قطر الندىdz
:: عضو مُتميز ::
- إنضم
- 1 نوفمبر 2017
- المشاركات
- 725
- نقاط التفاعل
- 1,332
- النقاط
- 351
- العمر
- 39
- محل الإقامة
- المانيا
- الجنس
- أنثى
السلام عليكم ورحمة الله وبركاته
كيف حالكن إن شاء الله تكونو بخير. جيت وجبت الجديد تورتة هذي ملي شفتها حبيت نجريها حتى البارح درتها وهذي هدية لكن حبيباتي
هذي التورتة معروفة يدروها على شكل أرقام أو حروف لكن أنا درتها على شكل قلب إن شاء الله تعجبكم
نحتاجو :بسكوي و كريمة والتزيين
نخدمو البسكوي أولا ؛250غ زبدة+120غ سكر بودرة نخلطهم مليح ثم نضيفو فاني وقرصة ملح وحبة بيض نضربهم أيضا مليح ثم نزيدو 380غ فرينة مع 120غ بودرة اللوز (أنا درتو بقشورو) ونلمها حتى تصبح عجينة طرية وندروها تبرد حتى تشد روحها
نجوزو للكريمة :250غ جبن المسكربون نضربوها شوية ثم نضفلها 200غ كريم فرش السائلة و4ملاعق مثبت الكريمة +3ملاعق سكر بودرة(على حسب الذوق) +علبة صغيرة يهورت أنا درت فاني (زبادي) ونضربوها حتى تتجانس ونتركها جانبا
نأخذ ورقة الفرن ونقطعها على شكل قلب
نحل العجينة رقيقة وندروها في السنيوة ونحطو فوقها شكل القلب ونقطعو وندخلوها تطيب نخدمو القلب الثاني بنفس الطريقة بعد مايبردو نحطو القلب الأول في صحن التقديم ونديرو الكريمة فوقها على شكل دمعات واقفين ثم نحطو فوقها القلب الثاني بلا مانضغطوا ونزينوها نفس الشي ونعملولها الديكور كيما نحبو
إذا محبتوش هذا البسكوي تقدرو ديرو جنواز و الكريمة الحلواني +كريمة المخفوقة
آخر تعديل بواسطة المشرف:
