أنا راني وحدي في الدار تعشيت بحبة بيض الله يهديك سمية
هههههههههههه
و الله ما شاااء الله تبارك الله كلش مزيان

 

[Ryry_Ndj]

السلام عليكم
حنا نقلولو لفتات^^
يعطيك الصحة على مشاركة و الموضوع كالعادة ولفتينا بجديدك بارك الله فيك
ويعطيها الصحة الوالدة ربي يحفظلنا جميع الامهات

 

[إلياس]

 

[ضآحكة مستبشرة]

السلام عليكم اختي سمية
شكرا جزيلا لك و للام الغالية ربي يحفظها
مشاء الله شهاني رقاق هههه بصحتكم حبيبتي
و يعطيك الصحة على الوصفة

 

[Malika Tlm]

ماشاء الله
ربي يبارك في عمر ميمتك
نحبو نموت عليه
ا يا كانش نهار نجيك ديرهلي اوك
سلام

 

[Soumia hadj mohammed]

ممممم
نموت عليه نديروه فلعياد والمولود
بصتكم اختي سمية
يشهي

اهلين زهرة

امذاك نا هه المرة لي فاتت كي كملت عطلة الصيف الوالدة رب يحفظها الا انها كانت متعبة لكن ابت الا وان آكله قبل رجوعي للجامعة
الله يسلمك ختي
أهلا بك​

بارك الله فيكم اختي الكريمة
تسلم الايادي
تشهي ما شاء الله ​

وفيك بارك الله أخي الكريم حليم
الله يسلمك ويبارك فيك وفي أهلك ​

بروح طيبة ​

 

[Soumia hadj mohammed]

يااا جدك علاش أنا قلت ممنوع تحطو هاذ المواضيع اللي تقبش المشاعر
و الله جوعتيني و أنا راني وحدي في الدار تعشيت بحبة بيض الله يهديك سمية
هههههههههههه
و الله ما شاااء الله تبارك الله كلش مزيان

ههه ياااااو ههه
متنساش بلي كانت بيناتنا حرب ههه راني نرمي بالاسهم باغ فاصيليتي هه متنساش سكيكير المسكر راه معي @Skor m@k
بصح كاين حاجة محيرتني ههه ماروماركيتش بلي كل ما تعلق على مواضيعي بالطبخ تقلي راني تعصيت بالبيض هه ومولات الدار مهيش ثمك سير مي باينة يكونو جاو / فهمتها من المنشور تع لبارح على ختيتي الصغيرة ساجدة
رب يشفيك ويسعدك مع أهلك عمو أمين
دعواتك
سررت بتواجدك مالgري قبشلك مشاعرك الميضوع
واش تقول فيها لوكان نصدرو الرقاق للخارج ههه ​

السلام عليكم
حنا نقلولو لفتات^^
يعطيك الصحة على مشاركة و الموضوع كالعادة ولفتينا بجديدك بارك الله فيك
ويعطيها الصحة الوالدة ربي يحفظلنا جميع الامهات

وعليكم السلام ورحمة الله وبركاته
اهلا طبيبتنا المستقبيلة
مليح راكي عطيتيلي معلومة
كاين يقولو الشخشوخة ، هو نفس المبدا يعني طيبي الخبز وتفتي وتسقي كاين بعض المناطق يديرو كي الكسرة لي تشبه لخبز الفطير ويسقوها
الله يسلمك ختي
امين رب يبارك فيك وفي والدتك
وفقك الله

 

[Soumia hadj mohammed]

وفيك بارك الله أخي الياس
اهلا بك​

السلام عليكم اختي سمية
شكرا جزيلا لك و للام الغالية ربي يحفظها
مشاء الله شهاني رقاق هههه بصحتكم حبيبتي
و يعطيك الصحة على الوصفة

وعليك السلام ورحمة الله وبركاته
عفوا ، أمين يارب ، واياك واهلك
نتي من وين اسما ؟ وديروه الرقاق ؟
الله يسلمك اختي بلا مزية
اهلا بك

 

[ضآحكة مستبشرة]

