ألووو عمري ...!! ( معاناة زوج جزائري ?)

[dahman kz]

هي: الوو عمري ....!!

هو: اهلا واش كاين !!

هي: وينكك راك خدام هذا ؟

هو: ايه راني خدام لاباس ياخي !!

هي: لالا نحتاج شويا خضرة برك ..الخضرة راهي خلاصت ونحتاح شويا حاجات للكوزينة والدار هذا ما كان

هو: ايه وش تحتاجي برك قولي !!

هي: نحتاج شويا خضرة ا عمري .. لفريجيدار راهي فارغة
تخصنا البطاطا والبصل والسنارية والطماطم والدبشة والمعدنوس والجريوات واللفت والبيطراف والجلبانة واللوبيا .. المهم الخضرة للي تلقاها قدامك جيب منها كيو كيلو وخلاص عمري .

هو: هاذا ماكان برك !! تستاهلي ظرك نجيبلك

هي: ايه عمري زيد جيبلي معاك دجاجة وكيلو سردين وشويا ديسار وجيب معاك الحليب للصباح وجيب معاك القهوة والسكر والملح وماتنساش الزيت ماعنديش باش نطيب اليوم وجيب معاك لعدس والروز والماقارونة والتشيشة والكسكسي
وجيب معاك الدقيق والفرينة والفورماج والطون باش نطيبلك بيهم البيتزا عمري
وماتنساش البيتسويس وجيب معاك كرطونة كوش للطفلة ?


هو: خلاص هذا واش تحتاجي !!

هي: ايه عمري زيد فليكسيلي 50 الف برك التلفون راه فارغ
وماتنساش كي تولي جاي فوت على المخبر وجيب معاك النتايج تاع التحاليل وفوت على الفارماصي وجيبلي الدوا تاعي
و غدوا الصباح ماتروحش للخدمة وجيبلي طوموبيل باش توصلني بيها للطبيبة ?

هي: خلاص هذا ماكان
وماتنساش برك كي يخلصوك خليلي 100 الف كادو ل خديجة مرت عمي راهي ولدت وخليلي مليون باش نعاون بيه سمير خويا في عرسو وخليلي مليون نكسي بيه الطفلة في العيد وخليلي مليون باه نخلص بيه الخياطة ??


وعندما اصبح الظرب بالمليون توقف الزوج وهلة وهو يفكر مع نفسه .. وبينما هو يفكر سقط أرضا وتم نقله إلى الانعاش ولم يستيقظ إلى يومنا هذا ??

 

[dahman kz]

المشرفين تاع واش تهدر نسقولنا لموضوع بالالوان بارك الله فيكم راني من لبورطابل الله غالب وكاشما عندكم تعديل وله اضافات ديروها نورمال ههه ومبعد احذفو الرد هذا ههه
وشكرا ليكم ..وتحياتي .

 

[الصحافية الساخرة]

السلام عليكم
? لي عودة إن شاء الله ( نوريلك معاناة الزوجة ) اسنى سوجي كونطر اطاك ???
ساعود برد يليق بموضوعك إن شاء الله ههه

 

[Salah eddin]

السلام عليكم و رحمة الله و بركاته

ههه و الله يا خويا دحمان ق راك اديرلنا في الخلايع كيما هاك

يا صاحبي الدقيق و السكر و الفارنية و الفليكسي و الدراهم

و معاهم الخضرة و الحوت و اللحم و سيدي عبد الله ههه

اواااه سي طرو يا صاحبي

البارح تنصح فيا باه نتزوج بكري ههه و راك بموضوعك هذا تقول العكس

فهم روحك يا صاحبي

ههههه

المهم الله يعينك نشالله مع العزوج

شكرا على الموضوع مميز


​

 

[جميلة أنا]

