رمضان شهر {{الشباب والشابات }}

[Hakan]

السلام عليكم اعزائي وزملائي في قناة اللمة الجزائرية اقصد منتدى اللمة الجزائرية
تعودنا في اشهر رمضان الماضية للسنوات السابقة انو قنواتنا العزيزة تستضيف مجموعة ثرية من الشاباب والشابات
الذين يمثلون الطبقة الراقية من الوعي الشبابي والقوة الشبابية التي تفخر بها الجزائر وتقابل بيهم الامة الاسلامية في شهر رمضان
من هؤلاء الشباب :
الشابة دليلة { دكتراه في التبراح ..ماجستار في الغناء ...ديبلوم عالمي في الرقص ..تموت على ربي سبحانو كيما تقول هيا ..خريجة اكبر كباريهات الجزائر بدرجة التقدير والامتياز }

الشابة وردة شارلامونتييه { بروفيسورة في التبراح الملحن ..دكتراه في السب والشتم ..ماجستار في علوم الخمر ومشتقاته }

نجيو للشباب :
الشاب ماميدو { بروفيسور في التخنث ...دكتراه في الغناء الماجن .... صاحب كتاب ( الشتم والسبان في فنون الرقص والغناء )}

والكثير من الشباب والشابات الذين تركز عليهم قنواتنا الهادفة وتقوم بعرض سيرهم الذاتية تزامنا مع الشهر الفضيل شهر القرآن وشهر الانتصارات الاسلامية ..
وفي الاخير اقول للعلماء نتاع الجزائر ودكاترتها و مفتيها اذا لم تتحركو ضد هذه القنوات ولم تحركو ساكنا بفتاويكم التي اصبحت روتينية عند الشعب الجزائري فبئس العلم الذي تحملونه في صدوركم لانها وبكل بساطة
قنوات تسعى لنشر الرذيلة وهتك اعراض المسلمين والتجريح بقيم المسلمين في الجزائر وتبا لكل من يشاهد هذه القنوات في هذا الشهر الفضيل ...
سلام​

 

[وحيدة كالقمر]

صحيح ما قلته
يعرضو في الشهر الفضيل المخنثين و و المغنيات التافهات
ربي يغفر لنا
مشكور على الموضوع المعبر

 

[Hakan]

صحيح ما قلته
يعرضو في الشهر الفضيل المخنثين و و المغنيات التافهات
ربي يغفر لنا
مشكور على الموضوع المعبر

المشكل انو المغني الواحد تمت استظافته في عديد من القنوات والحصص
غير باش يفطرو الشعب الجزائري ويضيعو الشباب في شهر رمضان ربي يهدينا نشالله

 

[أم منيــــــر]

السلام عليكم
و الله يا حكيم جبتها في الصواب
و كان القنوات الخاصة تتسابق على هادوك الحثالة من البشر و خاصة في رمضان كل واحد يجري يدير حصة معاهم
يا اما حصص على حياتهم يا اما في كاميرا خفية نتع تبهدايل كي شغل الجزاير خلات و ما بقاش فيها على من يحكيو

كنا نحشمو نهدرو عليهم في جماعة رجعنا نشوفوهم على التلفاز و قدام لعايلة
اعطاوهم قيمة فوق اللازم حتى عادو يتبهاو (بانجازاتهم )
سب و طياح و ضرب و الله صدقني شفت شويا فليتوب قلبي وجعني و الله ما نضيع وقتي على ناس نتع فسق و فساد و نعطيهم قيمة و نشوف فيهم
رانا نشوفو قنوات عربية و جزايرية يتسابقو على الرذيلة في هاد الشهر الكريم
حسبنا الله و تبا لهم و اتفووووووووه عليهم
بارك الله فيك على الموضوع
يا ريت كل الشباب المسلم عندو هاد الغيرة على الدين لو كان رانا لاباس علينا

 

[صانعة الإبتسامة]

بارك الله فيك أخي
للأسف هذا هو حال القنوات الجزائرية يركزون على الشباب لكن حسب هواهم ليجذبو انتباهه
انا حقيقة لم اشاهد التلفاز في رمضان الا البارحة مدة ساعة صدقا شاهدت مسابقة ثقافية ودينية ثم اطفأته
والله سيحاسبون امام الله على مايروجونه لشبابنا بطرق مباشرة او غير مباشرة ويغسلون ادمغتهم بأفكار دنيئة وخصوصا في الشهر الفضيل الله الله (ياك رانا صايمين ماشي غير على الماكلة حتى الكلام والنظر للمحرمات وووو)
الله يهدي ماخلق..