وفيك بارك الله أخي الياس
اهلا بك​

وعليك السلام ورحمة الله وبركاته
عفوا ، أمين يارب ، واياك واهلك
نتي من وين اسما ؟ وديروه الرقاق ؟
الله يسلمك اختي بلا مزية
اهلا بك

انا من ولاية المدية نورمالمون كاين لي يديروه
حنا منديروهش
بصح ذقتو و عجبني

 

[Soumia hadj mohammed]

ماشاء الله
ربي يبارك في عمر ميمتك
نحبو نموت عليه
ا يا كانش نهار نجيك ديرهلي اوك
سلام

يا أهلا أهلا بمليكة - اشتقت لك يا طيبة -
رب يبارك في عمرك وعمر الوالدة ويرحم الوالد واموات المسلمين
حتى نا نبغيه بزاف هه
اهليييين ومرحبتين والله مني صح بعد التخرج ان شاء الله ارواحي للدار مرحبا بيك ونديرو الرقاق قدامك ان شاء الله ​

انا من ولاية المدية نورمالمون كاين لي يديروه
حنا منديروهش
بصح ذقتو و عجبني

الله يبارك
علاه معحبكش ؟ ذقتيه ؟ كيفاه شكله ومذاقه ؟

 

[ضآحكة مستبشرة]

يا أهلا أهلا بمليكة - اشتقت لك يا طيبة -
رب يبارك في عمرك وعمر الوالدة ويرحم الوالد واموات المسلمين
حتى نا نبغيه بزاف هه
اهليييين ومرحبتين والله مني صح بعد التخرج ان شاء الله ارواحي للدار مرحبا بيك ونديرو الرقاق قدامك ان شاء الله ​

الله يبارك
علاه معحبكش ؟ ذقتيه ؟ كيفاه شكله ومذاقه ؟

لالا قتلك عجبني عمبالي راكي على المخلعة ههههه
ممبعد عدلت تعليق

 

[السلطانة]

ماشاءالله
ربي يحفظ الوالدة العزيزة
قولها تسلم يديك
رقاق تاع حرة ونص
شكرا على الوصفة

 

[Soumia hadj mohammed]

ماشاءالله
ربي يحفظ الوالدة العزيزة
قولها تسلم يديك
رقاق تاع حرة ونص
شكرا على الوصفة

اللهم آمين رب يسعدك واهلك
وصل سلامك اختي ، قاتلك الوالدة العزيزة شكرا وقاتلك ادع لي بالشفاء
عفوا ، اهلا وسهلا بطلتك المفرحة

 

[البحر الهادي]

ماشاء الله
روعة
رب يحفظها ويبارك في عمرها بالصالحات ويقر عينها بأبنائها

 

[بشرى ملاك]

اممممممم يعطيها الصحة مرت عمو وانا هدا واش نبغي يا سلااااااااام كيما قال الامين حرام عليك علاه ديرينا هاك علاه

 

[Soumia hadj mohammed]

ماشاء الله
روعة
رب يحفظها ويبارك في عمرها بالصالحات ويقر عينها بأبنائها

الله يسلمك أستاذ
اللهم آمين ويحفظ والدتك ويشفي الوالد الكريم
شكرا لتواجدكم العطر​

اممممممم يعطيها الصحة مرت عمو وانا هدا واش نبغي يا سلااااااااام كيما قال الامين حرام عليك علاه ديرينا هاك علاه

امممم الله يسلمك
هه يا بنت عمي راهي مرت عمك خايفة على سفري غدا ان شاؤ الله ، خويا قالي نظن فيها الثلج
داك اليوم نكتب فالموضوع وهي حدايا حتى توقفت على الكتابة ولقيت نسلم على يدها آآآآآآه رح نتوحشها ، دعواتك ليها بالشفاء
هه صحا قاع لامين نقولو ميقدرش يدير الرقاق وحتى نظن مرته والاولاد كانو فعطلة ههه ايوا يا لالة ونتي ؟؟ ايا شمري على ذرعتيك هه غدوا ان شاء الله نفوت على ..... وجدي روحك نشوف ههه