السلام عليكم و رحمة الله و بركاته
رواد قسم التسلية و الفكاهة و الطرائف اهلا و سهلا و مرحبا بيكم
في ...
سلسلة فكاهية بأداء ارتجالي ... تلقائي ...
تعالج مواضيع شائعة و مشاكل يومية لعائلة جزائرية متكونة من زوج وزوجة " رابح و رابحة "
نترككم مع العدد الثاني ...
رابحة تنادي : ااارااابح !!!.. ااارابح اجريليااااا !!
رابح ضارب فيها قهيوة و يقرا في الجورنال
... و يسمع رابحة تعيط : ياااتلا وش ؟ وش تحوسي ؟رابحة .... شووووف خزانتي شووف .. هااااا شووووف
رابح ....اصبري راني جاي .... وش بيها خزانتك ؟ خزانة تاع حطب نورمال ...خخ
لقيتي فيها فار ولا وش ؟ ههه
رابحة .... هيييه مانقصنا ق الفار ذرك
... يااا شوف ماعندي مانلبس لعرس كوثر بنت منيرة جارتنا !!!!...
رابح .... شني ؟!! تاعش عرس ؟ .... عرس من اامخلوقة !!؟
رابحة .... يااااا ربي حكمو زهايمر الراجل!!! ... هااا رابح ركز معايا زين ... منيرة جارتنا تعرفها ياك؟ حقا انت جاراتنا قاع تعرفهم
... ياك راهي عرضتني لعرس بنتها كوثر .. فهمتاااا؟؟...
رابح ....ايه فهمت ... و عارف العرس ... بصح وين ااالالة ؟
و شاورتيني قبل قدام ل تعولي تروحيااا ؟
و شني جاراتنا قاع تعرفهم راكي تقدحيلي ولا وش ؟
شوفي اارابحة
ريقلي روحك هاني نقولك !!
...
رابحة تقول بينها و بين روحها ( ااااحوجي هذا وقيلا معول يسمطلي الروحة!!
) .... هاااا ربوحي نقسر معاك شني .. نعرفك جامي ويلا تهز عينك في مرا هاا نرجعو للعرس ذرك .. ياك راح تخليني نروح عيب مانروحش
!!!!...
رابح ... وليتي تليني فيها ضرك .
.. يا واحد الستوتة ... وصحبتك هذي وين تسكن ؟... بعيدش منا ؟رابحة ... ...هاا جارتنا في الباطيما لي اونفاس لينا برك!
...
رابح ... ياااه امالا ق قريب لينا
..ماعليش تروحي بصح نهار العرس برك...مش تروحي قبل العرس بيومين و تظلي طالعة هابطةنسيت نقولك برك...
...
رابحة ... شني قول برك ؟!!!
...
رابح .... راني انا نديك و نريحلك عند الباب
تروحي هاك ولا هاك الرحمة تاعك نخرجهالك !!!
..
رابحة ..... ااااحووجييي ماتقوليش راح تظل تعس فيا حتان يخلص العرس . و رابحة تهدر بينها بين روحها ( بيك برك حاب تتفرج على الداخلة و الخارجة
)...
رابح .... ايا نوضي بركاي من المكر تاعك !!!! ..... ايا اجبدي وش المطلوب مني علاه عيطتلي اصلا ؟!!!
...
رابحة ....يا سيدي هذي خزانتي قاع مافيها مانلبس
!! ذرك تديني للسوق كاشما نشري ......
و رابح ما يحبش الي يجبدلو الدراهم ههه : .... ياااه
... ق شوفي زين كاشما تلقاي درابل تروحي فيهمراني مزلوط
والشهرية مزال ما دخلتش ... الله قالب ..
...
رابحة .... شنييي درابل
... ااااحوووجي من عرسي ماحضرت حتى عرس و كي نحضر نروح بدرااابل ااااا
...
رابح .... لا قاشي لا والو
...
رابحة ..... شنييي اه
...
رابح ...... شوفي يا مرا ... ديباني بالقش لي راه عندك خيرلك
ولا شوفي جارتك هذيك لي راكي طول معاها في التلفون كاشما تسلفلك ... انا ديجا راني داير مزية كي خليتك تروحي
...
رابحة ..... شنيييي ااااه .. نتسلفااااا ... جامي دلافي .. انا مانلبسش شوالق الناس .. ااااااحووووجي ياما اجريلي زوجتوني بش نولي نطلب!!!!!!
...
رابح ...... شوفي بركاي ما تعيطي خيرلك !!! ... راهم الجيران يسمعو رانا في باطيمة ماناش في حوش ...!!
هذا كلامي ليك و نتي دبري راسك
ولا اصبري نروح للشيفون كاشما نلقالك حوايج تاع ماريا كلارا
...
الصوارد ماكاش !!
...
رابحة .... خلييييهم يسمعووو خلييييهم يشوفو الشح و البخل تاعك
... الصوارد ماكااااش اااا؟؟ .. ديجا من لي عرفتك و انت الصوارد ماكاش .. ماعرف كيفاه يسموك خدام!!
...
رابح ....رابحة !! ... لحد الان راني حاكم روحي
.... و راكي تعرفيني كي نتقلق ... راني نقلب الحالة على راسك ...خلينا طرونكيل !!!...
رابحة .... اييييه اجريييولي السيد تقلق
... عمرك كامل و انت مقلق ... و نا مانلبسش حوايج الشيفوون هاني نقولك .. هذوك البسهم انت .. من بخلك حتى في عرسك حتى تقاشرك و متسلفهم ..انا مانروح للعرس ق مقلشة و الله الله عليا ..
...
رابح .... ااااسمعي راني نقولك ... ما تبدايش تلاوحي بالكلام خيرلك
...
رابحة ....هاااا و واش يخصني انا بش ماتقلشش .. اسمعني زين هاني نقلك .. انا مانروح للعرس ق في كامل اناقتي .. حرك يدييك شويا و خرجلي وريقات خضر من الزينين هذوك
.... راهي حتى من باطة الماكياح كلاها السووس .. ياوحد المشحاااح !!...
رابح ..... مشحاح ياه ؟
...و الله ق قالها المثل ...لا في الجبل واحد معلوم ... ولا في الشتا ريح دافي ... لا في العد قلب مرحوم ... ولا في النسا عهد وافي ...
امالا نقولك حاجة ؟
...
رابحة .... هيييه شبعنا حوايج و امثلة اليوم .... واش ثاني ق الخير!!!!
...
رابح .... ماكان لا مروح!!! .. لا عرس!!! ...سي فيني !!!
..
رابحة ..... بعد هذا الدرس و مانرووحش !!!!! ااااااحوووووووجيييييي يااااماااا
...
و هذا قرار رابح المسمار... و نهاية رابحة الي تتشرط
و العرس ..سي فيني
ههه
...
نشالله تكون عجبتكم حلقة اليوم
...
الادوار :
في دوار رابح @Salah eddin
و في دور رابحة @حروف تائهة
آخر تعديل:
