وعليكم السلام ورحمة الله وبركاته
مساء الفل حبيبتي مريم إن شاء الله تكوني بخير وبصحة جيدة
شوفي حبيبتي يعني من كلامك أنك مريتي بصدمة معينة الي خلاتك تعيشي بطريقة عشوائية بعدها حيث كرهتي ومليتي من كلش ربما
علابيها من المهم جدا أنو الإنسان كل مرة يحكي مع نفسو بجدية و يفكر فمسؤولياتو وحياتو وظروفو
أنا مانكذبش عليك مرات بزاف نغلط نحصل فالظروف نقول بيسك هكا وهكا أنا مادرتش هادي ولا ماقريتش هادي ولا
لكن لا يكلف الله نفسا إلا وسعها لازم الإنسان رغم ظروفو ورغم كلش يحارب ياك رانا في دنيا مارااناش فالجنة ولازم نحاربو باش نعيشو مليح
على الأقل الإنسان كي يجي رايح يحط راسو فالمخدة يرقد هاني راهو دار حاجات شابة فيومو مش قاعد بلا فائدة
والسهر صدقيني هو عدو الصحة عدو كلش هو سبب رئييييسي في عشوائية الحياة هادي
أنا إذا سهرت صاي قولي يومي الموالي محال يكون مليح لأنو منقدرش ندير فيه والو
مشكورة حبيبتي مريم بارك الله فيك على المتابعة والنشاط الدائم حبيبتي ربي يحفظك ^^
