قاشي ... يدوخك ..سلسلة / فقر مونطال /

[زاد الرحيل]

و نزيدك شوي السروال يدير 4000دج و مبعد كي يبخص فيه و يبدأ يحشم يديه للخياط ايدير لو شوي طبات انتاع قماش من داخل
يعني يحوس على الشر ،و القزع هو لامودة و القصة العادية انتاع التخلف
اما السيارة جات بلا تعب و علاه ميتسلاش ،أحمد الله على النعمة الي اعطهالك
بارك الله فيك

 

[جميلة أنا]

والله يا اخي صلاح طحت في موضوع الساعة و هو كذلك شباب لاتي غير بنوعية ملابس الآخر موضة و قصات شعر آخر ستيل تقول قلوا هموموا و هو معندوش خق قهوة في جيبوا لو مهيش ماماه التي تعطيلوا مصروف هههههه مع استثناءات طبعا.....
انا نشوف بلي مشكل بدأ من التربية لو كان جاو ترباو على أخلاق الوالدين و الخوف منهم و احترامهم مشكيتش يلبسوا قدامهم هذيك لبسة ..والله نشفى بابا كان يدي خاوتي و هوما في سن مراهقة معاه لصلاة الصبح لانوا ولفهم ديما و هوما صغار يمشيو معاه و كل ليلة جمعة يلمهم و يقولهم عاودولي وش حكا الامام اليوم في الجمعة....التربية هي الاساس حتى و لو لقاو الخارج يفسد مي تبقى فيه ذرة التربية تع والديه و الحياء و الرجولة خااااصة.
انا هذا رأيي متشكر اخي

 

[لؤلؤة قسنطينة]

السلام عليكم
عدنا من جديد، ويعطيك الصحة أخي صلاح على الموضوع

بصراحة هاد البشر مع أني شاكة أنهم يتصنفو مع البشر خاطر لي عندو عقل مايديرش هاد الأمور

درك ولات هيئة الناس تحيّر والمشكلة لا علاقة لها بالسن، تروح للشباب تلقى عقولهم فاسدة أما الكبار

تلقى حاكمهم روتور داج تلقى واحد عمرو قريب خمسين سنة مازال يلبس سراول مقطعين ومطوّل شعرو

ووحدة عمرها قريب خمسين سنة مازال تلبس لباس بنات الليسي، ومن بعد نقولو الاولاد هادو من جاو

راهم جاو من والديهم لي رايحين فيها، من المفروض الإنسان كرمو بالعقل ولباس ساتر وهيئة جميلة

ماتروحش تفسدها بلباس يكشف أكتر ما يستر وتدير تسريحات قبيحة يعني عدنا مانفرقوش بين ذكر وأنثى

الراجل ولا عندو صالون تجميل يروح يمشطولو شعرو تما بالسيشوار ويديرولو لي ماسك لوجهو واشوا هادا؟

الطفلة بسروال مقطع والراجل لابس سروال غوز، راهي كارثة وتخلطت هيئة الناس كنا بكري الرجل المثقف نعرفوه

بالهيئة تاعو والمتزوج نعرفوه بهيئتو ولي تاع شوارع نعرفوه بهيئتو والهيئة هادي تتمثل في الملابس وقصة

الشعر والهندام، لكن درك كامل كيف كيف حاشا لي ما يستاهلش وهذا ينطبق على المرأة كذلك

واش نقولو غير ربي يهديهم ويعافينا من هاد الامور

بارك الله فيك اخي​

 

[Salah eddin]

و نزيدك شوي السروال يدير 4000دج و مبعد كي يبخص فيه و يبدأ يحشم يديه للخياط ايدير لو شوي طبات انتاع قماش من داخل
يعني يحوس على الشر ،و القزع هو لامودة و القصة العادية انتاع التخلف
اما السيارة جات بلا تعب و علاه ميتسلاش ،أحمد الله على النعمة الي اعطهالك
بارك الله فيك

اهلا بالسيدة ميلينا
صاحبة الرد الي يتكلم بلسان حال هؤلاء القوم
و الشي الوحيد الي نقولوه
الله يهدي ما خلق


​

 

[Salah eddin]

والله يا اخي صلاح طحت في موضوع الساعة و هو كذلك شباب لاتي غير بنوعية ملابس الآخر موضة و قصات شعر آخر ستيل تقول قلوا هموموا و هو معندوش خق قهوة في جيبوا لو مهيش ماماه التي تعطيلوا مصروف هههههه مع استثناءات طبعا.....
انا نشوف بلي مشكل بدأ من التربية لو كان جاو ترباو على أخلاق الوالدين و الخوف منهم و احترامهم مشكيتش يلبسوا قدامهم هذيك لبسة ..والله نشفى بابا كان يدي خاوتي و هوما في سن مراهقة معاه لصلاة الصبح لانوا ولفهم ديما و هوما صغار يمشيو معاه و كل ليلة جمعة يلمهم و يقولهم عاودولي وش حكا الامام اليوم في الجمعة....التربية هي الاساس حتى و لو لقاو الخارج يفسد مي تبقى فيه ذرة التربية تع والديه و الحياء و الرجولة خااااصة.
انا هذا رأيي متشكر اخي

اهلا و سهلا بالاخت جميلة

سي فري ... و صحيح وش راكي تقولي

انا نلقي جزء كبير من اللوم على الوالدين ...