 

[السلطانة]

وعليكم السلام ورحمة الله وبركاته
يعني هاذو ماكفاهمش العام لي فات عرضوهم وتبهدلو عليهم زادو عرضوهم هاذ العام
عادو يعاودولهم في العرضة
وفي رمضان تاني
الجزء الثاني بلاك
عندهم لاينساو انوش مافيا وصباح ولاواش اسماها يعاودولهم العرضة تاني
لاحول ولاقوة الا بالله
العيب في الشعب لي يتفرج وساكت عليهم
هاذ العام مشفت والو من برامج دزاير
من غير رامز تحت الصفر نتفرجها بعد الفطور مع الراجل وخلاص

 

[Hakan]

السلام عليكم
و الله يا حكيم جبتها في الصواب
و كان القنوات الخاصة تتسابق على هادوك والناس اللي راهي من البشر و خاصة في رمضان كل واحد يجري يدير حصة معاهم
يا اما حصص على حياتهم يا اما في كاميرا خفية نتع تبهدايل كي شغل الجزاير خلات و ما بقاش فيها على من يحكيو

كنا نحشمو نهدرو عليهم في جماعة رجعنا نشوفوهم على التلفاز و قدام لعايلة
اعطاوهم قيمة فوق اللازم حتى عادو يتبهاو (بانجازاتهم )
سب و طياح و ضرب و الله صدقني شفت شويا فليتوب قلبي وجعني و الله ما نضيع وقتي على ناس نتع فسق و فساد و نعطيهم قيمة و نشوف فيهم
رانا نشوفو قنوات عربية و جزايرية يتسابقو على الرذيلة في هاد الشهر الكريم
حسبنا الله و تبا لهم و اتفووووووووه عليهم
بارك الله فيك على الموضوع
يا ريت كل الشباب المسلم عندو هاد الغيرة على الدين لو كان رانا لاباس علينا

اهلا بيك خالتي والله غير يستفزو في الشعب الجزائري اللي ما عندوش غيرة على الدين على الاقل تكون عندو غيرة على خواتاتو
يتفرجو في الفاسقات والماجنات كي يطلعولهم الشان ولا تكون عندك غيرة على الاب نتاعك ولا يماك يتفرجو في هذ الفسااد الواحد نهار كامل يحكم في روحو باش من لخر يفسد صيامو ويتفرج على حياة كارثة من كوارث الجزائر ويعجبك كيفاش تحكي قاتلهم انا نستغفر كامل النهار دهشت كي تفرجتها
ضركي واحد ما يعرفش الدين واش يقلك ؟
يقلك انا ندير كوارث و نستغفر وما علابالوش مسكين بلي كي تستغفر على الذنوب نتاعك حاجة نورمال بصح الذنوب اللي داوها الناس اللي يتفرجو فيك ويسمعلو لغناك شكون مولاهم قال الله تعالى:{ وَلَيَحْمِلُنَّ أَثْقَالَهُمْ وَأَثْقَالا مَعَ أَثْقَالِهِمْ وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ}
والناس اللي راهي تبارتاجي في الفيديوهات نتاعهم راهم يحسبو الجهر بالمعصية ق ساهل ربي يهدينا نشالله والله مسؤولية المراهقين اللي راهم مع المخدرات والفتيات اللي راهم في الشارع غير على رقابهم الى يوم الدين ​

 

[ضآحكة مستبشرة]

السلام عليكم
بارك الله فيك خويا حكيم حطيت يدك على الجرح
والله واش قلت كلو صحيح بهدلوا بينا مرانيش نشوف حتى برامج هادفة في القنوات الجزائرية غير الجياح و الفن و العفن تاعهم
ولات عندي اكره حاجة مشاهدة القنوات الجزائرية خاصة البرامج الفكاهية ولاو يجيبون فيها غير الخماج
يا سيدي حبو يجيبو فنانين رآهم كاين اله يبارك مثل محمد عجايمي خالتي بوعلام و بهية راشدي ووووووو
علاش خلاو هاذي و راحو الخماج الله اعلم
اما فيما يخص الشباب رآهم كاين نخبة مميزة في الساحة الجزائرية
كاين حفظة القران و المثقفين و المتفوقين في الدارسة و العمل
شباب الجمعيات الخيرية و الاعمال التضامنية لي يعرفو يحكو بأدب و باحترام
ولينا نسمعو غير طييييط طييييط في القنوات تاع تبهديل
ان شاء الله منكونش خرجت على الموضوع خاطرش قنوات بكل ما تحمل ماشي غير فئة الشباب راهي مقلقتني
يعطيك الصحة خيي​

