- إنضم
- 13 أفريل 2013
- المشاركات
- 14,618
- نقاط التفاعل
- 54,537
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم أهل اللمة الكرام وأسعد الله أوقاتكم
وملأها بركة وسعادة، وصح رمضانكم وربي يتقبل منا ومنكم الصيام والقيام وصالح الأعمال
كالعادة مستحيل يعدي شهر رمضان المبارك على اللمة الغالية بدون كاميرا كاشي وبدون ضحك وبدون مقالب
وهاد العام خممنا أنا وشريكتي في الإجرام @عآشقة الجنـة باه نديرو كاميرا كاشي لأعضاء اللمة كيما كل عام ونطيحوهم في الفخ
ونعرضو المقالب هادو في حلقات باه نغيرو الجو ويكون لرمضان داخل اللمة طعم مختلف وجميل
لكن هاد المرة فكرنا أنا وأسماء وقلنا بعيدا عن كاميرا كاشي تاع فلان هدر فيك وفلان قال فيك ووين نخلي العضو هاداك يهز في قلبو
ولا نخلي العضو يغضب من عضو خلاف علاه مانديروش حاجة مختلفة يكون فيها عبرة ورحمة وتعاون
بالأخص والمعروف على ناس اللمة أنو مايجمعهمش عالم افتراضي فقط بل تجمعهم محبة وتواصل وترابط رغم أنهم داخل عالم افتراضي
فيفرحوا مع بعض ويبكيو مع بعض ويحسو ببعض، فهل يا ترى صح كامل هاد الكلام؟
نخليو الحلقات القليلة في عددها ولكن الكبيرة في معانيها وقيمها هي تخليكم تحكمو على أهل اللمة وأخلاقهم
إذن تابعوا معنا حتى الأخير، وبالاكم تنحيو التيليكوموند من يدكم وشاهدوا معنا كاميرا كاشي بعنوان
{لمة خير}
ثالث ضحية معنا في الكاميرا كاشي لنهار اليوم هي العضوة @yaso ياسمين
ياسمين كنت حاطتها في بالي من قبل لكن شفتها مسكينة تعاني مع الكونيكسيو قلت نخليها مانزيدش عليها
حتى في يوم من الأيام قاعدة ندور في اللمة الصباح وشفتها تدور قدامي ساع قلت مالا لازم نصيدها ومانراطيهاش
وقلت نشوف إذا راهي قاعدة نكمل معاها المقلب وإذا مشغولة مانزيدش عليها مسكينة
وراسلتها ودرتلها نفس السيناريو لي درتو لصفصوفة وقلت نشوف كيفاه تكون ردة فعلها
لكن المشكلة كيفاه ندخلها في الموضوع هاد المرة يا ترى؟
فجأة جاتني فكرة كالعادة واخترعت طعم جديد شوفو معايا واش صرا
لؤلؤة قسنطينة
(بديت كيما العادة المقلب بسؤال على الأحوال كتمهيد باه من بعد نقدر ندخل في الموضوع كما يجب ومايكونش مشكوك في أمري
وياسمين طولت شوي في الرد لأنها كانت مشغولة ولكن في النهاية ردت)
ياسمين
(لحسن الحظ مارديتيش عليا في البيس وإلا الحلقة تتحول لكاميرا كاشي في البيس
هيا حسيت بلي ياسمين مشغولة شوي وليت حبيت نتأكد أولا إذا راهي في وضع يسمح بالمقلب)
لؤلؤة قسنطينة
(هاد المرة ما قدرتش نبدا التوغل داخل الملعب قلت نشوف أرضية الملعب إذا صالحة أولا للعب
هيا ياسمين خبرتني أنها تكون متواجدة الصباح وإلا بعد الفطور باه نحكيلها الحاجة المهمة هادي، هيا قلت إذن حان وقت رمي الطعم
)لؤلؤة قسنطينة
(هاد المرة نحيت طُعم الإفطار لأنو يتطلب أخذ ورد وياسمين مشغولة