الوالدين هوما الي يحددو الوجهة تاع الاولاد و يرسمولهم الطريق

يعني و التربية تكون منذ الصغر

و كثرة تدليل الابناء و التوناق كيما نقولو ... بنسبة كبيرة هذي عواقبها

و الله يهدي العباد و يصلح حال البلاد

شكرا على ردك القيم

بارك الله فيك

​

 

[Salah eddin]

السلام عليكم
عدنا من جديد، ويعطيك الصحة أخي صلاح على الموضوع

بصراحة هاد البشر مع أني شاكة أنهم يتصنفو مع البشر خاطر لي عندو عقل مايديرش هاد الأمور

درك ولات هيئة الناس تحيّر والمشكلة لا علاقة لها بالسن، تروح للشباب تلقى عقولهم فاسدة أما الكبار

تلقى حاكمهم روتور داج تلقى واحد عمرو قريب خمسين سنة مازال يلبس سراول مقطعين ومطوّل شعرو

ووحدة عمرها قريب خمسين سنة مازال تلبس لباس بنات الليسي، ومن بعد نقولو الاولاد هادو من جاو

راهم جاو من والديهم لي رايحين فيها، من المفروض الإنسان كرمو بالعقل ولباس ساتر وهيئة جميلة

ماتروحش تفسدها بلباس يكشف أكتر ما يستر وتدير تسريحات قبيحة يعني عدنا مانفرقوش بين ذكر وأنثى

الراجل ولا عندو صالون تجميل يروح يمشطولو شعرو تما بالسيشوار ويديرولو لي ماسك لوجهو واشوا هادا؟

الطفلة بسروال مقطع والراجل لابس سروال غوز، راهي كارثة وتخلطت هيئة الناس كنا بكري الرجل المثقف نعرفوه

بالهيئة تاعو والمتزوج نعرفوه بهيئتو ولي تاع شوارع نعرفوه بهيئتو والهيئة هادي تتمثل في الملابس وقصة

الشعر والهندام، لكن درك كامل كيف كيف حاشا لي ما يستاهلش وهذا ينطبق على المرأة كذلك

واش نقولو غير ربي يهديهم ويعافينا من هاد الامور

بارك الله فيك اخي​

و عليكم السلام

اهلا و سهلا بالاخت مريم ...

صحيح تصنيف هؤلاء البشر ... ليس لهم صنف الا الصنف الي صنفتولهم في الموضوع

و هو الفئة الي عندها فقر مونطال

لان الغنا الحقيقي يكون غنى مونطال ... و هو الحكمة و الرزانة و الأنفة و التمسك بالاصول و التقاليد

و الهوية الدينية و الاجتماعية

لكن ... نوع خرج مش عارف كفاه ... تشبه بمساوئ الغرب ... تبعية عمياء و كشفان الستر

و اللوم الكبير نقولها و نعاودها على الوالدين

تلقاه شيخ في عمرو 5 مليح ... حاكمو روتور داج ولا مش عارف و يلبس لبسة شبيبة

و عزوج كبيرة تلبس لبسة تاع دوموازال فرونساز حتى مش اجليريان ...

و ظهرت امور و الله ما يعرف الواحد لاه تصلح ...

وش نقولو الا الله يستر و يجيب الخير

و يهدي العباد و يصلح حال البلاد

و بارك الله فيك على المرور القيم

شكرا


​

 

[Oussama.GF]

جيت روطار لهنا خويا
شفتو موضوع مي هادا وين راح نرد خخخ الله غالب ظروف ?
نرجعو موضوعنا
ياسيدي هادي ظاهرة راهي بدات توساع وتزيد تكبر ومش راح تحبس لأنو هاد جيل فسد ومبقاش فيه حياة ??
تجي خارج صباح نهار مليح حتان يقابلوك هادو عباد?
تلقاه سروالو مقطع ومزير عليه ومتحول الى طفلة
والله واحد خطرة كان يمشي واحد قدامي حسبتو طفلة حتان نلقاه طفل ?قوتلو والله غير غلط فيك اختي كريمة قالي تشوف فيا طفلة قوتلو على حساب مشيتك ولباسك ضنيتك طفلة خخخ قصفتو داك يوم
ومشكل مش برك في لبسة حتى في مظاهر والو يقلدو بنات في حركات وصوت بنعميييييي حابين يهبلونا معاهم
اصبحنا نحن ناس لي محترمين يقولك متخلف يقولك رانا في 2018 وكلش تبدل ?
والله ربي يهديهم وخلاص هكا وش نقدرو نقولولهم
مادبينا نرجعو كيما كنا جيل ذهبي وغالي ??

 

[Salah eddin]

جيت روطار لهنا خويا
شفتو موضوع مي هادا وين راح نرد خخخ الله غالب ظروف ?
نرجعو موضوعنا
ياسيدي هادي ظاهرة راهي بدات توساع وتزيد تكبر ومش راح تحبس لأنو هاد جيل فسد ومبقاش فيه حياة ??
تجي خارج صباح نهار مليح حتان يقابلوك هادو عباد?
تلقاه سروالو مقطع ومزير عليه ومتحول الى طفلة
والله واحد خطرة كان يمشي واحد قدامي حسبتو طفلة حتان نلقاه طفل ?قوتلو والله غير غلط فيك اختي كريمة قالي تشوف فيا طفلة قوتلو على حساب مشيتك ولباسك ضنيتك طفلة خخخ قصفتو داك يوم
ومشكل مش برك في لبسة حتى في مظاهر والو يقلدو بنات في حركات وصوت بنعميييييي حابين يهبلونا معاهم
اصبحنا نحن ناس لي محترمين يقولك متخلف يقولك رانا في 2018 وكلش تبدل ?
والله ربي يهديهم وخلاص هكا وش نقدرو نقولولهم
مادبينا نرجعو كيما كنا جيل ذهبي وغالي ??

مرحبا بيك خويا مشاغاب

و الله ق تشوف العجب يا صاحبي

المكر قدام عينك يا محمد سيدي و الله ق ولى الواحد يستحي الواحد في بلاصتهم

الله يهدي ما خلق و خلاص

شكرا خويا على المشاركة

بارك الله فيك


​

 

[آمِيْرَتُه]

السلام عليك
صحيت على الموضوع
المشكل أن راهم يلبسو في ولادهم مثلهم
رانا نشوفو المؤسسات وكي تهدر معهم يقولك واش دخلك راه يصرف عليه باباه و لا يقولك واش راحلك غرتي منها بلاك
يعيفو والله كيما قلت لابس كرنفال في دشرة قوس قزح و سروال مزير معرفناه شير و لا شيرة
الله يهديهم و يهدينا

 

[Salah eddin]

السلام عليك
صحيت على الموضوع
المشكل أن راهم يلبسو في ولادهم مثلهم
رانا نشوفو المؤسسات وكي تهدر معهم يقولك واش دخلك راه يصرف عليه باباه و لا يقولك واش راحلك غرتي منها بلاك
يعيفو والله كيما قلت لابس كرنفال في دشرة قوس قزح و سروال مزير معرفناه شير و لا شيرة
الله يهديهم و يهدينا

و عليكم السلام
اهلا بالاخت
حقا شيء مثير للاشمئزاز ...
و صراحة في المؤسسات التربوية
المراقب و المدير و غيرهم تجالهو دورهم الاخر
الي هو النصح و التوجيه و ردع هكذا تصرفات
و الله يجيب الخير نشالله
شكرا

​

 

[أشــواق 19]

السلام عليكم
هههههه يا صلاح وهذوك علاه هذوك اصلا معندهمش محل من الاعراب ههه الله قالب عليهم..واحد لابس فاست روز وسروال لالا مش سروال نص سروال..دكا طورو من سروال لمقطع لسروال لمطبق هههههه
فكرتني في واحد لبروف قراني لعام لي فات من ام لبواقي جا لابس سروال احمر هههه وبدا يحكينا ثاني على لم‘ضوع هذا قالنا بابا شافني قالي وشنو هذا سروال قالنا قتلو يا الشيخ رانا نقلدو في الغرب برك ويضحك وعاجباتو روحو هههههه
ها راني قتلك والله الله غالب عليهم عندهم فقر مونطال ?
وربي يجيب الخير برررك

 

[Salah eddin]

السلام عليكم
هههههه يا صلاح وهذوك علاه هذوك اصلا معندهمش محل من الاعراب ههه الله قالب عليهم..واحد لابس فاست روز وسروال لالا مش سروال نص سروال..دكا طورو من سروال لمقطع لسروال لمطبق هههههه
فكرتني في واحد لبروف قراني لعام لي فات من ام لبواقي جا لابس سروال احمر هههه وبدا يحكينا ثاني على لم‘ضوع هذا قالنا بابا شافني قالي وشنو هذا سروال قالنا قتلو يا الشيخ رانا نقلدو في الغرب برك ويضحك وعاجباتو روحو هههههه
ها راني قتلك والله الله غالب عليهم عندهم فقر مونطال ?
وربي يجيب الخير برررك

و عليكم السلام و رحمة الله
اهلا بالاخت اشواق ههه
و الله ما عندهم محل من الاعراب ... و الي تدوخ الواحد اكثر ... كيما ذكرتي
انو الاستاذ القدوة هو لي يدير هذا الشي ... يعني و الله العظيم تقعد توحد في مولاك
و يعني قلد و خلاص ... اي حاجة توصل من وراء البحار اهلا و سهلا
و كن يدخلو في حيط يدخلو معاهم في حيط
و الله يجيب الخير
شكرا


​