خاوتي خياتي صحا رمضانكم وكل عام و انتم الى الله اقرب
توحشتكم وتوحشت اللمة ورمضان بلا اللمة سامط والله
كي فاتوا يماتكم لولين ان شاء الله يكونوا فاتوا غايا انتيييك وقاع شاكاين
ني جيت اليوم نفرغ قلبي
مانلقى غير حبابي لي يسمعولي ويشاركوني الراي
المهم وكما تعرفون القنوات الجزائرية العام كامل الجزائري منايفها ماشيوفها مايندب بيها
كي يجي شهر رمضان المبارك الواحد يبغي يفاجي على روحو يتفرج شوي
بصح هاد العام بووووم الكاميرا كاشي في كل قناة عفوا في كل صرف صحي مع كل احتراماتي
مابقا للحشمة ولا للحياء اثر خلاص تبخر كلش
هاد القنوات حيرتني يعني لازم تتجرأ وتعرض فناني عفوا اصحاب الملاهي وتدخلهم لبيوتنا
يعني عندهم نورمال يشوفوها قدام والديك وحدة تقايس بطالوها وحدة تهرس في مواعينها
ولي تحيرك نفس البنادم كل يوم نشوفه في 5 ايام من شهر رمضان وفي كل قناة
زعما كيفاه والله مافهمت
والكلام الطايح السوقي ماينحوهش من فامهم يعني منكم صح رانا في شهر الرحمة والغفران
شهر العفة والحياء موحال .... راني خايف كاش نهار يخرجلي واحد فيهم ويقولي رمضان هاد العام كاميرا كاشي اجلوه العام الجاي
استغفر الله ولا حول ولا قوة الا بالله
سمحولي طولت شوي
مي كان لازم نفرغ لازم خلاص وصلت لحدها بزاااف مرGوها بن عمي وين رايحين بهاد العقلية
واش رايكم في الكاميرا كاشي هاد العام ؟؟
اهلاااااااا استاذنا جلال ياسيدي هذي غيبة كي الهلال تاع رمضان هههه
ان شااء الله راك بخير البارح برك حكيت على هذا الموضوع رمضان شهر {{الشباب والشابات }}
يعني والله غير ذنوب الامة كامل في رقابهم الواحد لازم ينحي هذو القنوات
في الشهر الفضيل وفي غيرو لانو مضارها وخيمة
من اللي روبرتاج نتاع المخنثين الى تجار المخدرات يعني حابين يصنعو مجتمع منحل اخلاقيا
والله غير الواحد رجع يحل في فمو كي يشوف فاسقات الكباريهات في القنوات
هذا وان دل فانما يدل على انو صاحب القناة او اللي عرض الفنانة هذي موالف يسهر عندها
ربي يهدينا ويهديهم
اهلاااااااا استاذنا جلال ياسيدي هذي غيبة كي الهلال تاع رمضان هههه
ان شااء الله راك بخير البارح برك حكيت على هذا الموضوع رمضان شهر {{الشباب والشابات }}
يعني والله غير ذنوب الامة كامل في رقابهم الواحد لازم ينحي هذو القنوات
في الشهر الفضيل وفي غيرو لانو مضارها وخيمة
من اللي روبرتاج نتاع المخنثين الى تجار المخدرات يعني حابين يصنعو مجتمع منحل اخلاقيا
والله غير الواحد رجع يحل في فمو كي يشوف فاسقات الكباريهات في القنوات
هذا وان دل فانما يدل على انو صاحب القناة او اللي عرض الفنانة هذي موالف يسهر عندها
ربي يهدينا ويهديهم
اهلا بيك حكيم خويا عاش من شافك توحشتك يا سي
صحا رمضانك وربي يتقبل منا ومنكم صافا شويا ولا ؟
راك تشوف خويا والله الواحد ولا يحشم يبدل من قناة لقناة
حشموا رواحهم وبهدلوا برواحهم انا نقولك حاجة
ذنبهم على لي جابهم وذنوب الشعب كاملة عليهم ... القذارة والدناءة عنوانهم
ربي يجيب الخير والله غير مخك يتكودا
الله يرزق الهداية ويثبت علينا العقل والشهادة ...
دوك نجي ندير دورة عندك قالولي راك تقسم الشهادات العليا هههههه
السلام عليكم أهلا بيك خويا جليل ان شاء الله أحوالك بخير؟ ومرحبا بيك معنا والله يا خويا أنا صراحة الكاميرا كاشي طيشتها هادا شحال اصلا الوقت لي يلعبو فيه لي كاميرا كاشي نكون نغسل في لماعن هههه مانجي نخلص لماعن نرتح شوي هكا يلحق العشاء حتى البرامج الفكاهية كنت واحد الوقت نعاود نتفرج الحلقة فليل مثلا ورا صلاة العشاء نتفرج في اليوتيوب الحلقة ولا درك والون هاد العام نحيت التفراج خلاص كي نبدل القناة ونطيح في حاجة نشوفها صدفة وكي ماكانش نورمال كلشي يتعاود ورا رمضان طبعا اذا كان برنامج يستحق المشاهدة اما هاد لي كاميرا كاشي لي رانا نشوفو فيهم ليوم صراحة بلا مانلحقو للناس هادوك الفاسدين الكاميرا كاشي في حد ذاتها ولات فيها أذية للناس واعتداء على حقوقهم وخصوصياتهم ولات فيها مضرة مابقاتش ضحكة وفرحة ولات ناس تضحك وناس خلاف تتعذب، 77 كاميرا كاشي في القناة الواحدة وكامل فيهم أذية وكامل فيهم كلام بذيء ماكانش كاميرا تعدي وماتسمعش فيها طييط ولينا نحشمو نتفرجو حاجة مع عايلتنا أما هادوك الناس لي راهم يعرضو فيهم كيما قلت في موضوع حكيم الشعب يتحمل جزء كبير من عرض هاد الفئة على القنوات الجزائرية، لو ماكانوش شبابنا يسمعوهم ويهتمو بأمرهم كن مستحيل قناة تجيبلك شخص ماتربحش من خلالو مشاهدات لكن الشعب لي عطا لمثل هاد الفئة قيمةن لدرجة غنائهم الفاسق ولا يتحط في أعراسنا ويسمعوه بناتنا ويشطحو عليه، اذن بكل تأكيد نشوفوهم في الشهر الفضيل بقى غير رمضان مالوثوهش بيهم ربي يهديهم وربي يعافينا وربي يجيب الخير شكرا خويا جليل على موضوعك ربي يهنيك خويا
السلام عليكم أهلا بيك خويا جليل ان شاء الله أحوالك بخير؟ ومرحبا بيك معنا
وعليكم السلام ورحمة الله الحمد لله بخير وانتوما خباركم؟؟
صافا معا رمضان وقاع
والله يا خويا أنا صراحة الكاميرا كاشي طيشتها هادا شحال اصلا الوقت لي يلعبو فيه لي كاميرا كاشي نكون نغسل في لماعن هههه مانجي نخلص لماعن نرتح شوي هكا يلحق العشاء حتى البرامج الفكاهية كنت واحد الوقت نعاود نتفرج الحلقة فليل مثلا ورا صلاة العشاء نتفرج في اليوتيوب الحلقة ولا درك والون هاد العام نحيت التفراج خلاص كي نبدل القناة ونطيح في حاجة نشوفها صدفة وكي ماكانش نورمال كلشي يتعاود ورا رمضان طبعا اذا كان برنامج يستحق المشاهدة هههههه تهنيتي منهم والله غير يمرضوك ويطلعولك الحمى للراس بلا فايدة
اما هاد لي كاميرا كاشي لي رانا نشوفو فيهم ليوم صراحة بلا مانلحقو للناس هادوك الفاسدين الكاميرا كاشي في حد ذاتها ولات فيها أذية للناس واعتداء على حقوقهم وخصوصياتهم ولات فيها مضرة مابقاتش ضحكة وفرحة ولات ناس تضحك وناس خلاف تتعذب، 77 كاميرا كاشي في القناة الواحدة وكامل فيهم أذية وكامل فيهم كلام بذيء ماكانش كاميرا تعدي وماتسمعش فيها طييط ولينا نحشمو نتفرجو حاجة مع عايلتنا أما هادوك الناس لي راهم يعرضو فيهم كيما قلت في موضوع حكيم الشعب يتحمل جزء كبير من عرض هاد الفئة على القنوات الجزائرية، لو ماكانوش شبابنا يسمعوهم ويهتمو بأمرهم كن مستحيل قناة تجيبلك شخص ماتربحش من خلالو مشاهدات لكن الشعب لي عطا لمثل هاد الفئة قيمةن لدرجة غنائهم الفاسق ولا يتحط في أعراسنا ويسمعوه بناتنا ويشطحو عليه، اذن بكل تأكيد نشوفوهم في الشهر الفضيل بقى غير رمضان مالوثوهش بيهم ربي يهديهم وربي يعافينا وربي يجيب الخير شكرا خويا جليل على موضوعك ربي يهنيك خويا
كيما قلتي ياختي الشعب هو لي حللهم العينين ونسبة المشاهدة لفلان وفلانة حصدت الملايين
وبهذا القناة راهي تشوف في مدخولها مايهمهاش الشعب طاب ولا انحرق
شانقوللكم يا صحاب الكاميرا كاشي ربي يهديكم وين رايحين وين