إذن انتقلت لخطة مغايرة وبعتلها سؤال مغاير وياسمين ماردتليش حتى من ورا الإفطار
وجاوبت بنيتها مسكينة
)ياسمين
(هيا كي ردت عليا ياسمين بعد الإفطار كنت مشغولة وماقدرتش نديرلها المقلب كما يجب لازمني معداتي لي هو الميكرو
والمعدات تاعي طايحتلها لاشارج
///الحلقة تاع اليوم حلقة الأشغال هههه أنا وياسمين نساء أعمال يحبلكم باه تحكمونا ///
المهم بما أنو تأخر الوقت نحيت فكرة القبض على ياسمين من راسي ولكن يبدو أن سحر الكاميرا كاشي
هو لي جابها لعندي وجات وحدها برجليها غدوة الصباح
ياسمين
(أكيد نقدر نحكي درك ياسمينو بعدما جهزتيلي الوضع
ولتبدأ الدراما
لؤلؤة قسنطينة
ربي يحفظك حبيبتي ياسمين اصلا ماكنتش حابة نهبلك معايا
بصح كي قلتيلي احكي كأنو ربي بعتك ليا
ولو ماحسيت فيك انك صح طفلة مليحة مانحكيلك
الحكاية ومافيها يا ختي
شفتي موضوع تاع اليوم رايحين تفطرو عند فلان وفلانة عرضو عليا مشرفات الطبخ اني نقدم موضوع ونعرضهم
يخي تعرفي الموضوع هاداك
انا في الاول قلتلهم رانا نطيبو حاجة قليلة ونحشم نعرضكم على حاجة قليلة قالولي معليش المهم حاجة منك
بصح انا ماعنديش ختي ياسمين غير ربي لي عالم بحالتي من لي دخل رمضان للدرك شربة مادخلتش لدارنا بابا قريب 3 اشهر ماسلكش
نفطرو على حليب وفلون واذا كترنا نقليو معاه بطاطا وساعات ماكانش خلاص
(التمهيد تاع اليوم زدتلو شوي بهارات وذكرت فيه الأجر وكلشي
باه نزيد للدراما تشويق وحماس ونزيدولها شوي دموع )
(ياسمين مسكينة تأثرت بحالتي الافتراضية وحكمت دمعتها على اللخر لكن قلبها ومشاعرها ماقدرتش تحكم فيهم
وحبت تطلعلي المورال وتنصحني بكلماتها الطيبة
) ياسمين
(ربي يحفظك حبيبتي على كلامك الطيب وربي يدوم النعمة عليكم وربي يهنيكم
وفعلا شهر رمضان ماش شهر ماكلة وشهر رحمة وتعاون لكن كاين لي يعاير خوه على بسبب الفقر)
(قاستني ياسمين صراحة بكلامها هادا، وقاستني لما قاتلي نتمنى تبعتيلي ضحكةحبيت نقلك يا مريم اختي متعمري راسك بوالو
وانسيهم و الرزق على ربي ماشي العبد
و الجائزة المالية زعما راسها هي حابة بلاك تكون من الفائزين مايهمناش فيها قاع يهمني شي واحد هو انتي متزيديش تبكي
(حبيبتي ربي يحفظك حتى أنا تهميني نتي برك
خاصة ناس كيما هاك نورمالو ميجرحوكش كامل بصح متغيضكش راكي برك عرفتي مكانتهم عندك و نزيد نضحكك علا روحي انا راني حابة لو كان نربح و نقولها قدام الجميع لخاطر هذاك بالنسبة ليا هو مجرد تحدي و قيمته المالية لا تعني شيئ صحيح دايما كان يعنينا نشوفو اللمة و اهلها بخير
مريومة اختي نتمتى لو كان تبعتيلي ضحكة من عندك و راني حاسة بيك و اعرفي بلي الرزق على ربي بلاك ربي يفرج عليك بخدمة وعلى والديك ربي حنين كريم متقطعيش الامل
وهذا دليل أنو قلبها معايا وتأثرت بالوضع تاعي من أول كلمة قلتها
