Fleur Rouje
:: عضو مُشارك ::
المقادير
رابعة الزبدة-كاس كبير سكركلاصي-صفار2بيضات-3معالق كبار كاكاو مراو زيدي الى بغيت اللون أغمق-معلقة نص معلقة صغيرة روح الفاني لي قرعتو زاج ماشي بلاستيك-2 معالق كبار عامرين مزيان الشكلاط اسود مذاب في حمام مريم
الطريقة
في الاول نخلطو الزبدة والسكر والكاكاو غير باليد عاد نزيدو الفاني وصفار البيض ونضربو بالباطور الكهربائي شي 5د حتى تعقد الكريمة عاد نضيفو الشكلاط الذايب يكون سائل لكن ماشي سخون بزاف ونضربو مزيان
ندخلو للثلاجة يبرد عاد نستعملوه او احتفظي به في المجمد الى كنت ماغاديش تستعمليه في نهارو كيبقى مزيان
إضافة مهمة
نزيدكم الى بغيتو الكريمة بيضاء ماديروش الكاكاو ونعوضو الشكلاط الاسود بالابيض
والى بغيتو كريمة بنكهة القهوة كديرو في كريمة الشكلاط الابيض نسكافي مذابة في قليل من الماء وفي هاد الكريمة ماديروش الفاني نسمة القهوة كافية