هههههههههههههه والله صدقت اخي فعلا هذا هو الواقع هههه من بطاطا كي نلقاو الجواب بنعم نقول خلي خلي نزيد نقولوا على اللحم مداموا نافحتلوا و مورالوا مليح هههه ايا كي يزيد يقول ايييه نقول خلي مالا يفليكسيلي في طريقوا ايا ك يقول ايييييييه نقول مزالت فرصة اخيرة خلي نزيد نطلب صوارد للكسوة حتى يقولي اياااا بزليد لا نبطل على كلش يتوقف العداد و اعود للصفر بصوت هادئ او جيب برك الي تقدر عليه ههههههه سياسة المرأة لا يفهمها الا نحن ههههه

 

[Malika Tlm]

السلام عليكم
يعطيك الخير
هذي مش مرة هدي مصيبة هههههههه
يحسن عونه
تحياتي

 

[صانعة الإبتسامة]

هههههههه هاذي كاينة منها بدتهالو بعمري ومن بعد وراتلو زنباع وين يتباع ههه
يعطيك الصحة

 

[Amine7N]

السلام عليكم
هذا مسكين قالتله جيب المارشي كامل وارواح !!!
مفهمتش الشهرية هاذي تعاود تولد في نص الشهر ع حسابها ولا يخلص دفوا في الشهر !!!
ديما يهدرو ع عجائب الدنيا السبعة وينساو ع عجائب النسا في ايام الأسبوع السبعة !
صحيت خويا ع الموضوع

 

[dahman kz]

السلام عليكم
? لي عودة إن شاء الله ( نوريلك معاناة الزوجة ) اسنى سوجي كونطر اطاك ???
ساعود برد يليق بموضوعك إن شاء الله ههه

وعليكم السلام
شفتي المعاناة تاعنا حنا الرجال كيفاش معاكم ا الصحافية هههه رانا عايشين حياتنا كوارث معاكم هههه قدرو ظروفنا شوي ا سيدي
وكيما قلتلك قبل ماتردي ردي بالك طولي لسانك على الرجال ياسر برك ههه سي نون نحرش العم فتحي

 

[aljentel]

انا لو منها اقول لها قولي له يجيب ورقة الطلاق معه لانه لايستحق ان يكون زوج وبيته فاضي حتى ملح ماكو ياساتر هههههههههه

 

[dahman kz]

السلام عليكم و رحمة الله و بركاته

ههه و الله يا خويا دحمان ق راك اديرلنا في الخلايع كيما هاك


يا صاحبي الدقيق و السكر و الفارنية و الفليكسي و الدراهم

و معاهم الخضرة و الحوت و اللحم و سيدي عبد الله ههه

اواااه سي طرو يا صاحبي

البارح تنصح فيا باه نتزوج بكري ههه و راك بموضوعك هذا تقول العكس

فهم روحك يا صاحبي

ههههه

المهم الله يعينك نشالله مع العزوج

شكرا على الموضوع مميز


​

وعليك السلام ورحمة الله
وغير ماتخافش يا صلاح صاحبي ههه ماهوش للدرجة هاذي حبيت نوضح معاناة الزوج برك
والصدمة هاذي راهي تجيك في الشهور لولى برك ومن بعد راك تولي و توالف بيها نورمال هه
وااطلبات هاذي راك تنفذها وانت فرحان و تضحك ههه ( هذا راهو يسموه حكم القوي على الضعيف ههه??)

 

[dahman kz]

هههههههههههههه والله صدقت اخي فعلا هذا هو الواقع هههه من بطاطا كي نلقاو الجواب بنعم نقول خلي خلي نزيد نقولوا على اللحم مداموا نافحتلوا و مورالوا مليح هههه ايا كي يزيد يقول ايييه نقول خلي مالا يفليكسيلي في طريقوا ايا ك يقول ايييييييه نقول مزالت فرصة اخيرة خلي نزيد نطلب صوارد للكسوة حتى يقولي اياااا بزليد لا نبطل على كلش يتوقف العداد و اعود للصفر بصوت هادئ او جيب برك الي تقدر عليه ههههههه سياسة المرأة لا يفهمها الا نحن ههههه

والله نحييك على صراحتك الاخت هههه
وشهد شاهد من أهلها ??

