ناس اللمة صحيتو نشالله راكم بخير و عافية ... الحمد لله اسيدي ...
أهلا و سهلا بكم في سلسلة :
طَرَآئفُ وَ حَكَـــآيَآ رَمَضَآنِـــيَّـــةٌ
يا سيدي و الله ق قضتوني ... و عندي مدة ما حكيتلكمش حكاية ... و مع لي راه رمضان و الله يقدرنا نصوموه بالصحة و العافية نشالله
قلت و الله قلا حكيتلكم حكاية زينة كي العادة ... هكذا و نزهاو بيها و انحو بيها شوية قبنة ...
المهم ... يا سيدي و قالك هذا واحد السيد ... في مكة ... و السيد ق منا من دزاير معناها مش من جيهة اخرى ...
المهم يا سيدي السيد هذا في مكة و مقابل الكعبة و يصلي عادي كيما الناس و كيما عباد ربي ... يصلي في نافلة ولا مش عارف المهم يصلي ...
يا سيدي و هو على هذيك الحال ... حتى جاو ناس من بنغلاديش ... ق كي دخلو للاسلام ... و جاي الgيد تاعهم يوريلهم في الدين كفاه ...
و يعلم فيه في الاسلام و الصلاة و الزكاة و كل امور الدين المعروفة يعني ...
المهم و هذو الجماعة تاع بنغلاديش ... كي شافو السيد يصلي خاشعا متصدعا ... عجبهم الحال
... و قالو بالحق هذا الاسلام و الدين و ها كفاه لازم الصلاةالمهم عجبهم الحال ... و تقدمو نحو السيد و بداو يشوفو فيه كفاه يصلي ... ههه
المهم يا سيدي السيد صاحبنا كي شاف الجماعة تقدمو ليه ... اداها في روحو ههه و عجبو الحال
... و بدا يزيدلها و يتكسل فالصلاة هههو بدا يجود و حالتو حالة ... و المخلوق ق يحش
هههه من قير الحمد لله و طلع البدر ما يعرف حتى حية هههالمهم يا سيدي ... و هذو الجماعة بقاو مسامي ( بجانب ) السيد ... و بداو يقولو " ما شاء الله ... تبارك الله ... " ... و السيد خلاااص هههه
يحسب روحو منها ضمن الدنيا خلاص ههه
المهم كي كثرو عليه المديح ... و السيد خلاص دار كلش ... ما لقاش وش يزيد يدير باه يعجبهم
ههههراكم عارفين وش دار ؟؟؟ هههه
تلفت ليهم و هو راكع ...
و قاللهم : " هذي الصلاة قاع و راني بلا وضوء ... كن جيت متوضي راه حديث آخر "
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ايا صح سحوركم نشالله
آخر تعديل:
