السلام عليكم و رحمة الله و بركاته
رواد قسم التسلية و الفكاهة و الطرائف اهلا و سهلا و مرحبا بيكم
في ...
سلسلة فكاهية بأداء ارتجالي ... تلقائي ...
تعالج مواضيع شائعة و مشاكل يومية لعائلة جزائرية متكونة من زوج وزوجة
" رابح و رابحة "
نترككم مع العدد الرابع ...
[ATTACH=full]82234[/ATTACH]
( رابحة رايحة جاية في الدار و تحكي معا روحها) ... يااربي وااش بييه هذا لذرك مادخل!! البارح ماعجبنيش حالو قاااااع .. زعمااا واش بيه!! ..
زعمااا يكوونااااا 
... لاالااا واش بيكي يارابحة هاااا .. ياااحوجي و يكوون ااا ..
(ررابح داخل للدار بعد يوم من العمل )
اا بسم الله الرحمن الرحيم ... التعب يكسر الواحد من الفوق للتحت .... رابحة ! ... رقدة وقيلا هذي المخلوقة بيها التعب ثاني هههه
ااا رااابح جيتااا .. واش بيك طولت اااه؟ وين كنت اااه؟
اهلا بيك ... وش بيك نتي وين حبيتي نروح
ها خدام نهار كامل في الحانوت وين حبيتي نروح
في الحانوووتاااا ... استنى هاااك ... رابحاااا شريت بارفان جديييدااااا ... عادلك خمس سنين ماحطيتش البارفان ... واش صار اااه؟؟؟
اسم الله الرحمن الرحيم وش بيك مسيتي تشكي و تحزني اسي
ايه في الحانوت وين حبيتي نروح
و الريحة هذي قديمة .. ياك تاع خالتك الي قلطت شرات ريحة تاع رجال
و كي ما جاتهاش عطاتهالي .... اخطيك اخطيك من التوسويس هذا
ايواااه توسويسااااا .. ماعليش اااسي رابح .. و تحب تتعشا ولا تعشيت في كاش بلاصااااا
ماكلاه العشا ... راني تعشيت برا عند صاحبي .... عرضني على شخشوخة ... ق روحي ترقدي
ااااااحووووجييي ياااانااااا ... شخشووووخااااااا .. ااارااابح وكلوووهالك مشخشخة ...
ياااربي رااااح الراجل ... راهي شخشوووخة
ايه شخشوخة وش بيها الشخشوخة .... وش بيك اسي تويلي هاك و تعيطي 
... ق الخير ... ياك ما صرا والو
يااااراااابح قووولي عند شكون كليت الشخشوخة اااااه .. قووول شكون لي عشاتك الشخشوخة اه ؟؟
و ان شاء الله عجباتك الشخشوخة اااا رابح
اااحفيظ شني ذي الحية
شخشوخة السيد عرضنا قاع مش ق انا ... و كلينا عادي و الواقع اه ههه عجبتني الشخشوخة خيرات الله يبارك ههه يرحم اليدين لي طيبوها
وقيلا اختو هي لي طيبتها هو ياك مش متزوج ههه
لااااالاااا هذي قاتلهم اسكتو .. عجبوووك يديييهااااا ... و اصباعها واش زينيناااا .. و شريت الخاتم ولا مازال اااه ... ايييييه يااارابح نستااااهل .
ما شفت لا يديها لا حية اخرى راني ق نقولك وش كليت برك .... و هاهي بدات تشنف و تتدخل بعضها
وش بيك ههه .... ق قولي وش راه يقولك راسك برك ههه
انت قولي واش راه يقول رااسك .. خلاص اااراابح راح تجيبلي ضرة ااااه
يا حسرااااااه .... امالا من الصباح تلفي و ادوري ق باه تجبيلي الحكاية هذي
كن جيت راح نتزوج .... راني نجيبها و ما نقولكش قاع حتى تلقايها معاك .... هاني قلتلك
يااااااحوووووجييي ياايما اجريلي .. بنتك راح يتزوج عليها .. صحيح لي قااال 
.. الرجال و الزمان ما فيهم لامان
شني لامان و الرجال و مش عارف ... انا نروح نتوضى و نخليك هنا ... ياخي حالة ياخي
( رابحة حكمت الفيستة تاع رابح و بدات عملية تفتيش ) ... ايييه يارابح تحسب راح تفوتها عليا اه ..
خليني نشوف الجيوب كاشما فيهم .. اااه شوينقوووم ... ايييه يارابح من ويكتا تاكل الشوينقووم ااه ... نشوف الجيوب لاخرين ترا ...
ايييه يعرف يخفي الأدلة هذا الستوت .. بصح و الله ق نحكمك متلبس و تشوف
( رابح يخرج من الدوش ههه ) يا محمد سيدي وين راحت هذي ! ... رابحة ! ...يااتلا ارواحي !! نحتاجك !!
( رابحة تسمع رابح ينادي .. ترجع الفيستا لبلاصتها ) .. اااانعم ااانعم ااارابح وااش بيك تنادي ق الخير
ارواحي ارواحي نقولك برك
راني نشوف فيك من الصباح رايحة جاية و كذا و تهدري و تعاودي و الشك يساور فيك ...
و منا و جاي كي تفركتي الفيستة رجعيها كيما كانت راني نشوف فيها معوجة مش كيما حطيتها
( رابحة تدخل بعضها قاع) .. ااا اااا واشمن فيستة ثاني ياراجل .. هذي الشخشوخة بدات تخدم و بديت تهلوس
شوفي نقولك حاجة .... انا راني ما تعشيت برا ما والو
راني ق كي شفتك الغيرة تاكل فيك قلتلك شخشوخة و كذا
روحي يعطيك الصحة سخنيلنا العشا راني ميت بالجوع و اخطيك من الشك خطرة اخرى
( رابحة اطير بالسعادة بصح جامي تستعرف ههه ) ..
اااا .. اااا ... ماااشي حوووجي ياما
...
" النـــهـــــايــــــة "
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ان شاء الله تكون الحلقة تاع اليوم عجبتكم
قام بأداء الأدوار
رابح [USER=182401]@Salah eddin[/USER]
رابحة [USER=168226]@حروف تائهة[/USER]
