قطر الندىdz
:: عضو مُتميز ::
- إنضم
- 1 نوفمبر 2017
- المشاركات
- 725
- نقاط التفاعل
- 1,332
- النقاط
- 351
- العمر
- 39
- محل الإقامة
- المانيا
- الجنس
- أنثى
السلام عليكم ورحمة الله وبركاته
شخشوخة الخبز كاين بزاف ميعرفوهاش
ساهلة واقتصادية وهك نحفظو على النعمة ومنرموش الخبز اليابس صدقوني لي مجربهاش يجربها لأنها بنينة بنينة بزاف بزاف وش نحتاج: خبز مقطع قطع صغيرة (اذا كان عندك الخبز يابس وخفتي تغبر قطعيه ودريه في كسكاس وشليه وخليه يقطر)
لي تحضير المرق
في قدر ديري الزيت والخضر انا درت البصل واللفت والجزر مقطعين رقيق والكرافس والقسبور (ديري الخضر لي تحبي) قليتهم ثم أضفت الدرسة
في مهراز درت الثوم والملح وفلفل اسود وفلفل احمر وشوية كمون والحار دڨيتهم مليح وفرغتها على الخضر واضفت ملعقة طماطم مركزة وقليتهم مليح و مرقت بماء ساخن وزدت الحميصة
كي طاب كلش درت على المرق الخبز وخلطتو مع شوية قسبور حوالي دقيقة 
والأكلة رهي جاهزة (لازم لها القسبور والحار هما الأساس تع البنة ) هذي توالم مع هذا البرد وتنتكل سخونة والعائلة كامل ملمومة وشهية طيبة
شخشوخة الخبز كاين بزاف ميعرفوهاش
ساهلة واقتصادية وهك نحفظو على النعمة ومنرموش الخبز اليابس صدقوني لي مجربهاش يجربها لأنها بنينة بنينة بزاف بزاف وش نحتاج: خبز مقطع قطع صغيرة (اذا كان عندك الخبز يابس وخفتي تغبر قطعيه ودريه في كسكاس وشليه وخليه يقطر)
لي تحضير المرقفي قدر ديري الزيت والخضر انا درت البصل واللفت والجزر مقطعين رقيق والكرافس والقسبور (ديري الخضر لي تحبي) قليتهم ثم أضفت الدرسة
في مهراز درت الثوم والملح وفلفل اسود وفلفل احمر وشوية كمون والحار دڨيتهم مليح وفرغتها على الخضر واضفت ملعقة طماطم مركزة وقليتهم مليح و مرقت بماء ساخن وزدت الحميصة
كي طاب كلش درت على المرق الخبز وخلطتو مع شوية قسبور حوالي دقيقة والأكلة رهي جاهزة (لازم لها القسبور والحار هما الأساس تع البنة ) هذي توالم مع هذا البرد وتنتكل سخونة والعائلة كامل ملمومة وشهية طيبة
آخر تعديل بواسطة المشرف:
