- إنضم
- 13 أفريل 2013
- المشاركات
- 14,618
- نقاط التفاعل
- 54,537
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم أهل اللمة الكرام وأسعد الله أوقاتكم
وملأها بركة وسعادة، وصح رمضانكم وربي يتقبل منا ومنكم الصيام والقيام وصالح الأعمال
كالعادة مستحيل يعدي شهر رمضان المبارك على اللمة الغالية بدون كاميرا كاشي وبدون ضحك وبدون مقالب
وهاد العام خممنا أنا وشريكتي في الإجرام @عآشقة الجنـة باه نديرو كاميرا كاشي لأعضاء اللمة كيما كل عام ونطيحوهم في الفخ
ونعرضو المقالب هادو في حلقات باه نغيرو الجو ويكون لرمضان داخل اللمة طعم مختلف وجميل
لكن هاد المرة فكرنا أنا وأسماء وقلنا بعيدا عن كاميرا كاشي تاع فلان هدر فيك وفلان قال فيك ووين نخلي العضو هاداك يهز في قلبو
ولا نخلي العضو يغضب من عضو خلاف علاه مانديروش حاجة مختلفة يكون فيها عبرة ورحمة وتعاون
بالأخص والمعروف على ناس اللمة أنو مايجمعهمش عالم افتراضي فقط بل تجمعهم محبة وتواصل وترابط رغم أنهم داخل عالم افتراضي
فيفرحوا مع بعض ويبكيو مع بعض ويحسو ببعض، فهل يا ترى صح كامل هاد الكلام؟
نخليو الحلقات القليلة في عددها ولكن الكبيرة في معانيها وقيمها هي تخليكم تحكمو على أهل اللمة وأخلاقهم
إذن تابعوا معنا حتى الأخير، وبالاكم تنحيو التيليكوموند من يدكم وشاهدوا معنا كاميرا كاشي بعنوان
{لمة خير}
ثالث ضحية معنا في الكاميرا كاشي هي العضوة @أشرقت نفسي أو المعروفة سابقا بعضوية صفاءdz
صفصوفة مؤخرا منذ دخول الشهر الفضيل بدينا نحكيو ونتعارفو وهي تقريبا دائما متواجدة في اللمة وفي الوقت لي يناسبني بالضبط
قلت كيفاه نخليها تروح من يدي مالا؟ هيا قلت صفاء أنتِ ضحيتي التالية
لكن السيناريو تاع هاد المرة شخصي وأنا لي رايحة نلعب فيه دور الضحية فلازم نعرف كيفاه نتصرف ونعيش الجو الدرامي
لكن كيفاه ندخلها في الموضوع يا ترى؟
فجأة جاتني فكرة أو طعم صغير قلت نرميه ونشوف نتيجتوشوفو معايا واش صرا
لؤلؤة قسنطينة
(بديت المقلب مع صفصوفة بضحكة وبسؤال على الأحوال ولحد الآن مازال مارميتش الطعم
نستنى ساع صفصوفة ترد ونشوفو الخطوة القادمة
وصفصوفة في دقيقة ردت عليا)
صفاء
(راني بخير يا صفصوفة يا درا نتي بعد هاد المقلب إذا رايحة تكوني بخير
هيا رديت عليها ورميتلها طعم صغيير)
لؤلؤة قسنطينة
(راكم تشوفو آخر سؤال؟ لي طرحتو عليها؟
هاداك هو لي رايحة نستدرج بيه صفصوفة
ومن تم نبدا الدراما ونتوغل داخل الملعب
)صفاء
(وأخيرا صفصوفة عطاتني الكلمة المفتاحية
افتح يا سمسم
وحان دوري لتمهيد السيناريو)
لؤلؤة قسنطينة
(صفصوفة حست بلي راني ماش مليحة صح وفتحتلي بابها وقاتلي راني هنا نسمعلك واش مضايقكهههه ربي يكون في عونك الزينة اصلا مازال الحال لا عندك فطور خفيف يكفيك الوقت
والله يا ختي درنا الشي لي كتب ربي سبحانو (أكدولي على هاد الجملة)
وعلى هادي جيت نتكلم معاك اذا عندك وقت راهي ضايقتلي ولقيتك كاينة قلت نحكي معاك
قلت ربما عندك فكرة ولا تعاونيني يخي مانديرونجيكش؟
وزيد فرحت كي راسلتها، ربي يحفظك صفصوفة)
صفاء
(وانتِ أروع بأخلاقك غاليتي صفاء
بعدما صفاء قررت تسمعلي ونفتحلها قلبي تما بدا اللعب الصحيح
وجدو البابي موشوار راهي بدات الدراما)
لؤلؤة قسنطينة
(يدهرلي راني جايبتها قدقدربي يحفظك حبيبتي وربي يعزك وربي يعطيك ماتتمناي
الحكاية ومافيها يا ختي
شفتي موضوع تاع اليوم رايحين تفطرو عند فلان وفلانة عرضو عليا مشرفات الطبخ اني نقدم موضوع ونعرضهم
انا في الاول قلتلهم رانا نطيبو حاجة قليلة ونحشم نعرضكم على حاجة قليلة قالولي معليش المهم حاجة منك
بصح انا ماعنديش ختي صفاء غير ربي لي عالم بحالتي من لي دخل رمضان للدرك شربة مادخلتش لدارنا
نفطرو على حليب وفلون واذا كترنا نقليو معاه بطاطا وساعات ماكانش خلاص
حشمت نقولهم ماعنديش واش نحطلكم، ماحبيتش نفضح روحي
وباه نخلي صفاء تتجاوب معايا كتر دخلتلها في الصحيح)
(هيا كي زدت شفت الإداريين حطو جائزة مالية لأفضل مشرف لمعت في رأسي فكرة)ولي خلاني نحكيلك
خاطر كاينة عضوة قريبة ليا حكيتلها في بالي تفهمني ساع طيحت بيا قاتلي لو ماعندكش صح ماراكيش تكونيكتي
قاتلي بركاي ماتتسولي، وانا اصلا الكونيكسيو يخي قتلك تقيلة خلاص (طُعم آخر
ندخل دقيقة غير باه نشوفكم ونشارككم ونضحك معاكم
(صفاء مسكينة تأثرت بالسيناريو وأول ردة فعل ليها طاحت دمعتها
سامحينا على دموعك حبيبتي صفاء)
صفاء
(ربي يحفظك حبيبتي صفاء وعندك حق الناس ولات صايمة غير على الماكلة مابقاش واحد يحس بواحد
والله بكيتني علابالك ممممممممم
الله يهديهم والله وعلاش لي عندو نت غني؟؟؟؟ شكون هادي الله يهديها وانت متبريلهاش واش دخلها فيك أوووه علاااااش جرحتك متخافش ربي والله قاستني حكايتك يالحبيبة ممممم
ناس صايمة غير على الماكلة رحمة في القلوب راحت والله احتسبي لله هو يجبلك حقك ممممم حرااااام عليها جرحاتك
ربي يحفظلك قلبك الطيب
أنا أول ماقاتلي صفاء بكيتيني دمعو عينيا هههه وكنت رايحة نبطل لأنو دموعها عزاز عليا
لكن قلت نكمل شوي برك ومن بعد نكشف اللعبة)
لؤلؤة قسنطينة
صفاء
والانسان غني بأخلاقو ماش بمالو، صفصوفة مسكينة تجاوبت مع السيناريو وبانت بلي إنسانة فحلة
تقيم الناس على أخلاقهم وتحبهم كيما راهم وفي الأخير قاتلي إذا كاشما تحتاجي راني هنا
سلامتك حبيبتي وربي يهنيك هذا مانحتاج منك
تأثرت بوقفة صفاء معايا وخبرتها مباشرة بلي كانت مجرد كاميرا كاشي وبلي مجرد مقلب)
صفاء
في النهاية وضحت فكرة الكاميرا كاشي للأخت صفاء واعتذرت منها وكيما شفتو تقبلت الموضوع بصدر رحب
واستأذنتها في طرح حلقتها طبعا قبل عرضها وهي وافقت، ونعتذر من مشرفات الطبخ جبنا سيرتهم دون علمهم ههه
لب المقلب كان على العضوة الافتراضية لي جرحتني وفكرة قسم الطبخ ماكانت إلا تمهيد فقط
في نهاية الحلقة نقول للأخت صفاء نتي نعم الناس وبارك الله فيك على وقفتك وعلى قلبك الطيب
ربي يجازيك الجنة وربي يعطيك ما تتمناي، وكيما شفتو مسكينة فرحت كي كانت مجرد كاميرا كاشي يعني ماعطاهاش قلبها أنها تشوف ختها
في حالة سيئة وغاضتها أنهم جرحوني لدرجة دخلت لأحد مواضيعي وكتبتلي في رد "أنت انسانة رائعة" غير باه تطلعلي المورال
ربي يحفظها رغم أنو جمعتنا رسائل قليلة وماتعرفني مباشرة مانعرفها جمعنا عالم افتراضي فقط
ولكن القلوب لا تزال حقيقية وتنبض بنبض حقيقي ولهذا سميناها "لمة خير"
وهادو هوما أبناء اللمة الأحرار لي يساعدو غيرهم حتى بدون ما يحوسو يعرفو شكون هوما المهم يجري في عروقهم دم جزائري
نتمنى تكون هاد الحلقة عجبتكم
ماتنساوش تخليولنا رايكم في هاد الحلقة ونلتقي في حلقة أخرى ومع عضو آخر ان شاء الله
سلااام
(راني نأكد باه ماتخبرش مسؤولات الطبخ وإلا تتكشف لعبتي ههه)ربي يحفظك ختي وربي يعزك ويعطيك ما تتمناي
الكلافي تعمر بدموعي خاطر تقست صح (هنا مستحيل ماتأمنيش يعرفوني أكبر بكاية في العالم)
انا ماقلتلهاش اصلا لا ساعديني ولا عاونيني
كنت رايحة نقولها دبري عليا برك كيفاه ندير فيما يخص الموضوع تاع العرضة
لكن الناس ماترحمش ماتعرفش واش معناها والديك يشربو دواهم على فراغ ومايعرفوش واش معناها
ختك تروح تقرا وتجوز امتحانات وكرشها فارغة، يخي زعما حنا لماويين ويد وحدة وخاوة
كي يتقاس فينا واحد لاخر يتقاس معاه ويحس بيه ماش هكا والله
المهم ربي يهديها في هاد العواشر انا راني مسامحتها، واش تنصحيني حبيبتي كيفاه ندير مع تاع العرضة تاع الطبخ
بصح شرط ماتخبريش المسؤولات تاع الطبخ يعني بيناتنا برك علابالي بيك نتي بنت ناس على هادي شكيتلك
صفاء
(ربي يحفظك حبيبتي وربي يرزقك ما تتمناي، فعلا الفقر ماش عيب
والانسان غني بأخلاقو ماش بمالو، صفصوفة مسكينة تجاوبت مع السيناريو وبانت بلي إنسانة فحلة
تقيم الناس على أخلاقهم وتحبهم كيما راهم وفي الأخير قاتلي إذا كاشما تحتاجي راني هنا
سلامتك حبيبتي وربي يهنيك هذا مانحتاج منك
تأثرت بوقفة صفاء معايا وخبرتها مباشرة بلي كانت مجرد كاميرا كاشي وبلي مجرد مقلب)
صفاء
في النهاية وضحت فكرة الكاميرا كاشي للأخت صفاء واعتذرت منها وكيما شفتو تقبلت الموضوع بصدر رحب
واستأذنتها في طرح حلقتها طبعا قبل عرضها وهي وافقت، ونعتذر من مشرفات الطبخ جبنا سيرتهم دون علمهم ههه
لب المقلب كان على العضوة الافتراضية لي جرحتني وفكرة قسم الطبخ ماكانت إلا تمهيد فقط
في نهاية الحلقة نقول للأخت صفاء نتي نعم الناس وبارك الله فيك على وقفتك وعلى قلبك الطيب
ربي يجازيك الجنة وربي يعطيك ما تتمناي، وكيما شفتو مسكينة فرحت كي كانت مجرد كاميرا كاشي يعني ماعطاهاش قلبها أنها تشوف ختها
في حالة سيئة وغاضتها أنهم جرحوني لدرجة دخلت لأحد مواضيعي وكتبتلي في رد "أنت انسانة رائعة" غير باه تطلعلي المورال
ربي يحفظها رغم أنو جمعتنا رسائل قليلة وماتعرفني مباشرة مانعرفها جمعنا عالم افتراضي فقط
ولكن القلوب لا تزال حقيقية وتنبض بنبض حقيقي ولهذا سميناها "لمة خير"
وهادو هوما أبناء اللمة الأحرار لي يساعدو غيرهم حتى بدون ما يحوسو يعرفو شكون هوما المهم يجري في عروقهم دم جزائري
نتمنى تكون هاد الحلقة عجبتكم
ماتنساوش تخليولنا رايكم في هاد الحلقة ونلتقي في حلقة أخرى ومع عضو آخر ان شاء الله
سلااام