ربي يحفظك حبيبتي ياسمين ويرزقك على قد قلبك الطيب ونتي تستاهلي ابتسامات العالم كامل ليك
)لؤلؤة قسنطينة
(ياسمين بعدما قلتلها دبري عليا كيفاه ندير مع المسابقة طلبت مني أمر يا درا واش هو ولماذا؟
) ياسمين
(تعرفو علاه طلبت مني ياسمين الايميل؟
كانت ناوية تتحدث معايا فيما يخص الدراهم وكانت ناوية ترسلي مبلغ نعاون بيه روحي
رغم أنو ماعندها حتى إثبات أني صح ماعنديش ولا حالتي سيئة وهكاك وقفت معايا وحبت تساعدني بملغ مالي
)(تأثرت بزاف بوقفة ياسمين معايا وخبرتها مباشرة باه ماتزيدش تشقى بلي كانت مجرد كاميرا كاشي وبلي مجرد مقلب)
ياسمين
واااااااااااااااااااااااااااااااااااااااااااع هذي باش تسمعيها من بشار لقسنطينة
يا مريم وش عملتي فيا و بقى في خاطري برك هذ البنت و نقول مال قلبها قاسي لهذ الدرجة بصح بيناتنا لو كان جات اي عضوة يمكن منامنهاش بصح انتي قلت والو اكيد مراحش تكذبي و زيد خدمتيها مليح مليح مشكيت فوالو خاصة هذاك السؤال الاول وقت قلتيلي اذا انت من مشرفات الطبخ (هاداك هو الطعم تاعي هههه)
يامريم لو كان نحكمك وتشوفي
مع هذا معليش صح قلبي راهو يخبط معليش كنت نقلك في الايميل باش نقدر نساعدك نبعثلك مبلغ يعاونك و طبعا راني عارفة مراحش تقبلي .
راكي حكمتيني انتي من العصب الحساس اسيدي صحيتي معليش نكبر و ننسى بصح اممم عرفت شعور لي يطيحو في الكاميرا كاشي
في النهاية وضحت فكرة الكاميرا كاشي للأخت ياسمين واعتذرت منها وكيما شفتو تقبلت الموضوع بصدر رحب
واستأذنتها في طرح حلقتها طبعا قبل عرضها وهي وافقت، وكالعادة نعتذر من مشرفات الطبخ جبنا سيرتهم دون علمهم ههه
لب المقلب كان على العضوة الافتراضية لي جرحتني وفكرة قسم الطبخ ماكانت إلا تمهيد فقط
كملاحظة اختياري لعضوة اليوم وفي هذا اليوم بالضبط لم يكن صدفة، حبيت نختار عرض حلقة ياسمين
في هذا اليوم بالذات لأنو يوم ميلادها والموافق لــ 06 جوان وبهذا المناسبة السعيدة نقولها عيد ميلاد سعيد غاليتي
وكل عام وأنتِ من الله أقرب وربي يفرحك وربي ينجحك ويعطيك ما تتمناي يارب
وماتنساوش تقولولها عيد ميلاد سعيد ماتحشمونيش
وفي نهاية الحلقة تاع اليوم نقول للأخت ياسمين نتي بنت ناس ومعدنك اصيل وبارك الله فيك على وقفتك وعلى قلبك الطيب
ربي يجازيك الجنة وربي يعطيك ما تتمناي، وربي يحفظك رغم أنو ماكنتش كاينة حاجة تأكد أني محتاجة لكن ماترددتيش في المساعدة
وكيما قلتها من قبل جمعنا عالم افتراضي فقط ولكن القلوب لا تزال حقيقية وتنبض بنبض حقيقي ولهذا سميناها "لمة خير"
وهادو هوما أبناء اللمة الأحرار لي يساعدو غيرهم حتى بدون ما يحوسو يعرفو شكون هوما المهم يجري في عروقهم دم جزائري
نتمنى تكون هاد الحلقة عجبتكم
ماتنساوش تخليولنا رايكم في هاد الحلقة ونلتقي في حلقة أخرى ومع عضو آخر ان شاء الله
سلااام