 

[HAMZA USMA]

نسأل الله العافية.
شبهات وبدع
قالك عرضوها مع راجلها هاك فاهم هاذيك لي تضرب بصصباط
لا حول ولا قوة الا بالله
قول النبي صلى الله عليه وسلم : ( ليكونن من أمتي أقوام يستحلون الحر والحرير والخمر والمعازف ) رواه البخاري في صحيحه معلّقاً مجزوماً به ، والمراد بالحر .. الفرج الحرام ، والمراد بالمعازف : الغناء وآلات اللهو . ولأن الله سبحانه حرم على المسلمين وسائل الوقوع في المحرمات ، ولا شك أن مشاهدة الأفلام المنكرة وما يعرض في التلفاز من المنكرات من وسائل الوقوع فيها أو التساهل في عدم إنكارها والله المتسعان .

 

[classic girl]

السلام عليكم ورحمة الله تعالى وبركاته
أهلا أخي كيما يقولو راك قست الجرح بالملح !
للاسف هدا هو حال القنوات الجزائرية والبرامج الرمضـانية
يعني بطريقة او باخرى راهم غير يبينو بلي الجزائري اللي يتفرج عليهمم
"راهو صايم على كرشو برك "
معباليش علاش القنوات الاخرى تحترم المشاهد خاصة في رمضان -_-
ربي يهدينا
انا نتفرج غير في يوتيوب باسكو انا اللي نخير ماشي هوما يخيرو في بلاصتي
بارك الله فيكَ على طرح جزاك كل خير​

 

[Salah eddin]

السلام عليكم و رحمة الله و بركاته

خويا حكيم راك سلطت الضو على حاجة يندى لها الجبين و الله

يا بن عمي ... قبل رمضان تشوف هذيك لي برومو تاع قريبا و كذا ... و تشوف ق حثالة المجتمع يستضيفوهم ثما

و في التلفزيون و تشوف الحصص و لي كاميرا كاشي الي يجيبو فيهم " الفنانين " سفراء الرذيلة و الفساد ...

و الله ق تقيضك عمرك من حال البلاد و يقيضك حال البلاد وين راها رايحة ...

كاين بعض الشخصيات الي يجيبوهم ثما ... يحشم الواحد انو ينطق اساميهم على الملأ و الله

حثالة مجتمع و قوم ماناش عارفين مين طاحو في البلاد هذي ولا كيفاه حتى ظهرو للعيان و لا حيا لا حشمة

و القنوات الخاصة هذي الي لا رقيب عليها ولا حسيب ... تبث كل انواع الفساد و بدون حرج ثاني

المفروض السلطات العامة تتحرك في سبيل تقييد عمل هذي القنوات ... و فرض رقابة صارمة عليها

لكن ....تتحرك السلطات المركزية و العامة لما يشوفو القنوات هذي تتكلم في السياسة

و تتكلم فيما يمس بمكانتهم ... اما في الامور الاخلاقية و امور القيم و المبادئ ... السلطات المعنية ما تحركش ساكن في سبيل ايقاف هذا الشي

يعني و الله ق علامة استفهام كبيرة نحطوها حول هذي النقطة ....

و لجان الافتاء ... و الأئمة و النصاحين و الواعظين للأمة ... مش عارف علاه ما يخصصوش جلسات لدراسة هذي الظواهر ...

انا مش عارف علاه الائمة يهدرولنا ق على الامن و الاستقرار السياسي و ما يهدرولناش ( الا من رحم ربك ) على الامن الاخلاقي ...

لان الازمة ازمة اخلاق قبل كل شيئ ... و الله يصلح الاحوال نشالله ...

و بلا ما ننساو ... ما نلوموش فقط اللجان و المسؤولين .... نلومو ايضا شريحة كبيرة من الشعب ...ايه شريح من الشعب

الي راهم يتابعو و بشغف هذو الفنانين و يسمعولهم و الله ماني عارف الناس هذو وش من مبادئ عندهم ...

أكرمكم الله .. الملاهي الليلية هذي ... شكون لي راه يعمر فيها ؟؟؟ ... فيها المغنين صح ... و فيها هذو لي ذكرتهم

بصح هذو يمثلو 1 % من المتواجدين في الملاهي ... اما ال99 % الاخرى ... راها من الشعب و الناس الضالين الله يهديهم

الي يزورو هذي الملاهي و يشجعو في اعمال الفساد و يشجعو في ناسها و الله يهدي ما خلق ...

لذلك المسؤولية تقع على المسؤولين ... و تقع على الشريحة من الشعب الي يتبعو و خلاص في حثالة المجتمع هذو

و الله يجعل الخير

على كل بارك الله فيك خويا على الموضوع الهام ... و اسمحولنا على الاطالة لان الموضوع حساس

و صح فطوركم نشالله




​

 

[أشــواق 19]

السلام عليكم
عندك الحق خويا حكيم
انا هاذا لعام معلبليش وش راه كاين خلاص عندي كثرمن عام مشفتش قنوات جزائرية.. بصح علبالي بلي برامجهم ككل عام... واون+ في رمضان !!!! ربي يهدي ما خلق
وكيما قال الأخ @Salah eddin منلوموش غير مسؤولين الشعب ثاني عندو دخل.. اصلا شابات وشبان هذو لي راكم تحكي عليهم شكون او يسيبورتي فيهم؟؟ الشعب

ربي يجيب الخير برك ويعطيك الصحة خويا حكيم.. ​

 

[البحر الهادي]

كيف حالك أخ الكريم
سؤالي: هل يجوز من الناحية الشرعية التحدث عن هؤلاء وتتبع عثراته وماهم عليه مخالفة شرع الله ونشر للفساد
على المسلم أن يخفظ حسناته لنفسه ولايعطيها لمن لايستحقها
نصيحة أخوية

 

[أبو عاتكة]

قنواتنا هي مما يصوم عليه الانسان طيلة العام وخاصة في رمضان. ألغيت كل القنوات منذ مدة طويلة واتابع ما اخترت من قنوات لائقة حتى يرتاح القلب وينعم العقل ولا ينشغل البال بتوافه الكلام والاشكال ولا ازعج نفسي بما ينشرون سياسيا او ثقافيا او اجتماعيا...الخ
اعلم جيدا ان كل اناء ينضخ بمافيه ولا ننتظر من هذه القنوات الا ماهم عليه فلا يجيدون غيره ولا يجدون الربح في ما سواه ولن نسمع من الأئمة المعروضين عليها معارضة لها وهم يسترزقون فيها ويثنون على اصحابها ويختلطون بهم في برامجها فاعجبهم ذلك وضنوا انه مرحب بهم وسط عوائلنا امام اعين ابنائنا وبناتنا فتطاولوا وزادوا في نشر رذائلهم واوساخ عقولهم.
وكما قال أحدهم هنا ذكرهم يعطيهم قيمة ولو بذمهم والدعاء عليهم ان يرفع الله عنا بلائهم ويحفظ ابنائنا وابنائكم.ولو ان التطرق اليهم نتاج ما لم نحتمل منهم وممن يرعونهم ويستندون اليهم الا ان السكوت عنهم رضا وقبول والمسلم مطالب بلامر بالمعروف والنهي عن المنكر وهذا منكر بواح يستحق السيوف والرماح.
والنصح بالابتعاد وقطع كل ما يوصلنا بهم في القنوات او الانترنت. فهذا الزمان زمانهم والمتمسك بدينه يتقي شرهم.

 

[Hakan]

بارك الله في جميع الاخوة والاخوات الذي اثرو الموضوع
مشكلة الشعوب المسلمة والعربية انو نقطة ضعفها هي الاعلام ولو انو الاعلام قوة عالمية تقدر حتى تشعل
حرب لكن محاربة فسادهم بالنصيحة والتحذير من برامجهم هو الشيء القليل
الي في وسع الانسان شكرا للجميع بدون استثناء وحذرو اهلكم من هذه المجاري وقنوات الصرف الصحي اللي راهي في التلفاز
وربي يهدي الجميع ​

 

[Hakan]

كيف حالك أخ الكريم
سؤالي: هل يجوز من الناحية الشرعية التحدث عن هؤلاء وتتبع عثراته وماهم عليه مخالفة شرع الله ونشر للفساد
على المسلم أن يخفظ حسناته لنفسه ولايعطيها لمن لايستحقها
نصيحة أخوية

