الاقمصة و سنيوة تاع " لهنا "،،

[*حزن النبلاء*]

مساؤكم سعيد ^_


كلش راهو صووولد .. لفام بيبي اونفو لوم سبور القفطان فرقاني جبب الصباط .. الكتروميناجي ...الخ الخ

نجو لدومان تاع الاخوة .....

غير الأقمصة لي جامي شفت فيهم تخفيضات "SOLDES"..

قلتلو : " السلام عليكم ..كاش صولد في الاقمصة ؟
قالي :ماكاش الصولد !! .. و عليكم السلام ...
قلتلو :"وقتاش ان شاء الله ..
قالي :" هذه تجارة مباركة .. و ليست كاسدة ..
قلتلو :" المباركة كي يفرح بيها الزوالي .. و يدعيلك دعوات ملاح .. ( و لو كان يعرف واش كاين مور حكاية القميص ؟؟ هه هه )







المهم .... فضل ربي كاين

لكن كلش غالي علينا !!

المهم "لهنا" برك ،،

!! و "لهنا" !!
شحال غالي حتى هوا ،،، عند نسابك يا خو ؟؟،،


!! و "النساب" !!

هادوك ؟! باآش تلقاهم ؟؟

لازملك SOLDES في كلش خاصة القميص
و القميص لي ما علابالوش @_@
.. راهو سترا كبييييرة و فيه اقتصاد كبيييييير لأنو راح يغنيك عن تغيير السراويل و تريكوات بزاف .

الخطة للي تسلك : "تلبس الاقمصة بنص السومة .... و سروال واحد مع تريكو .. أ وجد سنيوة تاع "لهنا" ".

..




و روح حوس على نسابك المباركين... هه

====بناتنا خصني قميص هكدا



ساعة وساعة

 

[همس الوُرود]

السلام عليكم
حنا الصولد عندنا بيسك يقدرو يلعبولنا ي والو بيه يقولك لاغوب ب 380 والمساعدة كاينة ب 350 وهي اصلا تسوى اقل وحنا نفرحو ونشروها
نتوما يعطوكم ديراكت القيمة علابالهم الرجال ماتتلعبلهمش -_-

والله يهنيكم ويوفقكم تجمعو سينية لهنا ههههه رغم انو مشكيتش الناس بقاو يغلو كيما هكا فلهنا خخخ

 

[*حزن النبلاء*]

السلام عليكم
حنا الصولد عندنا بيسك يقدرو يلعبولنا ي والو بيه يقولك لاغوب ب 380 والمساعدة كاينة ب 350 وهي اصلا تسوى اقل وحنا نفرحو ونشروها
نتوما يعطوكم ديراكت القيمة علابالهم الرجال ماتتلعبلهمش -_-

و عليكم السلام
راكي غالطة
بزاف ليجان رجعو يتبعو التبياش و الحطة كثر ملبنات
حتى صالونات حلاقة الشباب .. صارت اكثر عصرية ... "مصيبة" .
حاشا لي ما يستاهلش ..

قصدي وين كاين لي يحبو الشباح و الحطة كاين الصولد ..
غيييير الاخوة .... لا حطة لا والو .....====> لا يوجد تخفيضات "soldes" ...

 

[همس الوُرود]

و عليكم السلام
راكي غالطة
بزاف ليجان رجعو يتبعو التبياش و الحطة كثر ملبنات
حتى صالونات حلاقة الشباب .. صارت اكثر عصرية ... "مصيبة" .
حاشا لي ما يستاهلش ..

قصدي وين كاين لي يحبو الشباح و الحطة كاين الصولد ..
غيييير الاخوة .... لا حطة لا والو .....====> لا يوجد تخفيضات "soldes" ...

في هادي ممكن ..الله يهديهم
وان شاء الله يولي عندكم صولد تاني
حنا فالجلابيب كاين الصولد الحمد لله
الله يعين حقروكم

 

[بشرى ملاك]

كل واحد يتمشى على حسابه واش داك للغالي شري لي تقدر عليه وكن على طبيعتك ولي ماعجبتهش هو الخاسر ماشي انت

 

[السلطانة]

وعليكم السلام ورحمة الله وبركاته

قشكم انتوما خير من تاعنا ببزاف
حنا صولد صولد قربي يامادام وديري لافار
ومبعد تلقاه اكبر خرطي

اما على الاقمصة تاع الرجال صح بون افار
تصيفو بيه وتصليو بيه
وتوفرو الدراهم لسنيوة لهنا
كان كيما لي حطيت صورتها فهي اكبر ضربة ههه
انت تخدم والمادام تلبسهم ذهب في يدها وانت البس قميص صولد
اما الاخوة متقوليش ام جامي يساعدو
مرات نشرو من عندهم الف فرنك وميطيحاش لايااخي هانوي الخير في قلبك شوي
ياك اللحية والحالة
تقبل مروري اخي
موضوعك رائع

 

[صانعة الإبتسامة]

سلاااام
ياحصراه يادنيا يقلك صولد وكي تروح ليه يقلك هاذي الروبة ب500ألف هه
علاش نلبس روبه غالية نشري قيسي برك
سورتو كي قولي ختي هاذي السلعة نتاع الترك هههه هنا نفهم أنا بلي راح يخبطني ب 400ألف أو 500 ألف واش داني لبسة لغالية كي تولي نتاع المريكان ومبعد
المهم نولي لابسة لبسة مليحة وبسيطة في نفس الوقت:Love::Love:
شكرا على الموضوع الرائع تحياتي

 

[*حزن النبلاء*]

في هادي ممكن ..الله يهديهم
وان شاء الله يولي عندكم صولد تاني
حنا فالجلابيب كاين الصولد الحمد لله
الله يعين حقروكم

المهم قالك تجارة الاقمصة تجارة ممببارككهه

 

[*حزن النبلاء*]

صح بلاست الموضوع هنايا !
قريتو اليوم قلت :" واش راني نهدر هه"
العزاب المجانين ..

وعليكم السلام ورحمة الله وبركاته

قشكم انتوما خير من تاعنا ببزاف
حنا صولد صولد قربي يامادام وديري لافار
ومبعد تلقاه اكبر خرطي

خويا يبيع لفام ..راهو داير صولد لسلعة الترك
روبات و لا اروع ب 1700 و جبب ب 2300 .. قمة ..
بجاما شتا ب 1600 و 2000
المهم ديري لافار يا مرا ^_

اما على الاقمصة تاع الرجال صح بون افار
تصيفو بيه وتصليو بيه

الحمد لله يمكن يصير عبادة اصلا لبس القميص الانسان فقط يعقد النية ..

وتوفرو الدراهم لسنيوة لهنا
كان كيما لي حطيت صورتها فهي اكبر ضربة ههه

شفتي السنيوة شحال تحب لهنا .. كثر منا هه
أشكوون لي ما يحبش لهنا ؟؟؟؟؟


انت تخدم والمادام تلبسهم ذهب في يدها وانت البس قميص صولد

امباعدا تقولك :" ما شفنا والو !!" .."دوك ندير تفجيرات انتحارية في المنزل كونكوا قرعا قاز هه.

اما الاخوة متقوليش ام جامي يساعدو
مرات نشرو من عندهم الف فرنك وميطيحاش لايااخي هانوي الخير في قلبك شوي
ياك اللحية والحالة

هه لالا ناوي لخير ملبكري
هوما لي ما حبوش ينووه ..
الحق يقال :" الحمد لله عندي معارفي نشريو عليهم و يساعدو .. و كل مرة نشري ربي يعوض كثر .. بالاك هادا واش قصدهم مباركة ".

راح ندورها قشاشب و قنادر هه

تقبل مروري اخي
موضوعك رائع

 

[*حزن النبلاء*]

سلاااام
ياحصراه يادنيا يقلك صولد وكي تروح ليه يقلك هاذي الروبة ب500ألف هه
علاش نلبس روبه غالية نشري قيسي برك
سورتو كي قولي ختي هاذي السلعة نتاع الترك هههه هنا نفهم أنا بلي راح يخبطني ب 400ألف أو 500 ألف واش داني لبسة لغالية كي تولي نتاع المريكان ومبعد
المهم نولي لابسة لبسة مليحة وبسيطة في نفس الوقت:Love::Love:
شكرا على الموضوع الرائع تحياتي

و صولد تاع adidas w nike ... الخ
راهو حكايتو حكاية
يشروها ملخارج ديشارج تاع كبريات الاسواق الاروبية
يعني يشرو سلعة 2011 و 2012
و يجيبها خوك لدزاير و يقولك ..nouvelle arrivage
و يقيمهالك ب 15000 دج
و كي يجي وقت الصولد يقولك صولد 50 %
و الاخ راهو كلش فايدة ..

المهم هادا هوا اقتصاد السوق المالي

 

[NAPOLA]

لي يعرف معنى الهنا الحقيقي و معنى الدنيا هذي ماشي فالمادة . مازال موصلناش انوا نتمتعوا بالدنيا و حلاوتها لكن بدون المادة ربي محرمناش من الدنيا لكن حنا فاهمين خطأ
السعادة الحقيقية في تقوى الله في الاجتماع مع العائلة في نشر المحبة في فعل الخير في التعاون على البر . .......

 

[*حزن النبلاء*]

لي يعرف معنى الهنا الحقيقي و معنى الدنيا هذي ماشي فالمادة . مازال موصلناش انوا نتمتعوا بالدنيا و حلاوتها لكن بدون المادة ربي محرمناش من الدنيا لكن حنا فاهمين خطأ
السعادة الحقيقية في تقوى الله في الاجتماع مع العائلة في نشر المحبة في فعل الخير في التعاون على البر . .......

