السلام عليكم
اخوتي
انا في حالة صعبة جدا والدي مريض أصيب بجلطة دماغية منذ حوالي سنة ومن ذلك اليوم لم نرى يوم ابيض لان والدي اصبح شخص اخر سبحان الله صحيح هو نجا باعجووبة من تلك الجلطة الحمد لله لكن كما قلت تغيرت طباعة بشكل مفاجئ اصبح يكره الجميع ولا يتحمل أي شخص لا يحب ان يزورنا احد ويصرخ كثيرا ويفتعل المشاكل ويتهم الجميع بما ليس فيهم أتمنى ان لا يحاسبه الله بما يفعل لاني جد خائفة عليه رغم اني اعلم علم اليقين ان كل هذه التصرفات من مرضه لكن أحيانا افقد اعصابي وادعو عليه بابشع الدعاوي أحيانا يصل بي الغضب لدرجة اني ادعو عليه بالسرطان او حادث ولست الوحيدة التي تدعو عليه حتى امي واخوتي واخواتي والله هذا غصبا عنا في لحظة غضب نتفوه بأشياء أتمنى ان يغفر الله لنا لكن تصرفاته تفقد الاعصاب خصوصا انا من كثر ما نفسيتي محبطة اتغوه بذذلك انا لا اريد ان اذكر ما يفعله أخاف ان أكون اغتبت ابي لكن اريد النصح والله انا اتعذب واعاني الامرين من جهة والدي لا احد يتحمل ما يفعل ومن جهة عدم التحكم في اعصابي وادعو عليه انا خائفة ان أكون عاقة والله انا اكتب ودموعي تخنقني لم اكن أتصور ان يأتي يوم وادعو علي ابي حبيبي ولكن كما قلت هذا خارج عن ارادتي في لحظة غضب ادعو عليه بابشع الدعوات وسرعان ما يزول غضبي اشعر بندم شدييييد وتانيب ضمير انا كنت احب ابي كثيييرا قد تستغربون لو قلت لكم اني احب ابي اكثر ما احب امي لان امي تميل لابنائها الذكور اما ابي فعكسها تماما يحب بناته كثيرا خصوصا انا كنت مميزة عنده لاني الأصغر لا ادري مذا افعل حالتي النفسية سيئة انا لا اريد ان يكتبني الله عنده من العاقين أخاف كثيرا لكن ماذا افعل اريد ان تنصحوني انتظر منكم النصيحة وليس التهجم او التجريح لاني أصبحت حساسة جدا
السلام عليكم ورحمة الله وبركاته
أختي في البداية أود ان اقول الله يشفي الأب الكريم وإن شاء الله يرجع يعاملكم بطيبة مثل قبل وأكثر
في كثير من الأحيان الإنسان يغضب بشدة ويوصل يقول كلام يندم عليه فيما بعد
لكن يا أختي لا بد ولازم تعرفي أنو حتى فلحظة الغضب أنت مسؤولة عن كل لفظ تنطقين به
لازم تصبري قدر الإمكان عن أي فعل يقوم بيه ابوك
هناك من عاش مسلما وابوه كافر يصرخ عليه و يعاملو بطريقة اصعب لكن يبر به إبنه
يتوجب عليك البر بأبيك ولازم تحاولي تتحكمي فغضبك وكل ما تغضبي استعيذي بالله من الشيطان الرجيم و اذكري ربي سبحانو و اكتمي غضبك وبدل ما تدعي عليه ادعيلو بالخير
قولي يا الله اغفر لأبي و ارحمه واشفه
ادعيلو بالخير
فلأبيك فضل عليك مهما كان تعامله معك
ولا تنسي أن من الصدقات الجارية الولد الصالح الذي يدعو لأبويه لا عليهما فكوني صالحة في حياتهم ومماتهم
تفكري ديما نو كاين لي يتمنى باباها يكون حي قدامو
يشوفو يشم ريحتو يطمن عليه بلي راه حي
قولي الحمد لله انو هاذ النعمة قدامك
قلتي اصيب بجلطة دماغية وتبدل يعني ماكانش هك
لالومة عليه
ربي يشفيه ان شاءالله
انتم لاه تدعو عليه الربي ؟؟ واش بيكم هك
كون جا راه نورمال معليهش بصح قلتي مريض مريض مريض
احبسو من هاذ التصرفات
بري بوالدك غدوة تلقايها في الجنة
اولا ربي يشافيه ويعافيه من مرضه ويجعله تحتات دنوب كيما يقولو شوابين..
