السلام عليكم
يا جماعة الخير اهلاو سهلا بيكم اليوم راح نعيشو ليلة الرعب
راح نقولكم حكاية واحد المرة اختكم قاعدة تتفرج في mbc2 وانا نحب فلام الخوف والرعب مي ما نحبش هذوك نتاع العفن زومبي وياكل عبد ويعض وااااااع نعيفهم
مهم خوف يعني خوف وإلا بطلنا
المهم قالك دارو فيلم نتاع طومبات كبار يزدمو لواحد القرية
ياكلو العباد وماشي طومبات ياودي المخيرة كرشها كي كرش @الامين محمد
مهم راني نتفرج وبديت نندمح وبدا الخوف يدخل لقلبي الصغير اللي نادرا وين يخاف
المهم السكات فدوارنا وفدارنا بالتحديد والو يمى راقدة وانا نتفرج وكانت دارنا فذاك الوقت كيما يقول النوي مخروبة يعني الأرض بالرملة مش مبنية كانو رانا برا
مهم بدا الرعب وبديت نحس بتقربيعات قلت واواه ليليا أفطني توسويس نتاع الأفلام الطومبة فالفيلم تجري ودير حركة ورعب وفدارنا تقربيع وليت نقول اواه خرجتلي من التي في راهي فالدار
بديت نستغفر الحس يقوا فالتيليفزيو وفدارنا اواه لالا يا حليش ماشي هاكا قلنا خوفني مي ماشي كيما هاك يا بن عمي كيما قالوها الوهارنة
ويا عيني وجاني الكوراح وقلت نوضي اخطيك من الخرطي عيب راكي كبيرة ونضت وكيما قالها عادل إمام ويا ريتني ما قمت
ونشوف واحد جيش نتاع طومبات فدارنا يدورو قريب 7 ويااااااااااااااا وتنطلق البواقة نتاع الحماية اللي ما نعرف وينتا كليتها وذاك الصوت من وين خرج مني ههههه الجيران جومة كاملة ناضت من الرقاد يمة مسكينة انا كي وليت نعيط ما سقسات ما فهمت ما والو فاتت عليا ريح حسبتها الزنزلة وراحت وخلاتني
وانا وعلاه سكتت يمة خرجت والجيران يطلو ويسقسو فيها ويمى تقولهم الزنزلة واش من زنزلة اللي ضربت غير عندنا وانا طلعت فوق الطابلة ونبكي ونعيط راح ياكلوني راح ياكلوني في بالكم بمن نتصل هايا قولولي هه بالدرك نبكي ونقولو راحيني يقتلونا راحين يقتلونا وانا مازلت تحت الصدمة الدركي يقولي يا اختي كالمي روحك وين العنوان وين زوج دقايق قتلو اودي الدرك مش بعيد علينا جاو ويمى مازال برا كي خرجت تجري تقفل البابب نتاع برا وشكون يفتحو وانا مازال نعيط جيران حسبوني هبلت هههههه
لما جاو الدرك واش كاين واش كاين قالولهم ما نعرف واشبيها الطفلة مهم طلعو فوق الدار ودخلو باب الداخلي شفت الدركي وانا رتحت وفرحت ونقولو راهم لهيك كامل راهم لهيك وهو يقولي شكون وينهم عندبالو الجنون
حتى شاف طومبات يجرو وانا نبكي هذوك هذوك راح يقتلوني ههههه على بالكم واش دار بقا يشوف فيا قعد على ركابيه فالأرض وقالي يا أختي من دخلت للخدمة هذي ما جاتناش قضية طومبات هذا الدنيا كامل درتيها عالطومبات وثعد يضحك شفتو ينش فالطومبات اللي هوما مساكن خافو مني ونزلت فتحو باب دخلت يمى تسب فيا بهدلتيني وتطلب فالسماح على بالي ليجوندارم كامل كرهوني ذاك النهار وفرات انو بقاو مدة الجيران ما نساوهاش يضحكو وانا لليوم نكره الطومبات ونصيدهم خلاص خلعتهم راحتلي ذاك النمهار
طولت عليكم مهم على بالي تصرالكم وين تحسو بحاجة ماشي نورمال تتوسوسو تسمعو اصوان تتفرجو حاجة وتتخيلوها ههههه
احكو ما تحشموش انا خلاص لو نحكي الباقي ما تفراش
وكاش طومبات اتصلوا بالحصة