وعليكم السلام والله بخير ا خويا :
فهمت من سؤال كي شغل راك دافع عليهم من ناحية اني اغتابهم
اولا ياخويا ما تسماش غيبة اذا كان الشخص جاهر بالمعصية تاعو واليوتوب والتلفاز اكبر دليل
اتتبع عثراتهم الحمد لله ما جبت تصاورهم ما عسيتهم في حياتهم
الغناء راهم يغنو والرقص راهو يرقصو والخمر راهم يشربو انا نشوف واش كاين في الظاهر
ومتاكد مئة في المئة انو حسناتي ماهيش رايحة تروح ليهم
لانو اذا ما حذرتش من مثل هؤلاء بالاسم واللقب واش رايح نحذر مثلا
يعني هذا اللي فهمتو من سؤالك اذا كان حاجة اخرى اسمحلي مسبقا​

 

[Salah eddin]

كيف حالك أخ الكريم
سؤالي: هل يجوز من الناحية الشرعية التحدث عن هؤلاء وتتبع عثراته وماهم عليه مخالفة شرع الله ونشر للفساد
على المسلم أن يخفظ حسناته لنفسه ولايعطيها لمن لايستحقها
نصيحة أخوية

السلام عليكم

خويا الحبيب ... ممكن توضحلنا فكرتك أكثر من فضلك ؟

و نرد عليك حسب مفهومي فقط ... راك قلت هل يجوز التحدث عن عثرات هؤلاء و ما الى ذلك

لكن هناك فرق بين الحديث عن الظاهرة ... و بين الحديث عن أشخاص بعينهم

و الظواهر هذي ... راها تهم العام و الخاص ... لذلك من الضروري التحدث عنها و التطرق لها

لانو اذا ما تحدثناش عليها ... في ميزك شكون دا يتحدث عليها !!

و ما ننساوش انو النهي عن المنكر واجب ديني و أخلاقي ... و انكار المفاسد أيضا واجب ديني و أخلاقي

هذا ردي حسب ما فهمت من كلامك ... و ماذا بيا كن توضحلي أكثر مقالك

و بارك الله فيك نشالله








​

 

[Hakan]

السلام عليكم

خويا الحبيب ... ممكن توضحلنا فكرتك أكثر من فضلك ؟

و نرد عليك حسب مفهومي فقط ... راك قلت هل يجوز التحدث عن عثرات هؤلاء و ما الى ذلك

لكن هناك فرق بين الحديث عن الظاهرة ... و بين الحديث عن أشخاص بعينهم

و الظواهر هذي ... راها تهم العام و الخاص ... لذلك من الضروري التحدث عنها و التطرق لها

لانو اذا ما تحدثناش عليها ... في ميزك شكون دا يتحدث عليها !!

و ما ننساوش انو النهي عن المنكر واجب ديني و أخلاقي ... و انكار المفاسد أيضا واجب ديني و أخلاقي

هذا ردي حسب ما فهمت من كلامك ... و ماذا بيا كن توضحلي أكثر مقالك

و بارك الله فيك نشالله








​

نفس واش فهمت كي رانا نغتابو في انسان مسلم عاصي بينو وبين مولاه وقاعدين نفصحو فيه
يخي كلشي مفضوح ولا غيبة في مجاهر بالمعصية هذي يعرفها اي واحد والله اعلم من مقصد الاخ ​

 

[Salah eddin]

نفس واش فهمت كي رانا نغتابو في انسان مسلم عاصي بينو وبين مولاه وقاعدين نفصحو فيه
يخي كلشي مفضوح ولا غيبة في مجاهر بالمعصية هذي يعرفها اي واحد والله اعلم من مقصد الاخ ​

اهلا خويا حكيم ... نظن هذا مقصد الاخ ... و اذا كان هذا هو نقولو راك قالط يا خويا

اما اذا كان قصدو اخر ... فمن الاحسن يوضحلنا خونا @السحاب العابر الفكرة ...

و بارك الله فيكم





​

 

[جليلوس]

اهلا حكيم هاني جيت ليه ليه
ياودي نقولك حاجة خلاص البلاد راحت في ستين دهيه على قول المصري
وين راهم اعمدة الفن الجزائري والإسلام والثقافة حتى يجيبولنا حثالة المجتمع
يا لطيف الطف بينا يااارب وين وصلت حالت بلادنا ... بلاد مادام دليلة وخياتها
الله يجيب الخير خلاص ماقدرتش نعبر لساني قريب سرطتو وانا عطشان
بسلامة يا بلادي بسلامة يا ارض زبانة وبن مهيدي وهواري بومدين ​