تانيا مانكدبش عليك تنارفيت كي قريت موضوعك قبل ماتدعي عليه بغضب ولا بلا غضب تفكري كي كنتي صغيرة وكان يقلشك وبلاك درتيله صوالح ماتعقليهمش ينرفو وضحك في وجهك وجامي دعى عليك بالعكس كان يشقى ويشريلك لي تبغي مع ابتسامة عريضة آسكو كي كبر وسحق هاديك الابتسامة تحرميه منها ودزيدي تدعي عليه امالي ابشيري ولادك غاديين يدعو عليك انت تان..
نقولهالك صراحة راكي غالطة الف بالمية تهلي في باباك راه مريض وربي وحده عالم بحالته مهما يدير ستحملوه مهما كان غدوة يغيب عليكم وتندمو صحي اخطاءك معه مدامه حي وساعفوه ساعفوه ساعفوه ووصي يماك قوليلها رضا الرب من رضا الزوج تتهلى فيه وماتدعيش عليه حتى ولو يضربها باسكو ماشي غرضه مسكين..
الله يشافيه مسكين وانت صحي علاقتك معاه مدام تسع خير ما تندمي وتكون طفرت ولزوله بلاك لينار نتاع المرض وبعدتو عليه زادت حالته...
وسمحيلي بلاك كلامي كان قاسي شوية بصح في صلاحك هدا الكلام وربي معاك..
السلام عليكم و رحمة الله و بركاته
أولا فرج الله كربك أخية و شفى والدك شفاء عاجل يا رب و أرجعه أحسن من ذي قبل
و تذكري بلي هذا ابتلاء من الله لكم أتصبرون أم تجزعون فاحرصي أن تكوني من الفريق الأول يا أختي الله يرضى عليك
خصوصا هذا مش أي انسان هذا أب
علابالك و شم معنتها يكون عندك باباك و عشتي معاه طفولتك وخصوصا كيما راكي تقولي كان معاملك أحسن معاملة
هذه نعمة عظيمة أنعمها الله عليك كاين ناس تحرمو من آباؤهم في طفولتهم وكاين لي أصلا ماشافوش باباهم
كاين لي الدنيا و راحتها و الناس الكامل لي راكي تذكري فيهم انزعجو من بابك مايسواش عندو أي قيمة مقارنة أنو يعيش لحظة مع باباه لحظة واحدة ويلوكان تكون هادي اللحظة فيها من الألم مافيها المهم بالنسبة ليه أنو باباه فيها
صح صعيب تعيشي مع انسان أصبح يحمل طباع سيئة لكن هذا الانسان يوما ما كان سند لك و لا زال {لأنو الشيء لي قلتي عليه فوق طاقتو بمأنو مرييض}
شوفي كلما تقلقي من تصرف معين تذكري يوم ماراحش أنت وياه مع بعض {أطال الله عمر كليكما في الطاعة } لكن أقعدي مع روحك و خمي ماذا لو يموت باباك ؟ ماذا لو أصلا هاذي الفترة لي عشتيها معاه حلوة كنت يتيمةفيها ؟واش كانت راح تكون أمنيتك ؟
أنا نقلك واش راح تكون لأنو هي أمنية أي يتيم تتمناي لحظة واحدة يرجع فيها حي و تبريه فالله يرضى عليك أحسني له مادام معك أحسن من الندم كي يولي لقاؤه أمنية
