طفولتي في رمضان ?

[صانعة الإبتسامة]

كيفكم نشالله تولو بخير وخير مني

حبيت نحكي اليوم على طفولتي في رمضان ونتفكر يامات زمان

من كنت صغيرة كان يجينا رمضان مع لقراية نحكيلكم على يومياتي ومتضحكوش على المهبولة

نبدا نهاري نوض الصباح ونشرب حليب وبعدها نرفد كرتابلي ونروح نقرا طبعا سؤال الأول لي يسألوه صحباتي كالعادة ..صفاء أنت صايمة؟؟؟

أنا نقلهم إيه
بعدها يقولو وري لسانك ..
نوريلهم لساني
يشفوه أبيض (بحكم شربت لحليب هههه)
يقولو أووو صفاء صايمة
وأنا يطلعلي المورال ههه

كنت كي نسرح من ليكول نروح نتغدى ...ومن بعد نرجع للمدرسة يقلولي مازلتي صايمة نقلهم إيه

ونلعبها جيعااانة ههه باش ميفيقوش يااالطيف مني ستوووتة من بكري

بون كنا نخرجو من المسيد على 2 إيه ..

نلقى ماما بادت طيب ونبدا نشوف فيها

روح نتفرج نلقى(بوراكة برنامج نتاع حميد عاشوري ههه) كنت نحبو بزااف سورتو أغنية نتاع البرنامج لي غناها (لطفي دوبل كانون ههه) نزيد لصوت ونبدا نرقص وماما تعيط مسكينة الغالية ممممم

بعدها تعيطلي أرواحي ذوقيلي نروح نجري ونبدا نذوق ونقلها ماما زيديني شوية باش نذوق مليح وماما تزيدني يعني نشبع ههههه ونقلها ماما يعطيك الصحة شبعت تقولي بصح قتلك ذوقي ماشي اشبعي

كي أذن المغرب نفطرو مي أنا نخرج لزنقة ونبدا نشوف مانلقى حتى واحد هدوووووووء نسمع غير صوت لمغارف

بعدها أنا وختي نروحو لصلاة تراويح في الجامع
الله غالب كنت صغير بلاك عندي 6سنوات أو 7سبعة
ندييير حااالة ههه في الجامع يعني ماشي نعيط نونو نلاوح بلفرد هههه ونداوس مع لبنات بصح مش شريرة بزاااف هوما يظلموني تجينا وحد لعزوج تقلنا انتم روحو العبو مراكمش نتاع صلاة بعدها نقلها علاش خالتي خلينا نتعلمو تقولي تعلمي في داركم حلوووفة لعزوج قصفتني ههه

كي نكملو تراويح نرجعو لدار نسهرو نتفرج مسلسل (مليكة هاديك لمرا لموسوسة) كان دايرة حاالة في وقتنا

بعدها نخرجو نلعبو مع بنات الجيران ديرو حااالة بلجري ولعياط نهبلو الغاشي بسكو كنا نسكنو في باطيما نلعبو في الكاج ونخرجو زلابية والقازوز وقلب اللوز ونديرو رواحنا نساء ههه ونبداو نقصرو انا نجيب خويا صغير ونقل لصاحبتي هذا ابني وهي ثاني تجيب ولد ختها هههه والله يامات جازو شابين

بعدها ندخلو لدار ونروحو نرقدو ودار يبقاو ساهرين يجي وقت السحور تونضني ماما نسحر وبعدها
غدوة نفطر

هذه يومياتي في رمضان بكري

نشالله يعجبكم هبالي

أيا كل واحد ياشاااارك ويحكيلنا على يومياتو في رمضان بكري يعني من كان فاطر

اليكم الخطا ابدعو ولا بعدو

​

 

[صانعة الإبتسامة]

@Salah eddin
@صمت المشاعر
@وحي القلم
@لؤلؤة قسنطينة
@ميلينا
@أم ياسمينdz
@زهرة اللمة
@أشــواق 19
@طيب الكلام
@حلم كبير
@فتحي عاشق الجنه
@يونس قاسم
@فاعل الخير
@وحيدة كالقمر
@حروف تائهة
@الأزرق الملكي
@hakim story
@سكون الفجر
@دعاء الجنات
@ليليا مرام
@بشرى ملاك
@Ma$Ter
@كهينة القبائلية
@عاشقة الإحسان
@أم منيــــــر
@مناجاتي لسجادتي

 

[بشرى ملاك]

هههههه ذكريات...
فكرتيني كي كنت صغيرة كان خالي يقولي لوكان تصومي ڨاع رمضان كامل نشريلك حاجة شابة وصمت يا صفاء حبيبتي شحال من رمضان ڨاع ولحاجة شابة ڨاع ماجاتش لحد الآن