امطرت حكما
جزاك ﷲ خيرا

 

[بشرى ملاك]

تاكد بلي تاجر لي يقولك هادي صولد هاداك هو الثمن نتاعها الحقيقي يكدبو برك باش يبيعو

 

[*حزن النبلاء*]

تاكد بلي تاجر لي يقولك هادي صولد هاداك هو الثمن نتاعها الحقيقي يكدبو برك باش يبيعو

خخ اﷲ يغفر لك انا تاجر .. ما كتبليش ربي باش نخدم بقرايتي .
ماكيش فاهما الحانب المضيء من الصولد هه .
نفهمك سلعۃ الصولد راهي تبدا من عندك المستورد صولد
مثلا كان التاجر يشتريها ب 1000 دج للحبۃ من عند المستورد و يبيعاودلها 1500
المستورد في نهايۃ كل موسم هناك سلع موسميۃ اي "صيفيۃ او شتويۃ"
يضع سلعه المخزنۃ صولد و يبيعها للتاجر ب 600 دج
فالتاجر يغتنم الفرصة و يسلك ب 1000 و ينفع الناس .
من فوائده انه يحسن سمعة متجره ..

فهمنا كييف !

 

[لؤلؤة قسنطينة]

السلام عليكم
عجبتني سنيوة الهنا ههههه هاديك السنيوة تشري بيها الهنا وعايلتو وولاد عمو ويبقالك الصرف
تزيد تهني ناس خلاف هههه، ربي يعافينا والله نخاف من المال بزاف لأنهم غالبا يجهلو العبد
مليح العبد يشقى ويحس بطعم الحاجة لي يشريها، المهم نوليو للب الموضوع وهو الصولد
أنا صراحة لا علاقة لي بالصولد وجماعتو جامي طحت فيه، نخرج مرة أو مرتين في العام نشري
واش يلزمني للشتاء ولا للصيف وخلاص مانعس لا صولد لا والو، ولدرجة ماعنديش زهر فيه
آخر مرة قبل شهر تقريبا خرجت نشري قش تاع الشتاء نلقى شخص حاط حقائب يعني لي صاك
وصغار هكا ويعيط بلي صولد و 50 ألف وحاط من فوق ومن تحت، انا فرحت قلت غير نشري واحد
كي قربت وخيرت واحد من فوق قالي لالا هاداك 250 ألف لي من تحت برك لي بـ 50، وليت رحت خائبة هههه
وربما الاقمصة مافيهمش الصولد خاطر مافيهمش إقبال كبير عكس الملابس الأخرى، جرب متجر
يبيع الماكياج ولا ملابس الأعراس يدير الصولد وشوف كيفاه ضرب الدبزة تقول داخلين للجنة هههه
كن تدخل في نصهم يعفسوك، بصح الأقمصة حتى ولو يدير فيها الصولد قليل لي يشريها، إما لي يلبسوها للصلاة برك
أو لي يلبسها دايما ولي يلبسوها دايما قلال
شكرا أخي على الموضوع بارك الله فيك
تحياتي
​

 

[بشرى ملاك]

خخ اﷲ يغفر لك انا تاجر .. ما كتبليش ربي باش نخدم بقرايتي .
ماكيش فاهما الحانب المضيء من الصولد هه .
نفهمك سلعۃ الصولد راهي تبدا من عندك المستورد صولد
مثلا كان التاجر يشتريها ب 1000 دج للحبۃ من عند المستورد و يبيعاودلها 1500
المستورد في نهايۃ كل موسم هناك سلع موسميۃ اي "صيفيۃ او شتويۃ"
يضع سلعه المخزنۃ صولد و يبيعها للتاجر ب 600 دج
فالتاجر يغتنم الفرصة و يسلك ب 1000 و ينفع الناس .
من فوائده انه يحسن سمعة متجره ..

فهمنا كييف !

فهمنا كيف خيو يا الله يا الله هههههه

 

[*حزن النبلاء*]

فهمنا كيف خيو يا الله يا الله هههههه

الحمد لله ..

 

[زاد الرحيل]

بغيت نعرف برك حكاية السنيوة هذيك الي تذهب العقل و خاصة باكيات السوارد انتاع 2000دج

 

[*حزن النبلاء*]

بغيت نعرف برك حكاية السنيوة هذيك الي تذهب العقل و خاصة باكيات السوارد انتاع 2000دج

هاديك السنيوة تاع "لغنا" عفوا تاع لهنا الافتراضية
جاري تحميلها إلى الأحلام بنسبة 0.01%
■□□□□□□□□□□□□□□□□□□□□□□□□□□□□□□□□□□□□0.001%

إلى حين تحميل عشرها الى الواقع هه

 

[جميلة أنا]

هههههههههههه والله ضحكتني الاخ لانوا نفس الهدرة قالهالي راجلي البارح ..كامل مجموعات تع الملابس الي مشاركة انا فيهم في صفحة فايس ناشرين صولد صولد قالي ام راكم لباااس عليكم و تشكيو ديما ادينا الشنيعة والله هههه و انتوما والله متهنيين قميص للصلاة و سروال و تريكو
اما على الهنا اااه منوا حكايتوا حكاية خاصة حنا في الشرق غيؤ الي يطلع في السومة تحسوا سوق السيارات
الحمدلله راجلي مهوش معانا في منتدى وتالي او جاء يشكي
الله يكون في عونكم اخي و يننوب عليكم بالصولد ههه