و أدعيلو ادعيلو ربي ييقول لشيء كن فيكون ما تيأسيش كامل و سيي تتحكمي في نفسك انما الحلم بالتحلم يوم تشدي شوية وغدوة شوية حتى يولي كظم غضبك شيء عادي و بمجرد تغضبي روحي أتوضاي و تعوذي بالله من الشيطان الرجيم و ربي يسرلك حوالك ان شاء الله في القريب العاجل يرجع لحالو الطبيعي
والدك قطعة منك احببت ام كرهت مجرما كان ام انسانا صالحا
وش نحبوهم نهار يكونو ملاح برك
نعرف واحد يصبح بالضرب من الوالد نتاعو ويرقد بالضرب نتاع الوالد
بصح جامي قال انا نكره بابا او نتمنى موتو
وحد النهار فقط جا الاب نتاعو يزورو في الليسي قريب تغاشى من الفرحة
يااختي الوالد نتاعكم مريض واحسن حل انك تروحو لطبيب نفسي
وتخبريه بالحالة نتاع الوالد نتاعك وهو يقدر يعطيك الدواء المناسب
وربي يهدي الوالد ويهديك
كل ما صراتلكم مشكلة مع الوالدين نتاعكم تفكرو الايتام
عندي جدي العام اللي فات ماتت الوالدة نتاعو عن عمر 99 سنة
والله والله والله
نهار يشوفني رافد الميكرو يقلي شغلي الفيديو نتاع جداتي الله يرحمها ونخليه يبكي وحدو
ربي يهدينا الوالدين صعاب صعاااب.
لا اله الا الله
اول شيء ربي يشفي الوالد الكريم اصدقني القول استغربت كيف تدعين على والدك بأمراض خبيثة ؟؟؟انت قلت انو لم يكن هكذا تغير بعد الجلطة دماغية ...سامحك الله ..حتى ولو كان تغير احمدي الله انه موجود ..عندنا مثل شعبي يقول (علتو ولا قلتو) يعني عصبيتو وافتعالو للمشاكل أهون بكثيييير من عدم وجوده. .صراااحة استغربت ..ربما ردي لايعجبك لكن انا هكذا لا احب المجاملو والنفاق ..ربي يشفي والدك ويحفظه ..ويجعل بيتكم مملوء بسكينة وطمأنينة يااارب ..
يجب على أهل المريض أن يصبروا عليه، ولا يضيقوا به، أو يملوا منه، وخصوصًا إذا طال مرضه.
فإن الأشد من المرض إيجاعًا وإيلامًا، أن يشعر المريض أنه أصبح عبئًا على أهله، وأنهم يتمنون أن يريحهم الله منه، يرى ذلك على صفحات وجوههم، وفى نظرات أعينهم، وفلتات ألسنتهم.
وإذا كان صبر المريض على ما ابتلى به من المرض، من أعظم ما يثيب الله تعالى عليه، كما صحت بذلك الأحاديث، فإن صبر آله وذويه على تمريضه ومعاونته على الشفاء لا يقل مثوبة عنه، بل قد يزيد عليه ؛ لأن صبر المريض أشبه بصبر الاضطرار، وصبر أهله صبر اختيار، ذلك صبر على البلاء، وهذا صبر على فعل الخير.
ومن أوجب من يجب الصبر على صاحبه إذا حل به المرض: الزوج على زوجته، والزوجة على زوجها.
فالحياة أزهار وأشواك، ونفحات ولفحات، ولذات وآلام، وصحة وسقام، ودوام الحال من المحال.
ربي يشفي والدك ويعافيه
عليكم بالصبر والتحمل لأنه مريض ولا يع ما يفعل ...
هل ترمونه وتدعون عليه هذا حرام عليكم
نعم اقدر ظروفكم لكن ما باليد حيلة الصبر والدعاء له