 

[صانعة الإبتسامة]

هههههه ذكريات...
فكرتيني كي كنت صغيرة كان خالي يقولي لوكان تصومي ڨاع رمضان كامل نشريلك حاجة شابة وصمت يا صفاء حبيبتي شحال من رمضان ڨاع ولحاجة شابة ڨاع ماجاتش لحد الآن

سلاااااام
هههههههه دوووم الضحك حنووونة
صح مام انا يقلولي صومي نشرولك حاجة ولدرك مشراوليش ههههه

 

[مناجاتي لسجادتي]

هههههههه و الله ضحكت بالدموع عشرتي .
نتي تبارك الله عليك ظهرتي السطح طايرلك من صغرك
فكرتيني بالعفسة تاع من كنروحو للمسيد نضالو نزوخو بلي رانا صايمين و نخرجو في لساناتنا خخخخ
انا من دكرتاتي ( تسما ماشي دكرايات قديمة غير لعام لي قبل لي فات ههه)
كانو والديا يحثو فيا و ينصحوني باه نوالف الصيام (ربي يشد في صحتهم و يجازيهم خير) كنت نفطر الصباح و نروح نقرا و كنرجع تقلي امي ضرك راح تصومي و تحبسي لماكلة و الشراب حتى لأدان المغرب و كنت نسمعلها و نصوم ههه
و النهار لمنقراش فيه كيما الجمعة يوصوني باه نصوم نهار كامل اما ساعات نكمل النهار و ساعات نطلع للسطح نعمرها بلماكلة و نمسح فمي و نلعبها مرمضنة و على اعصابي هههه

لحاصيلو ياسر دكرايات كاش متفكرت نقلكم
شكرا صفاء على الموضوع يا مشاكسة .

 

[مناجاتي لسجادتي]

في السهرية كنت نروح لدار اختي نلعب سوبر ماريو ..كنت نحبو هههه

 

[صانعة الإبتسامة]

هههههههه و الله ضحكت بالدموع عشرتي .
نتي تبارك الله عليك ظهرتي السطح طايرلك من صغرك
فكرتيني بالعفسة تاع من كنروحو للمسيد نضالو نزوخو بلي رانا صايمين و نخرجو في لساناتنا خخخخ
انا من دكرتاتي ( تسما ماشي دكرايات قديمة غير لعام لي قبل لي فات ههه)
كانو والديا يحثو فيا و ينصحوني باه نوالف الصيام (ربي يشد في صحتهم و يجازيهم خير) كنت نفطر الصباح و نروح نقرا و كنرجع تقلي امي ضرك راح تصومي و تحبسي لماكلة و الشراب حتى لأدان المغرب و كنت نسمعلها و نصوم ههه
و النهار لمنقراش فيه كيما الجمعة يوصوني باه نصوم نهار كامل اما ساعات نكمل النهار و ساعات نطلع للسطح نعمرها بلماكلة و نمسح فمي و نلعبها مرمضنة و على اعصابي هههه

لحاصيلو ياسر دكرايات كاش متفكرت نقلكم
شكرا صفاء على الموضوع يا مشاكسة .

هههههههه ههههههههه
ضحكتني كي قلتيلي (غير لعام لي قلب لي فات هههه صغيرووونة هه)
مام انا نلعبها صايمة ونولي شبعااانة وتخيلي تقلشني ماما وكي ناكل مع المغرب تقولي صحيتي (صفصوفة) كي صمتي ههه وانا نفرح ومن بعد نعترف ههههه

 

[مناجاتي لسجادتي]

نتفكر تاني مرة كنت صايمة نهار الكل و قلقت حبيت نلتى بكاش حاجة نفوت بيها الوقت ايا رحت نعاون في ماما قبل لفطور بشوي
دارتلي شغل قاتلي افتحي كعبات التمر و عمريهم بالشامية مكنتش من لعاكسين و بديت نعمر في التمر بالشامية و لي بقا في صوابعي نلحسو
عبيتها قدقد بالشامية ههه
مفقتش لروحي حتى دارتلي ماما و شافتني قاتلي يعطيك الصحة صايمة و عليك لكلام هههه

 

[صانعة الإبتسامة]

نتفكر تاني مرة كنت صايمة نهار الكل و قلقت حبيت نلتى بكاش حاجة نفوت بيها الوقت ايا رحت نعاون في ماما قبل لفطور بشوي
دارتلي شغل قاتلي افتحي كعبات التمر و عمريهم بالشامية مكنتش من لعاكسين و بديت نعمر في التمر بالشامية و لي بقا في صوابعي نلحسو
عبيتها قدقد بالشامية ههه
مفقتش لروحي حتى دارتلي ماما و شافتني قاتلي يعطيك الصحة صايمة و عليك لكلام هههه