يا جماعة الخير اهلاو سهلا بيكم اليوم راح نعيشو ليلة الرعب
راح نقولكم حكاية واحد المرة اختكم قاعدة تتفرج في mbc2 وانا نحب فلام الخوف والرعب مي ما نحبش هذوك نتاع العفن زومبي وياكل عبد ويعض وااااااع نعيفهم
مهم خوف يعني خوف وإلا بطلنا
المهم قالك دارو فيلم نتاع طومبات كبار يزدمو لواحد القرية
ياكلو العباد وماشي طومبات ياودي المخيرة كرشها كي كرش @الامين محمد مهم راني نتفرج وبديت نندمح وبدا الخوف يدخل لقلبي الصغير اللي نادرا وين يخاف
المهم السكات فدوارنا وفدارنا بالتحديد والو يمى راقدة وانا نتفرج وكانت دارنا فذاك الوقت كيما يقول النوي مخروبة يعني الأرض بالرملة مش مبنية كانو رانا برا
مهم بدا الرعب وبديت نحس بتقربيعات قلت واواه ليليا أفطني توسويس نتاع الأفلام الطومبة فالفيلم تجري ودير حركة ورعب وفدارنا تقربيع وليت نقول اواه خرجتلي من التي في راهي فالدار
بديت نستغفر الحس يقوا فالتيليفزيو وفدارنا اواه لالا يا حليش ماشي هاكا قلنا خوفني مي ماشي كيما هاك يا بن عمي كيما قالوها الوهارنة
ويا عيني وجاني الكوراح وقلت نوضي اخطيك من الخرطي عيب راكي كبيرة ونضت وكيما قالها عادل إمام ويا ريتني ما قمت
ونشوف واحد جيش نتاع طومبات فدارنا يدورو قريب 7 ويااااااااااااااا وتنطلق البواقة نتاع الحماية اللي ما نعرف وينتا كليتها وذاك الصوت من وين خرج مني ههههه الجيران جومة كاملة ناضت من الرقاد يمة مسكينة انا كي وليت نعيط ما سقسات ما فهمت ما والو فاتت عليا ريح
حسبتها الزنزلة وراحت وخلاتني وانا وعلاه سكتت يمة خرجت والجيران يطلو ويسقسو فيها ويمى تقولهم الزنزلة واش من زنزلة اللي ضربت غير عندنا وانا طلعت فوق الطابلة ونبكي ونعيط راح ياكلوني راح ياكلوني
في بالكم بمن نتصل هايا قولولي هه بالدرك نبكي ونقولو راحيني يقتلونا راحين يقتلونا وانا مازلت تحت الصدمة الدركي يقولي يا اختي كالمي روحك وين العنوان وين زوج دقايق قتلو اودي الدرك مش بعيد علينا جاو ويمى مازال برا كي خرجت تجري تقفل البابب نتاع برا وشكون يفتحو وانا مازال نعيط جيران حسبوني هبلت هههههه لما جاو الدرك واش كاين واش كاين قالولهم ما نعرف واشبيها الطفلة مهم طلعو فوق الدار ودخلو باب الداخلي شفت الدركي وانا رتحت وفرحت ونقولو راهم لهيك كامل راهم لهيك وهو يقولي شكون وينهم عندبالو الجنون
حتى شاف طومبات يجرو وانا نبكي هذوك هذوك راح يقتلوني ههههه على بالكم واش دار بقا يشوف فيا قعد على ركابيه فالأرض وقالي يا أختي من دخلت للخدمة هذي ما جاتناش قضية طومبات
هذا الدنيا كامل درتيها عالطومبات وثعد يضحك شفتو ينش فالطومبات اللي هوما مساكن خافو مني ونزلت فتحو باب دخلت يمى تسب فيا بهدلتيني وتطلب فالسماح على بالي ليجوندارم كامل كرهوني ذاك النهار وفرات انو بقاو مدة الجيران ما نساوهاش يضحكو وانا لليوم نكره الطومبات ونصيدهم خلاص خلعتهم راحتلي ذاك النمهار طولت عليكم مهم على بالي تصرالكم وين تحسو بحاجة ماشي نورمال تتوسوسو تسمعو اصوان تتفرجو حاجة وتتخيلوها ههههه
احكو ما تحشموش انا خلاص لو نحكي الباقي ما تفراش
وكاش طومبات اتصلوا بالحصة