 

[طيب الكلام]

هههه والله غير عندك الحق في هاذي . معاناة تاع الصح
يعني راك ساهمت في زيادة نسبة العنوسة في الجزائر بطريقة غير مباشرة هههه
علاه عليك خويا . خلي البير بغطاه

 

[صانعة الإبتسامة]

هههه والله غير عندك الحق في هاذي . معاناة تاع الصح
يعني راك ساهمت في زيادة نسبة العنوسة في الجزائر بطريقة غير مباشرة هههه
علاه عليك خويا . خلي البير بغطاه

هههه ما تخافيش نزوجك لواحد من مالي ونعطيكم صداكا ههههه ماتقعدي عانس ماوالو هههه
@طيب الكلام

 

[طيب الكلام]

هههه ما تخافيش نزوجك لواحد من مالي ونعطيكم صداكا ههههه ماتقعدي عانس ماوالو هههه
@طيب الكلام

ههه نديك لسلفي مانروحش وحدي
و يمد لنا خويا دحمان صدكة ههه

 

[صانعة الإبتسامة]

ههه نديك لسلفي مانروحش وحدي
و يمد لنا خويا دحمان صدكة ههه

هههه لا لا سلفك دسيه عندك ههه
شفتك قاصبة وحابة تتزوجي قلت ندير فيها الخير هههه
أنا نستنى مكتوبي يجي وحدو ههههه

 

[طيب الكلام]

هههه لا لا سلفك دسيه عندك ههه
شفتك قاصبة وحابة تتزوجي قلت ندير فيها الخير هههه
أنا نستنى مكتوبي يجي وحدو ههههه

ماكان لاه تشقي روحك حنونة . انا تاني راني نستنى في مكتوبي نقرا و الحمد لله
كنت نقصر برك . و مادام الموضوع لخونا دحمان ماكان لاه دخلي روحك فيه بدون سبب . يعني لازم كل واحد يحترم روحو خير
رانا كبار حنونتي .
و ربي يعينك

 

[صانعة الإبتسامة]

ماكان لاه تشقي روحك حنونة . انا تاني راني نستنى في مكتوبي نقرا و الحمد لله
كنت نقصر برك . و مادام الموضوع لخونا دحمان ماكان لاه دخلي روحك فيه بدون سبب . يعني لازم كل واحد يحترم روحو خير
رانا كبار حنونتي .
و ربي يعينك

مهبولة أقراي وشكون شدك وزيدي واحد من مالي وخسارة فيك هههه موتي غيظا ههه
حتى وحسيتك زعفتي نتاع الصح مالا طيري هههه

 

[طيب الكلام]

مهبولة أقراي وشكون شدك وزيدي واحد من مالي وخسارة فيك هههه موتي غيظا ههه
حتى وحسيتك زعفتي نتاع الصح مالا طيري هههه

علاه شكون نتي باه تقيميني . و اصلا شكون قيمك والا هدر معاك وعلاه دخلي في روحك . القافلة تسير و ................ كمليها من عندك يا القافزة
نزعف ولا مانزعفش هاذيك حاجتي . و اكبري حنونتي
و نطير علاه جيت عندك ولا قيمتك هههه. طيري نتي

 

[صانعة الإبتسامة]

علاه شكون نتي باه تقيميني . و اصلا شكون قيمك والا هدر معاك وعلاه دخلي في روحك . القافلة تسير و ................ كمليها من عندك يا القافزة
نزعف ولا مانزعفش هاذيك حاجتي . و اكبري حنونتي
و نطير علاه جيت عندك ولا قيمتك هههه. طيري نتي

راسي حبس من هدرتك بصح صدقيني مراحش نرد عليك نخاف نجرحك
سلاااااام