هههههههه
صح فطورك هههه
تسلمي خيتي صغيرة ربي يسعدك ويحقق أحلامك ❤

 

[زاد الرحيل]

هي شقاوة الطفولة حتى في رمضان ،الغالبية مروا بحكايتك و اللسان الابيض هو رمز الصيام و مع هذا قدرت تخدعيهم انا كنت نمسحه مليح و مرات نصوم بالساعات فقط

 

[مناجاتي لسجادتي]

هههههههه
صح فطورك هههه
تسلمي خيتي صغيرة ربي يسعدك ويحقق أحلامك ❤

هههه يسلمك عشيرتي

آمين و لكي بالمثل و اكثر اختي

 

[همسة نجاح]

سلام عليكم ورحمة الله وبركاته
كيفكم نشالله تولو بخير وخير مني

حبيت نحكي اليوم على طفولتي في رمضان ونتفكر يامات زمان

من كنت صغيرة كان يجينا رمضان مع لقراية نحكيلكم على يومياتي ومتضحكوش على المهبولة

نبدا نهاري نوض الصباح ونشرب حليب وبعدها نرفد كرتابلي ونروح نقرا طبعا سؤال الأول لي يسألوه صحباتي كالعادة ..صفاء أنت صايمة؟؟؟

أنا نقلهم إيه
بعدها يقولو وري لسانك ..
نوريلهم لساني
يشفوه أبيض (بحكم شربت لحليب هههه)
يقولو أووو صفاء صايمة
وأنا يطلعلي المورال ههه

كنت كي نسرح من ليكول نروح نتغدى ...ومن بعد نرجع للمدرسة يقلولي مازلتي صايمة نقلهم إيه

ونلعبها جيعااانة ههه باش ميفيقوش يااالطيف مني ستوووتة من بكري

بون كنا نخرجو من المسيد على 2 إيه ..
نلقى ماما بادت طيب ونبدا نشوف فيها

روح نتفرج نلقى(بوراكة برنامج نتاع حميد عاشوري ههه) كنت نحبو بزااف سورتو أغنية نتاع البرنامج لي غناها (لطفي دوبل كانون ههه) نزيد لصوت ونبدا نرقص وماما تعيط مسكينة الغالية ممممم

بعدها تعيطلي أرواحي ذوقيلي نروح نجري ونبدا نذوق ونقلها ماما زيديني شوية باش نذوق مليح وماما تزيدني يعني نشبع ههههه ونقلها ماما يعطيك الصحة شبعت تقولي بصح قتلك ذوقي ماشي اشبعي

كي أذن المغرب نفطرو مي أنا نخرج لزنقة ونبدا نشوف مانلقى حتى واحد هدوووووووء نسمع غير صوت لمغارف

بعدها أنا وختي نروحو لصلاة تراويح في الجامع
الله غالب كنت صغير بلاك عندي 6سنوات أو 7سبعة
ندييير حااالة ههه في الجامع يعني ماشي نعيط نونو نلاوح بلفرد هههه ونداوس مع لبنات بصح مش شريرة بزاااف هوما يظلموني تجينا وحد لعزوج تقلنا انتم روحو العبو مراكمش نتاع صلاة بعدها نقلها علاش خالتي خلينا نتعلمو تقولي تعلمي في داركم حلوووفة لعزوج قصفتني ههه

كي نكملو تراويح نرجعو لدار نسهرو نتفرج مسلسل (مليكة هاديك لمرا لموسوسة) كان دايرة حاالة في وقتنا

بعدها نخرجو نلعبو مع بنات الجيران ديرو حااالة بلجري ولعياط نهبلو الغاشي بسكو كنا نسكنو في باطيما نلعبو في الكاج ونخرجو زلابية والقازوز وقلب اللوز ونديرو رواحنا نساء ههه ونبداو نقصرو انا نجيب خويا صغير ونقل لصاحبتي هذا ابني وهي ثاني تجيب ولد ختها هههه والله يامات جازو شابين

بعدها ندخلو لدار ونروحو نرقدو ودار يبقاو ساهرين يجي وقت السحور تونضني ماما نسحر وبعدها
غدوة نفطر

هذه يومياتي في رمضان بكري

نشالله يعجبكم هبالي

أيا كل واحد ياشاااارك ويحكيلنا على يومياتو في رمضان بكري يعني من كان فاطر

اليكم الخطا ابدعو ولا بعدو

قتلتني بضحك ...راكي ابدعتي وديتي كل الذكريات واش بقا نحكو ههه

 

[همسة نجاح]

نتفكر تاني مرة كنت صايمة نهار الكل و قلقت حبيت نلتى بكاش حاجة نفوت بيها الوقت ايا رحت نعاون في ماما قبل لفطور بشوي
دارتلي شغل قاتلي افتحي كعبات التمر و عمريهم بالشامية مكنتش من لعاكسين و بديت نعمر في التمر بالشامية و لي بقا في صوابعي نلحسو
عبيتها قدقد بالشامية ههه
مفقتش لروحي حتى دارتلي ماما و شافتني قاتلي يعطيك الصحة صايمة و عليك لكلام هههه

ههههه فكرتيني مرة وانا صغيرة نهار كامل وانا صايمة دقايق قبل لمغر وجدو طابلة وخطو وحد طبسي نتاع حمس لالالا يقاوم ما فقتش بروحي هزيت حمصة ومصيتها ههههه

 

[همسة نجاح]

مرة وانا واختي لي كبر مني بعثونا دار لحبابنا
وحنا في طريق حلفت فيا اختي قاتلي الا سقسوني راني صايمة نقولهم ايه
عندك تفضحيني هههه كي وصلنا طبعا سقسوها وانا لا لخاطر كنت صغيرة وهي كبر مني شوي
المهم كي جينا رايحين انا عطوني صبع عروسة وفورماج وهي عطاوها اتاري هههه كانت تموت على لفرماج
غير ما خرجنا من عندهم طارتلي بالفرماجا ههههه ليوما مازالت في بالي
والله ذكريات تسعد

 

[HAMZA USMA]

ههههه ذكريات جميلة موفقة

 

[مناجاتي لسجادتي]

ههههه فكرتيني مرة وانا صغيرة نهار كامل وانا صايمة دقايق قبل لمغر وجدو طابلة وخطو وحد طبسي نتاع حمس لالالا يقاوم ما فقتش بروحي هزيت حمصة ومصيتها ههههه

هههههه مزية كنا صغاار كون راهم بهدلو بينا خخ

 

[مناجاتي لسجادتي]

مرة وانا واختي لي كبر مني بعثونا دار لحبابنا
وحنا في طريق حلفت فيا اختي قاتلي الا سقسوني راني صايمة نقولهم ايه
عندك تفضحيني هههه كي وصلنا طبعا سقسوها وانا لا لخاطر كنت صغيرة وهي كبر مني شوي
المهم كي جينا رايحين انا عطوني صبع عروسة وفورماج وهي عطاوها اتاري هههه كانت تموت على لفرماج
غير ما خرجنا من عندهم طارتلي بالفرماجا ههههه ليوما مازالت في بالي
والله ذكريات تسعد

هههههههه
و الله الصغر وحدو ..ايامات فاتت و مترجعش
ربي يسعدك اختي

 

[صانعة الإبتسامة]

قتلتني بضحك ...راكي ابدعتي وديتي كل الذكريات واش بقا نحكو ههه

دوووووم ضحكة على وجهك حنونة مرسي لتواجدك العطر❤

مرة وانا واختي لي كبر مني بعثونا دار لحبابنا
وحنا في طريق حلفت فيا اختي قاتلي الا سقسوني راني صايمة نقولهم ايه
عندك تفضحيني هههه كي وصلنا طبعا سقسوها وانا لا لخاطر كنت صغيرة وهي كبر مني شوي
المهم كي جينا رايحين انا عطوني صبع عروسة وفورماج وهي عطاوها اتاري هههه كانت تموت على لفرماج
غير ما خرجنا من عندهم طارتلي بالفرماجا ههههه ليوما مازالت في بالي
والله ذكريات تسعد

هههههههه ههههههههه
ضحكتني بزاااف على ختك لكبير فكرتني في اختي والله ههه
ذكريات شابة لوكان يرجع نهار منها برك
مرسي مجدادا يا غالية

 

[صانعة الإبتسامة]

ههههه ذكريات جميلة موفقة

شكراااا لمرورك أخي الكريم

 

[Skor m@k]

السلام عليكم
صح ذكريات هايلين والصغر مايتعاودش هههه
كي كنا صغار تمنينا نكبرو هههه بصح كي كبرنا الاحلام تاعنا كرهناها ههههه
بصح برابور للدراري تاع ضرك راني نشوفهم ماشي كي بكري
حنا بكري نحبوو كي نصومو مام مانقدروش نلعبوها صايمين ونكذبو ونقولو بلي ماكليناش
بصح تاع ضرك يفرح ويبدى يزوخ كي مراهوش صايم سورتو قدام صحابو
شكرا لك ختي فكرتينا فاليامات ههههههههه​